शनिवार 22 अप्रैल 2023 की दैनिक मुरली

22-04-2023 praatahmurli om shanti "baapdaada"' madhuban

“meethe bachche - apna svabhaav bahut hi meetha aur shant banaao, bol chaal aisa ho jo sab kahen yeh to jaise devta hai''

prashn:- tum bachchon ko kaun sa certificate sangam par baap se lena hai?

uttar:- apne daivi manners ka certificate। baap jo shrringaar kar rahe hain, bachchon ki itni seva kar rahe hain to zaroor uska return dena hai। baap ka madadgaar banna hai। madadgaar bachche woh jinka svabhaav devtaai ho। eeshvareey service mein kabhi thake nahin। yagya seva se sneh ho। aise bachchon ko baap bhi izaapha dete hain, khaatiri karte hain। aise serviceable snehi bachchon ko dekh-dekh baap harshit hote hain।

geet:- tumhaare bulaane ko ji chaahta hai…

om shanti। bhakton prati bhagvaanuvaach, jabki bhakta sammukh hain aur bhakta jaante hain ki bhagwan baithkar hamko gyaan ke geet sunaate hain va gyaan ki dance karaate hain। achha, inse phir kya hoga? kehte hain woh devtaaon muaaphik sada sukhi aur harshit rahenge। bhagwan ko hi behad ka baap va vishwa ka rachayita kaha jaata hai। woh hai svarga ka rachta। vishwa pahle-pahle svarga hai phir baad mein narka banti hai। to ab hai narka। manushya bhakti maarga mein dhakke khaate rehte hain। bhakta bhagwan ko yaad karte hain। aatma samajhti hai baap hamaare liye svarga ki saugaat le aayenge। vahi rachayita hai। svarga ka maalik banaane liye aakar raajayog sikhaate hain। kehte hain baap ko aur vishwa ke maalikapne ko yaad karo। jab vishwa ka rachayita buddhi mein aata hai to samjha jaata hai parampita paramatma nai vishwa rachte hain। yeh vishwa manushya maatra ke rahne ka sthaan hai। baap behad ka maalik hai to zaroor behad ki badi duniya hi rachenge। koi chhota ghar to tumhaare liye nahin banaayenge। woh to laukik baap banaate rehte hain। yeh to naya vishwa banaate hain। tum bachchon ke liye vishwa ghar hai arthaat part bajaane ka sthaan hai। tum jaante ho ham bhaaratvaasi hain to ghar ke hue na। ab bhaaratvaasi apne ko had ke maalik samajhte hain, parantu bhaaratvaasi behad duniya ke vaasi the। baap bahut achhi reeti samjhaate hain, parantu tum bachche ghadi-ghadi bhool jaate ho। shukriya bhi nahin maante ho। behad ka baap aakarke behad ka vishwa athva ghar banaate hain। woh hai svarga। aise nahin behad ka narka rachne vaala baap hai। baap to aakar svarga rachte hain aur us svarga ka phir bachchon ko maalik banaate hain। goya nai duniya, naye vishwa ka maalik tumko banaate hain। is vishwa ke maalik lakshmi-naaraayan bhaarat mein the। us samay aur koi dharma nahin tha, sirf bhaarat hi tha। baap kitna achhi reeti samjhaate hain। parantu bachchon ko woh nasha nahin chadhta hai। bachche had ke nashe mein rehte hain। aatma ko nasha rehta hai na। aatma ka shareer bada hota hai to in organs se sab varnan kar sakte hain। chhota bachcha to nahin kahega ki main vishwa ka maalik hoon va phalaana hoon। baalig avastha mein aane se samajhte hain ham maalik hain। tum koi chhote to nahin ho, tum to bade ho। baap ne bhi bujurga shareer liya hai। samajhte hain baap vishwa ka rachayita hai। maalik nahin bante hain। akshar kahne mein bhi kahaan-kahaan bhool ho jaati hai। baap hai vishwa ka rachayita। kehte hain main vishwa ki raajaai nahin karta hoon। saare srishti ka rachayita main ek hoon। akshar akshar refine kar samjhaana padta hai। baap vishwa ka rachta direct samjha rahe hain। ham tumko vishwa ka maalik banaane aaya hoon। aise nahin sirf bhaarat ka maalik banaane aaya hoon। is samay jo bhaarat ke maalik hain unhein woh sukh thode hi hai। abhi sab kabradaakhil hone hain, isko kaha jaata hai kayaamat ka samay। vishwa ka rachta zaroor god ko kaha jaayega। vahi new world ka creator hai। new world ko svarga, puraani world ko narka kahenge। tum bachchon mein bhi nambarvaar samajhte hain। jinmen gyaan kam hai, unko itni khushi nahin rehti hai। maaya khushi mein rahne nahin deti hai। bachche dehi-abhimaani hote nahin। deh-abhimaan aane se hi phir sab vikaar saamna karte hain। tum bachche jaante ho ham aatmaon ka baap woh hai, bhakta sab bulaate hain। aakar hamko kuchh sunaao। likha hua hai - bhagvaanuvaach, main aaya hoon tumko svarga ka maalik banaane, tumko laayak banaata hoon। tumko saare vishwa ki history-geography sunaata hoon। is behad ke drama mein kaun-kaun mukhya actors hain। tumhaari buddhi chali jaati hai behad mein। drama mein mool vatan, sookshm vatan, sthoolavtan sab aa jaate hain। tumhaare mein bhi koi hain jo in baaton ko achhi reeti samajhte hain। koi ko dhaarna nahin hoti hai kyonki anek janmon se ajaamil hain। woh sanskaar hain। aise garam tave hain jo bilkul dhaarna nahin hoti hai। unka bhi uddhaar hota hai। kam se kam svarga mein to jaate hain। daas daasi bante hain। praja mein jaate hain। uddhaar ka matlab hai svarga mein to le jaate hain na। baaki pad to purushaartha anusaar hi milta hai। yadi dhaarna nahin karte hain to svarga mein to jaayenge parantu daas daasi ka pad milega। bachchon ko kitna bhi samjhaate hain parantu jaise garam tave par paani। to samjha jaata hai us vaasna (sanskaar) vaale hain। sannyaasi bhi vaasna (sanskaar) le jaate hain na। janma lenge phir sannyaas karne ka khyaal hoga। yeh baaten bhi yahaan samjhaai jaati hain। satayug mein to vikaar ki baat hi nahin। vahaan janma-janmaantar nirvikaareepne ka sanskaar rehta hai, maaya hi nahin hai। yahaan to bachchon ko sudhaarne ki bahut koshish karte hain। koi to bilkul hi maile kapde hain। thodi hi soti lagaai jaati hai to ekdam phat padte hain। dhobi bhi kapde ki sambhaal karte hain। parantu koi sada hua kapda hota hai to phat padta hai phir aashcharyavat bhaaganti ho jaate hain। baap kitni mehnat karte hain! raajayog sikhla rahe hain। vahi merciful hai jo sab par raham karte hain। baba merciful hai। maaya berham hai। maaya ne satyaanaash kar di hai isliye kehte hain main kalpa-kalpa, kalpa ke sangamayuge aata hoon। baap hai patit-paavan, patiton ko hi vaapis le jaane aana padta hai। treta mein koi patit thode hi hai jo treta mein aakar paavan banaaoon। bhagwan to hai truth, vahi satya sunaate hain।

tum bachche ab jaante ho barobar vishwa ka rachayita shivbaaba brahma tan se hamko vishwa ka maalik banaane purushaartha karaate hain। baap kehte hain agar hamaari mehnat vyartha ganvaayenge, apni chalan se bahuton ko dhokha denge to pad bhrashta ho padenge। kahenge inse to bhoot nikla nahin hai। bachchon ki chalan aisi honi chaahiye jo sab samjhen yeh to jaise devta hai। devtaayen naameegraami hain। kehte hain inka svabhaav ekdam devtaai hai। to baaki ka understood aasuri hua na। kai bachche bade first class devtaai, gunvaan hain। bilkul meethe shant svabhaav ke hain। to aise bachchon ko baap dekh khush hote hain। bachche samajhte hain baap ham bachchon ke liye makaan banva rahe hain to hamko bhi seva karni chaahiye। to aise bachche bahut dil par chadhte hain। jo bigar kahne se kaam kare woh devta, kahne se kare woh manushya। kahne se bhi na kare to woh manushya se bhi badtar hua। baba bhi kehte hain bachche agar yog mein nahin rahenge to maaya ki dhool mein khatma ho jaayenge। baba baar-baar samjhaate hain shreemat par chalte raho। aasuri kartavya nahin karo। bolna, chalna bada meetha rakhna hai। devtaayen kitne meethe svabhaav ke hain! bhaarat mein raajya karte the, yatha raaja raani tatha praja daivi svabhaav ke the। baap aata hai svarga ka maalik banaane to baap ke saath kitna madadgaar banna chaahiye। service mein aapehi kaam mein lag jaana chaahiye। aise nahin, main thak gaya hoon, phursat nahin hai। samay par sab kaam karne mein kalyaan hai। yagya service ka izaapha shivbaaba dete hain। yeh baba karke baahar se thodi khaatiri karenge, dil lenge। woh baba hai behad ki dil lene vaala, yeh hai had ki dil lene vaala। bachchon ki daivi chalan dekhte hain to phir kurbaan jaate hain। bigar kahe jo bachche service mein tatpar rehte hain, unko kaha jaata hai devta। devtaaon ko kuchh kahne ki darkaar nahin hoti। vahaan aasuri svabhaav hota nahin। yahaan kai bachche maat-pita ki mat par nahin chalte hain to apna hi nuksaan karte hain।

baap kehte hain main paramdham se aata hoon bachchon ki seva mein। meri mat par nahin chal kitne ko duhkh dete hain। kalpa pahle bhi aise hua tha। amrit peete-peete phir patit ban padte hain। ek kahaani bhi hai - lakshmi ne amrit pilaaya to bhi asur ban gaye। to kabhi bhi kisko duhkh dene ka prayatna nahin karna hai। nahin to saara raajya-bhaagya ganvaae dande khaane laayak ban padenge। baba ne samjhaaya hai - main dharmaraaj hoon। indirect kuchh karte the to had ki alpakaal ki saja bhogte the। ab direct aakar phir bhi baba ki mehnat barbaad karte ho to bahut saja khaani padegi। ham tumko devta banaate hain। maaya phir aakar tumko asur banaati hai। baap baar-baar samjhaate hain daiveegun dhaaran karo। gaaya bhi hua hai raamraajya mein jaanvar bhi ek do ko pyaar karte the। ikatthe ek talaav par jal peete the। yahaan to amrit peekar phir asur ban traitor ban padte hain। brahman kul bhooshnon ko phir takleeph dete hain। unki phir kitni durgati hoti hogi। baap aate hain sadgati dene। to tum bachchon ko daiveegun vaala banna hai। aapehi service karni hai। baap bhi certificate denge। jo nishchaybuddhi achhe hain woh sadaiv baap ko yaad karte rahenge। unko khyaal rehta hai - naam badnaam nahin karenge, aasuri gun nahin dikhaayenge। abhi to sab nambarvaar purushaarthi hain। sirf yeh nishchay rehna chaahiye ham god fatherly students hain। bhagvaanuvaach bachchon prati ki main tumko padhaakar raajaaon ka raaja banaata hoon। tumko yog aur gyaan sikhlaata hoon। tum dehi-abhimaani bano, main tumko le jaane ke liye aaya hoon। tum aatmaayen machchharon sadrishya mere ko follow karengi। barobar mahaabhaarat ladaai lagi hai to machchharon sadrishya follow kiya hai pande ko। baba panda hai, kehte hain main liberate karne aaya hoon।

tum maaya ke phande mein bade duhkhi ho। ek to garbha jel mein jaate ho, doosra phir us jel mein jaana bhi manushyon ke liye bada sahaj ho gaya hai। badi khushi se jel mein jaate hain। ek do ko dekh bhookh hadtaal aadi bhi karne lag padte hain। apni aatma ko duhkh dene liye kya-kya karte hain। inko aatmaghaat kaha jaata hai। shareer tandarusta hai to aatma kehti hain main sukhi hoon। tandarusta nahin hai to aatma kehti hai main duhkhi hoon। baap aate hain sada sukhi svarga ka maalik banaane। vishwa ka maalik kehte hain - main naye vishwa ka rachayita hoon, isliye mujhe maalik kehte hain। parantu main raajya nahin karta hoon। sab bhakta mujhe poojte hain। kehte hain - he bhagwan aao, aakar hamko is kaliyugi duhkhon se chhudaao, nirvaandhaam va svargadhaam mein bhej do। baap pahle sukhdhaam mein bhej dete hain phir maaya duhkhadhaam banaati hai। aise yeh chakra phirta hai। baap kehte hain bachche ab gaphlat chhodo। maaya bahut akartavya kaarya karaati hai, jisse pad bhrashta ho padega। baap ko jaan pahchaan unki mat par chalne se tum shreshtha ban sakenge। nahin to bahut sajaayen khaayenge। jaise eeshvar ki mahima aparmaapaar hai vaise saja khaane ki durdasha bhi aparmaapaar hai। kayaamat ka samay hai। baba sabka hisaab-kitaab chuktu karaate hain। sajaayen khaane vaale is maala mein nahin aayenge। baap kehte hain sirf itna yaad karo vishwa ka rachayita knowledgeful god father hamko padhaate hain। woh zaroor vishwa ke maalikapne ka varsa denge, itna yaad rakhe to bhi hansate khelte rahenge। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apna bol-chaal bahut meetha rakhna hai। koi aasuri kartavya nahin karna hai। daivi manners dhaaran karne hain।

2) baap ki service mein bigar kahe madadgaar banna hai। baap ki mehnat ka return avashya dena hai। gaphlat nahin karni hai।

vardaan:- buddhi roopi vimaan dvaara second mein teenon lokon ka sair karne vaale sahajyogi bhav

baapdaada bachchon ko nimantran dete hain ki bachche sankalp ka switch on karo aur vatan mein pahunch kar soorya ki kirnen lo, chandrama ki chaandani bhi lo, picnic bhi karo aur khelkood bhi karo। iske liye sirf buddhi roopi vimaan mein double refine petrol ki aavashyakta hai। double refine arthaat ek niraakaari nishchay ka nasha ki main aatma hoon, baap ka bachcha hoon, doosra saakaar roop mein sarva sambandhon ka nasha। yeh nasha aur khushi sahajyogi bhi bana degi aur teenon lokon ka sair bhi karte rahenge।

slogan:- shreshtha karma ka gyaan hi shreshtha bhaagya ki lakeer kheenchane ka kalam hai।