बुधवार 5 अप्रैल 2023 की दैनिक मुरली

05-04-2023 praatahmurli om shanti "baapdaada"' madhuban

“meethe bachche - auron ko samjhaane ki service karte raho, gyaan dhan ka daan karo to apaar khushi rahegi, sarva ki aasheervaad milegi, baap ki yaad bhoolegi nahin।''

prashn:- baap tum bachchon ko roohaani drill kyon sikhlaate hain?

uttar:- pahalvaan banaane ke liye। jitna tum baap ki yaad mein rehte ho, padhaai par dhyaan dete ho utna tumhaare mein taakat aati jaati hai। isi bal se tum maaya par vijay praapta kar lete ho। tum koi sthool hathiyaar aadi nahin chalaate, svadarshan chakra se maaya ka gala kaatte ho - yeh hai ahinsak yuddha।

geet:- bachpan ke din bhula na dena…

om shanti। bachche is geet ka arth samajhte honge। baap karan-karaavanhaar hai na। to aise-aise geet bhi baba ne bachchon ke liye banvaaye hain। baap bachchon ko kehte hain ki behad ke maat-pita ke bachche bankar phir bhula na dena। yeh yaad lambi hai। yaad karte hi rehna hai। jab maat-pita kehte hain to pita ko yaad zaroor karna hai। maat-pita ki yaad to pahle hoti hai phir varse ke liye baap ki hi yaad rakhni padti hai। likha hua bhi hai deity sovereignty tumhaara eeshvareey janma siddha adhikaar hai। parampita paramatma hai vishwa ka rachta, to zaroor svarga nai duniya hi rachenge। baap kabhi aise nahin kahenge ki ham puraana ghar banaate hain। hamesha naya ghar hi banaate hain। puraana banaane ka akshar kabhi nahin nikalta। behad ka baap bhi nai duniya hi rachte hain। ab bachche jaante hain ham maat-pita se varsa paane shreemat par chal rahe hain। yeh hai buddhi ki yaatra। woh jismaani yaatraayen to janma-janmaantar karte aate hain aur ghadi-ghadi karte rehte hain। yeh roohaani yaatra ek hi baar hoti hai। to yaatri pande ko kabhi bhool nahin sakte athva bachche maat-pita ko kabhi bhool nahin sakte। tum ho paandav sena, supreme panda hai shivbaaba। tum ho unke bachche। badreenaath va amarnaath par jaate hain to buddhi mein yaatra hi yaad rehti hai। jaise vilaayat se lautte hain to phir apna birthplace hi yaad rehta hai। khushi hoti hai ki ham ghar jaate hain। tum bachche bhi jaante ho apne behad ghar sweet hom mein ham jaate hain। vikarmaajeet zaroor banna hai। yeh baap hi aakar sikhlaate hain। kehte hain sivaae yaad va yog ke tumhaare vikarma vinaash ho nahin sakte। yog ki mahima bahut hai। praacheen bhaarat ka yog gaaya hua hai puraane te puraana। satayug hai nai duniya। to is samay puraani duniya mein puraana yog sikhlaate hain। yog ki mahima bahut hai। baap yeh yog sikhla kar jaate hain phir bhakti maarga shuru hoga। tum kahenge praacheen yog manushya, manushya ko kabhi sikhla na sake। aur sabhi anek prakaar ke yog manushya, manushya ko sikhlaate hain। ab tum bachche jaante ho sabhi ka sachcha-sachcha baap ek hai aur sabki maa jagdamba hai। yoon to father sabko kehte rehte hain। municipality ke chairman ko bhi father kehte hain। aise to phir bahut ho jaate। god father ek hi hai। woh hai rachta। srishti bhi ek hi hai। aise nahin ki neeche va oopar koi srishti hai। manushya kitni koshish karte hain chandrama, stars taraph jaakar plat khareed karen। jab ati mein jaate hain to phir vinaash ho jaata hai। bhal kitna bhi maatha maaren।

ab baap kehte hain laadle bachche bachpan bhula nahi dena। yahaan to pahle bachche bante hain baap ke। vahi baap phir shikshak bhi bante hain। varsa dene vaala ek hi baap hai। sannyaasiyon ko to maat-pita hai nahin। property mil na sake। laukik baap se to sabko varsa milta hai। paarlaukik baap ek hi hai। unko kaha jaata hai rachta। baap kehte hain main hoon manushya srishti ka beejroop। meri mahima bhi karte hain। sat-chit-aanand swaroop। yeh to samajhte ho baap ki mahima bilkul alag hai aur koi ki vo mahima kar nahin sakte। vishwa ke maalik lakshmi-naaraayan ki mahima bilkul alag hai। unki mahima gaate hain sarvagun sampanna.. ahinsa parmo dharma, maryaada purushottam। pahle number mein svarga ke mahaaraaja mahaaraani ki mahima hai। woh raajya hi aisa hai। yatha raaja raani tatha praja। vahaan duhkh ka naam nahin rehta। praja ko bhi duhkh ka naam nahin। aisi duniya to zaroor parampita paramatma hi rachenge। unko kaha hi jaata hai heavenly god father। bhal angrej log akshar kehte hain heaven parantu samajhte nahin ki heaven kya hota hai। bhaarat hi heaven tha। bhaarat ki badi bhaari mahima hai। tumhaara dushman hai raavan। tumhaara behad ka raajya ganvaane vaali yeh maaya dushman hai। aadhaakalpa se tumne raajaai ganvaai hai। ganvaate-ganvaate tum bilkul hi kangaal ban pade ho। phir tumko hi raajya-bhaagya milta hai। tumko hi hero heroine kahenge। ek hero heroine phir unki vanshaavli, tum sabhi hero heroine bante ho arthaat saare vishwa par tum vijay praapta karte ho। tum is samay hero heroine ka part baja rahe ho। saare vishwa mein baap tumko hero heroine ka title dilva rahe hain। tum ho shiv shakti sena। tum jaante ho ham yogbal se svarga banaate hain phir svarga mein ham raajya karenge। parantu maaya aisi hai jo bhula deti hai। jaise second mein jeevanmukti milti hai to maaya bhi phir second mein bhula deti hai। jeevanmukti ko phaarakti de second mein mar jaate hain। baap to samjhaate rehte hain bachche jeevan ki musaaphiri lambi hai। barobar baap ko yaad karna hai to ant mati so gati ho jaayegi। jis maat-pita se behad ka varsa milta hai unse agar munh moda to phir us taraph chale jaate hain। bachchon ne lakhnau mein bhool-bhulaiya dekha hoga, andar jaane se manushya moonjh jaate hain। yeh bhi aise hai। baap aur baap ka ghar bhool jaane se dhakke khaate maatha tekte rehte। raasta dikhaane vaala to oopar khada hai।

baap kehte hain tum ab maaya par jeet paane ka purushaartha kar rahe ho shreemat par। aise nahin aaj maat-pita kah kal phir unko bhula do। yahaan to aur sang tod ek saath jodna hai। bhakti maarga mein gaate bhi hain balihaar jaaoon, vaari jaaoon.. naam lete hain shreekrishna ka। vaastav mein shreekrishna ki baat hai nahin। yeh hai hi roodra gyaan yagya। roodra shiv ko kaha jaata hai, itni chhoti si baat bhi manushya samajhte nahin। baba ne geeta bahut padhi hai। parantu pahle kuchh bhi samajhte nahin the। abhi samajhte hain usmein to bhagvaanuvaach likha hua hai। is roodra gyaan yagya se vinaash jvaala prajjavlit hoti hai। roodra gyaan yagya ko phir krishna yagya kah dete hain। roodra bhi shreekrishna ka avtaar hai - aise kah baat uda dete hain। ab baap kehte hain main tumko raajayog sikhaata hoon to zaroor nai srishti chaahiye raajya karne liye। deepmaala par lakshmi ka aahvaan karte hain to kitna saphaai aadi karte hain। woh hai bhakti maarga ki rasma-rivaaj। yahaan to tum manushya se devta bante ho to zaroor bilkul nai srishti chaahiye। iske liye hi puraani duniya ka vinaash hota hai। geeta mein bilkul clear hai - roodra gyaan yagya se vinaash jvaala prajjavlit hui। baap hai hi behad ki srishti rachne vaala। kehte hain bachchon mujh baap ko bhool nahin jaana। aaj hansate, kal baap ko bhoole to khatma। phir itna rona padega jo kabhi nahin roya hoga। baadshaahi ganva baithte hain, bada ghaata pad jaayega। ghaate vaale manushya ki shakla peeli ho jaati hai। to baap kehte hain paarlaukik baap aur varse ko bhula nahin dena। auron ko samjhaane ki service karte raho। service mein busy rahne se phir bhoolenge nahin। dhan diye dhan na khute, jitna daan karenge utna khushi ka paara chadhega। auron ki aasheervaad tumhaare sir par hogi। kahenge aise pande par to balihaar jaaoon jisne svarga ka raasta bataaya। yahaan practical mein baap ka shukriya maana jaata hai। baap kehte hain behad ki shanti sadaakaal ke liye dene vaala to main hi hoon। main tumko aise karma sikhlaata hoon jo kabhi duhkh ashaanti ho nahin sakti। karmon ki gati badi gahan hai। baap kehte hain main tumko karma, akarma, vikarma ka raaz samjhaata hoon। satayug mein karma vikarma hota nahin, karma akarma hota hai kyonki vahaan maaya hai nahin। abhi to maaya ka raajya hai isliye karma vikarma ban jaata hai। abhi tum drill seekh rahe ho aur pahalvaan ban rahe ho। yeh padhaai to ant tak padhni hai। jitna padhenge utni taakat milegi, vriddhi ko paate rahenge। harek math panth ka pahle ek aata hai phir vriddhi hoti jaati hai। aajkal to duniya mein andhashraddha bahut hai, yahaan to padhaai hai, ismen andha-shraddha ki koi baat nahin। vo log ek hi lecture se kitne ko bauddhi athva Christian bana dete hain। paadri log hi bahut lecture karte hain, phir dher Christian ban jaate hain। yahaan woh baat nahin। yahaan to maaya se yuddha karni hai, isko kaha jaata hai yuddhasthal। bhagwan aakar hinsa thode hi sikhlaayenge। kehte hain ahinsa ka bal chaahiye। parantu hinsak manushya kabhi ahinsa sikhla na sake। abhi tum bachche jaante ho ham baap se varsa paane ka poora purushaartha kar rahe hain। yeh raajdhaani sthaapan ho rahi hai। maala ko phiraate raam-raam kehte rehte hain। treta ant tak 16108 prince princess ho jaate hain। ismen aath hain mukhya। aath ratnon ki badi mahima hai। manushya thode hi samajhte hain ki inka raaz kya hai। aath to paas with honour hote bilkul saja nahin khaate। baaki 100 to thodi bahut saja khaate hi hain। baap kehte hain bachche thak mat jaana। O raat ke raahi। abhi ham raat ko cross kar din mein jaate hain। baba bhi aate hain sangam par। aadha-kalpa ki raat poori hoti hai to baap aate hain isliye hi shivraatri kehte hain। shivbaaba ki janmapatri aur koi bata na sake sivaae tumhaare। brahma ki raat aur brahma ka din behad ka gaaya hua hai। ghor andhiyaare se ghor sojhra hota hai। baap aate hain ant mein, jabki raat poori ho din aata hai। to brahma ki hai behad ki raat। yeh samajh ki baaten hain na। baba khud kehte hain main saadhaaran tan mein pravesh karta hoon। yeh apne janmon ko nahin jaanta, main batlaata hoon - brahma aur bi.ke. ke itne janma hue। in sab baaton ko kalpa pahle vaale hi samjhenge। ham abhi baap ko jaanne se aastik bane hain। baap se varsa lete hain।

aatmaon ka baap ek hai। brahma bhi shivbaaba ka bachcha hai। adopt karte hain na। khud kehte hain main inmen pravesh karta hoon। aur koi yeh baaten kar na sake। baap kehte hain laadle bachche baap ko kabhi bhoolna nahin। bhoole to svarga ka varsa ganva denge phir rona padega। kalpa-kalpa ki baazi ho jaati hai। kalpa-kalpa aisa karte rahenge। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jeevan ki lambi musaaphiri mein thakna nahin hai। maat-pita se kabhi bhi munh nahin modna hai। aur sang tod ek baap par poora balihaar jaana hai।

2) sweet hom mein jaane ke pahle vikarmaajeet zaroor banna hai। shreemat par buddhi ki yaatra karte rehna hai।

vardaan:- saath rahenge, saath jiyenge.. is vaayde ki smriti dvaara combined rahne vaale sahajyogi bhav

aap bachchon ko vaayda hai ki saath rahenge, saath jiyenge, saath chalenge... is vaayde ko smriti mein rakh baap aur aap combined roop mein raho to is swaroop ko hi sahajyogi kaha jaata hai। yog lagaane vaale nahin lekin sada combined arthaat saath rahne vaale। aise saath rahne vaale hi nirantar yogi, sada sahayogi, udti kala mein jaane vaale pharishta swaroop bante hain।

slogan:- question mark ka tedha raasta lene ke bajaae kalyaan ki bindi lagaana hi kalyaankaari banna hai।