शुक्रवार 24 मार्च 2023 की दैनिक मुरली

24-03-2023 praatahmurli om shanti "baapdaada"' madhuban

“meethe bachche - tum roohaani social worker ho, tumhein is duniya ko sukh-shanti aur pavitrata se sampanna banaane ke liye apna tan-man-dhan saphal karna hai''

prashn:- maaya par jeet paane ke liye tum bachchon ke paas kaun sa hathiyaar hai? us hathiyaar ko use karne ki vidhi kya hai?

uttar:- maaya par jeet paane ke liye tumhaare paas “svadarshan chakra'' hai। yeh koi sthool hathiyaar nahin hai, lekin man se manamnaabhav ho jaao। ham so, so ham ke mantra ko yaad karo, to is vidhi se maaya ka gala kat jaayega। tum maayaajeet ban chakravarti raaja ban jaayenge।

geet:- is paap ki duniya se kahin aur le chal…

om shanti। tum brahma mukh vanshaavli brahman hi jaante ho ki yeh kaliyugi paap ki duniya hai aur satayug zaroor punya ki duniya hai। bachchon ko samjhaaya gaya hai jo manushya punya aatmaayen hote hain unko achha janma milta hai। paap aatma ko bura janma milta hai। ab yeh to hai hi paap aatmaon ki duniya। yeh gyaan tum bachchon ki buddhi mein hai। shantidham ko hi paramdham kaha jaata hai। yeh hai duhkhadhaam। bhaarat satayug mein sukhdhaam tha। ab hamko shantidham jaana hai, phir sukhdhaam mein aana hai। sukhdhaam mein pavitrata, sukh, shanti teenon hi hain। is duhkhadhaam mein hai apvitrata, duhkh, ashaanti। yeh teen cheezen samajh leni chaahiye। jab bhaarat mein teenon cheezen hain tab sukhdhaam kaha jaata hai। ab tum tan-man-dhan sab kuchh baap par bali chadhaate ho। tan-man-dhan se tum bhaarat ki seva karte ho। tan se bhi seva ki jaati hai na। social worker tan ki seva karte hain। koi dhan ki seva karte hain। baaki man ki seva is duniya mein koi jaante nahin। manamnaabhav ka arth hi baap aakar samjhaate hain। mujh parampita paramatma ko yaad karo jisse tumko sukh ka varsa lene ka hai। manamnaabhav yaani sabki buddhi baap ke saath lagi rahe। aisa doosra koi manushya hai nahin, jo kah sake। to aur sabhi seva karte hain parantu man se koi bhi kar nahin sakte। manushya kehte hain man shant kaise ho? ab man aur buddhi hai aatma ka organs aur yeh karmendriyaan shareer ke organs hain। to baap baith samjhaate hain svadarshan chakra ko yaad karo। apne baap aur sukhdhaam ko yaad karo, is duhkhadhaam ko bhool jaao। yeh hui man ki seva, jo jo karenge vahi maaya par jeet paayenge। maaya ka sir kat jaayega। aise nahin, svadarshan chakra se koi manushya ka sir kaata jaata hai। devtaaon ke aise alankaar hote nahin, jisse koi paap ho।

manushya samajhte hain shreekrishna ne svadarshan chakra se gala kaata tha। yeh to paap ka kaam ho gaya। devtaayen aisa kaam kar na saken। svadarshan chakra koi ka sir kaatne ke liye nahin hai। yeh hai maaya par jeet paane ka। svadarshan chakra phiraane se ham devta bante hain। maaya par jeet pa lete hain। isi svadarshan chakra se hi tum maaya par jeet paate ho। yeh tumhaara hathiyaar hai। shankh hai bajaane ke liye। knowledge mili hui hai na। sikhlaate hain svadarshan chakra kaise phiraao। to phir tum chakravarti raaja ban jaayenge। ab ham shantidham ja rahe hain phir sukhdhaam aayenge। yeh baap ne sikhlaaya hai। svadarshan chakradhaari baap ke sivaae koi bana na sake। ab tum eeshvar ki vanshaavli ho phir banenge vishnu ki vanshaavli। svadarshan chakra ka alankaar bhi vishnu ko diya hua hai। tum ho purushaarthi। tum jaante ho svadarshan chakra phiraane se ham devta bante hain। isi svadarshan chakra se hi tum maayaajeet bante ho। yeh tumhaara hathiyaar hai। shankh hai bajaane ke liye। knowledge mili hui hai na। sikhlaate hain svadarshan chakra kaise phiraao to phir tum chakravarti raaja ban jaayenge। ab ham shantidham ja rahe hain phir sukhdhaam mein aayenge। yeh baap ne sikhlaaya hai। svadarshan chakradhaari baap ke sivaae koi bana na sake। ab tum eeshvar ki vanshaavli ho phir banenge vishnu ki vanshaavli। svadarshan chakra phiraane se ham vishnu kul mein jaayenge। yeh to bahut sahaj hai koi ko samjhaana। shantidham ko yaad karo jo baap ka ghar hai, jahaan se aatmaayen aati hain। abhi to narka hai, ab jaana hai svarga mein। baap ko yaad karne se sab vikarma vinaash honge। parantu baap se poora yog nahin hai to dhaarna nahin hoti phir koi ko samjha nahin sakte।

tum brahma mukh vanshaavli brahmaakumaar kumaariyaan ho। jo pavitra rehte hain vahi bi.ke. hain। jo pavitra nahin rah sakte hain woh brahma mukh vanshaavli shivbaaba ka potra kahla nahin sakte। krodh, lobh ki baat alag hai। parantu pavitra rah na saken to unko brahman kehna bhi wrong hai। woh brahman kul ka hai nahin, jismen vikaar hain ya vikaar mein jaate hain। tum samjha sakte ho ham to pavitra rehte hain parantu koi vikaari ban kharaab ho jaate to woh brahman kahlaane ke hakdaar nahin। vikaar mein jaana patitapna hai। aise patit yahaan aa nahin sakte। parantu kaarnen akaarnen aane dena padta hai। abhi dekho makaan banaane vaale zaroor sab patit log hain na। parantu brahman log to yeh kaam nahin karenge। to unhon se kaam lena padta hai। koi madadgaar bante hain to rahne diya jaata hai। vaastav mein patit koi rah nahin sakta। yeh hai paavan banne ki jagah, patit aayenge to zaroor। bhaarat paavan tha, stri-purush donon pavitra rehte the। lakshmi-naaraayan stri-purush donon sampoorn nirvikaari the na। ham khud unhon ki mahima karte hain। tum ho ab sangamayugi। sangam par baap aakar patit se paavan banaate hain। vishay vikaaron mein jaane vaale ko patit kaha jaata hai। sannyaasi log vish ko chhodte hain to patit log unko maatha tekte hain। vikaar akshar bada kharaab hai। nirvikaari arthaat viceless। vikaari ko kaha jaata hai vicious। vaishyaalay hai। baap kehte hain main kalpa-kalpa sangam par aakar patit se paavan banaata hoon, laayak banaata hoon। paavan duniya ka maalik banaate hain। svarga ka maalik to svarga ka rachayita hi banaayega na।

baap ko samjhaana padta hai devtaayen kitne dhanke the! ab to sabhi nidhan ke hain। yeh hai duhkhadaai duniya। sab ek do ko duhkh dete rehte hain। number one duhkh hai kaam kataari chalaana, jisse aadi-madhya-ant duhkh milta hai। is duhkhadhaam mein koi ko shanti milna hi asambhav hai kyonki saari duniya ka question hai na। itne sannyaasi pavitra rehte hain phir bhi bhaarat tamopradhaan ho gaya hai na। sirf woh pavitra bante hain isliye patit manushya unki seva karte hain। bhojan dete hain, mahal aadi banaakar dete hain। to jo pavitra bante hain unka naam baala hota hai। baap bhi in vikaaron par jeet pahnaate hain। ham so poojya devta the - yeh sab bhool gaye hain। nirvikaari devi-devtaaon ki dynasty chalti hai। poochhenge vahaan paidaais kaise hogi? so to zaroor vahaan ki jo rasam hogi vaise hi hogi। pahle tum baap se raajayog seekh raajya-bhaagya ka varsa to lo। yeh thode hi poochhna hota hai - bachche kaise paida honge? dynasty to chalti hai। woh sannyaas hai rajopradhaan। devtaaon ka sannyaas hai satopradhaan। sannyaasi to vikaaron se janma le phir nirvikaari banne ka purushaartha karte hain। woh hai nirvikaari duniya, yeh hai vikaari duniya। vikaari manushyon ko yeh khyaal rehta hai ki vikaar bigar duniya kaise chalegi! jaisi unhon ki drishti, vaisi hi srishti bhaasti hai।

baap kitna achha banaate hain। lakshya to buddhi mein rehta hai na। bhagwan hamko aap samaan bhagavti bhagwan banaate hain। to goya master bhagwan ho gaye, phir devta banna hai। master bhagwan ban baap ke ghar jaana hai। jaise woh paavan hain tum bhi yaad karte-karte paavan ban jaayenge। phir paavan duniya mein aayenge। vahaan duhkh ka naam nahin hota। manushya aise ban padte hain jo paavan banne ke liye guru karna padta hai। aajkal to vikaari patit ko bhi guru kar lete hain। grihasthi patit guru kya paavan banaayenge? kuchh bhi samajh nahin hai। baap ko jaante hi nahin। yeh hai orphans ki duniya। satayug hai dhani ki duniya kyonki devi-devta dharma to dhani ne sthaapan kiya। jab dhani ke bane tab dhanke hon। ab tum godly students ho। bhagvaanuvaach ek arjun prati to nahin tha, sajany bhi tha। to ab tumko baap ki shreemat par chalna hai। baap kehte hain shreshtha bano। is drama ko bhi samajhna hai। creator, director hai parampita paramatma shiv। woh brahma, vishnu, shankar ko bhi create karte hain phir unko direction dete hain phir brahma ki maala badal roodra maala phir vishnu ki maala banegi। baap kehte hain sirf mujh baap ko yaad karo aur svarga ko yaad karo to aise lakshmi-naaraayan ban jaayenge। yeh hai sachchi kamaai। manushyon ko karmon anusaar janma milta hai। ab baap aise shreshtha karma sikhlaate hain, yahaan hai shreemat par chal shreshtha banne ki kamaai। baaki to sabhi mitti mein mil jaana hai। deh-abhimaan bhi chhodna hai। ham baap ke bane hain, jaate hain baap ke paas। yeh aatma kehti hai - baba ham aapki yaad mein rah vikarmo ko kaat hi lenge। phir aap hamko svarga mein bhej doge na! narka ka vinaash, svarga ki sthaapna to hoti hai na। mahaabhaari ladaai saamne hai। isse bhi mukti-jeevan-mukti ke gates khulte hain। yahaan to dekho baithe-baithe beemaari lag jaati hai। vahaan to sadaiv aaraam hi aaraam hai। yeh duhkhadhaam hai na isliye purushaartha kiya jaata hai sukhdhaam ke liye। vahaan maaya hai nahin। deh-abhimaan hota nahin। samajhte hain ham aatma hain, yeh shareer ab boodha hua hai, doosra lena hai। vahaan yeh gyaan nahin rehta ki ham baba ke paas jaate hain। yeh gyaan tumko is samay hai। hamko vaapis jaana hai baba ke paas phir baba svarga mein bhej denge। shareer nirvaah arth karma bhi karte raho।

tum jitna aagyaakaari, vaphaadaar rahenge utna unnati hogi। shreemat se shreshtha banna hai। sapoot bachchon ka kaam hai baap se poora varsa lena। abhi lenge to kalpa-kalpaantar lete rahenge। abhi nahin liya to kalpa-kalpaantar varsa le nahin sakenge। tum bachchon ke aage saari duniya kangaal hai। sabhi mitti mein mil jaayenge। devaala maar denge। tum sachchi kamaai karte ho sachkhanda ke liye। baap kehte hain tumko mere ghar aana hai isliye us ghar ko yaad karo। ghar ka maalik hi bataate hain tum hamaare ghar ke maalik the। ab phir ghar ko yaad karo। drama poora hota hai, kitna sahaj hai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aagyaakaari, vaphaadaar aur sapoot ban baap se poora varsa lena hai। shreemat par shreshtha karma kar sachchi kamaai karni hai।

2) sampoorn nirvikaari ban sachcha brahman banna hai। paavan ban svayan ko paavan duniya ke laayak banaana hai।

vardaan:- ek baap ko apna sansaar banaakar sada hansane, gaane aur udne vaale prasannachit bhav

kaha jaata hai drishti se srishti badal jaati hai to aapki roohaani drishti se srishti badal gai, abhi aapke liye baap hi sansaar hai। pahle ke sansaar aur abhi ke sanskaar mein farka ho gaya, pahle sansaar mein buddhi bhatakti thi, abhi baap hi sansaar ho gaya to buddhi ka bhatakna band ho gaya। behad ki praaptiyaan karaane vaala baap mil gaya to aur kya chaahiye isliye hansate gaate, udte sada prasannachit raho। maaya rulaaye to bhi rona nahin।

slogan:- dil saaph ho to muraad haansil hoti rahegi, sarva praaptiyaan svatah aapke samaane aayengi।