सोमवार 15 मई 2023 की दैनिक मुरली

15-05-2023 praatahmurli om shanti "baapdaada"' madhuban

“meethe bachche - chalte-phirte vichaar saagar manthan karo, yeh gyaan manthan hi buddhi ka bhojan hai, vichaar kar service ki nai-nai yuktiyaan nikaalo''

prashn:- gyaan amrit dhaaran karne va karaane ki shakti kin bachchon mein aati hai?

uttar:- jo baap ka bante hi pavitrata ki pakki pratigya karte hain। baba kehte-bachche, yaad rakhna agar itna sunte bhi pavitra nahin banenge to buddhi ka taala banda ho jaayega। ek kaan se sunenge, doosre se nikal jaayega। baap ka bane ho to gandagi ko nikaal do। ulta karma kiya to gala ghut jaayega, gyaan suna nahin sakenge isliye saavdhaan!

geet:- toone raat ganvaai…

om shanti। ab baap baith bachchon se poochhte hain ki - bachche, behad ke baap ko achhi reeti se jaana hai? poochhna padta hai, nahin to poochhne ka kaayda nahin hai। sab jaante hain woh hamaara maat-pita hai। maat-pita mile to ho gaye aastik। maat-pita jisse sukh ghanere milte hain। satayug mein to hai hi praalabdha। vahaan aastik va naastik ka to savaal hi nahin uthta। aastik-naastik, jaanna, na jaanna sangam par hota hai। bachche ab jaante hain - jo kal naastik the, baap aur baap ki rachna ko nahin jaante the, vahi ab aastik bane hain। baap ko aur apne 84 janmon ko jaan gaye hain। kal nahin jaante the, aaj jaante hain। kal aur aaj kaha jaata hai na। aaj puraani duniya hai, kal nai duniya hogi। aaj raat hai, kal din hoga। vaastav mein bhaaratvaasiyon ko to apne baap ko jaanna chaahiye। bhaarat mein hi somnaath ka mandir hai। shiv jayanti manaai jaati hai parantu yeh koi nahin jaante ki shivbaaba kab aaya tha! somnaath jo naam pada hai usne kab aakar gyaan amrit pilaaya tha? ab tum bachche jaante ho, ham baba dvaara aastik bane hain। baap ne apna parichay baith diya hai। bane banaaye drama anusaar parichay milta bhi hai sangam par। bachche jaante hain aaj narka hai, kal svarga hoga। kal maana doosra janma hamaara satayug mein hoga। ham purushaartha kar rahe hain। aaj hai mrityulok, kal amarlok hoga। duniya badal rahi hai। kaliyug se satayug ban raha hai। so to baap hi banaayenge। baap hai patit-paavan। duniya mein sangam ka koi ko pata hi nahin hai। ab tum kitni roshni mein aa gaye ho! tumne ab bhakti maarga chhod diya hai। aaj bhakti hai, kal nahin hogi। aise nahin aaj bhakti hai, kal phir gyaan hoga। nahin, bhakti to aadhaakalpa chalti hai। gyaan ek hi baar milta hai aur sadgati ho jaati hai। baap ek hi baar aakar sabki sadgati karte hain isliye gaaya hua hai - patit-paavan, sadgati daata। unka janma bhi bhaarat mein hota hai। parantu bhaaratvaasi jaante nahin hain ki yeh niraakaar shivbaaba ka mandir hai। kahaan jyoti ka mandir hai। brahm samaaji jyoti jagaate hain। samajhte hain parampita paramatma jyoti swaroop hain। anek prakaar ki maten hain। jisne jo baat samjhaai unko maan follow kar lete। abhi tum rachayita aur rachna ko jaan gaye ho। rachta aur rachna ke aadi-madhya-ant ka raaz samajhkar phir doosron ko bhi samjhaana hai। parampita paramatma sat hai, chaitanya hai, gyaan ka saagar hai। harek actor ki mahima alag-alag hoti hai। paramatma sarvavyaapi kahne se alag-alag mahima ho na sake। harek aatma mein alag-alag part bhara hua hai। sarvavyaapi hai to parampita paramatma ka part sabhi ke andar baje। kitna andhiyaara hai! tab baap hi aakar samjhaate hain।

bachche jaante hain barobar oonche te ooncha part hai paramatma ka। us ek ko hi sab bhakta yaad karte hain। bhakta sab patit hain। patit kisko kaha jaata hai - yeh manushya nahin jaante hain। sannyaasi samajhte hain ki in vikaaron se ham narkavaasi bane hain isliye gharbaar chhodne se ham jaakar brahm mein leen honge। baap samjhaate hain yeh hai kaliyug। sab vishay saagar mein gote khaate hain isliye inko veshyaalay kaha jaata hai। main aakar shivaalay banaata hoon। satayug mein ek dharma tha, vahi devi-devta 84 janma bhog ab apne ko devi-devta nahin kahlaate। jo poojya devi-devtaayen the, so girte-girte, kshatriy, vaishya, shoodra varna mein aate patit pujaari bane hain। sabse jaasti bhaarat paavan tha so ab patit bana hai। sannyaasiyon ko bhi sampoorn paavan nahin kah sakte kyonki patit duniya mein baithe hain। gharbaar chhod koi satayug mein nahin ja sakta। tumko to is duniya ko bhool satayug mein jaana hai। svarga mein jaane liye hu-ba-hu kalpa pahle muaaphik purushaartha kar rahe hain। bhaarat hi poojya se pujaari bana hai phir poojya banega। yeh knowledge samjhenge woh jo sikeeldhe honge। jo devi-devta dharma ke nahin honge to buddhi mein baithega nahin। bhaaratvaasi 84 janma lete hain। aur koi dharma vaala 84 janma nahin le sakta। tumhaare mein bhi nambarvaar hain, sab ikatthe nahin aayenge। bachchon ko chakra ka raaz bhi batlaaya। sijra kaise banta hai। sijra aatmaon ka bhi hota hai। unko phir roohaani kahenge। bachche jaante hain ham brahmaanda mein rehte hain। pahla number hai shivbaaba, phir brahma-vishnu-shankar phir hai lakshmi-naaraayan, unka gharaana। nambarvaar to hai na। is samay tumhaari buddhi mein saara jhaad hai। vahaan yeh gyaan nahin hai - kaun-kaun aayenge, kya-kya hoga। parantu vahaan agyaan bhi nahin kahenge। woh hai praalabdha jo is gyaan se paate ho। abhi hai chadhti kala, peechhe hai girti kala। 1250 varsha mein do kala kam ho jaati hain। thode-thode hokar girte hain। tum ab sab hisaab nikaal sakte ho। pahle hai thur phir foundation nikalta hai। ab tum beej aur jhaad ko achhi tarah jaan chuke ho। ab tum baap dvaara naastik se aastik ban gaye ho। baba ne samjhaaya hai father shows san। teacher shows student। pahle guru shows followers। followers shows guru। yahaan to teenon hi ek baap hai। woh hai rachayita। zaroor nai duniya rachenge। svarga mein lakshmi-naaraayan raajya karte the। unhonne yeh varsa kahaan se liya? kisne aisa karma sikhlaaya jo itna oonch pad paaya? ab baap kehte hain - tumko aise karma sikhlaata hoon jo tum so devi-devta banenge। svarga mein tum bahut maalaamaal the। baap se hi varsa liya tha। to zaroor baap ne hi aakar bhaarat ko svarga banaaya hai। baap kehte hain bachche chalte-phirte aise vichaar saagar manthan karo। yeh buddhi ke liye food (khaana) hai। baba ki dil hai yeh gola bahut bada-bada banaana chaahiye। chakra par kisko bhi samjhaana bahut achha hoga। ab vichaar karna chaahiye - manushyon ko kaise samjhaayen? samjhaana hai - ab hai sangam, duniya badal rahi hai। yahaan anek dharma hain, vahaan ek dharma hai jo baap ne sthaapan kiya hai। bhaarat ka praacheen yog bahut mashhoor hai। tum jaante ho ham phir se raajayog bhagwan dvaara seekh rahe hain। bhagwan hi behad ki history-geography bataayenge। manushya, manushya ko bata na sake। yeh baba kehte hain main kuchh bhi nahin jaanta tha। baba apni mahima nahin karte hain ki aisa tha, vaisa tha। baap kehte hain yeh bhakti ke karmakaanda ab mat karo। ab bhakti poori honi hai। raat ke baad din aayega।

abhi tum bachche ho sangam par। sangam par hi knowledge milti hai। baap kaise pahle sookshm vatan ki rachna karte hain phir prajaapita brahma dvaara nai srishti rachte hain। inka hi manushya srishti sijra hai। isko hi aadi dev, aadi devi kaha jaata hai। Adam Eve bhi kehte hain। ab maat-pita hai to srishti kaise rachi, Adam ko aadi dev brahma kahenge। parantu woh creator nahin hai। aise nahin samajhte parampita paramatma ne Adam dvaara karaaya। zaroor god hi svarga ka rachayita hai। woh hai niraakaar baba। ham aatmaayen bhi niraakaar hain। yeh shareer lekar punarjanma mein aati hain part bajaane। niraakaar baap ko bhakti mein yaad karte hain, woh paramdham mein rehte hain। woh patit-paavan hai। patit duniya mein aakar bachchon ko padhaae paavan duniya mein le jaate hain isliye baap bhi hai, teacher bhi hai। behad ki history-geography padhaate hain। ab tum master knowledgeful ban rahe ho। ab baap kehte hain - bachche, yaad rakhna, pavitra nahin rahenge to kitna bhi sunenge, ek kaan se sunenge doosre se nikal jaayega। pahle pavitrata ki pratigya karo, nahin to paapon ka bojh katega nahin। paavan nahin bante ho to aur hi zor se girte ho। baap kehte hain yaad rakhna - ab paavan na bane to bahut saja khaani padegi। agyaan kaal mein itni saja nahin milti hai। parantu mere paas aakar pratigya kar phir pavitra nahin bane aur chhipkar indra-sabha mein aate rahenge to bahut danda khaana padega aur hi patthar buddhi ban padenge। phir saadhaaran praja mein chale jaayenge। martaba bhi nambarvaar hai na। oonche te oonche bhi bante hain to neeche te neech bhi bante hain। yahaan to sabko duhkh hai। achaanak maut ho jaati hai। vaastav mein kaal aana chaahiye poori aayu mein। barobar bhaarat mein kaayde anusaar aayu poori hoti thi। budhe hote the to saakshaatkaar hota tha ki ab phir bachcha banenge। yahaan tum jaante ho shareer chhod baap ke paas jaayenge। yeh puraana chola utaarna hai। baap ko ghadi-ghadi yaad karna hai। baba, bas, ham aaye ki aaye। yogbal se aatma ko pavitra banaate hain। iske liye ek hi upaay hai - baap se yog lagaana। phir tum satopradhaan pavitra ban jaayenge। yog lagaate-lagaate ant mein yog siddha hona hai।

baba kehte hain yeh mera rath hai। land lady kaho ya land lord kaho - yeh bada vichitra hai। kaise shivbaaba aate hain, kehte hain yeh land lady bhi hai to prajaapita bhi hai। mujh niraakaar ko shareer zaroor chaahiye। harek ko apna-apna rath hai। main kaise rathi banoon। mujhe to aana padta hai patit duniya mein। shreekrishna to paavan tha। drama mein yeh rath mukrar hai। main aata bhi hoon bhaarat mein। aise nahin, ek kalpa bhaarat mein, doosra kalpa jarmani mein aaoonga। baap samjhaate hain tum to karmayogi ho। karma karna padta hai। aage purush kamaate the, maataayen ghar sambhaalti thi। maataayen itna padhti nahin thi। yeh to ab padhaai shuru hui hai। maataayen bhi dhandhaadhori karti hain। ab tum bachchon ko avinaashi kamaai karni hai। harek ko behad ke baap se varsa lena hai। jo karega so apna pad paayega। is padhaai ka pad 21 janma chalta hai। yeh padhaai baap bigar koi padha na sake। patit-paavan bhi god father hai। vahi raajayog sikhlaakar svarga mein jaane ke laayak banaate hain। ab 84 janma poore hue। ab ham ghar ja rahe hain। yeh bhi yaad rahe to tum praphullit rahenge। baba apna anubhav bataate hain - koshish karte hain yaad rakhne ki parantu phir bhool jaate hain isliye baba kehte hain raat ko jaagkar practice karo phir avastha sthaai jam jaayegi isliye kaha jaata hai - he neend ko jeetne vaale bachche, kamaai karo। haath, paanv, mukh se kuchh karna va bolna nahin hai। aage to maala pherte raam-raam japte the। maala ka raaz abhi tum samajhte ho। vijay maala aur roodra maala। ab tum sab purushaarthi ho। isko maala nahin kahenge। raat ko jaagne se tumko bahut maza aayega। raat ko 9 se 12 baje ka samay ganda hota hai। 2 baje se hai amritvela। yahaan to ekdam gandagi ko nikaal do। itna sunte bhi agar pavitra nahin banenge to buddhi ka taala banda ho jaayega phir kisko gyaan bhi suna nahin sakenge। jaise vrindaavan mein kuchh raas leela ka bana hua hai। yeh hai gyaan dance ki baat। yahaan se sunkar, dekhkar baahar jaakar ulta bolte hain to gala ghut jaata hai isliye saavdhaan rehna hai। pavitra zaroor banna hai tab yog laga sakenge। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) karmayogi bankar rehna hai। karma karte bhi baap ko yaad kar satopradhaan banne ka purushaartha karna hai।

2) apni har chalan se baap, teacher, guru ka show karna hai। “ham ghar ja rahe hain'' - is smriti se sada praphullit rehna hai।

vardaan:- mahaaveer ban har sankalp ko swaroop mein laane vaale sada vijayi saphaltaamoorta bhav

jo bhi vishesh sankalp lete ho usmein dridh raho, sankalp karte hi uska swaroop ban jaao to vijay ka jhanda lahra jaayega। aise nahin socho dekhenge, karenge... ge ge karna arthaat kamjor banna। aise kamjor sankalp karna arthaat maaya se haar khaana। sada yahi amar avinaashi sankalp karo ki ham sada ke vijayi, mahaaveer hain, sada aage badhenge, vijayi banenge। to is sankalp se saphaltaamoorta ban jaayenge।

slogan:- chehre par khushi ki jhalak ho to cheerful chehra board ka kaam karega।