मंगलवार 10 जनवरी 2023 की दैनिक मुरली

10-01-2023 praatahmurli om shanti "baapdaada"' madhuban

“meethe bachche - tumhaara yeh marjeeva janma hai, tum eeshvar baap se varsa le rahe ho, tumhein bahut badi lottery mili hai, isliye apaar khushi mein rehna hai''

prashn:- apne aapko kaun si samjhaani do to chinta samaapta ho jaayegi? gussa chala jaayega?

uttar:- ham eeshvar ki santaan hain, humein to baap samaan meetha banna hai। jaise baba meethe roop se samjhaani dete, gussa nahin karte। aise humein bhi aapas mein meetha rehna hai। loonpaani nahin hona hai kyonki jaante hain jo second paas hua, woh drama mein part tha। chinta kis baat ki karen। aise-aise apne aapko samjhaao to chinta khatma ho jaayegi। gussa bhaag jaayega।

geet:- yahi bahaar hai…

om shanti। yeh hai eeshvareey santaan ki khushiyon ka gaayan। tum itna khushi ka gaayan satayug mein nahin kar sakenge। abhi tumko khajaana mil raha hai। yeh hai bade se badi lottery। jab lottery milti hai to khushi hoti hai। tum phir is lottery se janma-janmaantar svarga mein sukh bhogte rehte ho। yeh hai tumhaara marjeeva janma। jo jeete ji marte nahin, unka marjeeva janma nahin kahenge। unhon ko to khushi ka paara bhi chadh nahin sakta। jab tak marjeeva nahin bane hain arthaat baap ko apna nahin banaaya hai, tab tak poora varsa bhi mil nahin sakta। jo baap ke bante hain, jo baap ko yaad karte hain unko baap bhi yaad karte hain। tum ho eeshvareey santaan। tumhein nasha hai ki ham eeshvar baap se varsa athva var le rahe hain, jiske liye bhakta log bhakti maarga mein dhakka khaate rehte hain। baap se milne ke liye anekaanek upaay karte hain। kitne ved, shaastra, magazine aadi athaah padhte rehte hain। parantu duniya to din pratidin duhkhi hi hoti jaati hai, inko tamopradhaan hona hi hai। yeh babul tree hai na। babulnaath phir aakar kaanton se phool banaate hain। kote bahut bade-bade ho gaye hain। bade jor se lagte hain। usko anek prakaar ke naam diye hue hain। satayug mein to hote nahin। baap samjhaate hain - yeh hai koton ki duniya। ek do ko duhkh dete rehte hain। ghar mein bachche bhi aise kapoot nikal padte hain jo baat mat poochho। maa-baap ko bahut duhkhi karte hain। sabhi koi ek samaan bhi nahin hote। sabse jaasti duhkh dene vaala kaun hai? manushya yeh nahin jaante। baap kehte hain in gurooon ne paramatma ki mahima gum kar di hai। ham to unki bahut mahima karte hain। woh param poojya parampita paramatma hai। shiv ka chitra bhi bahut achha hai। parantu bahut log aise hain jo maanenge nahin ki shiv koi aisa jyortibindu hai kyonki woh to aatma so paramatma kah dete hain। aatma ati sookshm hai jo bhrakuti ke beech mein baithi hai, phir paramatma itna bada aakaar vaala kaise ho sakta hai? bahut vidvaan, aachaarya log bi.ke. par hansi udaate hain ki paramatma ka aisa roop to ho nahin sakta। woh to akhanda jyotirmay tatva hajaaron sooryon se bhi tejomay hai। vaastav mein yeh wrong hai। inki right mahima to baap khud hi bataate hain। woh manushya srishti ka beejroop hai। yeh srishti ek ulta jhaad hai। satayug, treta mein unko koi yaad nahin karte। manushya ko jab duhkh hota hai tab unko yaad karte hain - he bhagwan, he parampita paramatma raham karo। satayug, treta mein to koi raham maangane vaala hota nahin। woh hai baap rachayita ki nai rachna। is baap ki mahima hi aparmaapaar hai। gyaan ka saagar, patit-paavan hai। gyaan ka saagar hai to zaroor gyaan diya hoga। woh sat, chit, aananda swaroop hai। chaitanya hai। gyaan to chaitanya aatma hi dhaaran karti hai। samjho ham shareer chhod jaate hain to aatma mein gyaan ke sanskaar to hain hi hain। bachcha banenge to bhi woh sanskaar honge, parantu organs chhote hain to bol nahin sakte। organs bade hote hain to yaad karaaya jaata hai, to smriti mein aa jaata hai। chhote bachche bhi shaastra aadi kantha kar lete hain। yeh sabhi agle janma ke sanskaar hain। ab baap hamko apna gyaan ka varsa dete hain। saare srishti ka gyaan inke paas hai kyonki beejroop hai। ham apne ko beejroop nahin kahenge। beej mein zaroor jhaad ke aadi-madhya-ant ka gyaan hoga na। to baap khud kehte hain main hoon srishti ka beejroop। is jhaad ka beej oopar hai। woh baap sat chit aananda swaroop, gyaan ka saagar hai। srishti ke aadi-madhya-ant ka hi usmein gyaan hoga। nahin to kya hoga! kya shaastron ka gyaan hoga? woh to bahuton mein hai। paramatma ki to zaroor koi nai baat hogi na। jo koi bhi vidvaan aadi nahin jaante। koi se bhi poochho - is srishti roopi jhaad ki utpatti, paalna, sanghaar kaise hota hai, inki aayu kitni hai, yeh kaise vriddhi ko paata hai... bilkul koi nahin samjha sakta hai।

ek geeta hi hai sarva shaastramai shiromni, baaki to sab hain unke baal bachche। jabki geeta padhne se bhi kuchh nahin samajhte to baaki shaastra padhne se faayda hi kya? varsa to phir bhi geeta se milna hai। ab baap saare drama ka raaz samjhaate hain। baap pattharbuddhi se paarasbuddhi banaae paarasnaath banaate hain। ab to sab pattharbuddhi, pattharnaath hain। parantu woh apne ko bade-bade titles dekar apne ko paarasbuddhi samajh baithe hain। baap samjhaate hain meri mahima sabse nyaari hai। main gyaan ka saagar, aanand ka saagar, sukh ka saagar hoon। aisi mahima tum devtaaon ki nahin kar sakte। bhakta log devtaaon ke aage jaakar kahenge aap sarvagun sampanna... hain। baap ki to ek hi mahima hai। woh bhi ham jaante hain। abhi ham mandir mein jaayenge to buddhi mein poora gyaan hai ki inhonne to poore 84 janma liye honge। abhi apne ko kitni khushi hai। aage thode hi yeh khyaal aata tha। abhi samajhte hain hamko aisa banna hai। buddhi mein bahut parivartan aa jaata hai।

baap bachchon ko samjhaate hain - aapas mein bahut meethe bano। loonpaani mat bano। baba kabhi bhi kisse gussa karta hai kya? bade meethe roop se samjhaani dete hain। ek second paas hua kahenge yeh bhi drama mein part tha। iski chinta kya karni hai। aise-aise apne ko samjhaana hai। tum eeshvareey santaan kam thode hi ho। yeh to samajh sakte ho ki eeshvareey santaan zaroor eeshvar ke paas rehte honge। eeshvar niraakaar hai to uski santaan bhi niraakaar hain। vahi santaan yahaan chola lekar part bajaati hai। svarga mein manushya hain devi-devta dharma ke। agar sabka baith hisaab nikaalen to kitna maatha maarna pade। parantu samajh sakte hain ki nambarvaar samay anusaar thode-thode janma milte honge। aage to samajhte the manushya kutta billi bante hain। abhi to buddhi mein raat din ka farka aa gaya hai। yeh sab hain dhaarna karne ki baaten। nutshell mein samjhaate hain ki ab 84 janma ka chakra poora hua। abhi is chhi-chhi shareer ko chhodna hai। yeh sabka puraana jadajdeebhoot, tamopradhaan shareer hai, isse mamatva mita dena hai। puraane shareer ko yaad kya karen। ab to apne naye shareer ko yaad karenge, jo milna hai satayug mein। via muktidhaam hokar satayug mein aayenge। ham jeevanmukti mein jaate hain aur sab muktidhaam mein chale jaate hain। isko jayjaykaar kaha jaata hai, haahaakaar ke baad jayjaykaar hona hai। itne sab marenge koi to nimitta kaaran banega। natural calamities hongi। sirf saagar hi thode hi sabhi khandon ko khalaas karega। sab kuchh khalaas to hona hi hai। baaki bhaarat avinaashi khanda rah jaata hai kyonki yeh hai shivbaaba ka birth place। to yeh ho gaya sabse bada teertha sthaan। baap sabki sadgati karte hain, yeh koi manushya nahin jaante hain। unhon ko na jaanna hi drama mein noondh hai। tab to baap kehte hain ki he bachche tum kuchh nahin jaante the, main hi tumko rachta aur rachna athva manushya srishti ke aadi-madhya-ant ka saara bhed samjhaata hoon। jisko rishi muni bhi beanta, beanta kahkar gaye hain। yeh thode hi samajhte hain ki saari duniya ke 5 vikaar bade bhaari dushman hain। jis raavan ko bhaaratvaasi varsha-varsha jalaate hi aate hain। usko jaante koi nahin kyonki woh na jismaani hai, na roohaani hai। vikaaron ka to koi roop hi nahin hai। manushya act mein aata hai tab pata padta hai ki inmen kaam ka, krodh ka bhoot aaya hai। is vikaar ki stage mein bhi uttam, madhyam, kanishta hote hain। koi mein kaam ka nasha ekdam tamopradhaan ho jaata hai, koi ko rajo nasha, koi ko sato nasha rehta hai। koi to baal brahmachaari bhi rehte hain। samajhte hain yeh bhi ek jhanjhat hai sambhaalna। sabse achha unko kahenge। sannyaasiyon mein bhi baal brahmachaari achhe gine jaate hain। government ke liye bhi achha hai, bachchon ki vriddhi nahin hogi। pavitrata ki taakat milti hai। yeh hui gupta। sannyaasi bhi pavitra rehte hain, chhote bachche bhi pavitra rehte hain, vaanaprasthi bhi pavitra rehte hain। to pavitrata ka bal milta hi aata hai। unhon ka bhi kaayda chala aata hai ki bachche ko itni aayu tak pavitra rehna hai। to woh bhi bal milta hai। tum ho satopradhaan pavitra। yeh antim janma tum baap se pratigya karte ho। tum satayug ki sthaapna karne vaale ho। jo karega so pavitra duniya ka maalik banega, nambarvaar purushaartha anusaar।

yeh hai eeshvareey kutumba। eeshvar ke saath ham rehte hain kalpa mein ek baar। bas phir daivi gharaane mein to bahut janma rahenge। yeh ek janma hi durlabh hai। yeh eeshvareey kul hai uttam se uttam। brahman kul sabse oonchi choti hai। neech te neech kul se ham oonch brahman kul ke ho gaye। shivbaaba jab brahma ko rache tab to brahman rache। kitni khushi rehti hai, jo baba ki service mein rehte hain। ham eeshvar ki aulaad bane hain aur eeshvar ki shreemat par chalte hain। apni chalan se unka naam baala karte hain। baba kehte hain woh to hain aasuri gunon vaale, tum daiveegunon vaale ban rahe ho। jab tum sampoorn ban jaayenge to tumhaari chalan bahut achhi ho jaayegi। baba kahenge yeh hain daivi gunon vaale, nambarvaar purushaartha anusaar। aasuri gun vaale bhi nambarvaar hain। baal brahmachaari bhi hain। sannyaasi pavitra rehte hain so to bahut achha hai। baaki woh kiski sadgati to kar nahin sakte। agar koi guru log sadgati karne vaale hote to saath le jaate, parantu khud hi chhodkar chale jaate hain। yahaan yeh baap kehte hain main tumko saath le jaaoonga। main aaya hi hoon tumko saath le jaane ke liye। woh to le nahin jaate। khud hi grihasthiyon ke paas janma lete rehte hain। sanskaaron ke kaaran phir sannyaasiyon ke jhunda mein chale jaate hain। naam roop to har janma mein badalta rehta hai। yeh abhi tum bachche jaante ho ki satayug mein yahaan ke purushaartha anusaar pad hoga। vahaan yeh maaloom nahin hoga ki hamne yeh pad kaise paaya। yeh to abhi pata hai jisne jaise kalpa pahle purushaartha kiya tha, vaisa hi ab karenge। bachchon ko saakshaatkaar bhi karaaya hua hai ki vahaan shaadi aadi kaise hoti hai। bade-bade maidaan, bageeche aadi honge। ab to bhaarat mein hi karodon ki aabaadi hai। vahaan to kuchh laakh hi rehte hain। vahaan thode hi itni manjilon vaale makaan honge। yeh abhi hain kyonki jagah nahin hai। vahaan itni sardi nahin hogi। vahaan duhkh ki nishaani bhi nahin hai। na bahut garmi hoti, jo pahaadon par jaana pade। naam hi hai svarga। is samay manushya koton ke jangal mein pade hain। jitna sukh ki chaahna karte hain utna duhkh badhta hi jaata hai। ab bahut duhkh hoga। ladaai hogi to khoon ki nadiyaan bahengi। achha।

yeh murli sab bachchon ke aage sunaai। sammukh sunna number one, tape se sunna number tu, murli se padhna number three। satopradhaan, sato aur rajo। tamo to kahenge nahin। tape mein hoobhu aati hai। achha।

baapdaada aur meethi maa ka sikeeldhe bachchon ko yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apni chalan va daiveegunon se baap ka naam baala karna hai। aasuri avgun nikaal dene hain।

2) is puraane jadajdeebhoot shareer mein mamatva nahin rakhna hai। naye satayugi shareer ko yaad karna hai। pavitrata ki gupta madad karni hai।

vardaan:- roohaaniyat ki shakti dvaara door rahne vaali aatmaon ko sameepta ka anubhav karaane vaale ma. sarvashaktimaan bhav

jaise science ke saadhnon dvaara door ki har vastu sameep anubhav hoti hai, aise divya buddhi dvaara door ki vastu sameep anubhav kar sakte ho। jaise saath rahne vaali aatmaon ko spashta dekhte, bolte, sahayog dete aur lete ho, aise roohaaniyat ki shakti dvaara door rahne vaali aatmaon ko sameepta ka anubhav kara sakte ho। sirf iske liye master sarvashaktimaan, sampanna aur sampoorn sthiti mein sthit raho aur sankalp shakti ko svachchha banaao।

slogan:- apne har sankalp, bol aur karma dvaara auron ko prerna dene vaale hi prernaamoorta hain।