शुक्रवार 10 फ़रवरी 2023 की दैनिक मुरली

10-02-2023 praatahmurli om shanti "baapdaada"' madhuban

“meethe bachche - baap tumhein had aur behad ki knowledge de, phir isse bhi paar ghar le jaate hain, satayug treta hai had, dvaapar kaliyug hai behad''

prashn:- baap dvaara mili hui knowledge mein majboot kaun rah sakta hai?

uttar:- jo poora pavitra banta hai। pavitra nahin to knowledge dhaaran nahin hoti। pavitra golden aged buddhi mein hi saari knowledge dhaaran hoti hai, vahi baap samaan master knowledgeful bante hain।

prashn:- purushaartha karte-karte tum bachchon ki kaun si stage ban jaayegi?

uttar:- ab tak jo ulte sulte sankalp-vikalpa chalte woh sab samaapta ho jaayenge। buddhiyog ek baap se lag jaayega। buddhi sone ka bartan ban jaayegi। baap jo bhi ratna dete hain woh sab dhaaran hote jaayenge।

om shanti। meethe-meethe roohaani bachchon ko roohaani baap roz-roz baith samjhaate hain। yeh to bachchon ko samjhaaya gaya hai ki gyaan, bhakti aur vairaagya ka yeh srishti chakra bana hua hai। had aur behad ke paar jaana hai। kaha jaata hai na - had behad se paar। to buddhi mein yeh gyaan rakhna hai ki had aur behad se paar jaana hai। baap ke liye bhi kaha jaata hai - had behad se paar। iska bhi arth samajhna chaahiye। roohaani baap roohaani bachchon ko topic par samjhaate hain - gyaan, bhakti peechhe hai vairaagya। yeh to jaante ho gyaan din ko kaha jaata hai jabki nai duniya hai। vahaan bhakti hoti nahin। woh hai had ki duniya, vahaan bahut thode manushya hote hain, phir dheere-dheere vriddhi ko paate hain। aadhaakalpa ke baad bhakti shuru hoti hai। jab gyaan arthaat din hai to koi sannyaas dharma nahin hai, vairaagya nahin hai। sannyaas va tyaag vahaan hota nahin, yeh sab baaten buddhi mein rahni chaahiye। dheere-dheere srishti ki vriddhi hoti jaati hai। jeev aatmaon ki vriddhi hoti hai। aatmaayen paramdham se aati rehti hain। had se shuru hota hai, is samay behad mein hai। to baap had behad se paar hai। had mein kitne thode bachche hain phir srishti vriddhi ko paati hai। ab inse bhi paar jaana hai। isko kaha jaata hai behad, pahle aatmaayen had mein thi। satayug treta mein part bajaati thi। kahaan 9 laakh manushya, kahaan 5-6 sau karod chale jaao behad mein। manushya jaanch karte hain kahaan tak aasmaan hai, kahaan tak samudra hai, iska ant nahin pa sakte। oopar jaane ki kitni koshish karte hain। itna tel daalna pade jo phir vaapas bhi aa saken। behad mein ja nahin sakte, had tak jaayenge। had behad se paar ka raaz baap tumko samjhaate hain। pahle-pahle nai duniya mein had hai। bahut thode rehte hain। tumko rachna ke aadi madhya ant ki knowledge honi chaahiye। yeh knowledge koi ko nahin hai। baap ko hi nahin jaante। yeh sab raaz samjhaane vaala baap hi hai jo had behad se paar hai। to baap baith tumko rachna ke aadi madhya ant ka raaz samjhaate hain। phir baap kehte hain bachche inse bhi paar jaao। vahaan to kuchh hai nahin। aasmaan hi aasmaan hai, jal hi jal hai। jameen aadi kuchh nahin, isko kaha jaata hai had behad se paar। iska koi bhi ant nahin pa sakte hain। beanta, beanta kehte hain parantu arth nahin jaante। baap hi saari samajh dete hain kyonki woh hai shreshtha arthaat bahut samajhdaar। samajh samajhkar hi bahut samajhdaar maala ka daana bane hain। manushya koi bhi rachta aur rachna ke aadi madhya ant ka raaz nahin samajhte hain। baap hi samjhaate hain। kehte hain main had ko bhi dekh raha hoon, behad mein bhi jaata hoon। itne sabhi dharma hain, aise-aise sthaapna hoti hai। woh satayug hai had ki srishti phir kaliyug mein hai behad। phir had behad se paar jahaan hamaara shantidham hai, sweet hom hai। satayug bhi hai sweet hom। vahaan shanti bhi hai to raajya bhaagya bhi hai। vahaan sukh aur shanti donon hi hain। ghar jaayenge to vahaan sirf shanti hogi, sukh ka naam nahin। abhi tum shanti aur sukh donon sthaapan kar rahe ho। vahaan ashaanti ka naam nahin। ashaanti 5 vikaaron se hai, yeh duniya mein koi nahin jaanta। aadhaakalpa ke baad phir raavan raajya hota hai। vo log kalpa ki aayu laakhon varsha kah dete hain। samajhte kuchh bhi nahin, isliye bhrashtaachaari, duhkhi patit hain। jara bhi sabhyata nahin hai। jo daivi sabhyata thi, uske badle asabhyata, aasuri gun ho gaye hain।

yeh hai behad ka drama। ab kaha jaata hai had behad se paar, bahut door-door jaate hain। manushyon ko to khel ka kuchh bhi pata nahin ki sabse bada kaun? oonche te ooncha hai bhagwan, tab kehte hain tumhari gat mat tum hi jaano। ab tum bachche sab kuchh samajhte ho। parantu tumhaare mein bhi nambarvaar hain। baap baith samjhaate hain ki meri buddhi kahaan tak jaati hai। had behad se paar… vahaan kuchh bhi nahin hai। tum bachchon ke rahne ka sthaan hai woh brahmaanda, brahm mahtatva। jaise aakaash tatva mein yahaan baithe ho, kuchh bhi dekhne mein nahin aata hai। polaar hi polaar hai। radio mein kehte hain aakaashvaani। ab aakaash to bahut bada hai, uska ant to pa nahin sakte। uski vaani manushya kya samjhenge। yeh jo aakaash ka tatva hai, is mukh se, polaar se vaani nikalti hai, isko kaha jaata hai aakaashvaani। vaani mukh se (polaar se) nikalti hai। vaani koi naak kaan se nahin niklegi। to baap bhi is shareer mein baith is mukh se tum bachchon ko samjhaate hain। tum bachche hi jaante ho baap kya hai। jaise ham aatma hain vaise baba bhi oonche te oonchi aatma hai। sabko nambarvaar part mila hua hai। oonche te ooncha baap phir neeche aao, nambarvaar khel mein sab aate hain। nai duniya mein pahle-pahle hain lakshmi-naaraayan, phir unke saath jo nai duniya mein rehte hain, maala ko dekho। oopar mein phool oonche te ooncha bhagwan phir hai meru yugal। phir maala dekho kaise badhti hai।

yeh sab padhaai hai na। saari padhaai buddhi mein rehti hai। beej aur jhaad। beej oopar mein hai। rachta baap ne baith rachna ke aadi madhya ant ka raaz tumko samjhaaya hai। yeh srishti roopi kalpa vriksha hai, inki aayu bhi accurate hai, ismen ek second ka bhi pharka nahin pad sakta hai। tumko kitni knowledge mili hai, ismen majboot woh rah sakte hain jo pavitra bante hain। nahin to knowledge dhaaran ho na sake। pavitra bartan, golden aged buddhi hogi to knowledge aisi sahaj dhaaran rahegi jaise baba ke paas hai। nambarvaar master knowledgeful ban jaayenge। yeh raaz baap bigar koi samjha na sake। na devtaaon ke mukh se sunenge, na patit manushyon ke mukh se sunenge। baap hi sunaate hain, so bhi abhi sangam par hi tum sunte ho। baap ek hi baar baap teacher satguru bante hain। part bajaate hain phir 5 hajaar varsha baad vahi part bajaayenge। pralay to hoti nahin। to pahle hai baap, oonche te ooncha shiv phir meru oonche te ooncha mahaaraaja mahaaraani। phir ant mein jaakar aadi dev, aadi devi banenge। saara gyaan tumhaari buddhi mein hai, parantu nambarvaar purushaartha anusaar। yeh knowledge tum kisko bhi sunaao to wonder khaayenge। baap knowledgeful bigar yeh knowledge koi de na sake। yeh bachchon ko dhaaran karna bahut sahaj hai, koi mushkil nahin parantu yaad ki yaatra hai mukhya। sone ke bartan mein ratna thahar sakenge। oonche te oonche ratna hain। yeh baba ratnon ka vyaapaari bhi hai na। achha ratna aata tha to chaandi ki dibbi mein kapaas daalkar aise banaakar rakhte the। phir aise kholkar dikhaate the jaise bahut first class cheez hai। achhi cheez, achhe bartan mein hi shobhti hai।

tumhaare yeh kaan hain bartan, in dvaara tum sunte ho। dhaaran karte ho to yeh sone ka (pavitra) chaahiye arthaat buddhiyog baba se poora hona chaahiye। buddhiyog theek nahin hoga to koi baat thahregi nahin। ulte sulte sankalp bhi nahin uthne chaahiye। toofaan banda। purushaartha karte-karte yeh stage hogi। buddhi ko sab taraph se nikaal mere saath lagaate-lagaate bartan sona ho jaayega, doosron ko bhi daan dete raho। bhaarat mahaadaani hai, bhaarat mein dhan aadi bahut daan karte hain। yeh phir hai avinaashi gyaan ratnon ka daan, jo baap bachchon ko dete hain। deh sahit, deh ke jo bhi sambandhi hain un sabko chhod buddhi ek ke saath lagaani hai। ham to baap ke hain। bas। baba em object bata dete hain। purushaartha karna bachchon ka kaam hai tab hi oonch pad paayenge। koi bhi ulta sulta sankalp nahin uthna chaahiye। baap hai knowledge ka saagar। had behad se paar sab raaz samjhaate rehte hain। main had behad se paar chala jaata hoon, tum bhi had behad se paar ho, sankalp aadi kuchh nahin। phir tum bhi paar chale jaayenge। grihastha vyavhaar mein rehte kamal phool samaan banna hai। hath kaar de dil shiv baba ko de.. chalte-chalte kai bachche toot bhi padte hain। naapaas ho padte hain। tumko sab maaloom pad jaayega। achhe-achhe mahaarthiyon ko bhi maaya hap kar gai। aaj nahin hain। baap ko chhod jaakar maaya ki asylum lete hain। padhne vaale oonch chale jaate hain aur padhaane vaali teacher maayaavi ban jaati hai। jaise traitor hote hain, doosre paas jaakar sharan lete hain। jo powerful dekhte hain us taraph chale jaate hain। tum jaante ho bahut taakat vaala to ek baap hai, vahi sarvashaktimaan hai। hamko oonch padhaae ekdam vishwa ka maalik bana dete hain। koi apraapta vastu nahin jiske liye purushaartha karna pade। aisi koi cheez hai hi nahin jo tumhaare paas na ho। so bhi hai nambarvaar purushaartha anusaar। behad ke baap bigar yeh baaten koi jaante nahin। tum hi poojya the phir tum hi pujaari bane ho। ab phir poojya banne ke liye purushaartha kar rahe ho। jitna baba ki yaad mein rahenge to maaya ke toofaan khatma hote jaayenge। haatamtaai ka khel dikhaate hain। muhalra daalte the to maaya bhaag jaati thi। muhalra nikaala to maaya aa gai। baap samjhaate hain bachche apne ko aatma bhaai-bhaai samjho। shareer hi nahin to phir drishti kahaan jaayegi। itni mehnat karni hai। kalpa-kalpa tumhaara hi purushaartha chalta hai। purushaartha se tum apna bhaagya banaate ho।

baap bachchon ko mukhya baat kehte hain apne ko aatma samajh mujh baap ko yaad karo। yeh baat tum hi jaan sakte ho। bhal woh kehte hain god father hai, ham sabhi brothers hain। parantu samajhte nahin hain। gaate bhi hain sabka sadgati daata raam, sabko sukh dene vaala ek hi baap hai। raam ko baba nahin kahenge। baba ek shareerdhaari ko doosra ashareeri ko kehte hain। pahle-pahle hai ashareeri phir shareeri bante hain। pahle ham baba ke saath rehte phir part bajaane ke liye laukik dehdhaari baap ke paas aate hain। yeh sab hain roohaani baaten। us laukik jismaani padhaai ko bhool jaana hai। chakra saara buddhi mein hai। abhi hai sangamayug, hamko ab nai duniya mein jaana hai। puraani duniya khatma honi hai। ab nai duniya mein jaane ke liye daivi gun bhi zaroor dhaaran karna pade, paavan banna pade। baap ko bhi zaroor yaad karna pade aur poora-poora yaad karna hai taaki paap kat jaaen। baap kehte hain mujhe yaad karo to paavan banenge, inko kaha jaata hai yog agni। baba ki shreemat par chalna hai। baaki to saari duniya raavan ki mat par chal rahi hai। woh hai vikaari mat। yeh hai nirvikaari mat। paanch vikaar hain na। pahle-pahle hai deh ahankaar phir kaam, krodh.. manushya ahankaar ko pichhaadi mein rakhte hain। vaastav mein ahankaar to pahle hona chaahiye। peechhe aur vikaar aate hain। baap tum bachchon ko samjhaate hain kalpa-kalpa anek baar samjhaaya hai। har 5000 varsha ke baad samjhaate hain। buddhi se samajhte ho baba hamko aastik banaate hain arthaat rachta aur rachna ka knowledge bataate hain isliye unko creator kaha jaata hai। yoon to anaadi creation hai phir bhi samjhaane vaala ek hai, unmein saara gyaan hai। hai anaadi bana hua drama, koi banaata nahin hai। woh had ka drama shoot karna sahaj hota hai। yeh to bada behad ka drama hai। yeh anaadi shoot kiya hua hai, bana banaaya hai। is drama mein jara bhi farka nahin pad sakta। behad drama ka chakra chalta rehta hai। ham tamopradhaan se satopradhaan phir satopradhaan se tamopradhaan bante hain। pavitrata ki hi mukhya baat aati hai। pavitra duniya mein kitna sukh hai, patit duniya mein kitna duhkh hai। aadhaakalpa sukhdhaam, aadhaakalpa duhkhadhaam yeh raaz bhi tumhaari buddhi mein hi hai, doosra koi nahin jaante। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ulte sulte sankalpon se mukta hone ke liye buddhiyog had behad se paar ghar mein lagaana hai। daihik drishti samaapta karne ke liye aatma bhaai-bhaai hoon - yeh abhyaas pakka karna hai।

2) avinaashi gyaan ratnon ka daan karna hai। buddhi ko sona (pavitra) banaane ke liye aur sab taraph se nikaal ek baap se lagaana hai।

vardaan:- svayan ko baap havaale kar buddhi se bhi surrender hone vaale double light bhav

apni jimmevaari baap ko dekar, svayan ko baap havaale kar do arthaat apne sab bojh baap ko de do to double light ban jaayenge। buddhi se surrender ho jaao to aur koi bhi baat buddhi mein nahin aayegi, bas sab kuchh baap ka hai, sab kuchh baap mein hai to aur kuchh raha hi nahin, jab raha hi nahin to buddhi kahaan jaayegi, bas ek baap, ek hi yaad ka raasta, is raaste se sahaj manzil par pahunch jaayenge।

slogan:- adolta ke takhta par viraajmaan ho, saakshi drishta ban part bajaane vaale hi shreshtha paartadhaari hain।