बुधवार 9 नवंबर 2022 की दैनिक मुरली

09-11-2022 praatahmurli om shanti "baapdaada"' madhuban

“meethe bachche - baap ki gati sadgati karne ki mat va raay sabse nyaari hai, isliye gaate hain teri gat mat tum hi jaano, woh svayan apni mat dete hain

prashn:- brahmaakumaar kumaari kahlaane ke adhikaari kaun? unka svabhaav kaisa hoga?

uttar:- jo baap samaan meethe aur pyaare hain, jo kabhi matbhed mein nahin aate, vahi brahmaakumaar kumaari kahlaane ke adhikaari hain। bi.ke. ka svabhaav bahut-bahut meetha hona chaahiye। andar jara bhi kaduvaapan athva deh-abhimaan na ho।

geet:- om namo shivaae…

om shanti। sab centres ke noore ratnon ko behad ka baap samjha rahe hain, centres vaale bachche samjhenge aur sun sakenge ki baap kya samjhaate hain। dekho, is duniya mein har ek ko har ek ke liye naphrat hai। goron ko kaalon ke liye naphrat hai। samajhte hain yeh hamaare gaanv se nikal jaayen itni naphrat aati hai। itne dharma vaale hain, sab ek do se ladte jhagadte rehte hain। yeh hai hi raavan ka raajya, unka ab ant hai। manushya to jaante nahin, pukaarte rehte hain ki he patit-paavan, duhkh harta sukh karta, he liberator aao। duhkh to sabko hai hi। buddhi bhi kehti hai ki inko heaven to nahin kahenge। svarga hi sabko yaad aata hai, to zaroor abhi narka hai। nai duniya thi zaroor, phir woh shanti ke baad sukh ki duniya aayegi zaroor। vahaan is duhkhadhaam ka naam nishaan nahin hoga। abhi phir sukh-shanti ka naam nishaan nahi hai। 5 hazaar varsha pahle sukhdhaam tha। baaki sab aatmaayen shantidham mein rehti thi। yeh bhi tum ab samajhte ho jabki tumko parampita paramatma ne samjhaaya hai। kehte bhi hain shal tumko eeshvar samajh deve। aise nahin kahenge ki brahma-vishnu-shankar achhi mat den। eeshvar ka hi naam lete hain। to zaroor hai koi। is samay eeshvar ne hi mat di hogi aur saakaar mein hi aakar di hogi। likha hua hai shreemat bhagvaanuvaach sirf naam krishna ka daal diya hai। vaastav mein hai niraakaar bhagwan ki mat। to zaroor nai duniya sthaapan hui hogi। bhagwan ne to saari duniya mein phera nahin lagaaya hoga? na saari duniya aa sakti hai। na bhagwan sabke paas ja sakta hai। na sab paramatma ke sammukh ho sakte hain। kitne dher manushya hain। koi bada aadmi aata hai, unko bhi koi sab thode hi dekh sakenge। itni sab manushyaatmaaon ko baap aakar gati va sadgati dete hain। shantidham aur sukhdhaam alag-alag hain। sukhdhaam mein ashaanti nahin hoti। duhkhadhaam mein phir shanti nahin hoti। yeh sab baaten baap samjhaate hain, jo koi shaastra mein nahin hongi। bhagwan ko kaha jaata hai knowledgeful, woh sab kuchh jaante hain। unki gati va sadgati ki mat sabse nyaari hai। gaate bhi hain he prabhu tumhari gat mat tum hi jaano। jab tum bataao tab hi ham jaanen। to zaroor unko aana pade, nahin to sadgati kaise de। sarva ka sadgati daata aur sarva ka baap woh hai। sab aapas mein bhaai-bhaai hain, na ki baap hi baap hain। yeh samajh ki baat hai। parantu aasuri mat ne jo sunaaya woh maan liya। sab aasuri mat ke adheen hain। tumhaare paas ab kitni roshni hai। yeh lakshmi-naaraayan jo itni oonch sadgati ko paaye hue hain, unhon mein bhi yeh knowledge nahin rehti। trikaaldarshi baap hai, un dvaara yeh raajya paaya hai। baap kinhon ko aakar trikaaldarshi banaate hain? zaroor bachchon ko hi banaayenge। sage bachchon ko sikhaayenge phir un dvaara aur seekhenge। baap ka bachcha brahma। brahma ke bachche tum brahman। vishnu va shankar ke bachche nahin kaha jaata। gaayan hai prajaapita brahma to yeh brahma bhi pita, shiv bhi pita। donon baap thahre। zaroor brahma dvaara hi srishti rachenge। gaayan bhi hai brahma dvaara braahmanon ki sthaapna। anek dharma manushyon ke hain to ek dharma bhi manushyon ka tha। manushyon ki baat hai। jaanavron ki to ho na sake। baba ne samjhaaya hai pahla prashn poochho ki patit-paavan kaun? parampita paramatma ya ganga jal? ek phainsala karo। phir itne mele aadi par jo bhatakte hain, unse chhoot jaayenge। kehte hain patit-paavan, to buddhi oopar jaati hai। patit-paavni ganga kahne se phir buddhi paani ki taraph chali jaati hai। gyaan amrit naam suna hai to gangaajal ko amrit samajhte hain। to sabse mukhya prashn yeh hai।

baba yuktiyaan bahut bataate hain parantu kisko yaad bhi pade। bachche likhte hain bahut prabhaavit hua parantu buddhi mein baitha kuchh bhi nahin। sirf itna samajhte hain brahmaakumaariyaan achha raasta bataati hain। ghar gaye khalaas isliye pradarshani mein jab aate hain to ek-ek baat par achhi tarah samjhaakar likhaana chaahiye। saikdon aate hain, koi ki buddhi mein ek baat bhi nahin thaharti। baba ke paas aisa samaachaar nahin aata hai ki in-in mukhya baaton par bhaashan kiya। yeh school hai, teacher poochhta hai to student ko javaab dena padta hai। tum teacher hokar poochhenge to javaab denge। bachche bahut khush hote hain। tum bachche utarti kala aur chadhti kala par bhi samjhaate ho। koi mukti mein gaye, koi jeevanmukti mein gaye, sabka bhala ho gaya। sabki chadhti kala ho gai। ab phir un satopradhaan satayug vaalon ko tamopradhaan mein neeche zaroor aana hai। to yeh bhi dikhaana pade ki dvaapar se utarti kala hoti hai। chadhti kala, utarti kala ka bhi slide hai। parantu bachche samjhaate nahin। har ek baat poochhna chaahiye yeh padhaai hai, teacher hokar baithna chaahiye। baaki bhaashan kiya, stage paatri bana, yeh to common hai। yahaan to har ek baat poochhni hai। sarva ka sadgati daata, patit-paavan baap ek hai va sarvavyaapi hai? agar sarvavyaapi hai to phir baap kaise thahra? bataao, patit-paavan, gyaan ka saagar geeta ka bhagwan hai ya shreekrishna? bhagwan kisko kahenge? zaroor niraakaar ko kahenge। is hisaab se geeta khandan ho gai। geeta maai baap khandan to sab shaastra khandan ho gaye। tum siddhakar bataao ki saari duniya jhoothi hai, sab pattharbuddhi hain। paarasbuddhi hote hi hain satayug mein। pattharbuddhi hain tab to baba aakar paarasbuddhi banaate hain। jo paarasbuddhi the vahi aakar pattharbuddhi bane hain, jabki srishti ka bhi ant hai। beech ke time mein ham kah nahin sakte ki tuchchha buddhi va tamopradhaan hain। pichhaadi mein sab tamopradhaan bante hain। Christian dharma aaya to aise nahin kahenge ki tamoguni the। nahin। unko bhi sato, rajo, tamo se paas karna hai। is samay saara jhaad jadajdeebhoot hai। inka vinaash hona hai। is par achhi reeti bhaashan karna hai। aise nahin jo aaya so bol diya। bade aksharon mein yeh paheli laga do, jo sab padhen ki geeta ka bhagwan punarjanma rahit, gyaan saagar parampita paramatma ya shreekrishna? bhagwan ne hi geeta rachi aur patiton ko paavan banaaya। yaad bhi unko karte hain। ab krishna ki aatma bhi paavan ban rahi hai। is baat ko uthaate nahin hain। 5 vikaaron ke dialogue bahut karte hain। vihang maarga ki service karni chaahiye। apne ko aklamand bahut samajhte hain parantu khyaal karna chaahiye ki aklamand kaise ho sakte hain? abhi to kachche hain। har ek merchant, har ek dharma vaalon ko tumhein alag-alag nimantran dena hai। raamkrishna vaalon ka bada math hai। harijan ki bhi association hai, unke jo mukhya hain sabko nimantran dekar bulaana chaahiye। aise kaam karne vaale koi hon jo ismen lage rahen। aapas mein raay karni chaahiye। baap shreemat dete hain। mukhya probe ki baat uthaani hai। tum maataaon ko achhi tarah lalkaar karni chaahiye। kamjor nahin banna chaahiye। lekin kai braahmanon ki bhi aapas mein nahin banti hai। matbhed ke kaaran aapas mein baat bhi nahi karte hain। deh-abhimaan bahut hai। raamraajya mein jaane ke liye to laayak banna pade na। yeh hai eeshvareey raajya, ismen aasuri svabhaav vaale rah na saken। unko bi.ke. kahlaane ka bhi hak nahin hai। baap kitna meetha pyaara hai, to baap samaan banna chaahiye। koi-koi bachche kitne kaduve ban padte hain। baap kehte hain yeh to jangali kaante hain। to ek-ek baat par achhi tarah poochhkar phir likhaana chaahiye। patit-paavan paramatma ya ganga? sarva ka sadgati daata parampita paramatma ya paani ki ganga? aise chitra banaane chaahiye। projector mein bhi paheliyaan aa sakti hain। ab judge karo geeta ka bhagwan kaun? baap to direction dete hain। pahli mool baat siddha karo। alpha ko jaana to sab kuchh jaan jaayenge। beej ko jaanne se jhaad ko jaan jaayenge। tum bachchon ko bahut mehnat karni hai, sirf kehte hain bi.ke. bahut achhi service kar rahi hain, manushyon ko laabh lena chaahiye। aata ek bhi nahin hai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aapas mein raay kar vinhag maarga ki seva karni hai। kabhi matbhed mein nahin aana hai।

2) teacher ban sabhi ko alpha ki pahchaan deni hai। chadhti kala aur utarti kala ka raaz samjhaana hai। gyaan ki paheliyaan poochhkar satyata ko siddha karna hai।

vardaan:- master daata ban khushiyon ka khajaana baantane vaale sarva ki duaaon ke paatra bhav

vartamaan samay sabhi ko avinaashi khushi ki aavashyakta hai, sab khushi ke bhikhaari hain, aap daata ke bachche ho। daata ke bachchon ka kaam hai dena। jo bhi sambandh-samparka mein aaye use khushi dete jaao। koi khaali na jaaye, itna bharpoor raho। har samay dekho ki master daata bankar kuchh de raha hoon ya sirf apne mein hi khush hoon! jitna doosron ko denge utna sabki duaaon ke paatra banenge aur yeh duaayen sahaj purooshaarthi bana dengi।

slogan:- sangam ki praaptiyon ko yaad rakho to duhkh va pareshaani ki baaten yaad nahin aayengi।

maateshvari ji ke anmol mahaavaakya

1- om rato maana om japo, jis samay ham om shabd kehte hain to om kahne ka matlab yeh nahin ki om shabd ka uchchaaran karna hai sirf om kahne se koi jeevan mein phaayda nahin। parantu om ke arth swaroop mein sthit hona, us om ke arth ko jaanne se manushya ko vo shanti praapta hoti hai। ab manushya chaahte to avashya hain ki humein shanti praapta ho। us shanti sthaapan ke liye bahut sammelan karte hain parantu result aise hi dikhaai de rahi hai ki aur hi ashaanti duhkh ka kaaran banta rehta hai kyonki mukhya kaaran hai ki manushyaatma ne jab tak 5 vikaaron ko nashta nahin kiya hai tab tak duniya par shanti kadaachit ho nahin sakti। to pahle harek manushya ko apne 5 vikaaron ko vash karna hai aur apni aatma ki dor paramatma ke saath jodni hai tab hi shanti sthaapan hogi। to manushya apne aapse poochhe mainne apne 5 vikaaron ko nashta kiya hai? unhon ko jeetne ka prayatna kiya hai? agar koi poochhe to ham apne 5 vikaaron ko vash kaise karen, to unhon ko yeh tareeka bataaya jaata hai ki pahle unhon ko gyaan aur yog ka vaasdhoop lagaao aur saath mein parampita paramatma ke mahaavaakya hain, mere saath buddhiyog lagaae mere bal ko lekar mujh sarvashakti-vaan prabhu ko yaad karne se vikaar hatte rahenge। ab itni chaahiye saadhna, jo khud paramatma aakar humein sikhaate hain।

2) tumhari gat mat tum hi jaano... ab yeh mahima kiski hai? kyonki paramatma ki sadgati karne ki jo mat hai vo to paramatma hi jaanta hai। manushya nahin jaan sakta, manushya ki sirf yeh ichchha rehti hai ki hamko sada ke liye sukh chaahiye, magar vo sukh kaise mile? jab tak manushya apne 5 vikaaron ko bhasma kar karma akarma nahin banaaye tab tak vo sukh mil nahin sakta, kyonki karma akarma vikarma ki gati bahut gahan hai jisko sivaae paramatma ke aur koi manushya aatma uski gati ko nahin jaan sakta। ab jab tak paramatma ne vo gati nahin sunaai hai tab tak manushyon ko jeevanmukti praapta nahin ho sakti, isliye manushya kehte hain teri gat mat tum hi jaano। inki sadgati karne ki mat vo paramatma ke paas hai। kaise karmon ko akarma banaana hai, yeh shiksha dena paramatma ka kaam hai। baaki manushyon ko to yeh gyaan nahin, jis kaaran vo ulta kaarya karte rehte hain, ab manushya ka pahla pharz hai apne karmon ko sudhaarna, tab hi manushya jeevan ka poora laabh utha sakenge। achha।