बुधवार 19 अप्रैल 2023 की दैनिक मुरली

19-04-2023 praatahmurli om shanti "baapdaada"' madhuban

“meethe bachche - ab sweet hom chalna hai isliye puraani duniya ke karmon ki len-den va hisaab-kitaab chuktu karo, yogbal se vikarmaajeet bano।''

prashn:- tum bachche light house bankar baap se yog kyon lagaate ho?

uttar:- kyonki tumhein sabko is narka roopi khaari channel se paar le jaana hai। tum muktidhaam aur jeevan muktidhaam mein jaane ke liye yog mein baith harek ko searchlight dete ho। tum roohaani pande bhi ho, tumhein sabko sweet hom ka raasta bataana hai। sabko gyaan aur yog ke pankh dene hain।

geet:- preetam on milo…

om shanti। bachchon ko samjhaaya gaya hai jab raat andheri ho jaati hai tab hi preetmaaon ka preetam aate hain arthaat sajniyon ke saajan aate hain। sajni kyon kaha jaata hai? kyonki aatma jab shareer ke saath hai to sajni hai। sajniyaan apne ashareeri saajan ko yaad karti hain।

baap kehte hain - bachche, tum jaante ho parampita paramatma paramdham se aakar is shareer mein pravesh kar padhaate hain! guhya baaten sunaate hain। baap ne samjhaaya hai - bachche, apne ko ashareeri samjho। main aatma hoon, yeh mera shareer hai। aatma ko yeh nishchay hua ki ab ghor andhiyaara hai arthaat duniya tamopradhaan hai। yeh duniya ab vinaash honi hai। baap aaye hain hamko le chalne, ashareeri ho chalne se sannaata ho jaayega। aatma jab ashareeri banti hai to ghar mein sannaata ho jaata hai na। raat ko aatma hai to shareer mein, parantu aatma thak karke ashareeri ban jaati hai। shareer ka bhaan nahin rehta to isko neend kaha jaata hai। tum bachchon ko yahaan baithe apne ko ashareeri samajhna hai, to shanti ka sannaata ho jaayega। samjhenge, jaise ki yahaan ashareeri baithe hue hain। ghar se ek aadmi chala jaata hai to kitna sannaata ho jaata hai! to jab itni sab aatmaayen chali jaayengi, sabke shareer khatma ho jaayenge to kitna sannaata ho jaayega! karodon manushya marenge। yeh to behad ka ghar hai na। sab aatmaayen vaapis jaayengi।

tum jaante ho baap hai gyaan ka saagar। agar sarvavyaapi kahen to harek gyaan saagar patit-paavan ho jaaye, parantu aise to hai nahin। baap baith bachchon se baat karte hain ki jaise main param aatma star hoon, tum bhi aise star ho। sirf main janma-maran mein nahin aata hoon। tumko janma-maran mein aakar part bajaana hai, 84 janmon ka। jaise tum aatma ho, main bhi aatma hoon। parantu mahima sabki apni-apni hai। president, prime-minister sabka alag-alag part hai। aise mera part bhi alag hai। main knowledgeful hoon, abhi bachchon ko knowledge deta hoon। tum jaante ho ki ham jaate hain baba ke ghar। baba aaya hua hai lene liye। baba hamaara guide, liberator duhkh se chhudaane vaala hai। tum ho paandav sena। tum jaante ho ham yaatra par hain, hamaara panda svayan parampita paramatma hai। tum bhi raasta bataate ho। to tum brahman roohaani pande thahre। ve brahman jismaani pande hain। sabhi ko kehna hai - chalenge yaatra par? mitra-sambandhi aadi sabko bolo - chalenge roohaani yaatra par? jaise koi yaatra par jaate hain to apne najdeek biraadri vaale ko kehte hain, aise tumko bhi baap kehte hain yaatra par chalenge? yeh roohaani yaatra roohaani pande hi sikha sakte hain। sweet hom ka raasta vahi jaante hain। jismaani panda roohaani ban sakta lekin roohaani panda phir jismaani panda ban na sake। baap thode hi tumko kahenge ki jismaani yaatra par jaao। pande tab ban sakenge jab dekhkar aaye ho। aisa to koi hai nahin jo sweet hom dekhkar aaya ho aur vahaan le jaaye। sweet hom ko woh jaante hi nahin। aatma ke pankh toote hue hain। jab tak baap na aaye tab tak pankh mil na saken। malham patti koi kar na sake। yog se hi pankh milenge। bhaagna sabko hai। koi yogbal se vikarmaajeet bante hain, koi phir sajaayen khaakar hisaab-kitaab chuktu karte hain। duhkh ka saara hisaab-kitaab chuktu hota hai। yeh sab drama mein noondh hai, apne vikarmon ka saakshaatkaar garbha mein hota hai phir sajaayen bhog baahar nikalte hain। abhi to beshumaar manushya marte hain। sabko apna hisaab-kitaab chuktu karna hai। puraani duniya ke karmon ki len-den ka hisaab-kitaab khalaas kar abhi tum nai duniya ke liye hisaab-kitaab jama karte ho।

baap kehte hain tum yaad mein raho to vikarma vinaash honge। phir svadarshan chakra phiraane se tumhaari bahut milkiyat jama hogi। yog se health, gyaan se wealth milti hai। jitna baap ko yaad karenge utna nirogi kaaya milegi। duniya in baaton ko nahin jaanti। woh to vishnu ko svadarshan chakradhaari samajhte hain। shankh, chakra, gada, padam aadi unko dete hain। ab unko shankh thode hi bajaana hai। yeh to hai tumhaare paas। tum shankh bajaate ho। kehte ho manamnaabhav, madhyaaji bhav। kitna sahaj hai। tum light house ho। sabko raasta bataate ho muktidhaam ka, phir aayenge jeevanmuktidhaam mein। yog lagaate ho। narka, khaari channel se paar le jaane liye searchlight dete ho। muktidhaam jaana hai। phir searchlight dete ho, yahaan jeevanmukti mein aana hai। yeh behad ka drama hai jo joon misal chalta rehta hai। ham actor hain, hamaara is drama mein 84 janmon ka part hai। bhagwan ne aakar sahaj raajayog sikhaaya hai, yeh koi nahin jaante। bhagwan ko aana hi hai kalpa ke sangamayug par। tum abhi jaante ho kalpa pahle bhi sangamayug par mile the aur milte rahenge। dher bachche milenge। koi-koi bachche phir kusang mein aakar padhaai ko chhod dete hain। chalte-chalte koi se dil lag gai to padhaai ka nasha toot jaata hai। brahmacharya mein padhaai ka nasha achha rehta hai। koi virle shaadi ke baad bhi padhaai ka course uthaate hain। phir koi to achhi reeti paas kar lete hain, koi ko phir time lagta hai kyonki vikaar mein jaane se phir dhaarna nahin hoti। chaahe raaj-vidya, chaahe roohaani vidya ki dhaarna aatma karti hai। bairistari ke sanskaar aatma mein hote hain to aatma woh sanskaar le jaati hai। phir janma le bairistari hi padhne lag padegi। tumko to vahaan bairistari, injeeniyri aadi padhne ki darkaar nahin। automatically tumhaari buddhi satopradhaan rehti hai। tum jaante ho jaise kalpa pahle mahal banaaye the aise hi ham jaakar mahal banaane lag padenge। drama vahi karaayega jo kalpa pahle karaaya tha। koi mehnat nahin karni padegi। baaki bhaasha to seekhni pade। vahaan school aadi mein bhi vimaanon mein jaayenge। bahut bade-bade ghar hote hain। samjho jitni area mein aabu hai utni area mein ek ghar hoga। phir aabu road jitni area mein doosra mahal hoga। jameen to bahut rehti hai। praja ko bhi badi jameedaari, bade-bade mahal honge। abhi bhi dekho bambai mein kitne manushya hain phir bambai hogi nahin। karaachi hogi nahin। sab meethe paani par honge। nadiyaan bhi sab kaayde-anusaar hongi। mazaal hai koi nadi uthal khaaye। sab tatva aadi order mein rahenge। tum prakriti par vijay paate ho। 5 tatvon par tumhaara raajya chalta hai। kabhi gustaagi (chanchalta) nahin karenge।

to baap ki shreemat par chalna pade। baap kehte hain kaam mahaashatru hai, inko jeeto, nahin to varsa nahin milega। is samay fail hue to kalpa-kalpa fail ho jaayenge phir chance nahin milega। us padhaai mein fail hote hain to dubaara padhte hain। yahaan phir yeh chance nahin। kalpa-kalpa ka chance hai। praapti bahut oonch hai। samjhaana chaahiye - sannyaasi log kehte hain donon ko pavitra rehna impossible hai। bolo - nahin, possible hai। sannyaasiyon ke liye impossible kyon hai? kyonki unka hathayog hai, gharbaar chhodkar jaate hain। phir bhi vahi shankaraachaarya aayenge। bhaarat patit hone lagta hai to sannyaasi aakar thamaate hain। iski seva ka unko phal milta hai jo government ke bhi guru ban jaate hain। tum bachchon ka to sabse bada maan hai। tumhaari jo aamadni hoti hai woh koi ki ho na sake। jo gareeb hain ek paisa dete hain unhein bhi mahal mil jaate hain। pratyaksha phal ka saakshaatkaar divya drishti se hota hai। divya drishti daata aakar tumko padhaate hain। nahin to em object ka maaloom kaise pade isliye maataaon ko saakshaatkaar karaata hoon। meera ne kitni tapasya ki, parantu woh koi vaikuntha ki maalik ban na sake। baap kehte hain saakshaatkaar main karaata hoon। ek second mein divya drishti milne se vaikuntha mein jaae dance karte ho, ismen koi tapasya aadi ki baat nahin। bhakti maarga mein to bahut naudha bhakti karne ke baad saakshaatkaar hota hai। divya drishti ki chaabi mere haath mein hai। koi ko main deta nahin। bhakti maarga mein vahaan baithe saakshaatkaar karaata hoon। tum bachchon ko to vishwa ka maalik banaata hoon। duniya mein to anek prakaar ke manushya hain। koi dhan mein masta, koi science mein masta, koi kismen masta.. parantu tumhaare aage sab worth not A penny hain। sabka dhan mitti mein mil jaata hai। sab khaak ho jaayega। kiski dabi rahi dhool mein... chor bhi bahut lootte hain। har ek apne hamjinsa ko pyaar karte hain। doosre ko dekhte hi garam ho jaate hain। din-pratidin tum dekhenge ki kitnon ko maarte rahenge, chaahte hain ki har ek apne birth place mein chale jaayen, to apne desh se nikaalte rehte hain। ab tum bachche baap ko yaad karne se varsa lete ho। jaante ho ham ashareeri aatma hain, 84 janmon ka ab part poora kiya। kitne karod aatmaayen hain, sabhi ki jeevan kahaani to nahin bataayenge na। mukhya ki hi bataayenge। mukhya ho tum, tumhaara mandir bana hua hai। jagat amba, jagatpita ke bachche to bahut honge। vaikuntha ka bhi yaadgaar hai। inka chaitanya mandir vaastav mein satayug hai। jad mandir mein svarga ke sab actors nahin aa sakenge। yeh hai model roop mein mandir, yaadgaar। lakshmi-naaraayan ka mandir kitna chhota hai। satayug mein to chaitanya mandir kitna bada hoga! kitne baag bageeche honge! mugal garden to unke aage kuchh bhi nahin hai। vahaan ke phal aadi itne achhe honge jo baat mat poochho! raat-din ka farka hota hai। jaise jhaad puraana hota hai to phal dete-dete khatma ho jaata hai। kaha jaata hai ab jhaad sad gaya hai। yahaan ki har cheez khatma honi hai। vahaan ke aam bade-bade first-class honge। ham ab raajdhaani sthaapan karte hain shreemat par। to shreemat par chalna pade na। pavitra bhi banna pade। mushkil to koi baat nahin hai। ek janma pavitra rahne se 21 janma svarga ki raajaai karenge। phir bhi aisa kaun hoga jo pavitra nahin banega। shreemat par nahin chalega।

tum jaante ho bhaarat sachkhanda tha। yahaan sachchi baadshaahi thi। abhi yeh hai jhooth khanda। har baat mein jhooth bolte rehte hain। kah dete hain phalaana jyoti-jyot samaaya athva nirvaandhaam gaya। ab tum jaante ho nirvaandhaam to rahne ka sthaan hai। tum harek baat yathaartha bataate ho। baap ko truth kehte hain। woh sachkhanda sthaapan karte hain। bhakta janma by janma bhagwan ko yaad karte hain parantu unko bhagwan ka pata nahin hai। woh preetam ab tum bachchon ko raajya-bhaagya dekar khud chhip jaate hain। tab kehte hain - tumhaari gat-mat tum hi jaano। to zaroor koi bhi nahin jaante hain। he prabhu tumhaari gat-mat tum hi jaano.. aur na jaane koi। shreemat se kya hoga? gati sadgati.. woh tum hi jaano। ab tum bachchon ko baap shreemat dete hain - apne ko aatma samajh mujhe yaad karo। teacher yeh pratigya karaayenge kya? main tumko bairistari ki gaddi par bithaaoonga। woh to khud padhkar bairistari ki gaddi par baithenge। baap bhi kehte hain jitna yaad karenge to yog se sab paapon se mukta honge। yaad karne se tumhaari aatma jaise mere paas aa rahi hai। apne paas chart rakhna hai। koi ka chart aadhe ghante ka hoga, koi ka sava ghante ka hoga। koi ka to 5 minute bhi nahin। koi ka to bahut achha chart hai। yeh bhi tumko saakshaatkaar hoga। school mein teacher athva student khud bhi samajhte hain kitne number mein aayenge। yahaan to nambarvaar bitha nahin sakte। funk ho jaayenge isliye abhi maala nahin ban sakti। maaya achhe-achhe ko bhi neeche-oopar kar deti hai। shreemat par nahin chalenge to maaya ghoonsa maar degi। ismen hai mehnat। ham ab jaate hain paramdham। 84 janma poore hue। baba aaye hain lene liye। to baap ko yaad karna hai, auron ko bhi mantra dena hai। mantra koi japna nahin hai। guru log to kisam-kisam ke mantra dete hain। baap kehte hain preetam ko yaad karo। preetam aaya hai preetmaaon ke paas। saari duniya ki aatmaayen preetmaayen hain, jo unko yaad karti hain। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kusang mein aakar kabhi bhi padhaai nahin chhodni hai। kisi bhi dehdhaari se dil nahin lagaani hai।

2) paapon se mukta hone ki vidhi ‘yaad' hai, isliye yaad ka chart zaroor rakhna hai। yaad mein rahne ki apne aap se pratigya karni hai।

vardaan:- mere ko tere mein parivartan kar sada halka rahne vaale double light pharishta bhav

chalte-phirte sada yahi smriti mein rahe ki ham hain hi pharishte। pharishton ka swaroop kya, bol kya, karma kya...woh sada smriti mein rahen kyonki jab baap ke ban gaye, sab kuchh mera so tera kar diya to halke (pharishte) ban gaye। is lakshya ko sada sampanna karne ke liye ek hi shabd yaad rahe - sab baap ka hai, mera kuchh nahin। jahaan mera aaye vahaan tera kah do, phir koi bojh feel nahin hoga, sada udti kala mein udte rahenge।

slogan:- baap ke oopar balihaar jaane ka haar pahan lo to maaya se haar nahin hogi।