सोमवार 17 अप्रैल 2023 की दैनिक मुरली

17-04-2023 praatahmurli om shanti "baapdaada"' madhuban

“meethe bachche - maaya ke vash ho eeshvareey mat ke virooddha koi kaarya nahin karna, kabhi bhi baap ki ninda nahin karaana''

prashn:- maaya bhi baap ki madadgaar hai - kaise?

uttar:- jab dekhti hai koi shreemat ki avagya karte hain, baap ka kehna nahin maante hain, shreemat par nahin chalte hain to woh kachcha kha leti hai, thappad maar deti hai। sayaana woh jo baap ki yaad se maaya ko parakh uske vasheebhoot na ho।

geet:- mujhko sahaara dene vaale…

om shanti। bachchon ne yeh mahima kiski suni? parampita paramatma ki। bachche jaante hain ki aise baap ko yaad karke unse ab svarga ka varsa lena hai। baap ka to pharmaan hai nirantar mujhe yaad karo aur apne ko aatma roop mein bachche samjho। yahi manzil hai। baap ka nivaas sthaan to ab madhuban hi hai। ab baap se varsa kaise mile? jitna jo baap ko yaad karte hain utna unke paap katte jaate hain aur jo baap ke varse ko yaad karte rehte unke khaate mein khajaana jama hota rehta hai। yeh ek kisma ka vyaapaar hai jo baap sikhaate hain। aise baap ko to nirantar yaad karna pade। agar yaad nahin karte to maaya patthar maarti hai। maaya koi kam nahin hai। bhal koi kitna bhi kahe main bachcha hoon। bhal sthool va sookshm service bhi karta rahe lekin baap se yog lagaana nahin jaante to use sapoot bachcha nahin kahenge। baap to kabhi kisi par gussa nahin karte, kabhi aur drishti se nahin dekhte parantu chalan aisi dekhte hain to samajhte hain yeh aasuri mat ka hai। maaya ek hi ghoose se ekdam khatma kar deti hai। phir kitna vighna daalte hain। unka jitna bada paap banta hai utna agyaani manushya ka nahin banta। kai nazdeek rehte hue jara bhi pahchaante nahin। baap kehte yeh bhi drama mein noondh hai, jo sunte hue jaise ki sunte hi nahin। to baba kya karen। aajkal manushyon ke oopar kitna bhi aasheervaad karo, pyaar karo parantu baithe-baithe apne ko bhasmaasur bana dete hain। vaastav mein eeshvareey sampradaay aur aasuri sampradaay mein raat-din ka pharka hai। is duniya mein kisi ka baap ke saath yog nahin hai। aise ko phir baap aakar eeshvareey sampradaay ka banaate hain। tumhaare mein bhi koi to eeshvar ke ban unki shreemat par chalte hain aur jo nahin chalte hain woh bhasmaasur ban jal marte hain। tum eeshvareey mat se svarga ka maalik devta bante ho aur koi svarga jaane badle kaam chita par baith bhasmeebhoot ho jaate hain।

baba bachchon ko kitna yukti se uthaate hain। parantu maaya aisi hai jo aisa vaar karti hai jo ninda karaane ke nimitta ban padte hain, jo sayaane bachche hain woh to kadam-kadam baap ki shreemat par chalte hain। baap ki pahli-pahli aagya hai mujh paarlaukik baap ko yaad karo to sudhaar ho। jo baap se yog nahin lagaate, shreemat par nahin chalte to maaya beti unhein kha leti hai। maaya ko beti kehte hain kyonki madad karti hai। baap to paramdham se aaye hain bachchon ko padhaakar nar se naaraayan banaane phir bhi aise baap ke naapharmaanbar-daar ban jaate hain। baahar nikalne se hi maaya ka thappad lag jaata hai phir taras padta hai। kahaan-kahaan bichaari kanyaaon, maataaon par bandhan aa jaate hain। kaam ka halka nasha bhi hua to gir padte hain, phir ablaaon par kitne atyaachaar hone lagte hain! kitni bichaari baandh ho jaati hain! itne sabka paap un par padta hai। badi kadi saja khaate hain। baat mat poochho। maaya jaanti hai kalpa pahle vaale kaun-kaun hain jinhonne mujhe jeet baba ka taraph liya hai। woh bhi sayaani hai। dekhti hai yeh baba ki avagya karte hain to taala banda kar deti hai। baap jaante hain yeh ablaayen, kanyaayen bhaarat ka kalyaan karti hain। baap ko maataaon ka bahut phurna rehta hai। tum bachchon ko bhi maataaon ka phurna hona chaahiye। apna ahankaar nahin rehna chaahiye। baap khud kehte hain vande maatram। badi sambhaal karni hai। koi aisi dirty chalan nahin chalni hai। apne aapse poochhna hai ki ham koi ulta dhandha to nahin karte hain। baap kehte hain tum baap se varsa lo। tum devta banne aaye ho। dharma ki sthaapna mein anek vighna to padne hi hain। Christ ke samay mein bhi aise kai nikle jinhonne ninda aadi ki। aasuri sampradaay ne maar daala, pahchaana nahin। ab unke kitne church aadi bante hain, parantu isse kuchh faayda nahin। maaya ke ban tamopradhaan ban jaate hain। jahaan bhi jaate hain vahaan se milta kuchh bhi nahin hai। din-pratidin aur hi duhkhi tamopradhaan hote jaate hain। samjho guroonaanak ke paas jaate hain, unse kya milega? woh sirf kehte tumko pavitra banna va rehna chaahiye। parantu apvitra hi rehte hain। sirf unka bhajan gaate rehte hain, to milega kuchh bhi nahin। ab dekho sab kabradaakhil ho gaye hain। gyaan ka jara bhi pata nahin hai। krodh bhi bahut kada hai jisse apne ko bhasmaasur bana dete hain। phir jama hone ke badle ghaata ho jaata hai। aate hain takdeer banaane। kehte hain baba se svarga ka varsa lene aaya hoon। achha baap ko poora yaad karna padega। unki shreemat par chalna hai। nahin chalenge to phir jaise ka vaisa ban jaayenge। phir kalpa-kalpa girte hi rahenge। phir kabhi uth nahin sakenge। abhi purushaartha kiya to oonch te oonch ban sakte hain।

baap kitna samjhaate hain, board par bhi likha hua hai - eeshvareey vishwa-vidyaalay parampita paramatma ne sthaapan kiya hai। unse svarga ki raajaai ka varsa paana hai। agar yahaan aakar aur phir chale jaayen to sab kahenge shaayad eeshvar nahin hai, jo aise chhodkar nikalte hain। kitne sanshaybuddhi ban padenge। un par sabka paap chadh jaata hai। shreemat par nahin chalenge to shreshtha kaise banenge? shreemat par chalne se tumhaara koi nuksaan nahin ho sakta hai। woh baap bhi hai, dharmaraaj bhi hai। dharmaraaj dekhte hain kya-kya paap karte hain? meri glaani karte hain। bade kaayde hain। parantu bachche samajhte nahin। haath uthaate hain - ham lakshmi-naaraayan ko varenge aur kaam aise karte hain jo baat mat poochho। aage chalkar yeh kila aisa ban jaayega jo koi patit andar aa nahin sakega। abhi to maaya bahuton ko naak se pakad leti hai। woh niraakaar baap in okhon ka loan le aaye hain to dekhte hain yeh first class bachcha hai, yeh kaanta hai। baap samjhaate hain bachche tumko to svarga ka maalik banna chaahiye। tum aisa purushaartha kyon nahin karte। baba sarvashaktimaan hai। maaya par jeet pahnaane aate hain। kehte hain - meethe bachche, kuchh sajaaon se bhi daro। shreemat par aagyaakaari bano। apne par raham karo। maaya ke vash kuchh bhi karenge to bhoot ban jaayenge। bhavaani maata kaha jaata hai, koi to bhavaani ka vaaris ban jaate hain, koi bhoot ban jaate hain। tum sab bhavaani maataayen ho jo gyaan amrit pilaati ho। vaphaadaar bachchon par maat-pita ki aasheervaad rehti hai। vaphaadaar nahin to shanti se jaakar kahaan door rahe to achha। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

raatri class - 17-6-68

meethe-meethe bachche jab yahaan aate hain to samajhte hain ham baba ke paas jaate hain। baba se sunte hain। jab apne apne centre par jaate hain to saamne baapdaada nahin baithte hain। kahaan-kahaan gop bhi chalaate hain। murli to sahaj hai। koi bhi dhaaran kar class kara sakte hain। braahmaniyaan baithi to hain। baba poochhte hain koi murli padh kar, phir murli ka saar sunaate hain? koi murli padhkar sunaate hain। jo murli haath mein uthaakar sunaate hain woh haath uthaave। murli haath mein nahin uthaakar bigar murli aise hi sunaate hain woh bhi haath uthaaven। murli haath mein to honi chaahiye na! padhe hue hain phir saar baith sunaate hain। koi murli padhkar sunaate hain, nambarvaar to hain na। mahaarthi, ghodesvaar aur pyaade। sabhi to accurate nahin padhte hain। koi to padhte bhi rehte hain, addition kar rahasya bhi sunaate rehte hain, raseele namoone। sabhi aise nahin samjha sakte। yahaan to baap baithe hain। baap bachchon ko kehte hain koi baat mein sanshay hona nahin chaahiye। ek baap hi sabhi kuchh sunaate hain। un school mein to anek padhaane vaale hain। alag alag padhaate। yahaan to ek hi padhaate hain। ek hi em object hai। ismen prashn poochhne ka rehta nahin। subah ko yahaan baith bachchon ko yaad ki yaatra mein madad karta hoon। aise nahin sirf tumko yaad karta hoon। saare behad ke bachche yaad rehte hain। tumko is yaad se saare vishwa ko paavan banaana hai। anguli tum kismen dete ho? pavitra to saari duniya ko banaana hota hai na। to baap sabhi bachchon par nazar rakhte hain। sabhi shanti mein chale jaaven। sabhi ko attention khinchavaate hain। jinka yog hai woh uthaate hain। baap to behad mein hi baithenge। main aaya hoon saari duniya ko paavan banaane। saari duniya ko current de raha hoon to pavitra ho jaayen। jinka yog hoga samjhenge, baba abhi baith yaad ki yaatra sikhla rahe hain, jisse vishwa mein shanti hoti hai। bachchon ko bhi yaad kiya jaata hai। woh bhi yaad mein rehte hain to madad milti hai। achhi reeti yaad karte hain woh thode hain। madadgaar bachche bhi chaahiye na। khudaai khidmatgaar। nishchaybuddhi se yaad karenge na। tumhaari pahli subject hai yeh paavan banne ki। goya tum bachche nimitta bante ho baap ke saath। baap ko bulaate hain he patit-paavan aao। abhi woh akela kya karega? khidmatgaar chaahiye na? tum jaante ho vishwa ko shant banaakar us par raajya karenge। aisi buddhi hogi tab nasha chadha hua hoga। tum bachchon ko bhaarat ko heaven banaana hai। tum jaante ho baap ki shreemat se, ham apne yogbal se apni raajdhaani sthaapan kar rahe hain। nasha rehna chaahiye, ismen koi sthool baat to hai nahin। yeh hai roohaani। bachche samajhte hain har kalpa baap is roohaani bal se hamko vishwa ka maalik banaate hain। yeh bhi samajhte hain shivbaaba hi aakar svarga ki sthaapna karte hain। duniya ko yeh bhi pata nahin hai parampita paramatma nai duniya ki sthaapna karte hain; kab, kaise, bilkul hi nahin jaante hain। geeta mein bhi aate mein loon hai। baaki to sabhi jhooth hi jhooth hai। baap aakar satya bataate hain। bhaarat ka yogbal to naameegraami hai। baap kehte hain hathayogi raajayog sikhla na saken, parantu aajkal to jhooth bahut hain na। sach ke aage imitation bahut hoti hai isliye sach ko koi mushkil jaan sakte hain। yeh to baap hi aakar raajayog sikhlaate hain। baap kehte hain kalpa-kalpa aise hi hota hai। abhi tum naastik se aastik ban gaye ho। praacheen rishi-muni hi nahin jaante to auron ke paas kahaan se aaya? geeta ke gyaan ko hi nahin jaante hain। yeh daada bhi bahut padhte hain। abhi samajh mili hai। jaante ho duniya tamopradhaan hai। bilkul besmajh। bhaarat samajhdaar tha। bhaarat ka hi khel hai। doosre dharma kab aate hain yeh bhi bachche samajhte hain। mool vatan sookshm vatan ko bhi tum samajh gaye ho। sirf tum brahman hi yeh knowledge paate ho। devtaaon ko to yeh darkaar hi nahin। tumko saare vishwa ki ab knowledge hai। tum pahle shoodra varna ke the। phir brahmaakumaar bane to yeh knowledge dete hain jisse tumhaari deity dynasty sthaapan ho rahi hai। baap aakar brahman kul, sooryavanshi, chandravanshi dynasty sthaapan karte hain। woh bhi is sangam par sthaapna karte hain। aur dharma vaale phat se dynasty nahin sthaapan karte hain। unko guru nahin kaha jaata। baap hi aakar dharma ki sthaapna karte hain। baap kehte hain abhi sir par phurna hai baap ki yaad ka। jismen ghadi-ghadi bhool jaate hain। purushaartha kar dhandha aadi bhi karte rahe। aur yaad bhi karte rahe healthy banne ke liye। baap kamaai badi jor se karaate hain। ismen sabhi kuchh bhulaana padta hai। ham aatma ja rahi hain, practice karaai jaati hai। khaate ho to kya baap ko yaad nahin kar sakte ho? kapda silaai karte hain, buddhiyog baap ki yaad mein rahe। kichda to nikaalna hai। baba kehte hain shareer nirvaah liye bhal karo। hai bahut sahaj। samajh gaye ho 84 ka chakra poora hua। ab baap raajayog sikhaane aaye hain। yeh world ki history-jaagraaphi is samay repeat hoti hai। kalpa pahle jaise hi repeat ho rahi hai। repetition ka raaz bhi baap hi samjhaate hain। kehte bhi hain world repeat। one god, one religion kehte hain na। vahaan hi shanti hogi। woh hai advait raajya। dvait maana aasuri raavan raajya। woh hai devta, yeh hai daitya। aasuri raajya aur daivi raajya ka bhaarat par hi khel bana hua hai। bhaarat ka aadi sanaatan dharma tha। pavitra pravritti maarga tha। phir baap aakar pavitra pravritti maarga banaate hain। ham so devta the, phir kala kam hoti gai। ham so shoodra dynasty mein aaye। baap padhaate aise hain jaise teacher log padhaate hain, student sunte hain। achhe student poora dhyaan dete hain, miss nahin karte hain। yeh padhaai regular padhni chaahiye। aisi godly university mein apsenta honi nahin chaahiye। baba guhya-guhya baaten sunaate rehte hain। achha-goodnight। roohaani bachchon ko namaste।

dhaarna ke liye mukhya saar:-

1) baap ka aagyaakaari, vaphaadaar bankar aasheervaad lene ke paatra banna hai। koi bhi avagya nahin karni hai।

2) kabhi koi ulti chalan chalkar apni takdeer ko lakeer nahin lagaani hai। bhasmaasur nahin banna hai। dharmaraaj ki sajaaon ka dar rakhna hai।

vardaan:- dil mein ek dilaaraam basaakar sahajyogi banne vaale sarva aakarshan moorta bhav

dilaaraam ko dil dena arthaat dil mein basaana - isi ko hi sahjayog kaha jaata hai। jahaan dil hogi vahaan hi dimaag bhi chalega। jab dil aur dimaag arthaat smriti, sankalp, shakti sab baap ko de di, man-vaani aur karma se baap ke ho gaye to aur koi bhi sankalp va kisi bhi prakaar ki aakarshan aane ki margin hi nahin। svapna bhi isi aadhaar par aate hain। jab sab kuchh tera kaha to doosri aakarshan aa hi nahin sakti। sahaj hi sarva aakarshan moorta ban jaayenge।

slogan:- baap se aur eeshvareey parivaar se jigri pyaar ho to saphalta milti rahegi।