शनिवार 24 दिसंबर 2022 की दैनिक मुरली

24-12-2022 praatahmurli om shanti "baapdaada"' madhuban

“meethe bachche - sada yeh smriti mein rahe ki hamaara yeh antim 84 vaan janma hai, ab vaapis ghar jaana hai, phir apne raajya mein aana hai''

prashn:- baap pakka saudaagar hai, kaise?

uttar:- jo abhi saahookaar hain, jinhen paise ka nasha hai, baba kehte hain, tum yahaan ki apni raajaai sambhaalo। unka baap sveekaar nahin karta hai। gareebon ko hi baba oonch te oonch banaate hain। gareebon ki paai-paai saphal kar unhein saahookaar bana dete isliye baap ko pakka saudaagar kaha jaata hai।

prashn:- bachchon mein kaun si susti bilkul nahin honi chaahiye?

uttar:- kai bachche murli sunne va padhne mein susti karte hain। murli miss kar dete hain। baba kehte hain bachche ismen susta mat bano। tumhein ek bhi murli miss nahin karni hai।

om shanti। bachchon se behad ka baap poochhte hain aur jo bhi guru gosaani aadi hain woh apne followers ko bachche nahin kahenge। aajkal to achhe-achhe javaan vidvaan bhi bhaashan karte hain va bujurga maataayen athva purush hain, unmein himmat hi nahin aayegi jo kahen ki he bachchon। yeh akshar woh kah sakte hain jo grihastha vyavhaar mein hon। bachcha akshar family ka hai। baap kah sakte hain। woh sannyaasi aadi to family ke nahin hain। woh hain nivritti maarga vaale। to grihastha vyavhaar ke khyaalaat buddhi mein nahin aate। yeh to maat-pita hai to zaroor bachche-bachche kahenge। tum bhi samajhte ho behad ka baap ham bachchon ko baith samjhaate hain। poochhte hain bachchon tumhaara ghar kaun sa hai? (paramdham)। paramdham se koi samjhenge nahin। kehna chaahiye shantidham, nirvaandhaam। tumko yaad karna hai apne ghar ko। jaante ho baba aaya hua hai, hamko shrringaar kar ghar le jaayenge। phir ham sukhdhaam mein aayenge। abhi to yeh hai duhkhadhaam। inka tumko sannyaas karna hai। yeh behad ka sannyaas sivaae parampita paramatma ke aur koi sikhla na sake। woh to had ka arthaat gharbaar ka sannyaas karte hain। yeh to maat-pita hai na। maat-pita gharbaar kaise chhudaayenge? unka to dharma hi hai nivritti maarga ka। jaise aur-aur dharma hain। aarya samaaji, raadha svaami… abhi raadha ka svaami kaun hai? yeh koi bhi nahin jaante hain। vaastav mein raadhe-krishna to prince-princess hain। aapas mein donon sakha-sakhi thahre। unko raadha ka svaami nahin kahenge। jab raadha ka svaami banta hai phir naam badalkar lakshmi-naaraayan naam padega। shri naaraayan svaami hai। haan, jab tak shaadi nahin ki hai tab tak svaami nahin kahenge। yeh samajhne ki baaten hain।

baap ne bachchon se poochha apna shantidham, sukhdhaam yaad hai? yeh raavanpuri duhkhadhaam hai। puri rahne ki hoti hai। raavanpuri mein raam-seeta hain nahin। yoon to tum sab seetaayen ho aur baap kehte hain - main hoon raam। mujhe tum seetaaon ko raavan ki jel se chhudaana hai। jo saari duniya samudra ke beech mein hai, un par raavan ka raajya hai। raamraajya to satayug mein tha, jismen lakshmi-naaraayan raajya karte the। tha bhaarat par raajya। parantu us samay aur koi khanda na hone kaaran kaha jaata hai, yeh bhi vishwa ke maalik the। hain bhaarat ke maalik aur koi khandon ka naam nishaan nahin rehta। to saari duniya ke maalik thahre na, aur vahaan tumhaara meethe paani par raajya chalta hai। to yeh tum bachchon ki buddhi mein rehna chaahiye ki ab naatak poora hua hai, abhi vaapis ghar jaana hai। hamne 84 ka chakra lagaaya hai। manushyon ki buddhi mein kuchh nahin aata। aise hi suni-sunaai baat kah dete hain। tum jaante ho - ham 84 ka chakra lagaakar aaye hain। abhi hamko vaapis jaana hai। phir nayesir chakra shuru hoga। puraani duniya kaliyug se nayesir shuru nahin ho sakta। parantu naya chakra satayug se shuru hoga। yeh sab baaten tum bachchon ko hi samjhaai jaati hain, parantu kitni baaten bachche bhool jaate hain। dhaarna na hone kaaran phir woh khushi ka paara nahin chadh sakta। hamaara yeh 84 vaan antim janma hai। phir ham apne ghar jaayenge। jab tak pavitra nahin bane hain tab tak koi vaapis nahin ja sakte। janma lena hi hai। jo tum pahle-pahle the ab pichhaadi mein ho। sab dharma vaale abhi ant mein bhinna naam, roop desh, kaal mein hain। guroonaanak jisne sikkha dharma sthaapan kiya, uski aatma kahaan hai? yahaan hi bhinna naam-roop mein hai। sabko poora part bajaana hi hai। abhi tum purushaartha kar rahe ho - nai duniya mein jaane ke liye। pichhaadi mein sabko hisaab-kitaab chuktu kar phir jaana hai। guroonaanak ki aatma phir apne samay par aayegi। satayug, treta, dvaapar mein woh aa na sake। woh aati hi hai kaliyug mein। apne samay par aakar dharma sthaapan karegi। nambarvaar avtaar aate hain, jo aakar apna dharma sthaapan karte hain। pahla number avtaar hai bhagwan ka। ab niraakaar kaise avtaar le? bataate hain mainne is chole ka aadhaar liya hai। yeh apne janmon ko nahin jaante। shareer to inka hai na। gaaya bhi jaata hai - aaye desh paraaye। aur sab apne desh, apne shareer mein aate hain। haan dharma sthaapak doosre ke shareer mein aa sakte hain, phir unka naam hota hai। pavitra aatma aakar pravesh karegi। jo pahli aatma hai woh dharma sthaapan nahin karegi, jo aatma pravesh karegi vahi sthaapna karegi। sitam aadi pahle vaali aatma sahan karti hai। jaise Christ ki aatma aai woh to satopradhaan thi, unko kuchh sahan nahin karna hai। unko to pahle sato mein hi aana hai। to jo pahli aatma hai, woh sahan karti hai। duhkh to aatma ko hi hota hai na, jab shareer ke saath hai। dharmaraaj bhi shareer dhaaran karaae saza denge। aatmaon ko feel hota hai ki ham saza kha rahe hain isliye kaha jaata hai paap aatma, punya aatma। paap shareer, punya shareer nahin kaha jaata hai। sannyaasi to kah dete hain aatma nirlep hai, shareer par paap lagta hai। anek prakaar ke guru log hain। baba ne bahut gurooon ka anubhav kiya hai। baba har ek se poochhte rehte the - kyon sannyaas kiya? gharbaar kaise chhoda? batlaate nahin the। to main kehta tha ki main kaise samjhoon ki main bhi kar sakoonga va nahin? aisi-aisi baaten bade shrewdness (samajhdaari) se karte the। abhi samajhte hain ki yeh saara jo manushya srishti roopi jhaad hai inki jadajdeebhoot avastha hai। abhi phir se naya shuru hona hai। pralay to hoti nahin। shaastron mein mahaapralay dikhaai hai। woh to hoti nahin। kehte hain shreekrishna saagar mein peepal ke patte par aaya। yeh sab hain gapode।

baap kehte hain - main to aata hoon aadi sanaatan devi-devta dharma ki sthaapna karne। hamesha pahle sthaapna phir vinaash, paalna.. aise kehna chaahiye। aise nahin ki pahle sthaapna, paalna, peechhe vinaash kaho। to koi sensible sunega to kahega yeh tote muaaphik padhe hue hain। sthaapna, paalna phir vinaash kaise hoga! isliye kaaydemuzeeb correct akshar bolne hain। sthaapna, vinaash, paalna। abhi oonche te oonch baap ki tumko shreemat milti hai। dete hain brahma ke tan dvaara, yeh baba ka shareer mukrar hai। sensible bachche jo honge unko koi raay poochhni hogi to shreemat lenge। shreemat par chalne se kabhi dhokha nahin khaayenge। shivbaaba ki hi shreemat hai। baba door thode hi hai। baap dekhte hain bachche wrong chalte hain va right chalte hain। har ek ko surgeon se raay mil sakti hai। yeh hai sabse bada surgeon। koi bhi baat mein takleeph ho to baba baitha hai। shreemat par chalte raho। samjho koi gareeb bachcha hai, dhaarna achhi hai, serviceable hai, parantu gareeb hai isliye aakar mil nahin sakta। aise ko ticket bhi mil sakti hai। baap to gareebnivaaz hai na। aise to baap ko bachche chaahiye jo gareeb se gareeb ho aur padhkar oonche te ooncha chadh jaaye। aajkal sab gareeb hain। 10-20 laakh to kuchh bhi nahin hain। 10-20 karod ho to saahookaar kaha jaae। baba ne samjhaaya hai - padmapti yeh varsa le nahin sakenge। woh arpan ho na saken। na baba allow karenge। gareebon ki paai-paai saphal hoti hai। aisi kya padi hai, yeh bhi pakka saudaagar hai isliye saahookaar aate hi nahin hain। baap kehte hain tum apni raajaai sambhaalte raho।

ab tum bachche jaante ho - baba aakar sab vedon, shaastron ka saar samjhaate hain। yeh bhi baba ne samjhaaya hai - vishnu ko brahma banne mein 5 hajaar varsha lagte hain aur brahma se vishnu ko nikalne mein ek second... aur koi yeh baaten samajh na sake। baba kitna achha hisaab samjhaate hain। vishnu ki naabhi kamal se 84 janmon baad abhi brahma nikla hai। abhi brahma sarasvati so phir lakshmi-naaraayan ban jaate hain। sooryavanshi banenge phir chandravanshi banenge। yeh saara chakra buddhi mein hai। brahma so vishnu, vishnu so brahma yeh topic bahut achhi hai। saare chakra ka raaz ismen aa jaata hai। yeh sab baaten sensible bachche achhi reeti dhaaran kar sakenge aur points likhte correct karte rahenge। bhaashan jab karte hain, koi ko yaad nahin rehta to kaagaj saamne rakhte hain। tum bachchon ko orally samjhaana hai। barrister log bahut abhyaas karte hain। phir doosra vakeel argue karenge to kitaab kholkar dekhenge। phir bolenge judge saaheb dekho phalaani law book mein yeh hai। woh phir kahenge phalaane book mein yeh hai। unhon ke paas bahut points rehti hain। engineer ki bhi buddhi chalti rehti hai। to hamko aise-aise plans banaane hain। tumko bhi vichaar chalaana hai। topic ki list banaani chaahiye। is par yeh-yeh points samjhaayenge। phir saari knowledge buddhi mein aa jaayegi, phir accurate bhaashan karenge। achaanak bhaashan karenge to gad-bad hogi। yeh bhi nambarvaar practice hai। tab to jo teekhe hain unko bulaate hain, aakar bhaashan karo। samajhte hain yeh badi behen hai। bhaaeeyon mein jagdeesh hoshiyaar hai। to kahenge yeh bada bhaai hai to phir regard poora rakhna chaahiye। phir bade ka kaam hai chhoton ko sikhaana। school mein manners bhi sikhlaate hain। ismen bhi manners achhe chaahiye। daiveegun dhaaran karne hain। moody nahin banna hai। kabhi meetha, kabhi kaisa woh phir service nahin kar sakte। bahut meetha banna chaahiye। bahut pyaar se kisko samjhaana hai tab achha pad mil sakta hai। sabhi ko raazi karna hai। yeh to jaante ho baba aakar sabhi manushya maatra ko khush karte hain। sarva ke sadgati daata, sarva ko sukh-shanti dene vaala hai। prem ka saagar, sukh ka saagar hai। tumhaara baap hai to baap jaisa meetha banna pade। tum kalpa-kalpa baap ka show nikaalte ho। shiv shakti paandav sena tum svarga ki sthaapna karte ho, time lagta hai। jab tak aasuri gun badal daiveegun ban jaayen। aatma par jo junk chadhi hui hai woh kaise niklegi? yogbal se। jitna baba ki yaad mein rahenge utna kat utregi। bachchon ko murli ek bhi miss nahin karni chaahiye। bahut bachche susta hain jo kabhi murli bhi nahin padhte hain। murli mein bahut achhi-achhi points nikalti hain। to kabhi bhi murli miss nahin honi chaahiye। parantu baba jaante hain achhe-achhe bi.ke. bhi murli ki parvaah nahin karte। samajhte hain ham hoshiyaar hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sabhi ko raazi karna hai। moody dimaag vaala nahin banna hai। bahut-bahut meetha banna hai। achhe manners seekhne aur sikhlaane hain।

2) har kadam par supreme surgeon se raay leni hai। shreemat par chalte rehna hai। sensible ban har points svayan mein dhaaran karni hai।

vardaan:- trikaaldarshi sthiti mein rah drama ke har samay ke part ko dekhne vaale master knowledgeful bhav

trikaaldarshi sthiti mein sthit rahkar dekho ki ham kya the, kya hain aur kya honge....is drama mein hamaara vishesh part noondha hua hai। itna spashta anubhav ho ki kal ham devta the aur phir kal banne vaale hain। humein teenon kaalon ki knowledge mil gai। jaise koi bhi desh mein jab top point par khade hokar saare shahar ko dekhte hain to maja aata hai aise sangamayug top point hai, is par khade hokar knowledgeful ban har part ko dekho to bahut maja aayega।

slogan:- jo sada yogayukta hain unhein sarva ka sahayog svatah praapta hota hai।