गुरुवार 22 दिसंबर 2022 की दैनिक मुरली

22-12-2022 praatahmurli om shanti "baapdaada"' madhuban

“meethe bachche - deh-anhakaar chhod dehi-abhimaani bano, apne kalyaan ke liye yaad ka chart note karo, khaas yaad mein baitho, yaad se hi vikarma vinaash honge''

prashn:- baap ne tum bachchon ko pahla-pahla kaayda kaun sa sunaaya hai?

uttar:- pahla kaayda hai - sab kuchh dekhte hue buddhi chalaaymaan na ho। ek baap ki yaad rahe। apni pareeksha leni hai ki meri vritti dekhne se kharaab to nahin hoti hai? tumhein haath se kaam karte dil se baap ko yaad karna hai, ismen aankhe banda karne ki baat hi nahin hai।

om shanti। bhakti maarga mein aksar karke koi sannyaasi aadi jab baithte hain to okhen banda karke baithte hain। yahaan kaayda hai dekhte hue bhi chalaaymaan nahin hona hai। apni pareeksha leni hoti hai ki dekhne se meri vritti kharaab to nahin hoti hai? ham bhal dekhte hain parantu buddhi ka yog baap ke saath hai। manushya bhojan banaayenge to okhen banda karke to nahin banaayenge na। isko kaha jaata hai hath kaar de dil yaar de। karmendriyon se kaam lete raho parantu yaad baap ko karo। jaise stri pati ke liye bhojan banaati hai। haath se kaam karti rahegi parantu buddhi mein hoga ki main pati ke liye bhojan banaati hoon। tum bachche baap ki service mein ho। baap kehte hain - bachche main tumhaara obedient servant hoon। bachchon ko arthaat aatmaon ko samjhaayenge na। aatma kahegi - sweet father, aap jo hamko gyaan aur yog sikhlaate ho, ham us service mein hi busy hain। aur aapne direction diya hai ki grihastha vyavhaar mein rehte, kaam karte ghadi-ghadi mujhe yaad karte raho। tum regular yaad kar nahin sakte। koi kahe ham 12 ghanta yaad karte hain, parantu nahin। maaya ghadi-ghadi buddhiyog zaroor hataayegi। tumhaari ladaai hai hi maaya ke saath। maaya yaad karne nahin deti hai kyonki tum maaya par jeet paate ho। raavan-jeet jagatjeet। raam bhi jagatjeet the। sooryavanshi, chandravanshi jagatjeet the। to in okhon se dekhte hue buddhi baap ke saath rahni chaahiye। dekhna hai mere ko koi chalaaymaani to nahin aati hai! baap ko poora yaad karna hai। aise nahin ki main to shivbaaba ka hoon hi, yaad karne ki kya darkaar hai। parantu nahin, khaas yaad karna hai aur yeh note rakhna hai ki saare din mein hamne kitna samay yaad kiya? aise bahut hote hain jo saare din ki history likhte hain ki hamne saara din yeh-yeh kiya। zaroor achhe manushya hi likhenge। achhi chaal likhte hain to pichhaadi vaale dekhkar seekhen। buraai likhen to unko dekh aur bhi buraai seekhenge। ab baap bachchon ko raay dete hain ki tumko chart rakhna hai। knowledge to bahut sahaj hai। bhaarat ka praacheen raajayog mashhoor hai। bhakti maarga mein anek prakaar ke hathayog aadi sikhlaate hain। unhon ko yeh pata nahin hai ki baap ne kaun sa yog sikhlaaya tha? bhal koi-koi akshar bhi hain - manamnaabhav, deh sahit deh ke sab sambandh chhod maamekam yaad karo। ab unke liye sarvavyaapi kehna, yeh to wrong ho jaata hai। koi yaad kar hi nahin sakte। pattharbuddhi hone kaaran kuchh bhi arth nahin samajhte। baap samjhaate hain - mujh baap ko yaad karo। yeh meri deh nahin hai। shreekrishna ki aatma to kah na sake। niraakaar baap hi kehte hain apne ko aatma ashareeri samjho। tum ashareeri (nange) aaye the। unhonne phir naaga samajh liya hai। bhaktimaarga mein aythaartha utha liya hai। baap ne kaha - apne ko deh se alag samjho। deh ahankaar chhodo, dehi-abhimaani bano। saari aayu tum apne ko deh samajhte aaye ho। abhi yeh antim janma hai। abhi tumko dehi-abhimaani banna hai। satayug mein devtaayen aatma-abhimaani the। unko maaloom rehta tha ki ek shareer chhod doosra lena hai। khushi se puraana shareer chhod naya lete hain। sannyaasi to yeh sikhla na saken। woh kaal ko jeet nahin sakte। tum bachche kaal par jeet paate ho। woh nivritti maarga vaale hain। woh phir apne sannyaas dharma mein aayenge। pravritti maarga mein aa na saken। woh bhi bhaarat ke liye achha dharma hai। pavitra bante hain bhaarat ki mahima itni badi hai jitni baap ki badi hai। bhaarat hi pavitra tha, ab nahin hai। bhaarat sabka teertha sthaan hai। sab manushya maatra ki abhi sadgati hogi। kehte hain god father is liberator। duhkh se liberate kar shantidham mein le jaate hain। agar bhaaratvaasiyon ko maaloom hota to sarvavyaapi nahin kehte। shivjayanti yahaan manaate hain। gaate bhi hain ki he patit-paavan। niraakaar baap ko hi yaad karte hain। bhaaratvaasi hi gaate hain। sabse jaasti paavan vahi bante hain। tum samajhte ho bilkul right baaten hain। baaki shaastra to dher hain, har dharma vaale apni-apni kitaab banaate hain। naye-naye dharmon ka bahut maan hota hai। bhaaratvaasi dvaapar se girte hi aaye hain। abhi sab patit ban pade hain। saari duniya patit-paavan baap ko yaad karti hai। aise baap ka janma yahaan hota hai। somnaath ka mandir bhi yahaan hai, inko agar jaan jaayen to sab ek par hi phool chadhaayen kyonki woh sabka liberator hai। hamaara to ek doosra na koi। koi marta hai to un par phool chadhaate hain। shiv-baba to marte nahin hain। sabko shantidham le jaate hain। shiv ke mandir jahaan-tahaan hain। vilaayat mein bhi shivling ko sab poojte hain। parantu yeh pata nahin hai ki ham inko kyon poojte hain। baap svayan baith samjhaate hain ki shivjayanti ke baad shreekrishna jayanti bhaarat mein hi hoti hai। shiv jayanti ke baad nai duniya aati hai। baap aate hain puraani duniya ko naya banaane। bhaarat sabse oonch hai। naam hi hai paradise। tum sab khush hote ho ki abhi ham svarga ki sthaapna kar rahe hain shreemat par। ham khudaai khidmatgaar hain, salvation army hain। saari duniya ko raavan ki janjeeron se tum chhudaate ho। tum jaante ho baba ke saath ham bhaarat ki khidmat kar rahe hain। gaandhi ji ne foreigners se chhudaaya parantu koi sukh to nahin hua aur hi duhkh ho gaya। ladte-jhagadte rehte hain। baap kehte hain main aata hoon raavan ki janjeeron se chhudaane। raavan ki janjeeron ke kaaran anek prakaar ki janjeeren hain। satayug mein yeh hoti nahin। vahaan duhkh ki koi baat nahin। yahaan to kitne vrat nem rakhte hain। yeh sab karte hain shreekrishnapuri mein chalne liye।

ab baap bachchon ko samjhaate hain father shows san, san shows father। tum sabko ghar ka raasta bataate ho। isko bhool-bhoolaiya ka khel kaha jaata hai। bhakti mein kitna maatha maarte hain parantu baap se varsa koi le na saken। bhakti, tap, daan karte-karte maatha tekte rehte hain। raasta bataane vaala ek hi baap hai। agar koi raasta jaanta ho to bataaye। isse siddha hai ki koi bhi jaante hi nahin hain। koi ko raaste ka maaloom hi nahin hai। abhi sab machchharon sadrishya vaapis jaane vaale hain। sabke shareer khatma honge। baaki aatmaayen hisaab-kitaab chuktu kar vaapis jaayengi। inko kayaamat ka samay kaha jaata hai। manushya deepaavli par saal ka faayda nuksaan nikaalte hain। tumhaari hai kalpa-kalpa ki baat। abhi tumko 21 janma ke liye karna hai। baap ko yaad karne se jama hoga phir 21 janma koi takleeph nahin hogi। koi apraapta vastu nahin hogi। svarga ki saari praapti abhi ke purushaartha par hoti hai। yeh baaten koi shaastron mein nahin hain। abhi tum anubhav pa rahe ho। jab svarga mein chale jaate ho phir kaun baith likhenge। shaastra aadi to baad mein bante hain। shaastron mein hai ki jamuna ke kanthe par mahal the, dehli paristaan thi। birla mandir mein likha hua hai 5000 varsha pahle dharmaraaj ne va yuddhishthir ne paristaan sthaapan kiya tha। jamuna-ganga naam abhi tak chala aata hai। vaastav mein gyaan gangaayen tum ho। jamuna ka itna prabhaav nahin jitna ganga ka hai। banaaras, haridvaar mein ganga hai। vahaan bahut saadhu aadi jaate hain। vahaan jaakar kehte hain shiv kaashi vishvanaath ganga। vishvanaath ne ganga bahaai, jataaon se। aise kehte hain aur samajhte hain ganga ke kanthe par rahne se hamaari mukti ho jaayegi। bahut jaakar kaasheevaash karte hain। aage bali chadhte the। ab kehte hain hamaari mukti ho jaayegi। dekho, gyaan maarga mein kya baat aur bhakti maarga mein kya baat hai। kitna contrast hai। aadha-kalpa anek prakaar ki takleephen uthaai। deviyon par jaakar bali chadhe। abhi tum bali chadhte ho - yeh sab kuchh eeshvar ka hai। to eeshvar ka sab kuchh tumhaara hai। eeshvar ka sab kuchh hai svarga। tum to ab narkavaasi ho। baap ka bankar phir svargavaasi ban rahe ho। baba ki shreemat par poora chalna pade। shivbaaba ko to makaan aadi banaana nahin hai। woh to daata hai। yeh sab bachchon ke liye hai। shivbaaba kahenge tum bachche hi trustee hokar sambhaalo। bhaktimaarga mein kehte hain - shivbaaba yeh sab kuchh aapka diya hua hai phir jab vaapis lete hain to kitna duhkhi hote hain। ab baba tumse lete kuchh bhi nahin hain। baap sirf kehte hain inse mamatva mita do। trustee hokar grihastha vyavhaar ki sambhaal karo। baaki main lekar kya karoonga। tumhaare liye hi centre khulvaaye hain। yeh hospital aur college combined hai। health aur wealth donon milti hai। education ko source aaph income kaha jaata hai। jitna jo padhte hain woh baap se itna varsa lete hain। purushaartha poora karna chaahiye। follow father aur mother, tvamev maata cha pita… yeh hai na। woh pita aakar inmen pravesh karte hain। inse adopt karte hain। woh maata-pita thahra। ham to unki mahima karte hain। main inke mukh dvaara kehta hoon - tum hamaare ho। tumko mainne adopt kiya hai phir maataaon ki sambhaal liye sarasvati ko mukrar kiya hai। tum chhote bachche to nahin ho। baap kehte hain tum hamaare bane, achha ab trustee hokar raho। grihastha vyavhaar ki poori sambhaal karo। sabse achha hai yeh roohaani hospital kholna। shivbaaba kehte hain ham kya sambhaal karenge। brahma baba ke liye bhi kehte hain yeh kya karenge? inke paas jo kuchh tha so shivbaaba ko de diya। trustee banna padta hai। yahaan to sab kuchh bachchon ke liye kiya jaata hai। tum bachchon ko hi baba sab shikshaayen dete hain। aise nahin yeh makaan shivbaaba va brahma baba ka hai। sab kuchh bachchon ke liye hai। tum brahman bachche ho, ismen jhagde aadi ki koi baat nahin hai। sabki combined property hai। itne sab dher bachche ho, partition kuchh ho na sake। government bhi kuchh kar na sake। yeh brahman bachchon ka hai, sab maalik hain। sab bachche hain। koi gareeb, koi saahookaar - yahaan sab aakar rehte hain। koi ki property nahin hai। laakhon ki andaaj mein ho jaayenge। sab kuchh tum meethe bachchon ke liye hai। tum ho roohaani bachche। tum jitna pyaare ho utna laukik ho na saken। woh shoodra jaati ke tum brahman jaati ke, isliye unse connection toot jaata hai। sannyaasi yeh nahin kahenge yeh sab tumhaare liye hai। main bhi tumhaara hoon। shivbaaba kehte hain - main nishkaam sevaadhaari hoon। manushya nishkaami ho na saken। jo karega usko unka phal zaroor milega। main phal nahin le sakta hoon। puraani duniya, puraane shareer mein aakar pravesh karta hoon। yahaan mere liye yeh puraana shareer hai। bhakti mein mere liye bade-bade mandir banaate hain। is samay dekho main kahaan baitha hoon। kitna guhya raaz bachchon ko samjhaata hoon। baba koi satsang mein thode hi murli chalaayega। bachchon ko bahut khushi ka paara chadhta hai। baap baith bachchon ko padhaate hain। kaise aakar padhaate hain, yeh tum hi jaante ho। darne ki koi baat nahin hai। sab baap ke bachche hain। jo kuchh banta hai bachchon ke liye। aise nahin sabko yahaan aakar baith jaana hai। tumko to apne grihastha vyavhaar mein rehna hai। sab aakar ikatthe rahen to saari dehli jitna tumhaare liye chaahiye। aisa to ho na sake। phir bhi baap se yog lagaate raho to vikarma vinaash honge। aatma golden aged ban jaayegi, tab hi ghar mein jaayenge। mama baba muaaphik ijjat se paas hokar jaana hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shreemat par khudaai-khidmatgaar banna hai। baap ka show karne ke liye sabko ghar ka raasta bataana hai।

2) trustee hokar sab kuchh sambhaalna hai। kisi mein bhi mamatva nahin rakhna hai। maat-pita ke muaaphik ijjat se paas hona hai।

vardaan:- samparka sambandh mein aate sada santushta rahne aur santushta karne vaale gupta purooshaarthi bhav

sangamayug santushtata ka yug hai, yadi sangam par santushta nahin rahenge to kab rahenge isliye na svayan mein kisi bhi prakaar ki khitkhit ho, na doosron ke saath samparka mein aane mein khitkhit ho। maala banti hi tab hai jab daana, daane ke samparka mein aata hai isliye sambandh-samparka mein sada santushta rehna aur santushta karna, tab maala ke manke banenge। parivaar ka arth hi hai sada santushta rahne aur santushta karne vaale।

slogan:- puraane svabhaav-sanskaar ke vansh ka bhi tyaag karne vaale hi sarvansh tyaagi hain।