मंगलवार 27 दिसंबर 2022 की दैनिक मुरली

27-12-2022 praatahmurli om shanti "baapdaada"' madhuban

“meethe bachche - tumhein abhi gyaan ka teesra netra mila hai, tum jaante ho har 5 hajaar varsha baad bholaanaath baap dvaara ham yeh gyaan sunkar manushya se devta bante hain''

prashn:- gyaan ki dhaarna na hone ka mukhya kaaran kya hai?

uttar:- buddhi bhatakti hai, ek ke saath poora yog nahin hai। dehi-abhimaani nahin bane hain isliye dhaarna nahin hoti hai। baba kehte bachche, familiarity mein nahin aao। ek do ke naam-roop ko mat yaad karo। ek baap doosra na koi - yeh paath pakka kar lo, doosron ke pichhaadi na pado। baap se raay lete raho, isse tum duhkh se liberate ho jaayenge। dhaarna bhi achhi hogi।

geet:- bholenaath se niraala…

om shanti। bholaanaath hai dene vaala। bholaanaath shivbaaba ko to kehte hi hain। bholaanaath hokar gaya hai aur barobar bigdi banaakar gaya hai। aadi-madhya-ant ka raaz bataakar gaya hai, isliye bhagat gaate hain। tum bachche jaante ho jis bholaanaath ka gaayan hai, jo bigdi ko banaane vaala hai, woh hamaare sammukh baitha hai। bhagat bhagwan ko yaad karte hain, unki mahima gaate hain aur baap apna part baja rahe hain। baap ne hi aakar apna parichay diya hai, bachchon ko। bachchon ki buddhi mein baitha hai ki baba jo samjhaate hain woh barobar kalpa-kalpa samjhaate hain। kalpa-kalpa aakar patit duniya ko paavan duniya banaate hain। abhi bana rahe hain। bahuton ko abhi pata pada hai। abhi bahut hain jinhon ko pata nahin hai - varsa lene vaale honge to kalpa pahle muaaphik aakar varsa lenge। tumko pahle thode hi yeh maaloom tha ki baba aakar varsa denge। abhi maaloom pada hai। barobar bhakton ka rakshak hai। aadi-madhya-ant ka gyaan sunaate hain। unko gyaan ka saagar kaha jaata hai। dil se lagta hai barobar yeh vahi hain jo bhaarat mein aakar janma lete hain। inka alaukik janma gaaya hua hai। bhaaratvaasiyon ko aakar patit se paavan banaate hain। patit manushya jo bulaate hain woh zaroor samajhte honge ham paavan the, ab patit bane hain, phir paavan banna hai।

abhi baap dvaara teesra netra milne se tumne yeh sab kuchh samjha hai। tum bachchon ka saara din vichaar saagar manthan chalta rahega। satayug mein paavan kaun the? barobar devi-devta hi the। us samay aur koi dharma nahin tha। devtaaon ke chitra bhi hain aur koi naam nahin lenge। aise nahin kahenge chitra hain। shri lakshmi devi, shri naaraayan devta। abhi woh nahin hain। jab woh the to aur koi dharma nahin tha। tum bachchon ki buddhi mein hai ki baba hamko satya katha sunaate hain। to log kehte hain yeh gyaan to hamne suna nahin hai kyonki unko drama ke raaz ka to pata nahin hain। tum kahenge yeh to kalpa-kalpa tum sunte aaye ho। kya 5 hajaar varsha pahle nahin sunaaya tha? phir yeh kyon kehte ho aage kabhi nahin suna hai। kalpa pahle jisne sunaaya tha us dvaara tum abhi bhi sun rahe ho। achhi reeti samjhaana chaahiye। tumne to 5 hajaar varsha pahle bhi yeh gyaan suna tha। devtaaon ko 5 hajaar varsha hue hain। unhon ko manushya se devta kisne banaaya? abhi bhi vahi baap phir se banaayega। 5 hajaar varsha baad phir se baap ko aana padta hai। raavan dvaara patit bane hue ko paavan banaane। history-geography must repeat। yeh bhi samajh mein aata hai history repeat hoti hai। satayug ke baad treta... chakra lagaate hain। abhi kaliyug ka ant hai। ek taraph vinaash jvaala khadi hai - doosri taraph baba yahaan aaye hain, nai duniya sthaapan karne arth। yeh vahi mahaabhaarat ladaai hai। samajhte hain isse vinaash ho jaayega - manushyon ki duniya ka। yeh sabko samajh mein aata hai। puraani duniya ka vinaash dekhne mein aata hai। yeh mahaabhaari mahaabhaarat ladaai 5 hazaar varsha pahle bhi lagi thi। koi laakhon varsha ki baat nahin hai। yeh bhaarat hi svarga tha। in devtaaon ka raajya tha। yeh satayug ke maalik the। chitron par bhi achhi reeti samjhaana padta hai isliye hi yeh lakshmi-naaraayan aadi ke chitra banaaye hain। yoon lakshmi-naaraayan ke chitra to bhaarat mein dher hain, phir ham banaate hain, kyon? ham arth sahit banaate hain। inmen poora gyaan hai। manushya to moonjhe hue hain isliye samjhaaya jaata hai - satayug mein inhon ka raajya tha। bahut thode manushya the jo hokar gaye hain vahi phir punarjanma le paavan se patit banenge। yeh duniya hi tamopradhaan hai phir paavan banna hai। samjhaani to bahut sahaj hai। baap kehte hain main tumko 5 hajaar varsha pahle ki kahaani sunaata hoon। long-long ago... yahaan in lakshmi-naaraayan ka raajya tha athva Christ se 3 hajaar varsha pahle satayug tha। heavenly god father ne heaven sthaapan kiya tha। bhaarat ko kehte bhi hain praacheen desh hai, ismen god goddess raajya karte the। god krishna, goddess raadhe kehte hain। raadhe-krishna, lakshmi naaraayan satayug mein the, phir raam-seeta treta mein 5 hajaar varsha ka hisaab-kitaab clear hai। jab unhon ka raajya tha to baaki sab aatmaayen mukti-dhaam mein thi। aatma to avinaashi hai। aatma ka kabhi vinaash nahin hota। drama bhi avinaashi hai। aatma ko 84 janmon ka avinaashi part mila hua hai। itni chhoti si aatma mein saara part bhara hua hai। yeh kitni wonderful baat hai, isko hi kudrat kaha jaata hai। itni chhoti bindi kitna 84 janmon ka part, 5 hajaar varsha ka part usmein bhara hua hai। woh bhi avinaashi, jo repeat zaroor karna hai। yeh bade te badi kudrat hai। paramatma bhi bindi, aatma bhi bindi। parantu paramatma supreme hai। aatmaayen to sab ek jaisi nahin hain, nambarvaar hain। pahle supreme shivbaaba phir kahenge lakshmi-naaraayan। brahma-sarasvati ko supreme nahin kahenge। sampoorn to lakshmi-naaraayan hai phir nambarvaar ek do ke pichhaadi aate hain। mukhya gaayan hai devtaaon ka। sabse supreme aatma shivbaaba ki hai phir sookshm vatan mein brahma-vishnu-shankar phir lakshmi-naaraayan, raam-seeta sab nambarvaar hain। naatak mein bhi actor nambarvaar hote hain। sab ek jaise nahin hote hain। kahenge inki aatma supreme actor hai, yeh paai paise ka actor hai। sabse first class creator, director kaun hai? karnak-raavanhaar ek hi parampita paramatma hai। ab tumko saare drama ka pata pada hai। yeh hai behad ka drama, nutshell mein tumko bataaya jaata hai। jhaad ka yeh devi-devta dharma hai foundation। phir unse taaliyaan islaami, bauddhi, Christian nikle hain। yeh flower vase hoga। jhaad shobhta hai na। baaki ek-ek dharma ke patte baith ginti karo to kitne honge। islaami, bauddhi sabke math panth gine jaate hain। shiv bholaanaath yeh gyaan sunaate hain। baaki koi damru aadi bajaane ki baat nahin hai। shaastron mein jo aaya so likh diya hai। vaastav mein hai gyaan ki damru, inko shankhadhvani bhi kaha jaata hai। shankhadhvani mukh se ki jaati hai। yeh hai gyaan ki murli। drama ke aadi-madhya ant ka raaz baith sunaate hain। aatma bindi misal hai, jismen saara part noondha hua hai। woh creator hai। vo act bhi karte hain। achha part woh lete hain। nambarvaar to hote hain na। yeh hai hi ek baap creator aur sab punarjanma mein aane vaale hain। yeh kabhi punarjanma nahin lete hain, inka alaukik janma hai। tum jaante ho kaise aakar pravesh kiya hai। doosri aatmaayen bhi pravesh karti hain na। samjho kiske stri ki aatma aati hai। bol sakegi ki main sukhi hoon। baaki unke shareer ko bhaaki nahin pahan sakenge kyonki shareer to doosra hai na। bhaavna hai ki yeh hamaare stri ki aatma hai, inko bulaaya gaya hai। aise bahuton ko bulaate hain। abhi tamoguni ho gaye hain isliye accurate bataate nahin hain। aatma kya cheez hai, kaise aati-jaati hai। yeh drama mein pahle se hi noondh hai। aise nahin aatma nikalkar yahaan aati hai। woh mar jaati hai, nahin। baap kehte hain yeh manokaamna poorn karne ke liye saakshaatkaar karaata hoon, jo drama mein noondh hai। so hota hai। second paas hua, drama mein noondh hai। yeh behad ka naatak hai। baap bindi hai। bindi ko bholaanaath kehte hain। kitna wonder hai। baap bhi kehte hain mujh bindi mein kitna part hai। yeh baaten naye koi ki buddhi mein baith na saken। puraanon se bhi kitnon ki samajh mein nahin aata hai। to kisko samjhaane mein moonjhate hain, jaise radio mein koi baat karne mein moonjhate hain। ismen murli badi phurti se chalaani hai। woh padhkar sunaate hain। yeh hai orally। baba bhi sab kuchh orally sunaate hain। tumhaari buddhi mein dhaarna ho rahi hai। kalpa pahle bhi tumne dhaarna kar bahuton ko sunaaya hai। phir woh gyaan khatma ho gaya। ab phir repeat hona hai। yeh gyaan koi saadhu-santa ki buddhi mein nahin hai। woh paramatma ko nahin jaante। woh kah dete hain - aatma paramatma mein mil jaayegi। milegi phir kaise? abhi tumhaari aatma jaanti hai ki hamaara baap aaya hai। hamko knowledge de raha hai। phir ham baba ke saath ghar jaayenge। yeh tum bachchon ko roohaani nasha hai। yeh hai tumhaara pravritti maarga। bahut tumko kehte hain ki tum to kumaar athva kumaari ho। tumko vikaaron ka anubhav hi nahin। ham to vikaari grihastha mein rahne vaale hain। tum hamko yeh gyaan kaise de sakte ho? ham hain yugal, hamko bachelor kaise samjha sakega? hamko to yugal samjhaaye, jo anubhvi ho? vikaar mein gaya hua ho, vahi hamko samjha sakte hain ki hamne aise jeet paai। aise-aise baba ke paas patra aate hain। baat to theek hai, ab aise anubhvi se patra likhaana chaahiye, jisne bhal shaadi ki ho parantu pavitra ho। koi ko baal-bachche the, phir pavitra bane hain। aise-aise hamko samjhaayen। gyaan to bahut achha hai। parantu koi teekha samjhaane vaala nahin hai to main moonjh jaata hoon। bahut baaten saamne aati hain। to anubhvi samjhaane vaala ho। ab patron dvaara to kisko itna samjha nahin sakte। sammukh aakar milen to baba bhi samjhaaye। aise-aise bahut yugal hain jo apna anubhav suna sakte hain ki ham aise pravritti mein rah shreemat ka poora-poora paalan kar rahe hain। khaan-paan ki bhi poori parhej rakhte hain। koi samjhaane vaala theek nahin hai to moonjh padte hain। service ke liye buddhi chalni chaahiye। dehi-abhimaani bhi banna hai। koi bhi familiarity mein nahin aana chaahiye। mehnat lagti hai। maaya ghadi-ghadi phansa leti hai। karmaateet avastha abhi ho nahin sakti। bahut ek do ke naam-roop mein phans padte hain। phir baba ko likhte bhi nahin ki baba yeh-yeh toofaan aate hain। sach nahin bataate hain। baba ko likhen to baba yukti bhi bataayen। koi-koi sach likhte hain। shivbaaba to sab kuchh jaante hain। samjhaate hain agar aisi koi chalan chali to dharmaraaj dvaara bahut danda bhogna padega। saara din khyaalaat chalte rehte hain। centre par aate hain। kehte hain phalaani bahut achha samjhaati hai। parantu andar shaitaani bhari padi hogi। yahaan to ek ke saath yog chaahiye। baap ke sivaae doosra na koi। kyon doosre ke peechhe pade। dhaarna nahin hoti hai to zaroor kahaan buddhi bhatakti hai phir raay bhi nahin poochhte hain। darte hain। baap kehte hain maamekam yaad karo। is yaad se hi tumhaare vikarma vinaash honge। duhkh se tum liberate ho jaayenge। mukti to sab maangate hain। mukta hote hain duhkh se phir sukh mein aayenge। jeevanmukti sabke liye hai। parantu pahle mukti mein jaakar phir jeevanmukti mein aana hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap samaan gyaan ki shankh dhvani karni hai। sirf padh karke nahin sunaana hai। dhaarna karke phir samjhaana hai।

2) khaan-paan ki bahut parhej rakhni hai। shreemat ka paalan kar pravritti mein rehte hue kaise pavitra rehte hain, yeh anubhav doosron ko sunaana hai।

vardaan:- saadhan va salvation ke prabhaav mein aane ke bajaae prakriti ko daasi banaane vaale vijayi bhav

kabhi bhi yogi puroosh va purooshottam aatmaayen prakriti ke prabhaav mein nahin aa sakti। aap brahman aatmaayen purooshottam aur yogi aatmaayen ho, prakriti aap maalikon ki daasi hai isliye prakriti ke koi bhi saadhan va salvation aapko apne prabhaav mein prabhaavit na kar len। saadhan, saadhna ka aadhaar na hon lekin saadhna, saadhnon ko aadhaar banaaye tab kahenge prakritijeet, vijayi aatma।

slogan:- ever ready woh hain jo har ghadi ko antim ghadi samajhkar chalte hain।