मंगलवार 9 मई 2023 की दैनिक मुरली

09-05-2023 praatahmurli om shanti "baapdaada"' madhuban

“meethe bachche - shivbaaba nishkaam number one trustee hai, use tum apna puraana bag-baggage transfer kar do to satayug mein tumhein sab naya mil jaayega''

prashn:- baap ko kin bachchon ki har prakaar se sambhaal karni padti hai?

uttar:- jo nishchaybuddhi ban apna poora-poora samaachaar baap ko dete hain, baap se har kadam par direction lete hain - aise bachchon ka baap ko bahut khyaal rehta hai। baba kehte - meethe bachche, kabhi bhi shreemat mein sanshay nahin aana chaahiye। sanshay mein aaya to maaya bahut nuksaan kar degi। tumhein laayak banne nahin degi।

geet:- dar par aaye hain…

om shanti। meethe-meethe sikeeldhe bachchon ne geet suna। bachche unko kaha jaata hai jo baap ke bante hain। baap ne samjhaaya hai - yeh antim marjeeva janma, jeete ji baap ka banna hai। yeh to bachche jaante hain, shreemat gaai hui hai। shreemad bhagvaanuvaach। us geeta mein shreekrishna ka naam daal diya hai। parantu pahle shivbaaba, phir brahma, phir shreekrishna। to shreemat shreekrishna ki nahin kahenge, woh daivi gunon se sampanna hai। kisi bhi dehdhaari manushya ko patit-paavan nahin kaha jaata। patiton ko paavan banaane vaala ek hi baap hai, jiski shreemat par tum chal rahe ho। niraakaar paramatma sabhi dharma vaalon ka pita hai। shreekrishna ko sabhi nahin maanenge। Christian, Christ ko father maante hain, na ki shreekrishna ko kyonki Christian hain Christ ki mukh vanshaavli।

shivbaaba aakar tumko apna banaate hain। kehte hain - sir hatheli par rakhkar baap ka bane hain - unke direction par chalne ke liye। bachchon ko unhein mat dene ki darkaar nahin hai। woh khud mat dene vaala hai। aise nahin, yeh kyon kehte? nahin, yeh to sab bachche hain। shivbaaba naameegraami hai। woh jo mat denge, jo kuchh karenge, right karenge। is saakaar (brahma) se bhi jo kuchh karaayenge woh right hi hoga kyonki karnakraavanhaar hai। unko bhi yeh mat dete hain ki yeh karo। tumhaara connection hai shivbaaba se। koi ka bhi avgun nahin dekhna hai, shreemat par chalna hai। shivbaaba to hai niraakaar, saakshi। unka yahaan ghar hai nahin। tum yahaan paraaye ghar mein rehte ho। phir svarga mein jaakar apne ghar mein rahenge। shivbaaba kehte hain - main to nahin rahoonga। main to sangam par thode time ke liye aata hoon।

tum ho sachche-sachche roohaani salvation army। supreme baap direction de rahe hain, hoobhu kalpa pahle muaaphik। kalpa pahle jo direction diye honge vahi denge। din-raat guhya te guhya baaten sunaate rehte hain। naya koi samajh na sake। karaachi se lekar murli chalti aai hai। pahle baba murli nahin chalaate the। raat do baje uthkar 10-15 page likhte the। shivbaaba likhvaate the, phir uski kaapiyaan nikaalte the। bhakti maarga ke to bade-bade kitaab banaate jaate hain। woh phir rakhte hain। tum kitna rakhenge kyonki jaante hain yeh sab vinaash hona hai। chitra aadi bhi thode samay ke liye hain phir yeh dab jaayenge। vahaan na shaastra, na chitra rahenge। phir yeh jo kuchh chal raha hai, kalpa baad phir hoga। shaastra aadi dvaapar se shuru honge। jinke liye baap samjhaate hain - inse paramdham ka raasta nahin milta hai। grantha pahle bahut chhota tha, din-pratidin bada banaate jaate hain। vaastav mein shivbaaba ki jeevan kahaani badi banaani chaahiye। tum bachche baap ki jeevan kahaani jaante ho।

baap samjhaate hain - main bhakti maarga mein kya-kya karta hoon। bhakti maarga mein bhi insurance karta hoon। eeshvar arth manushya daan karte hain। kehte hain na isne eeshvar arth kiya hai tab saahookaar ghar mein janma liya hai। bhakti mein dharmaatma bahut hote hain। baba kehte hain main bachchon ko doosre janma mein iska alpakaal ke liye phal deta aaya hoon। achha va bura phal milta hai na। kitna bada insurance hua। jo jaise karma karte hain us anusaar phal milta hai। maaya ulta karma karaati hai, jisse tum duhkh paate ho। ab main tumko aise karma sikhlaata hoon, jo kabhi duhkh nahin hoga aur vahaan maaya bhi nahin hoti to jo jitna apne ko insure kare।

shivbaaba bhi number one trustee hai। doosre ki aasakti jaati hai, koi trustee kiska khaana kharaab bhi kar dete hain। baba dekho kaisa trustee hai। kehte hain yeh sab kuchh bachchon ke liye hai। tumhaara saara connection shivbaaba se hai। baap kehte hain main sachcha trustee hoon। main khud sukh nahin leta hoon, bachchon ko saari raajdhaani de deta hoon। yeh baba bhi kehte hain - mainne full insure kar liya hai। tan-man-dhan sab baba ki service mein hai। sindhi mein ek kahaavat hai - “hath jiska hiny pahla pur so pahunche....'' (daata samaan haath hain to woh pahla number pahunch jaate hain) do mutthi dete hain to mahal milte hain। dekho, abhi makaan bana hai, koi ne ek roopaya bheja - hamaari eet laga do... are, tumko sabse achha mahal milega kyonki tum gareeb ho। main hoon hi gareeb nivaaz। gareeb ka ek roopaya, saahookaar ka 10 hazaar। donon ko ek hi martaba mil jaata hai। saahookaar bahut mushkil aate hain। kanyaayen sabse free hain। number one dekho mama gai। baba ne sab kuchh diya phir bhi pahle lakshmi phir naaraayan, kitna wonderful khel hai!

kabhi bhi, kisi baat mein sanshay nahin hona chaahiye। jara bhi sanshay nahin laana chaahiye। bahut meetha banna hai। kadam-kadam par shreemat leni hai। nahin to maaya bahut nuksaan kara deti hai। kitne bachchon ko direction dene padte hain। baba kehte hain poora samaachaar likho। baba har prakaar ki sambhaal karenge। baba ko bahut khyaal rehta hai - kahaan yeh bachcha chadh jaae। padhaai par poora dhyaan dena chaahiye। tum most beloved god fatherly student ho। bhagvaanuvaach bhi gaaya hua hai, parantu shreekrishna ka naam daal diya hai। shreekrishna bhi sab manushyon se ooncha thahra। first number shreekrishna ka naam dete hain, naaraayan ka kyon nahin? shreekrishna hai chhota satopradhaan। phir yuva, vriddha avastha hoti hai। baalak brahm gyaani samaan kehte hain। bachche se paap nahin hota hai। shreekrishna ka bhi janma-din manaate hain, shreekrishna ko dvaapar mein le gaye hain। yeh sab baap hi samjhaate hain।

is samay tum brahman ho uttam। tum ho eeshvareey santaan। satayug mein eeshvareey santaan nahin kahlaayenge। eeshvar se zaroor svarga ki praapti hogi। yeh hai tumhaara ati amoolya durlabh jeevan। sabhi ka to ho nahin sakta। yeh drama hi aisa bana hua hai। jo kalpa pahle padhe the, vahi ab padh rahe hain। bhagwan ne zaroor bhagwan bhagavti rache hain। parantu unhon ko ham bhagwan bhagavti kah nahin sakte kyonki god is one। us niraakaar ki saari mahima hai। saakaar ki thode hi mahima hoti hai। lakshmi-naaraayan ko niraakaar ne aisa banaaya। tum bhi baap dvaara svarga ke maalik ban rahe ho। raajayog seekh rahe ho। barobar geeta mein raajayog hai। jab raajaai sthaapan hui thi to us samay vinaash bhi hua tha। abhi hai sangam। shivbaaba aate hain to khel poora karte hain। phir shreekrishna ka janma hota hai। bhakti maarga mein bahut bade-bade mandir banaate hain। un mandiron mein padmon ki milkiyat thi। ab to sab lop ho gaye hain। bhakti maarga ke shaastra padhte-padhte, yaatra karte-karte, mandir banaate-banaate, kharcha karte-karte bhaarat kangaal ban pada hai।

abhi tum jaise master knowledgeful ho gaye ho। baap gyaan ka saagar, aananda ka saagar, blissful hai। yeh sab baap ki hi mahima hai। baap kehte hain - bhaarat sabse achha teertha sthaan hai। parantu shreekrishna ka naam daalne se saara maan khatma kar diya hai। nahin to sab shiv ke mandir mein phool chadhaate। sabka sadgati daata ek hai। aadhaakalpa tum praalabdha bhog neeche aate jaate ho, sabko tamopradhaan banna hi hai। ab baap kehte hain jo bag baggage hain sab do to tumko transfer kar satayug mein de denge। ham khud to nahin lete hain। manushya to apne liye karte hain phir kehte hain ham nishkaam karte hain। parantu nishkaam to koi kar nahin sakta। har cheez ka phal zaroor milta hai। main to tum bachchon ko avinaashi gyaan-ratna deta hoon। tumhaare liye hi vaikuntha laata hoon। bachchon ko sovereignty ka souvenir (saugaat) deta hoon। to woh lene liye laayak banna chaahiye। svarga ka maalik banna hai। hatheli par bahishta milta hai। second mein jeevanmukti athva second mein baadshaahi। divya drishti daata shivbaaba hai। second mein vaikuntha mein le jaate hain, is saakaar baba ke haath mein chaabi nahin hai। baap kehte hain main tum bachchon ko raajaai deta hoon। main raajaai nahin karta hoon। phir tum jab bhakti maarga mein jaayenge to tumko divya drishti se bahlaaoonga। kitna achhi reeti baap samjhaate hain।

baba kalpa-kalpa, kalpa ke sangam par ek hi baar aate hain। baaki itne avtaar aadi sab gapode hain। yeh shaastra hain hi sab bhakti maarga ke। woh bhi bani banaai ban rahi ab kuchh banni naahi। jo kuchh hota hai drama mein noondh hai, isko saakshi hokar dekho। baba bahut achhi reeti samjhaate hain - bachche, main tumhaara insure magnate hoon। tumhaari ek paai bhi nahin ganvaata hoon। kaudi se tumko heere tulya banaata hoon। yeh sab shivbaaba karte hain inke dvaara। karnakraavanhaar woh hai। niraakaar aur niranhakaari woh hai। god father kaise baith padhaate hain। aise nahin kehte hain charnon mein pado। baap obedient servant hai। baap kehte hain jinko maalik banaaya woh pahle bahut sukh bhogte hain, ab duhkhi hue hain। sukh bhi bahut milta hai। koi dharma ko itna sukh nahin milta। aise nahin kah sakte ki bhaaratvaasiyon ko kyon? auron ne kya kiya? are, itne dher manushya hain, sab to nahin aa sakte hain। drama bana hua hai। bhaarat mein hi aadi sanaatan devi-devta dharma tha। bhagwan ne aakar sachcha raajayog sikhaaya tha। baap kehte hain main phir aaya hoon। tumne 84 janma part bajaaya ab phir se ghar vaapis jaate hain। yeh bahut puraana chola ho gaya hai। sarpa ka misaal। sannyaasi phir kehte hain aatma, paramatma mein leen ho jaati hai। aisi avastha mein rehte-rehte phir shareer chhod dete hain। parantu brahm mein leen to koi hota nahin। lekin unhon mein bhi koi-koi bahut teekhe hote hain। shant mein baith shareer chhod dete hain। brahm to baba nahin hai। yeh un bichaaron ka bhram hai। jaise hinduon ka yeh bhram hai ki ham hindu dharma ke hain। are, hindu dharma kahaan se aaya? woh to hindustaan ka naam hai। satayug mein ek hi dharma tha। ab to dekho kitne dharma hain! kitni bhaashaayen hain! vahaan to bhaasha hi ek hoti hai। kehte hain one government ho parantu sabhi government one kaise hogi। brotherhood bhi nahin samajhte, sarvavyaapi kah dete to father hood ho gaya phir khud father kah kar kisko bulaayenge। yeh bhi samajh ki baat hai na। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kisi ka bhi avgun nahin dekhna hai। ek shivbaaba se connection rakh unki jo shreemat milti hai use right samajh chalte rehna hai। shreemat mein kabhi sanshay nahin uthaana hai।

2) apne tan-man-dhan ko poora insure karna hai। kadam-kadam par shreemat leni hai। padhaai par bhi poora dhyaan dena hai।

vardaan:- sanskaar mitaane aur milaane mein ever ready rahne vaale roohaani sevaadhaari bhav

jaise sthool seva mein sada ever ready rehte ho, jahaan bulaava hota hai vahaan pahunch jaate ho। aise mansa se bhi jo sankalp dhaaran karne chaaho usmein bhi ever ready raho। jo socho usi samay woh karo। roohaani sevaadhaari bachche roohaani sambandh aur samparka nibhaane mein ever ready। unhein sanskaar mitaane va sanskaar milaane mein time nahin lagta। jaise baap ke sanskaar vaise aap ke bhi sanskaar ho। yeh sanskaar milaana bade se badi raas hai।

slogan:- purity ki royalty ka anubhav karna aur karaana hi royal aatma ki nishaani hai।