मंगलवार 8 नवंबर 2022 की दैनिक मुरली

08-11-2022 praatahmurli om shanti "baapdaada"' madhuban

“meethe bachche - tumhaari roohaani yaatra bahut gupta hai jo tumhein buddhiyog se karte rehna hai, ismen hi kamaai hai''

prashn:- yaad ki yaatra par rahne vaale bachchon ki nishaani kya hogi?

uttar:- woh bahut gambheer aur samajhdaar honge। sada shaantachit rahenge। 2- unmein ashuddha ahankaar nahin hoga। 3- unhein sivaae ek baap ki yaad ke aur koi bhi baat achhi nahin lagegi। 4- woh bahut kam aur dheere bolenge। woh har kaam eeshaare se karenge। jor se bolenge va hasenge nahin। 5- unki chalan bahut-bahut royal hogi। unhein nasha hoga ki ham eeshvareey santaan hain। 6- aapas mein bahut pyaar se rahenge। kabhi loonpaani nahin honge। unki vaacha bahut first class hogi।

geet:- raat ke raahi…

om shanti। bachche jaante hain ki ham raat ke raahi hain। parantu aise nahin ki tum koi raatri ko hi buddhiyog lagaate ho va musaaphiri par ho, nahin। yeh to behad ki baat hai। vo jismaani yaatra sirf din mein hi hoti hai। raatri ko nahin jaate hain। raatri ko to sab so jaate hain। is yaatra ko to tum jaano athva baap jaane arthaat niraakaar parampita paramatma jaane aur niraakaari aatmaayen hi jaanen। abhi parampita paramatma shareer mein baith yeh yaatra sikhlaate hain। yeh kabhi na koi shaastra mein suna, na koi vidvaan pandit sikhla sakte hain। yeh yaatra raat ko bhi, amritvele bhi har samay ho sakti hai। bhakta log savere uthkar kothri mein baith jaate hain। pooja karte hain। tumko bhi kaha jaata hai ki savere yaad ki yaatra achhi hogi। yeh hai roohaani yaatra। bachche dehi-abhimaani bane hain। ham aatma hain, yeh nishchay karna bhi maasi ka ghar nahin hai। ghadi-ghadi bhool jaate hain। bahut bachche hain jo is yaatra ko jaante bhi nahin hain। buddhi mein baithta hi nahin hai। agar yaatra par chala hua hai to nitya yaatra karte rahe na। yaatra mein phir thaharna thode hi hota hai। thahar jaate hain arthaat yaatra karne ka shauk nahin hai। tumhaari hai gupta yaatra, inka varnan koi shaastra mein nahin hai। jitna yaatra par buddhi yog rahega arthaat baap ko yaad karte rahenge utna kamaai hogi। buddhi ka yog daudi pahanta hai - baap ke paas, ismen aatma-abhimaani banna hai। aadhaakalpa tum deh-abhimaani bane ho। woh aadhaakalpa ki aadat tumko is ek janma mein mitaani hai athva khatma karni hai। yeh koi woh satsang nahin hai shaastra sunne ka। tum baithe ho apne ko aatma samajh baap ko yaad karte ho। phir baap ki mat par bhi chalna hai, jo mat baba brahma dvaara de rahe hain। phir lakshan bhi achhe rakhne hain। shaitaani lakshan nahin hone chaahiye। usmein bhi jo pahla number ashuddha ahankaar hai unke baad sab aur vikaar aate hain। to apne ko aatma nishchay karna, yeh abhyaas badi mehnat ka hai। bahuton se yeh mehnat pahunchti nahin hai। kyon? takdeer mein nahin hai। is yaatra par rahne vaale ki nishaani kya hogi? woh bade gambheer aur samajhdaar rehte hain। ek baap ki yaad ke sivaae unko aur koi baat achhi nahin lagegi। shanti to bahut log pasanda karte hain। sannyaasi log bhi ekaanta mein jangal aadi mein jaakar rehte hain। parantu woh tatva athva brahm ki yaad mein rehte hain। woh yaatra to hai jhoothi kyonki brahm athva tatva koi sarvashaktimaan baap to hai nahin। aatmaon ka baap to ek hi niraakaar parampita paramatma shiv hai, jisko sab aatmaayen pukaarti hain। aatma aise kab nahin kehti, he brahm baba, he tatva baba। nahin। aatma sadaiv kehti hai he parampita paramatma, unka naam chaahiye। brahm to mahtatva rahne ka sthaan hai। baap kehte hain brahm gyaani va brahm yogi kehna yeh bhram hai। koi ne kah diya aur maan liya। bhakti mein sab jhootha raasta bataate hain, isliye dehi-abhimaani ban nahin sakte। aatma so paramatma kah diya to phir yog kisse lagaayen। baap kehte hain yeh sab mithya gyaan hai arthaat gyaan hi nahin hai। gyaan aur bhakti do akshar aate hain। aadhaakalpa gyaan aur aadhaakalpa bhakti chalti hai। baap aakar samjhaate hain ki in shaastra aadi mein bhakti ka hi varnan hai। gyaan alag cheez hai, aadhaakalpa gyaan satayug treta din। aadhaakalpa bhakti yaani raat dvaapar kaliyug। aisi sahaj baaten bhi vidvaan aachaarya nahin jaante। bilkul taakat nahin rahi hai। tum kehte ho parampita paramatma hamko padhaate hain। log to kehte hain ki paramatma sarvavyaapi hai, padhaayenge kaise? bahut maatha maarna padta hai। ek bachchi ne samaachaar likha - ek seth ne prashn poochha tum shaastra padhi ho? usne kaha paramatma ne hamko shaastron ka saar samjhaaya hai। hamaara doosra guru hai nahin। to woh apni teek-teek karne laga ki shaastra zaroor padhna chaahiye। yeh karna chaahiye। woh sunti rahi। parantu bade aadmiyon ko samjhaane ki himmat chaahiye। kehna chaahiye ki yeh theek hai। ved shaastra padhna hai parantu bhagvaanuvaach - ki inhen padhne se mere saath koi mil nahin sakte, mukti-jeevanmukti pa nahin sakte। pahli baat yeh samjhaani chaahiye - parampita paramatma ke saath aapka kya sambandh hai? bhal aap nagar seth ho sirf ek baat aapse poochhte hain? dekhna chaahiye kya javaab dete hain kyonki baap ko sab bhoole hue hain। to pahle parichay dena pade। parantu bachche aisi-aisi baaten bhool jaate hain। shreemat par chalte nahin। pahle shreemat kehti hai ki mujhe yaad karo। ek ghanta aadha ghanta sirf yaad zaroor karo। kai bachche saare din mein 5 minute bhi yaad nahin karte। yeh sab lakshanon se pata lag jaata hai। agar yaad karte ho to chalan badi royal honi chaahiye। bachchon ne raajaaon ko kab dekha nahin hai। yeh baba ka rath to bahut anubhvi hai। sabko jaante hain। koi jevar aadi lene honge to mahaaraaja aayega - sirf haath lagaaya aur gaye phir potri aapehi baat karenge। to unhon ka kitna dabadba rehta hai। tum gupta ho parantu bada royalty se chalna chaahiye। bilkul thoda bolna chaahiye। kyon? hamko talkie se sookshm, sookshm se mool mein jaana hai। bhaktimaarga mein bahut radiyaan maarte hain। geet gaate hain। yahaan tumko aavaaj bilkul nahin karna chaahiye। andar mein yeh gyaan hai ki ham aatma hain। yahaan baaki thode roz hain। ab jaana hai। shivbaaba kitna thoda bolte hain sirf eeshaara dete hain ki mujhe aur varse ko yaad karo। talk no evil, si no evil... bahut centres par achhe-achhe bi.ke. itna jor se bolte-hansate hain, baat mat poochho। baba samjhaate rehte hain। yahaan tumhaara kitna lav chaahiye। satayug mein sher gaay ikttha jal peete hain। yahaan bahut pyaar hona chaahiye। ham eeshvareey santaan hain, badi royal chalan chaahiye। ham parampita paramatma ki santaan hain। ham shreemat par chalkar behad ka varsa le rahe hain। shreemat par nahin chalte to kitni dis-service karte hain isliye time bahut lag jaata hai। vaacha badi first class honi chaahiye। school mein bachche nambarvaar hote hain। koi to bahut achha padhte hain - koi third class। gareebon ki lagan achhi hoti hai। 50 gareeb aayenge to ek saahookaar। kyon? baba hai gareeb nivaaz। mama gareeb thi। parantu baba se aage chali gai। unhein lift mil gai। baba ne ismen pravesh kiya - yeh bhi lift hai। bachchon ko dehi-abhimaani banna hai। lakshan bhi seekhne hain, tab khushi ka paara chadhega। baap kehte hain tumko sarvagun sampanna 16 kala sampoorn, sampoorn nirvikaari, pavitra aatma banna hai। inke paas aate ho to shivbaaba ko yaad karke aao। tumko yaad karna hai shivbaaba ko। yeh to govde ka chhora tha। yeh hai hi nidhanke, duhkh dene vaale chhokron ki duniya। chho kare arthaat kyon gire। maaya ne gira diya hai। baba kaaran batlaate hain ki tum bhaaratvaasi svarga ke maalik the। phir gire kyon? mujh baap ko bhool gaye। ab mujhe yaad karo to chadh jaayenge। mukhya baat hai baap ko yaad karna, gyaan ki baaten sunni aur sunaani hai। service karni hai। mama bhi service karti thi। baba jaasti nahin ja sakte। bachche kamaai karte to service karne vaale ho gaye। baba ko to ek jagah rehna hai। sabko yahaan aakar refresh hona hai। yahaan madhuban mein jo aate hain to saagar baba bahut points dete hain। pharka hai na। bhal centres par achhe-achhe hain to bhi yahaan aana padta hai। baba achhi tarah samjhaate hain। bahut achhe-achhe bachche bhi aapas mein loonpaani hain to woh auron ko kya sikhlaayenge? aapas mein baat nahin karte, kitna naam badnaam karte hain isliye baba murli chalaate hain ki kahaan bachchon ki aankh khule। parantu braahmaniyaan aapas mein milti nahin hain। baat nahin karti hain। yeh bahut badi manzil hai। baba kehte hain main aata hoon tumko vishwa ka maalik banaane। koi hathiyaar aadi nahin। na koi kharche ki baat hai। sirf baba ko yaad karo aur daiveegun dhaaran karo। aapas mein bahut meetha bolo। sabko gyaan ki baaten sunaao। tumhaara dhandha hi yeh hai। geeta ka rahasya in chitron se samjhaana hai। woh bhakti ke geet gaate hain ki he patit-paavan aao, aakar ke paavan banaao। geeta ke bhagwan ne aakar paavan banaaya hai। tum jaante ho geeta ka bhagwan hamko phir se nar se naaraayan, manushya se devta bana rahe hain। parantu apne mein gun to dekho। koi-koi ka jhooth to jaise number one dharma hai। tum bachchon ko bilkul bhi duhkh nahin dena chaahiye। kisko duhkh dete hain to jaanvar se bhi badtar hain। mukh se kuchh aur kehte hain aur aapas mein loonpaani hote rehte hain to bahut dis-service karte hain। isko hi maaya ka grahan kaha jaata hai। koi par grahchaari baithti hai to glaani karne lag padte hain। kiski grahchaari thoda samay chalti hai, kiski ant tak bhi utarti nahin hai। to bachchon ko service mein laga rehna chaahiye। baba service bigar ham rah nahin sakte। hamko kahaan bhejo। jo service hi nahin jaante to unko baba thode hi allow karenge। dekhenge inko service ka shauk hai? kehte hain baba hamko phalaani service ka shauk hai to baba bhej dete hain। service bigar kya pad paayenge। tumhaari service hi hai manushya se devta banaana। poochhna hi yeh hai ki parampita paramatma se tumhaara kya sambandh hai? baba ne kurookshetra vaalon ko direction diye hain ki bade-bade board laga do। mele mein yeh poster zaroor laga do। to sabka vichaar chalega ki yeh theek poochhte hain। yeh badi achhi baat hai। vahaan pande log aise hain jo maatha kharaab kar dete hain। dekha gaya hai - teerthon par bahut service nahin ho sakti hai। bahut samajh bhi jaate hain phir kehte hain ham agar yeh gyaan samjhaane lag pade to hamaari kamaai chat ho jaayegi। itne sab followers kahenge ki yeh bi.ke. par aashik hua hai। ismen badi samajh aur dooraadeshi chaahiye। balihaari shivbaaba ki hai, unki shreemat par chalna hai। gyaan mein badi achhi buddhi chaahiye। shreemat par chalna chaahiye। bahuton ko ahankaar aa jaata hai ki mere jaisa koi hai nahin। koi to aise buddhu hain samajhte hain ki brahma bhi kya hai? jaise ham jigyaasu hain, vaise brahma bhi jigyaasu hai। koi point mein ham teekhe hain, koi point mein karke brahma teekha jaayega। are mama baba to zaroor sabse teekhe honge। ham unhon ka saamna kyon karte hain। bahuton ko ahankaar aa jaata hai। baba kehte hain raat ke raahi thak mat jaao। bandarapna chhod do। nahin to phir sazaayen khaayenge। daiveegun dhaaran karne hain। kisko bhi kabhi ulti mat nahin deni chaahiye jo unka buddhiyog toot pade। dhootiyaan ulti mat deti hain। yeh bhi shaastron mein hai na। raam hai ek, baaki sab hain seetaayen। bachchon ki chaal badi daivi honi chaahiye। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) satya baap satya banaane aaye hain isliye kabhi bhi jhooth nahin bolna hai। sada sachche hokar rehna hai। kisi ko bhi duhkh nahin dena hai।

2) mukh se gyaan ki baaten bolni hain। vaacha bahut first class rakhni hai। kisi ko bhi ulti mat dekar dhooti-pana nahin karna hai।

vardaan:- companion ko combined roop mein anubhav karne vaale smriti swaroop bhav

kai bachchon ne baap ko apna companion to banaaya hai lekin companion ko combined roop mein anubhav karo, alag ho hi nahin sakte, kiski taakat nahin jo mujh combined roop ko alag kar sake, aisa anubhav baar-baar smriti mein laate-laate smriti swaroop ban jaayenge। jitna combined roop ka anubhav badhaate jaayenge utna brahman jeevan bahut pyaari, manoranjak anubhav hogi।

slogan:- dridh sankalp ki belt baandhi hui ho to seat se upset nahin ho sakte।