सोमवार 7 नवंबर 2022 की दैनिक मुरली

07-11-2022 praatahmurli om shanti "baapdaada"' madhuban

“meethe bachche - manushya jo baap ko bhool duban (daldal) mein phanse hue hain, unhein nikaalne ki mehnat karo, vichaar saagar manthan kar sabko baap ka satya parichay do''

prashn:- geeta ko kis dharma ka shaastra kahenge? ismen rahasya-yukta samajhne ki baat kaun si hai?

uttar:- geeta shaastra hai - brahman devi-devta dharma ka shaastra। brahman devi-devtaae namah kaha jaata hai। ise sirf devta dharma ka shaastra nahin kahenge kyonki devtaaon mein to yeh gyaan hai hi nahin। brahman yeh geeta ka gyaan sunkar devta bante hain, isliye brahman devi-devta donon ka hi yeh shaastra hai। yeh koi hindu dharma ka shaastra nahin kaha jaata। yeh bahut samajhne ki baaten hain। geeta gyaan svayan niraakaar shivbaaba tumhein suna rahe hain, shreekrishna nahin।

geet:- na woh hamse juda honge…

om shanti। baba bachchon ko baith samjhaate hain achhi tarah se। kaun sa baap? paarlaukik baap। laukik baap ko itne bachche nahin hote। paarlaukik baap ke itne bachche (aatmaayen) hain, jo yaad karte rehte hain he patit-paavan, sarva ke sadgati daata, O parampita paramatma, to pita kahkar pukaarte hain। parampita paramatma niraakaar bhagvaanuvaach। niraakaar paramatma to ek hota hai na, do nahin hote। bachchon ki buddhi mein baitha hai ki oonche te ooncha bhagwan hai। woh kahaan rehte hain? jahaan aatmaayen rehti hain। eeshvar, prabhu, bhagwan kahne se sukh ka varsa lene ki baat nahin aati। baap kahne se varsa yaad aata hai, parantu manushya baap ko nahin jaante। bhaaratvaasi drama anusaar raavan mat par apni durgati karte hain। to pahle-pahle yeh samjhaana hai ki brahma-vishnu-shankar sookshm shareerdhaari hain, manushya sthool dehdhaari hain, parantu sthool va sookshm dehdhaari ko baap nahin kahenge। baap parampita paramatma niraakaar ko kaha jaata hai। bhool kya hui jo durgati hui? baap dvaara sachchi geeta sunne se sadgati hoti hai। to koi ko bhi pahle-pahle baap ka parichay dena hai। yeh hai mool baat। parantu koi ki buddhi mein nahin baithta hai tab to baba ne yeh poster chhapvaaya hai ki geeta ka bhagwan shreekrishna bachcha hai ya parampita paramatma? geeta kis dharma ka shaastra hai? brahman devi-devta dharma ka kehna theek hai। jaise Christian ka dharma shaastra Bible hai। aise geeta ko sirf devi-devta dharma ka shaastra nahin kahenge, jab tak braahmanon ko na milaayen। kehte hain brahman devi-devtaae namah। baba ne bataaya hai devtaaon mein gyaan hai nahin। woh yeh bhi nahin jaante ki geeta koi hamaare dharma ka shaastra hai। gyaan hai braahmanon ko, sirf brahman dharma ka bhi shaastra geeta nahin kahenge kyonki baap donon dharma ki sthaapna karte hain isliye donon dharma ka shaastra kahenge। vahaan to kah dete ki hindu dharma ka shaastra hai। aarya ka bhi kah dete। aarya samaaj to dayaanand ne sthaapan kiya hai। woh bhal naya dharma hai। parantu woh koi devi-devta dharma ke nahin hain। mool baat hai geeta ka bhagwan kaun? geeta mein shreekrishna ka naam daal geeta ko khandit kar diya hai kyonki mere se buddhiyog toot gaya। geeta mein dekho baaten kitni bataai hain aur geeta paathshaala ka maan kitna hai। to abhi devta aur brahman dharma praayahlop hai। pujaari log kehte hain brahman devi-devtaae namah, unhon ko yeh maaloom nahin hai ki brahman devta kaise banen। yeh bataave kaun? baap kehte hain ki main brahma mukh vanshaavli banaae devta banaata hoon। to geeta ho gai brahman devi-devta dharma ka shaastra। sirf kahen devta dharma ka to lakshmi-naaraayan mein gyaan hai nahin, yeh baat samajhne ki hai। parantu samjhaaye kaun? shivbaaba sunaate hain ki rudra gyaan yagya se vinaash jvaala prajjavlit hui। kahaan rudra yagya, kahaan shreekrishna, farka hai। is gyaan yagya ke baad phir satayug mein koi material yagya racha nahin jaata। ab yagya rachte hain aaphat mitaane ke liye। vahaan koi aaphat hoti hi nahin jo yeh yagya rachna pade। geeta mein rudra yagya ka bhi likha hai aur yeh bhi likha hai ki bhagvaanuvaach, to geeta mein sach hai aate mein namak jitna, baaki sab jhooth hai। ab yeh vichaar saagar manthan shivbaaba nahin karenge। brahma aur brahmaakumaar kumaariyon ko karna hai। is samay manushya to ekdam duban mein phanse hue hain। duban (daldal) se nikalne mein badi mehnat lagti hai, tab to baap ko pukaarte hain। baap kehte hain tumko 5 vikaar roopi raavan par hi jeet paani hai। phir satayug mein tum jeev aatmaayen sukh mein ho। jo bhi satsang hain vahaan tum jaakar poochh sakte ho, darne ki koi baat nahin। sab andhakaar mein pade hain। maut saamne khada hai aur kehte hain abhi to kaliyug mein 40 hajaar varsha pade hain, isko kaha jaata hai ghor andhiyaara, kumbhakran ki neend mein soye pade hain। kehte hain bhakti ka phal bhagwan dene aata hai, sadgati deta hai, to durgati mein hain na। geeta mein agar shiv paramatma ka naam hota to usko sab maante। to barobar niraakaar ne raajayog sikhaaya tha। yuddha ke maidaan ki koi baat nahin hai। yuddha ke maidaan mein itna bada gyaan kaise denge? raajayog kaise sikhaayenge? mukhya dharma 4 hain, dharmashaastra bhi 4 hain। abhi to anekaanek dharma, anek shaastra, anek chitra hain। ab bachchon ki buddhi mein baitha hai ki oonche te ooncha hai shivbaaba phir neeche aao to brahma-vishnu-shankar phir saakaar mein lakshmi-naaraayan phir unki dynasty। sangam par brahma sarasvati, bas। rudra yagya jab rachte hain to shiv ka ling banaae pooja kar phir dubo dete hain। deviyon ki bhi pooja kar phir dubo dete hain। to gudde gudiyon ki pooja ho gai na kyonki unka occupation koi nahin jaante। unki mahima hai patit-paavan। to kaise paap aatmaon ko paavan banaate hain। abhi to tumko jaagkar jagaana hai arthaat baap ka parichay dena hai। baap ko jaante nahin। sirf paisa kamaate, katha sunaate rehte hain। isse kya hua! tum vidut mandali mein bhi jaakar samjhaao। is ladaai mein marna to sabko zaroor hai। is rudra gyaan yagya se vinaash jvaala prajvalit hoti jaati hai। likhte bhi rehte hain ki hamne itne bade-bade bombs banaaye hain, to kalpa pahle bhi inse vinaash hua tha। yeh sab bombs koi kalpa pahle inhonne samudra mein nahin daale the। to abhi bhi vinaash hona hai। kehte hain vinaash kaale vipreet buddhi, kaun? kaurav aur yaadav। abhi to praja ka praja par raajya hai। to yeh poster laakhon ki andaaj mein chhapaao, sab bhaashaaon mein। angreji mein to zaroor chhapvaana chaahiye। jahaan-jahaan geeta paathshaala ho vahaan baantate jaao। poster par address bhi likhi hui ho। baba direction to dete hain, karna to bachchon ka hi kaam hai। likha hua hai shivbaaba। to shivbaaba bhi baap, brahma bhi baap parantu bachchon ko varsa shivbaaba se milna hai, na ki brahma se। brahma ko bhi unse milta hai।

baba ne bahut samjhaaya hai ki geeta magazine mein bhi pahle-pahle baap ka yathaartha parichay likho, to jo brahman banne vaale honge unko jhat teer lagega। nahin to liya aur phenk diya। jaise koi bandar ko kitaab do to ekdam phenk dega, samjhega kuchh nahin। tab baap kehte hain ki yeh gyaan mere bhakton ko aur geeta-paathiyon ko dena। usmein bhi jiske bhaagya mein hoga woh samjhenge। baap kehte hain yeh to hai hi narka। yahaan jo bhi bachche aadi paida hote hain - ek do ko duhkh dete rehte hain। ek do ko kaatte rehte hain। baaki jo garud puraan mein vishay vaitarni nadi dikhaai hai, woh to hai nahin। yeh duniya to narka hai। to bachche jaante hain aaj narkavaasi phir sangamvaasi bante hain, kal phir svargavaasi banenge, isliye purushaartha kar rahe hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

raatri class - 23-3-68

oonch te oonch hai ek bhagwan maana father। kiska father? sabhi jo aatmaaen hain un sabhi ka। jo bhi manushya maatra hain unmein jo aatmaaen hain unka hai father। abhi sabhi aatmaaen jo ki part bajaane aati hain woh punarjanma zaroor leti hai। koi bahut thode lete hain। koi 84 janma lete hain, koi 80 aur koi 60। dehdhaari jo bhi manushya hain, bhal yeh lakshmi-naaraayan vishwa par raajya karne vaale hain। us samay new world mein aur koi dynasty nahin thi। jo bhi dehdhaari manushya hain koi bhi sadgati nahin de sakte। pahle pahle hai sweet silence hom। sabhi aatmaon ka ghar। baap bhi vahaan rehte hain। usko incorporeal world kaha jaata hai। baap oonch te oonch phir rahne ka sthaan bhi oonch te oonch hai। baap kehte hain main oonch te oonch hoon। mujhe bhi aana padta hai। sabhi mujhe pukaarte hain jo bhi manushya maatra hain purnajanma zaroor lena hi hai। sirf ek baap hi nahin lete hain। punarjanma to sabhi ko lena hi hai। koi bhi dharma sthaapak ho, buddha avtaar kehte hain na। baap ko bhi avtaar kehte hain। unko bhi aana padta hai। abhi sabhi aatmaaen yahaan maujood hain। vaapas koi bhi ja nahin sakte। punarjanma lete hain tab to vridvi hoti hai na। punarjanma lete lete is samay sabhi tamopradhaan hain। baap hi aakar knowledge dete hain। baap hi knowledgeful hai aadi madhya ant ki knowledge unmein hai। unko hi knowledgeful blissful kaha jaata hai। peaceful, ever pure। baaki manushya maatra pure impure bante hain। yeh lakshmi-naaraayan deity dynasty ke first hain। inko hi poore 84 janma lene padte hain। punarjanma yahaan hi lete hain। phir ant mein baap aakar sabko pavitra banaakar saath mein le jaate hain। baap ko hi liberator kaha jaata hai। is samay sabhi dharma sthaapak yahaan haajir hain। baaki thode hain jo aate rehte hain। vridvi hoti rehti hai। sarva ka sadgati daata ek hi baap hai। shantidham va sukhdhaam ka maalik banaate hain। tumheen poore 84 janma lete ho। tum jo pahle aaye the vahi phir pahle aayenge। Christ phir apne samay par aayenge। Christ mein yeh taakat nahin jo kisko vaapas le jaaye। vaapis le jaane ki taakat ek baap mein hi hai। is samay hai raavan raajya, aasuri raajya। 84 janmon mein vikaar poore pravesh kar lete hain। baap kehte hain tum deity duniya ke maalik the phir raavan raajya mein tum vikaari ban pade ho। punarjanma sabhi ko zaroor lena padta hai। dharma sthaapan kar vaapas chala jaaye yeh ho nahin sakta। unko paalna zaroor karni hai। gaaya jaata hai brahma dvaara nai duniya ki sthaapna। puraani duniya ka vinaash। nai duniya mein ek hi dharma ek hi deity dynasty thi। ab woh hai nahin। sirf chitra hain। aur sabhi dharma maujood hain sivaay ek god father ke, jo bhi dehdhaari hai punarjanma zaroor lete hain। bhaarat hai avinaashi khanda, yeh kab vinaash nahin hota। avinaashi hai। jab inka raajya tha to aur koi khanda hi nahin tha। sirf inka hi raajya tha। sooryavanshi, chandravanshi bas। aur koi nahin। nai duniya ko svarga deity world kaha jaata hai। incorporeal world ko svarga nahin kaha jaata। woh hai sweet silence hom। nirvaan dhaam। aatma ko gyaan sivaay parampita paramatma ke aur koi de nahin sakta। aatma bahut chhoti bindi hai। sabhi aatmaon ka father hai supreme soul। unko supreme father kaha jaata hai। woh kab punarjanma mein nahin aa sakte hain। is samay naatak ki pichhaadi hai। yeh saari duniya stage hai ismen khel chal raha hai। inki duration hain 5000 varsha। yeh hai purushottam sangam yug। jab ki baap aakar sabhi ko uttam te uttam banaate hain। aatmaaen avinaashi hi hain। yeh drama bhi avinaashi hai। bana banaaya khel hai। jo paas ho gaye phir usi samay par aayenge। pahle pahle yeh aaye the। lakshmi naaraayan abhi nahin hain। sachcha sachcha sat ka sang yeh hai। achha!

meethe meethe roohaani bachchon ko roohaani baap va daada ka yaad pyaar goodnight। om shanti।

dhaarna ke liye mukhya saar:-

1) vichaar saagar manthan kar manushyon ko duban (daldal) se nikaalna hai। jo kumbhakran ki neend mein soye hue hain unhon ko jagaana hai।

2) sookshm athva sthool dehdhaariyon se buddhiyog nikaal ek niraakaar baap ko yaad karna hai। sabka buddhiyog ek baap se jutaana hai।

vardaan:- sachche vaishnav ban pavitrata ki shreshtha sthiti ka anubhav karne vaale sampoorn pavitra bhav

sampoorn pavitrata ki paribhaasha bahut shreshtha aur sahaj hai। sampoorn pavitrata ka arth hai svapna-maatra bhi apvitrata man aur buddhi ko touch nahin kare - isi ko kaha jaata hai sachche vaishnav। chaahe abhi nambarvaar purooshaarthi ho lekin purooshaartha ka lakshya sampoorn pavitrata hai aur yeh sahaj bhi hai kyonki asambhav se sambhav karne vaale sarvashaktimaan baap ka saath hai।

slogan:- sahajyogi woh hai jo hath va mehnat karne ke bajaae ramneekta se purooshaartha kare।