सोमवार 8 मई 2023 की दैनिक मुरली

08-05-2023 praatahmurli om shanti "baapdaada"' madhuban

“meethe bachche - purity bigar manushya koi kaam ka nahin isliye tumhein pavitra ban doosron ko pavitra banaane mein madad karna hai''

prashn:- kis nishchay ke bigar khaana aabaad hone ke bajaae barbaad ho jaata hai?

uttar:- agar nishchay nahin hai ki most beloved baap humein padha rahe hain, ham aaye hain gyaan aur yog seekhkar varsa lene to khaana barbaad ho jaata hai। sanshay utha maana takdeer ko lakeer lagi, isliye nishchay mein hi vijay hai। baap maataaon ko aage rakhte hain ismen eershya karne ki baat nahin, ismen bhi bachchon ko sanshay va deh-abhimaan nahin aana chaahiye।

geet:- kaun aaya mere man ke dvaare…

om shanti। yeh bachche kehte hain। baba samjhaate hain main saakaar nahin hoon, aakaar mein devta bhi nahin hoon। main param aatma hoon। yeh bhi aatma kehti hai। sirf akshar add ho jaata hai parmaaatma yaani paramatma। uski hi mahima hai, jis paramatma ko sabhi bhakta yaad karte hain, isko manushya srishti kaha jaata hai। abhi hai raavan raajya, aasuri sampradaay, ek do ko duhkh dene vaali sampradaay। yeh kaun samjhaate hain? jisko yeh okh nahin jaan sakti। aatma apni buddhi se pahchaanti hai, jab baap pahchaan dete hain। tum hamaare bachche ho, jaise tum aatma ho, main bhi aatma hoon। parantu main baap hone kaaran mujhe parampita paramatma kaha jaata hai, isliye bhagvaanuvaach kaha jaata hai। aise nahin brahma bhagvaanu-vaach kahenge। brahma devta namah, vishnu devta namah kaha jaata hai। ek hi baap khud kehte hain - he bachche, shiv bhagvaanu-vaach, main tum sabka bhagwan hoon। sab mujhe yaad karte hain। main hi sab bachchon ko sada sukhi, sada shant banaata hoon। sirf kahne maatra to nahin। jaise manushya-manushya ko prize dete hain - phalaana pees sthaapan karne vaala leader। yahaan manushya ki baat nahin। sab manushyon ko prize dene vaala woh baap hai। tum shreemat par purity, pees, prosperity sthaapan kar rahe ho। tum jo madadgaar bante ho unko purity, pees, prosperity ka varsa milta hai - kalpa pahle muaaphik। ab to parampita paramatma ka accurate chitra nahin nikaal sakte। brahma ka phir bhi sookshm roop hai। yeh paramatma jo star hai unka photo kaise nikle। parampita paramatma ek hi hai aur hai star muaaphik। photo nikaal na saken। phir aatma, jismen man buddhi hai, woh unko jaanti hai। yeh hain hi nai baaten isliye samjhaate hain tum apne ko aatma samjho। yeh shareer to baad mein milta hai। tum aatma avinaashi, immortal ho। shareer mortal hai। shareer yuva, vriddha hota hai। aatma ka chitra to nikal na sake, saakshaatkaar ho sakta hai। saakshaatkaar ka bhi photo nahin nikal sakta। baaki samjhaaya ja sakta hai। manushya ka, devtaaon ka photo nikal sakta hai, paramatma ka nahin isliye moonjhate hain। samajh nahin sakte। ab baap samjhaate hain - saara kalpa jismaani abhimaan mein rehte ho। ab dehi-abhimaani bano। satayug mein tumhaara daivi shareer tha phir kshatriy, vaishya, shoodra shareer mein aaye। ab he aatma, tumko change karna hai। tum aatmaon se baat kar raha hoon। tum in kaanon se sunte ho। aur koi manushya aise nahin kahenge। tum yahaan aaye ho parampita paramatma shiv ke paas। parantu woh hai niraakaar। zaroor woh niraakaar hi saakaar mein aaye hain tab to tum aaye ho na। tum se poochha jaata hai - kiske paas aaye ho? tum kahenge shivbaaba ke paas। yeh (daada) beech mein dalaal hai kyonki property grand father (daade) ki hai। beech mein baap na ho to daada kah kaise sakte। daade ka varsa kaise mile। baap ho tab to daade ka varsa le saken। yahaan sivaae nishchay ke koi aa nahin sakta। sivaae nishchay ke aane ka matlab siddha ho na sake। aate hain shivbaaba se milne। brahma dvaara baba ke paas janma lene bigar ham unke kaise ban sakte hain। yeh to samajhne ki baat hai na। parantu maaya besmajh bana deti hai, phir baap aakar samajhdaar banaate hain। tum baap ko bhoole ho isliye nidhan ke orphan bane ho। aadi-madhya-ant duhkh paate aate ho। aadhaakalpa se lekar jab se tum vikaari bane ho tab se tum duhkhi hote-hote ab maha-duhkhi ho pade ho। jo devtaayen sada sukhi the, is samay maha-duhkhi hain। kahaan svarga ka raajya bhaagya, kahaan yeh! yahi to tum samajhte ho shiv-baba hamaara sachcha-sachcha baap hai, jisse sachkhanda ka varsa milta hai। yeh samajhkar yahaan aate ho। nahin to aane ki darkaar nahin। baahar mein jaakar tum bhaashan karte ho ki baap se aakar padho to svarga ke maalik devi-devta banenge। koi devi-devta dharma ka hoga to sapling lag jaayegi। baaki college va university yeh ek hi hai, jahaan roz padhna hai। baap ko ghadi-ghadi yaad karna hai aur pavitra banna hai। rakshaabandhan bhi gaaya hua hai। behen, bhaaeeyon ko raakhi baandhati hai। maata shakti hai na। ab unhon ka martaba zaroor oonch karna hai। bhaaiyon ko bhi kehte hain tum in maataaon ka regard rakho, inke madadgaar bano। sitam se bhi bachaana hai। poori reeti na samajhne ke kaaran, ulti-sulti baat sunaane se phir bichaari ablaayen baandh ho jaati hain। to jo ulte karma karte hain, baap se varsa lene mein vighna daalte hain un par bada paap ka bojha chadh jaata hai। yahaan tum aaye ho jeevan banaane liye। is gyaan maarga mein vighna bhi padte hain kyonki ismen pavitrata ki baat hai। Christ ko bhi cross par chadhaaya। woh bhi pavitrata ki baat thi। aatma pavitra aati hai, pavitra banaane ki koshish karti hai। phir pope paadri log guru ban jaate hain। vaastav mein guru pavitra hone chaahiye। parantu aajkal shaadiyaan aadi bhi kara lete hain। purity bigar manushya koi kaam ka nahin hai। yahaan purity hai mukhya। is par hi vighna padte hain। jaise amli (sharaabi) ko amal bigar aaraam nahin aata vaise vish bigar rah nahin sakte। baap samjhaate hain main tumko patit se paavan raajaaon ka raaja banaata hoon।

to tum bachche jab yahaan aate ho to khyaal rehta hai, koi ko sanshay to nahin uthta? nahin to bahut ablaaon par bandhan aa jaayega phir badi saza khaayenge kyonki baap dharmaraaj bhi hai। ham baap niraakaar ko kehte hain। bhal aajkal to mayor ko bhi baapu ji kehte hain, gaandhi ji ko bhi baapu kehte the। parantu yeh to sab aatmaon ka real baap hai। yeh koi phaaltu badaai nahin hai। baap maana baap। ham aatmaon ko raajayog sikhaate hain। baap aate hain - ismen sanshay nahin aana chaahiye। sanshay laati hai maaya raavan। sanshay ko bhoot kaha jaata hai। nishchay ko bhoot nahin kaha jaata hai। nishchay se vijay paate ho। sanshay bhoot se vinaash ko paate ho। “baba aise kyon karte hain, baba maataaon ki mahima kyon karte hain'' - yeh sankalp aana bhi sanshay hua na। baap kehte hain yeh to pravritti maarga hai, parantu usmein bhi maata guru kaha jaata hai। vande maatram। maata guru bigar kiska kalyaan ho nahin sakta। gopon ka bhi kalyaan hota hai। woh phir auron ki service karte hain। mitra-sambandhiyon aadi ko le aate hain। chalo, brahmaakumaariyon ke paas aapko le chalen। brahmaakumaar tum bhi ho। prajaapita brahma mashhoor hai, jab srishti rachi hogi to zaroor bhagwan aaya hoga। prajaapita brahma ke bachche bane honge। brahma ko kisne paida kiya? parampita paramatma shiv ne। nahin to manushya srishti kaise rachen? manushya kehte bhi hain hamko khuda ne paida kiya to zaroor khuda ko phir jisma mein aana pade। jisma ka naam kya? sannyaas lene kaaran, unka banne kaaran naam padta hai brahma। dekho, srishti kaise rachi jaati hai? yeh badi wonderful baate hain। geeta aadi mein yeh baaten kuchh bhi nahin hai। yeh knowledge hai sadgati ki। baap hi sadgati daata hai। woh rachta hi is srishti ke aadi-madhya-ant ko jaante hain। bhal saari duniya mein dhoondho, koi hai jo rachta aur rachna ke aadi-madhya-ant ko jaante hon - sivaae brahmaakumaar brahmaakumaariyon ke? so bhi gyaani tu aatma bachche jaan sakte hain।

tumhein siddha karna hai ki parampita paramatma baap hai, na ki woh sarvavyaapi hai। aakhreen sabhi samajh jaayenge ki yeh gyaan inhon ko parampita paramatma hi brahma dvaara dete hain isliye inka naam hai hi brahma gyaan। brahm gyaan nahin। zaroor baap se hi mila hoga। woh hai gyaan saagar, unki mahima hai। gyaan ka kalash phir maataaon ko diya hai। baap aakar in maataaon ko oonch banaate hain। purush bhi oonch bante hain parantu ismen eershya nahin honi chaahiye। aise nahin maataaon ka naam kyon daalen..। baap aakar maataaon ka maan badhaate hain। baap bachchon ko brahma dvaara gyaan dete hain jiska naam rakha hai brahma gyaan। gyaan shivbaaba ka hai। brahma-vishnu-shankar ko gyaan saagar nahin kahenge। brahma khud bhi kehte hain gyaan saagar main nahin hoon। bahut janmon ke ant ka janma hai, baba ka bana hoon tab baba ne naam rakha hai, adopted jo hote hain unka naam badla jaata hai। kitni achhi reeti baap samjhaate hain। badi raajdhaani sthaapan hoti hai। likha hua bhi hai - rudra gyaan yagya se vinaash jvaala nikli। rudra maana shiv। shreekrishna to prince tha। woh kaise yagya rachega। shreekrishna ne svarga ki rachna nahin rachi, woh to rachayita hi rachega। yeh baaten samjhenge bhi woh jo apne kul ke honge। devi-devta dharma vaalon ki hi sapling lagegi। tum samajhte jaayenge kahaan tak uthaate hain - sooryavanshi mein jaayenge va chandravanshi mein jaayenge va praja mein? sab samajhte hain - maut par koi bharosa nahin hai। aajkal to baithe-baithe jhat maut ho jaata hai। svarga mein akaale mrityu hoti nahin। manushya sukh ke liye mehnat karte hain। ham apne ko sukhi rakhen, saahookaar banen। koi ko 5 roopaya milega to koshish karenge 6-7 milen। baap kehte hain main to tumko sampattivaan bana deta hoon। sannyaasi to kehte sukh kaag vishta samaan hai। woh kya jaanen। baap samjhaate hain hathayogi kisko bhi jeevanmukti de na sake। jeevanmukti parampita paramatma hi dete hain - in maataaon dvaara। zaroor purush bhi honge। phir auron ko aap samaan banaane ka purushaartha karna hai। jitna purushaartha karenge utna pad paayenge। majority maataaon ki hai। naam bhi gaoopaal, kanhaiya gaaya hua hai। bail par thode hi naam hai। ismen deh-abhimaan nahin aana chaahiye। deh-abhimaan aane se maaya uda leti hai। bachche aate hain nishchay se ki ham jaate hain most beloved baap ke paas। yeh aatma ne mukh se kaha - jaata hoon parampita paramatma ke paas raajayog aur gyaan seekh varsa lene liye। nahin to yahaan aane ki jaroorat nahin। is khyaal se nahin aayenge to sanshay hi uthaakar le jaayenge, maana apna khaana barbaad karenge। phir lakeer lag jaati hai, isliye kaha jaata - nishchay buddhi vijayanti, sanshaybuddhi vinashyanti। pahle hi likha lena chaahiye kiske paas jaate ho? parampita paramatma paas। bas, vahi samjhaate hain। baap samjhaate hain bhakti maarga mein shreekrishna ka deedaar karte hain, kitni naudha bhakti karte hain, jab ekdam gale mein kulhaadi lagaane aate hain, kehte hain agar saakshaatkaar na hua to ham mar jaayenge, tab mushkil se deedaar hota hai। yeh bhi saakshaatkaar main karaata hoon। yahaan to bachchon ko mujhe saakshaatkaar karaana hi hai। em object hai, saakshaatkaar ho jaata hai lekin ismen khush nahin hona hai। jab tak purushaartha nahin karenge to yeh praalabdha kaise pa sakte? isliye purushaartha first। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shreemat par chal baap ke saath madadgaar ban saare vishwa par purity, pees sthaapan kar pees-prize leni hai।

2) maataaon-bahnon ko sitam se bachaana hai। maataaon ka martaba badhaana hai। regard rakhna hai।

vardaan:- apne sahayog ke stock dvaara har kaarya mein saphalta praapta karne vaale master daata bhav

seva ki avinaashi saphalta ke liye master daata ban sarva ko sahayog do। bigde hue kaarya ko, bigde hue sanskaaron ko, bigde hue mood ko shubh bhaavna se theek karne mein sada sarva ke sahayogi banna - yeh hai bade se badi den। isne yeh kaha, yeh kiya, yeh dekhte sunte, samajhte hue bhi apne sahayog ke stock dvaara parivartan kar dena। kisi dvaara koi shakti ki kami bhi mahsoos ho to apne sahayog se jagah bhar dena - yahi hai master daata banna।

slogan:- sada harshit rehna hai to vishwa drama ki har scene ko saakshi hokar dekho।