शनिवार 25 मार्च 2023 की दैनिक मुरली

25-03-2023 praatahmurli om shanti "baapdaada"' madhuban

“meethe bachche - yeh wonderful paathshaala hai jahaan tumhein gyaan saagar patit-paavan baap gyaan amrit pilaakar paavan banaate hain, aisi paathshaala aur koi hoti nahin''

prashn:- baap ki kaun si ek raay sveekaar karo to baap har pal tumhaara madadgaar hai?

uttar:- baba raay dete bachche tum jinna ke muaaphik mujhe yaad karte raho। khaate-peete, chalte buddhiyog mere mein lagaao aur sab taraph se buddhi hataate jaao। tum baap aur svarga ko yaad karne ki seva karo, yahi tumhaari madad hai। yeh yaad hi tumhein svarga ka maalik banaayegi। yahi sasta sauda hai। himmat rakho to baba har pal tumhaara madadgaar hai। himmate marda madde khuda।

geet:- mujhko sahaara dene vaale…

om shanti। bachchon ne geet suna। yeh bachche-bachche kahne vaala kaun hai? zaroor bachcha kahne vaala baap hi hai। yoon to duniya bhi jaanti hai ki bachche kahne vaala ek to hai parampita, jisko param aatma yaani paramatma kaha jaata hai, tum sab bachche ho। tum bachche manushya se devta banne ke liye is paathshaala mein padhte ho। tum jaante ho ki hamko behad ka baap padhaate hain। woh baap bhi hai to teacher bhi hai। maat-pita ke bahut bachche hain। bachche to bahut vriddhi ko paate jaayenge। parampita paramatma baith padhaate hain। yeh wonder hai na। aisi wonderful vichitra paathshaala doosri koi hoti nahin। bachche jaante hain gyaan saagar jo patit-paavan hai, vahi gyaan amrit pilaakar paavan banaate hain। gaate bhi hain patit-paavan aao। to zaroor yeh patit duniya hai aur paavan duniya bhi hai, nai duniya naye ghar ko paavan kahenge। phir vahi ghar puraana hona hi hai। to bachche jaante hain - yeh puraani duniya hai, nai duniya thi - vahaan bahut sukh tha। bachchon ne geet suna। woh to sirf bhaktimaarga mein gaate hain tum to ab practical mein ho। bhakti maarga ke geeton ko ham gyaan mein le aate hain। tum bachche jaante ho baap sabhi ko vaapas lene liye aaye hain। patit-paavan hai to paavan banaakar le jaayenge। aise-aise apne se baaten karni hain। yeh zaroor patit duniya hai। paavan devtaaon ko va paavan sannyaasiyon ko patit manushya naman karte hain। parantu patit-paavan baap ek hi hai। sabhi us paavan banaane vaale ko yaad karte hai kyonki saari duniya ko duhkh se liberate karna, yeh baap ka hi kaam hai। duhkh kaun dete hain? vikaar। vikaaron ka naam kya hai? kaam ka bhoot, krodh ka bhoot, ashuddha ahankaar ka bhoot। shareer ko bhi bhoot kaha jaata hai kyonki 5 bhooton (tatvon) ka bana hua shareer hai। aatma to inse nyaari hai। ek shareer chhod doosra leti hai। ab tum bachche nai duniya bhi dekh rahe ho aur uske liye padhte ho। manushya bhi samajhte hain vinaash hona hai, mahaabhaari ladaai lagni hai। parantu phir kya hoga, yeh nahin jaante kyonki geeta ke bhagwan ko dvaapar mein le gaye hain। raajayog to geeta ke bhagwan ne sikhlaaya। shreekrishna to sikhla na sake। geeta mein shreekrishna ka naam daal unko dvaapar mein le gaye hain। yeh hai munjhaara। ham tum bhi is munjhaare mein the, ab nikal aaye hain। manushya to durgati ko paaye hue hain, ham ab gyaan se sadgati din mein ja rahe hain।

baap kehte hain main gyaan saagar hoon aur koi bhi gyaan de na sake। gyaan saagar ek ko hi kaha jaata hai phir unse gyaan gangaayen nikalti hain। shiv shakti gyaan gangaayen kaha jaata hai। woh hai paani ki ganga jo bahti rehti hai। aise to nahin paani ki ganga jahaan chaahe vahaan ja sakti hai, nahin। tum gyaan gangaayen jahaan chaahe vahaan jaakar gyaan de sakti ho। vahaan hi gyaan ganga pragat ho jaati hai। woh phir samajhte hain phalaani jagah ganga nikli phir ek gaoomukh bana dete hain। vaastav mein gaoomukh to tum bachchiyaan ho। tum gau ke mukh se yeh gyaan nikal raha hai। tum ho gyaan saagar se nikli hui sachchi-sachchi gangaayen। tumko srishti chakra ke aadi madhya ant ka knowledge samjhaaya jaata hai। baap ko hi knowledgeful kaha jaata hai। vahi world almighty sarvashaktimaan hai। woh sab vedon granthon ko jaante hain। sabka saar samjhaate hain। har ek dharma ka shaastra ek hi hona chaahiye। jaise shreemad bhagvat geeta ek hai, Bible ek hai। ibraaham ne aakar islaam dharma sthaapan kiya, phir unke peechhe aate jaate hain। woh jo uchchaaran karte hain unka phir baad mein dharma shaastra banaate hain। phauran nahin banaate hain। usi samay to unko dharma ki sthaapna karni hai। woh sab shaastra baad mein banaate hain। baap kehte hain yeh ved shaastra jap tap aadi sab hai bhakti cult। yeh hai gyaan cult। bhakti ki aayu abhi poori hoti hai, phir baap aakar gyaan de patiton ko paavan banaate hain। ab tum jaante ho abhi ham so brahman hain phir ham so devta banenge। 84 janmon ka poora hisaab-kitaab buddhi mein hai। abhi ham brahma mukh vanshaavli brahman hain। pahle ham shoodra kul ke the, abhi ham brahman kul ke bane hain। yeh bhi tum brahman hi jaante ho। devi-devta dharma vaale to koi hain nahin। hindu thode hi jaante ki ham asul devi-devta kul ke the। abhi ham shoodra kul ke hain। apne dharma ko bhool dharma bhrashta, karma bhrashta kangaal ban pade hain। abhi baap dvaara tum bachchon ne ham so, so ham ka arth samjha hai। ham so aatma paramdham ki rahvaasi hain। yahaan aakar part bajaate hain। pahle-pahle ham satayug mein devta kul mein aaye phir vaishya shoodra kul mein aaye। phir jaayenge devta kul mein। tum jaante ho kitne janma kis kul mein rahenge। baaki baba ek-ek janma ka to nahin baith bataayenge। nutshell mein bataate hain। beej aur jhaad ko jaano, bas। baap beejroop hai। ham kalpa vriksha ke bhaati hain। ham paramdham se aaye hain part bajaane। satayug se lekar chakra lagaaya phir aur dharma vaale phalaane-phalaane samay par aate hain phir jab vinaash hota hai to sab aatmaayen vaapis jaati hain। phir apne-apne samay par nambarvaar aati hain dharma sthaapan karne। yeh sab raaz tumhaari buddhi mein hain। bachche kehte hain baba aap jo padhaate hain usse ham svarga ke maalik bante hain। aap jaisa sukh aur koi nahin de sakte। manushya maatra to sab alpakaal sukh dene vaale hain। woh to jaanvar bhi dete hain। manushya ka jeevan to amoolya kaha jaata hai। manushya hi devi-devta ban sakta hai। manushya vishwa ka maalik ban sakta hai। baba aapne jo sukh diya hai woh koi bhi de nahin sakta। baba aap to hamko vishwa ka maalik banaate hain। aap vishwa ke rachayita hain। tum to sirf baap ko yaad karte ho। bas aur koi hathayog aadi ki baat nahin। tum baap ke bane ho jaante ho baba naye vishwa ka rachayita hai। baba paramdham se aaye hain। most beloved baap hai, sab unko yaad karte hain। bhal koi bhi dharma vaala hoga O god father, he bhagwan va allaah zaroor kehte rahenge। baap kehte hain main sabhi ko sukh dekar jaata hoon tab bhakti maarga mein mujhe yaad karte hain। abhi phir sukh dene aaya hoon, phir aadhaakalpa mujhe koi bhi yaad nahin karenge। vahaan maaya rehti nahin jo duhkh de। tum vishwa ke maalik devi-devta ban jaate ho to tum bachchon ki dil mein raat din yeh rehna chaahiye। baba aap hamko vishwa ka maalik banaate ho। ham hakdaar bhi hain। baap naya vishwa svarga rachte hain to zaroor bachchon ko hi maalik banaayenge na। god father heaven rachte hain to phir ham sab heaven mein kyon nahin hain। sabhi heaven mein hon to hell hove nahin। yeh to haar jeet, sukh duhkh ka khel hai। nai duniya phir puraani banti hai। naya kaun banaate, puraana kaun banaate, yeh srishti chakra kaise phirta hai, yeh buddhi mein rehta hai। satayug treta mein hain sooryavanshi chandravanshi, phir dvaapar mein aur-aur dharma emerge hote hai, jo jis prakaar kalpa pahle hua hai, vaise hi phir repeat hona hai।

tum bachche jaante ho abhi phir se satayug start hone vaala hai। puraani duniya khatma ho nai aane vaali hai। manushya samajhte hain yeh duniya ajun puraani hoti hi rahegi। bahut samay pada hai। baap kehte hain tum ghor andhiyaare mein ho, vinaash saamne khada hai। main aa gaya hoon - patit duniya ko paavan duniya banaane। aage to koi tha nahin। abhi brahma mukh se santaan paida hote jaate hain। prajaapita brahma ke zaroor anek bachche honge। jo baith padhte hain, jinko phir devta banna hai। jo baap se pratigya karte hain, pavitra bante hain aur svadarshan chakradhaari bante hain - vahi raajya-bhaagya lenge। sab to nahin lenge। baaki sab apna-apna hisaab-kitaab chuktu kar vaapis jaayenge। baba devta dharma ki phir se sthaapna kar rahe hain aur sabhi dharma vinaash hone hain। mahaabhaari ladaai bhi saamne khadi hai। yeh history-geography ka raaz geeta ka bhagwan baith samjhaate hain। bhagwan ki mahima alag, shreekrishna ki mahima alag hai। shreekrishna ko manushya srishti ka beejroop, world almighty authority nahin kahenge। world almighty authority ek hai। sooryavanshi ki mahima alag hai। chandravanshi ki mahima alag hai। vaishya aur shoodravanshi ki mahima alag hai। har ek ki mahima apni hai। chief minister - chief minister hai, governor - governor hai। sab ek samaan thode hi ho sakte hain। yeh sab samajhne ki baaten hain। manushya thode hi jaante ki tum bhaarat ko svarga banaate ho। tum apne liye raajya sthaapan kar rahe ho gupta reeti aur non violence se। na kaam kataari ki hinsa, na haath paanv chalaane ki, na goli maarne ki hinsa। tumko koi hathiyaar aadi nahin uthaana hai। tum brahman jaante ho ham baba ki madad se kalpa pahle muaaphik bhaarat ko phir se heere jaisa bana rahe hain। yeh hai roohaani seva। manushya to jismaani seva karte hain। ham baba ki shreemat se shreshtha ban rahe hain। baaki sab manushya mat se bhrashta hi bante jaate hain। neeche utarna hai zaroor। bhakti bhi pahle avyabhichaari hoti hai। very good bhakti। ek ki hi pooja karte phir second grade mein devtaaon ki karte, phir to kutte billi patthar mitti aadi 5 bhooton ki bhi bhakti karne lag padte। unko kaha jaata hai vyabhichaari bhakti। avyabhichaari se vyabhichaari ban padte hain। ab baap tumko avyabhichaari yog sikhlaate hain। grihastha vyavhaar mein rehte, khaate-peete sirf baap aur varse ko yaad karna hai। mehnat saari ismen hain। bhal apne ghar jaao aao sirf gupta reeti se buddhi se yaad karo। mukh se raam-raam athva shivaae namah kahne ki bhi darkaar nahin। sirf baap ko yaad karo। baba hai gupta, gyaan ka saagar। saare is srishti chakra ka unko pata hai। unko kaha jaata hai param aatma। yeh aatma hai, inko us baap se gyaan mil raha hai। in sab baaton ko dhaaran kar aur phir karaana chaahiye। bichaare raasta dhoondhate rehte hain, jaante nahin hain। tum jaante ho shantidham hai nirvaandhaam। jahaan se ham aatmaayen aati hain। svarga hai sukhdhaam, narka hai duhkhadhaam, maayaapuri। woh svarga vishnupuri aur yeh narka hai raavanpuri। baap kehte hain tum sirf baap aur varse ko yaad karo। bas। agar beech mein buddhi aur taraph chali jaati hai to unko hataao। khaate-peete, chalte sirf mujh baap ko yaad karo, bahut sahaj hai। samjho vilaayat mein koi rehta hai unki memsaaheb hindustaan mein hain to door rehte bhi uski yaad buddhi mein rahegi na। ham bhi kitne door hain parantu buddhi se baap ko yaad karna hai jisse bahut sukh milta hai aur sabse to duhkh milta hai। manushya, manushya ko kabhi bhi sada sukh nahin de sakta। baap kehte hain jinna ke muaaphik yaad karte raho। bas baap aur svarga ko yaad karo, yahi hamaari seva karo। ham tumhaari seva karte hain - yaad karaane ki। tum phir yaad karne ki seva karo। yeh raay angeekaar (sveekaar) karo। yahi tumhaari madad hai। himmate marda madde khuda। yeh yaad hi tumko svarga ka maalik banaayegi। kitna sasta sauda hai। vo guru log to bahut dhakke khilaate hain। ek hi satguru jab aate hain to phir koi guru karne ki darkaar nahin rehti hai। guroopna hi nikal jaata hai। sabhi sadgati ko pa lete hain। ek satguru ke aane se phir anek guru karne ki rasam-rivaaj aadhaakalpa ke liye nikal jaati hai। phir bhakti maarga mein woh rasam chalti hai। satayug mein guru koi hota nahin। vahaan akaale mrityu kabhi hota nahin। health wealth aur happiness 21 janmon ke liye milti hai। aise aur koi de na sake। tumko baap dvaara hi health wealth aur happiness milti hai। baaki sab nirvaandhaam mein chale jaate hain। achha!

meethe-meethe sikeeldhe svadarshan chakradhaari bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shreemat par bhaarat ko heere jaisa banaane ki roohaani seva karni hai। gupta reeti se baap ko yaad kar shreshtha banna hai।

2) apne aapse baaten karni hai, roohrihaan karna hai baba aapne jo sukh diya hai woh koi de nahin sakta। baba aapki padhaai se ham vishwa ka maalik bante hain। aap nai srishti rachte ho uske ham hakdaar hain।

vardaan:- bhrakuti ki kutiya mein baith antarmukhta ka ras lene vaale sachche tapasveemoorta bhav

jo bachche apne bol par control kar energy aur samay jama kar lete hain, unhein svatah antarmukhta ke ras ka anubhav hota hai। antarmukhta ka ras aur bolchaal ka ras - ismen raat din ka antar hai। antarmukhi sada bhrakuti ki kutiya mein tapasveemoorta ka anubhav karta hai। vo vyartha sankalpon se man ka maun aur vyartha bol se mukh ka maun rakhta hai isliye antarmukhta ke ras ki alaukik anubhooti hoti hai।

slogan:- raazayukta ban har paristhiti mein raazi rahne vaale hi gyaani tu aatma hain।