बुधवार 28 दिसंबर 2022 की दैनिक मुरली

28-12-2022 praatahmurli om shanti "baapdaada"' madhuban

“meethe bachche - behad ke baap se tum bahut oonchi padhaai padh rahe ho, buddhi mein hai patit-paavan god father ke ham student hain, nai duniya ke liye padh rahe hain''

prashn:- roohaani government se izaapha kin bachchon ko milta hai?

uttar:- jo bahuton ko aap samaan banaane ki mehnat karte hain। service ka saboot nikaalte hain unhein roohaani government bahut bada izaapha deti hai। woh bhavishya 21 janmon ke liye oonch pad ke adhikaari bante hain।

om shanti। baap kehte hain bachchon ko ki mere dvaara tum meethe-meethe bachche padhaai padh rahe ho। yeh padhaai hai hi nai duniya ke liye aur koi aisa kah na sake ki ham nai duniya ke liye padh rahe hain। jitna achhi reeti padhenge utni praalabdha 21 janmon ke liye tumhaari jama ho jaayegi। behad ke baap se behad ki padhaai padh rahe hain। yeh behad ki bahut oonchi padhaai hai। baaki to sab paai-paise ki padhaai hai। to is behad ki padhaai mein jitna tum purushaartha karenge utna oonch pad paayenge। tumhaari buddhi mein sadaiv yeh baaten rahni chaahiye ki ham patit-paavan god father ke student hain aur nai duniya ke liye padh rahe hain to tumko kitna achha purushaartha karna chaahiye ki ham padhkar pahle baabul ke paas jaayenge phir apni-apni padhaai anusaar jaakar nai duniya mein pad paayenge। woh hai laukik padhaai, yeh hai paarlaukik padhaai arthaat parlok ke liye padhaai। yeh to puraana patit lok hai। tum jaante ho ham narkavaasi se svargavaasi ban rahe hain। yeh ghadi-ghadi yaad padna chaahiye tab tumhaare dimaag mein khushi chadhegi। shaadi aadi mein jaane se bahut bachche bhool jaate hain। padhaai kabhi bhoolna nahin chaahiye aur hi khushi rahni chaahiye। ham bhavishya 21 janmon ke liye svarga ke maalik bante hain। jo achhi tarah bahuton ko aap samaan banaate hain, woh phir zaroor oonch pad paayenge। yeh raaz aur koi ki buddhi mein baith na sake। service karne ka bhi akla hota hai। department alag-alag hoti hain। slide banaane vaalon ko bhi baba kehte hain ki slide ek hi size mein ho jo koi bhi projector mein chal sake। pahle-pahle slide ho parampita paramatma se tumhaara kya sambandh hai? to woh samajh jaayen ki parampita paramatma hamaara baap hai। unse varsa kya milta hai? phir dikhaana hai trimoorti brahma dvaara hamko yeh sooryavanshi pad milta hai। tum bhi purushaartha kar rahe ho nai duniya ke liye। abhi tum ho sangam par, paavan duniya banaate ho। tumhaari buddhi mein ab smriti aa gai hai। barobar ham 5 hajaar varsha pahle devi-devta the। phir raajya ganvaaya। baaki yeh raajaai aadi lete hain। woh sab had ki baaten hain। tumhaari hai behad ki ladaai, shreemat par tum 5 vikaar roopi raavan ke saath ladte ho। tum jaante ho drama mein haar jeet ka part hai। har 5 hajaar varsha ke baad yeh drama ka chakra phirta hai। to ab tum bachchon ko shreemat par chalna pade, jisko jo direction mile। bachche kehte hain ham samajhte hain parantu kisko samjha nahin sakte। yeh to aise hua jaise samjha nahin hai। jitna khud samjha hua hai utna hi pad paayenge। buddhi mein svadarshan chakra phirta hi rahe। svadarshan chakradhaari tum bante ho। doosre ko agar aap samaan nahin banaaya to serviceable nahin thahre, isliye poora purushaartha karna chaahiye। auron ko bhi sikhaana hai। braahmaniyon ko har ek ke oopar mehnat karni hai। teachers bahut mehnat karti hain tab to izaapha milta hai। tumko to bahut badi government se izaapha milta hai। service ka saboot nikaalna hai। gaphlat nahin karni chaahiye। yahaan ek class mein har prakaar ki padhaai hoti hai। tum jaante ho ham bhavishya mein jaakar devi-devta banenge। vinaash bhi zaroor hona hai। jaise kalpa pahle svarga mein makaan aadi banaaye the vahi phir banaayenge। drama madad karte hain। vahaan to bade-bade mahal bade-bade takhta banaate hain। yahaan thode hi itne bade mahal sone-chaandi aadi ke hain। vahaan to heere-javaahraat pattharon ke misal honge। bhakti mein hi itne heere-javaahraat hote hain to satayug aadi mein kya nahin hoga। bhal karke saahookaar log yahaan raadhe-krishna athva lakshmi-naaraayan aadi ko sajaate hain। sone ke jevar aadi pahnaate hain। baba ko yaad hai - ek seth tha usne bola lakshmi-naaraayan ka mandir banaata hoon, uske liye naye jevar banaane hain। us samay to bahut sastaai thi। to satayug mein kya hoga। bhakti maarga mein bahut maal the, jo sab lootkar le gaye। ab tum bachchon ko saara maaloom pad gaya hai। yeh padhaai hai bahut oonchi। chhote-chhote bachchon ko bhi sikhlaana chaahiye। raajvidya ke saath yeh bhi vidya dete raho। shivbaaba ki yaad dilaate raho। chitron par samjhaao। bachchon ka bhi kalyaan karo। shivbaaba svarga ka rachayita hai। tum shivbaaba ko yaad karenge to svarga ke maalik banenge। avinaashi gyaan ka vinaash to hota nahin hai। thoda bhi sunaane se raajdhaani mein aa jaayenge। satayug mein lakshmi-naaraayan ka raajya tha। woh phir kahaan gaya? ham tumko samjhaate hain goya tumko us svarga ke maalik bana denge। sikhaane se seekh jaayenge, mehnat karni hai। phaaltu baaton mein time vesta nahin karna chaahiye। gaphlat karne se bahut pachhtaayenge। baap dhan kamaakar bachchon ko dekar jaate hain। abhi to sabka vinaash hona hai। abhi bhi kitne ladaai-jhagde maut aadi hote rehte hain। yeh kuchh nahin hai। abhi karodon ki andaaz mein vinaash hoga, sab jal mar khatma ho jaane hain। kabristaan banna hai tab phir paristaan banega। kabristaan to bada hai paristaan to chhota hoga। musalmaan bhi kehte hain sab kabradaakhil hain। khuda aakar sabko jagaate hain aur vaapis le jaate hain। is samay sab aatmaayen koi na koi roop mein hain। kabra mein shareer pada hai, baaki aatma jaakar doosra shareer leti hai। is samay maaya ne sabko kabradaakhil kar rakha hai। sab mare pade hain। khatma hone vaale hain isliye kisi se dil nahin lagaani hai। dil lagaani hai ek ke saath। aakhreen mein tumhaara sabse mamatva mit jaayega। ek baap ko yaad karna hai bas। tum samajhte ho ham yeh padhaai bhavishya 21 janmon ke liye patit-paavan baap ke dvaara padh rahe hain। parampita paramatma manushya srishti ka beejroop hai, chaitanya hai। aatma bhi chaitanya hai। jab tak aatma shareer mein na aaye to shareer jad hai। aatma hi chaitanya hai। abhi aatma ko gyaan mila hai। har ek aatma mein apna-apna part noondha hua hai। har ek ki act apni-apni hai। wonderful drama hai, isko kudrat kaha jaata hai। itni chhoti si aatma mein kitna part noondha hua hai। yeh roohaani baaten jo supreme rooh baith tumko samjhaate hain। sair karaate hain, yeh bhi drama bana hua hai, jo drama mein noondh hai, uska saakshaatkaar karaate rehte hain। bhal khel pahle se hi anaadi bana hua hai parantu manushya nahin jaante yeh anaadi hai। tum to sab kuchh jaante ho। jo kuchh hota hai, ek second ke baad woh past ho jaayega। jo past ho jaata hai, tum samajhte ho yeh drama mein tha। baap ne samjhaaya hai - satayug se lekar kya-kya part hua hai। yeh baaten duniya nahin jaanti। baap kehte hain meri buddhi mein jo knowledge hai, woh tumko de raha hoon। tumko bhi aap samaan banaata hoon। yeh to jaante ho saari duniya bhrashtaachaari hai। ab pahle-pahle paavan banna aur banaana hai। tumhaare sivaae koi pavitra bana na sake।

ab baap ki shreemat par chal daiveegun dhaaran karne hain। bahut meetha bolna hai। koi bhi kadua bol na nikle। sab par raham karna hai। tum sabko sikhla sakte ho - bhagvaanuvaach manamnaabhav। unko yeh pata nahin hai ki bhagwan kaun hai aur usne kab geeta sunaai। tum abhi samajhte ho bhagvaanuvaach - ashareeri bano। deh ke sab dharma, main musalmaan hoon, paarsi hoon, yeh sab chhod do। yeh kaun kehte hain? aatmaayen to sabhi aapas mein bhaai-bhaai hain। ek baap ke bachche hain। aatmaayen apne bhaaeeyon ko samjhaati hain ki baap kehte hain maamekam yaad karo to tum muktidhaam mein jaayenge। sab nirvaan-dhaam jaane vaale hain। do akshar bhi yaad kar samjhaana chaahiye। bhagwan sabka ek hai। shreekrishna to ho na sake। ab baap kehte hain deh ke sabhi dharma tyaag maamekam yaad karo। aatma prakriti ka aadhaar lekar yahaan part bajaati hai। Christ ke liye bhi kehte hain ki abhi woh beggar hai। sabhi ki puraani jutti hai। Christ ne bhi zaroor punarjanma liya hoga। abhi to last janma mein hoga। in messengers ko bhi baap hi aakar jagaate hain। patiton ko paavan banaane vaala ek hi baap hai। sabhi ko punarjanma lete-lete neeche aana hi hai। abhi kaliyug ka ant hai। aage chalkar yeh bhi maanenge। aavaaj niklega ki baap aaya hua hai। mahaabhaari ladaai mein bhagwan ka naam hai na। parantu naam badli kar diya hai। vinaash aur sthaapna yeh to bhagwan ka hi kaam hai। baap hi aakar svarga ke dvaar kholenge। tum bulaate ho baba aao, aakar vaikuntha ka dvaar kholo। tumhaare dvaara baap aakar dvaar kholte hain। tumhaara naam baala hai - shiv shakti sena। tumko paandav kyon kehte hain kyonki tum roohaani pande ho, svarga ka raasta bataate ho। baap baith sabhi shaastron ka saar bataate hain। in baaton ko samjhenge vahi jinhonne kalpa pahle samjha hai। ham aatmaayen pande hain sabko shantidham mein le jaayenge phir sukhdhaam mein aana hai। duhkhadhaam ka vinaash hona hai - iske liye yeh mahaabhaarat ladaai hai। tumhaari buddhi mein saari detail hai। manamnaabhav, madhyaajeebhav inmen saara gyaan aa jaata hai। jaise baba knowledgeful hai, tum bachche bhi bante ho। sirf divya drishti ki chaabi main apne paas rakhta hoon। iske badle phir tumko vishwa ka maalik banaata hoon। main nahin banta hoon। yeh farka rehta hai। divya drishti ka part bhi tumhaare kaam mein aata hai। bhaavna ke bhoogre (chane) de dete hain। baba ne samjhaaya hai - jagat amba ka kitna mela lagta hai। lakshmi ka itna mela nahin lagta। kitna farka hai। lakshmi ke chitra ko tijori mein rakhte hain ki dhan milega। bhakti maarga mein milte hain bhoogre (chane) gyaan mein milte hain heere। lakshmi se sirf dhan maangate hain। unko aise nahin kahenge ki bachcha do, tandaroosti do। jagat amba ke paas sab aashaayen le jaate hain।

abhi tum samajhte ho ham poojya the, ab pujaari bane hain phir poojya bante hain। gyaan se roshni mil gai hai bachchon ko। tum kitne niraale ban gaye ho। gyaan anjan satguru diya… tum drama ke aadi-madhya-ant ko jaan gaye ho। buddhi mein aa gaya hai to tumko is padhaai ka kitna kadar rehna chaahiye। woh padhaai tum janma-janmaantar padhte aaye ho, milta kya hai? bhoogre (chane)। yeh padhaai ek janma padhne se tumko heere-javaahraat milte hain। ab purushaartha karna to tum bachchon ka kaam hai। nahin padhte hain to ismen teacher kya karenge? kripa ki to yahaan baat hi nahin। sangam par devtaaon ki saari raajdhaani sthaapan ho rahi hai। yogbal se tum apne vikarmon ka vinaash karte ho aur gyaan bal arthaat knowledge se tum kitna oonch bante ho। gyaan saagar aur gyaan nadiyon dvaara snaan karne se sadgati hoti hai। bachchon ko samjhaane ki yuktiyaan milti rehti hain। drama plan anusaar jo kalpa pahle samjhaaya hai vahi samjhaate rehte hain। bachche bhi nambarvaar aate rehte hain। brahman kul ki vriddhi honi hi hai। tum bachchon ko mahaadaani banna hai। jo koi aaye unko kuchh na kuchh samjhaate raho। shankhadhvani karni hai। yahaan jitni tum dhaarna kar sakte ho utni ghar mein nahin hoti। shaastron mein bhi madhuban ka gaayan hai vahaan murli bajti hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) padhaai ka bahut kadar rakhna hai। baap se kripa aadi nahin maangani hai। gyaan aur yogbal jama karna hai।

2) merciful banna hai। mukh se kabhi kaduve bol nahin bolne hain। sada meetha bolna hai। aap samaan banaane ki seva zaroor karni hai।

vardaan:- vikaaron roopi saampon ko gale ki maala bana dene vaale sachche tapasvi bhav

ye paanch vikaar logon ke liye jahreele saamp hain lekin aap yogi tapasvi aatmaon ke liye ye saamp gale ki maala ban jaate hain isliye aap braahmanon ke aur brahma baap ke ashareeri, tapasvi shankar swaroop ke yaadgaar mein saampon ki maala gale mein dikhaate hain। saamp aapke liye khushi mein naachne ki stage ban jaate hain, yeh adheenta ki nishaani dikhaai hai। sthiti hi stage hai। to jab vikaaron par itni vijay ho tab kahenge sachche tapasvi।

slogan:- puraane sansaar va sanskaaron se marna hi jeete ji marna hai।