मंगलवार 16 मई 2023 की दैनिक मुरली

16-05-2023 praatahmurli om shanti "baapdaada"' madhuban

“meethe bachche - bhaarat ko svarga banaane ke liye vinaash kaale preet buddhi ban pavitra rahne ki pratigya karo, yahi baap ki madad hai।''

prashn:- yogbal ki roohaani drill seekhne ka mukhya aadhaar kya hai?

uttar:- is drill ke liye aur sabse buddhi ka yog todna padta hai aur sab sang tod ek baap sang jodo। ek se sachchi preet ho tab hi yeh roohaani drill kar sakte ho। yahi yogbal hai jisse 21 janmon ke liye vishwa ki raajaai praapta hoti hai।

geet:- bholenaath se niraala…

om shanti। bachchon ne yeh geet suna। kiski mahima ki? bholenaath shivbaaba ki। parampita paramatma ko bholaanaath bhi kehte hain। knowledgeful bhi kehte hain, patit-paavan bhi kehte hain। unko kaha jaata hai parampita paramatma। laukik baap ko parampita nahin kahenge। parampita sadaiv ek paramatma ko hi kaha jaata hai। aatma apne parampita paramatma ki mahima karti hai। kehti hai - bhakton ka rakhvaala arthaat bhakton ko phir se bhakti ka phal dene vaala। bhakton ko bhagwan kya phal denge? bhagwan aakar phal dete hain gati aur sadgati ka। gati athva mukti milti hai nirvaandhaam mein। unko niraakaari duniya kaha jaata hai। aatma bhi niraakaar hai। niraakaar aatma ko mila hai yeh saakaar shareer। kislie? karmakshetra par part bajaane ke liye। ab karmakshetra par part bajaate-bajaate bhaarat jo heere jaisa tha, svarga tha, oonche te ooncha pavitra khanda tha। ab kaudi jaisa apvitra khanda ban gaya hai।

baap tum bachchon ko srishti ke aadi-madhya-ant ka raaz samjhaate hain। aadi mein devi-devtaaon ka raajya tha। madhya mein raavan ka raajya shuru hota hai। devi-devtaayen vaam maarga mein chale jaate hain। bhaarat paavan tha, ab patit hai। yeh bhi samjhaana chaahiye। is patit duniya ko paavan banaane vaala ek hi parampita paramatma hai jisko bhakta yaad karte hain। bhakta patit hain। jab baap aakar paavan banaate hain to phir bhakta koi rehte nahin। na koi pukaarte hain। satayug mein jab devi-devtaaon ka raajya tha to bhagwan ko koi yaad nahin karte the। bhaarat sukhdhaam tha। aise nahin islaami khanda va bauddhi khanda svarga tha। bhaarat hi svarga tha, jahaan aadi sanaatan devi-devtaaon ka raajya tha। jab devtaaon ka raajya tha tab kshatriy raajya nahin tha। yeh kaun baith samjhaate hain? knowledgeful god father। woh sat hai, chaitanya hai। aatma bhi sat hai, chaitanya hai। yeh shareer hai jad, inko aatma chalaati hai। satayug mein ek hi devta dharma tha to bahut thode the, phir jhaad vriddhi ko paata hai। yeh srishti ke aadi-madhya-ant ka gyaan koi shaastron mein nahin hai। woh sab hai bhakti maarga ki saamagri। kehte bhi hain - he patit-paavan aao। baapu gaandhi ji bhi chaahte the raam raajya ho। haath mein geeta thi kyonki geeta gyaan dvaara parampita paramatma ne bhaarat ko svarga banaaya। world almighty authority ka raajya tha। vishwa ke maalik the to zaroor vishwa ke rachayita ne vishwa ka maalik banaaya। shivbaaba kehte hain - ham aaye the, tum shiv jayanti manaate ho na। 5 hazaar varsha ki baat hai। geeta mein hi bhagvaanuvaach likha hua hai na। bhaaratvaasi tamopradhaan hone kaaran bhagwan ko nahin jaante। bhagwan hai oonch te oonch। brahma-vishnu-shankar ko bhi rachne vaala woh hai। niraakaar shiv bhagwan ko apna shareer nahin hai। brahma-vishnu-shankar ko bhi sookshm shareer hone ke kaaran devta kaha jaata hai। parampita paramatma khud kehte hain - main rachayita hoon। yeh sab mere bachche hain। aatma ke roop mein tum sab bhaai-bhaai ho। aise nahin tum sab father ho। jaise sannyaasi kehte hain - aatma so paramatma। nahin। paramatma so param aatma hai। drama mein paramatma ka part alag hai। woh creator, director hai, karnakraavhaar hai। brahma dvaara phir se aadi sanaatan devi-devta dharma ki sthaapna karaate hain। brahmaakumaar kumaariyon ko adopt karte hain। mukh vanshaavli ko adoption kaha jaata hai। yeh hai brahma mukh vanshaavli। brahmaakumaar kumaariyon ko parampita paramatma ne aakar padhaaya hai। ab raajayog seekh rahe hain। aise nahin aatma so paramatma। itni karod aatmaayen sab immortal hain। yeh bada drama hai। drama ke raaz ka kisko pata nahin hai। baap baith samjhaate hain - kalpa-kalpa sangamayuge aata hoon। main saadhaaran tan mein pravesh karta hoon। yeh apne janmon ko nahin jaanta tha। main sunaata hoon - main ismen aata hoon। inka naam mainne prajaapita brahma rakha hai। mujhe aana hai patit duniya mein। inka yeh antim janma hai, 84 janma poore kiye। yeh brahma sarasvati hi lakshmi-naaraayan banenge। sarasvati kaun hai, manushya nahin jaante hain। sarasvati ko bhagavti nahin kahenge। yeh brahma ki mukh vanshaavli beti ka naam jagat amba sarasvati hai। sangamayug par jagat amba kaamdhenu kehte hain। inko (brahma ko) aadi dev mahaaveer bhi kehte hain। dilvaala bhi kehte hain। vaastav mein dilvaala shivbaaba hai। vahi bachchon ki dil lene liye, svaraajya dene liye aate hain।

bachche kehte hain - baba, hamko phir se sada sukhi banaao। to shivbaaba aakar brahma tan se tumhaari dil le rahe hain। tumko padha rahe hain isliye dilvaala mandir sundar yaadgaar bana hai। woh hai jad mandir। tumne 5 hajaar varsha pahle bhaarat ko svarga banaaya tha, iska hi yaadgaar mandir hai। tum phir se service kar rahe ho, phir yeh jad mandir toot-phoot jaayenge। baap kehte hain - kalpa-kalpa main puraane patit tan mein aata hoon paavan banaane। yahaan koi paavan nahin hai। abhi anek dharma hain। baaki aadi sanaatan devi-devta dharma hai nahin। devi-devta dharma vaale apne ko hindu kah dete hain। devta dharma praayahlop ho gaya hai। devi-devtaayen bilkul pavitra the। woh jab se vaam maarga mein gaye hain to devi-devta kahlaana banda ho gaya। devta dharma ko praayahlop to hona hi hai। tab main pahle-pahle deity dharma hi sthaapan karta hoon। islaami, bauddhi peechhe aate hain। hindu dharma kab sthaapan hua? aadi sanaatan to yeh devi-devta the। to bholaanaath shivbaaba samjha rahe hain bholi-bholi jo bachchiyaan hain unki jholi bhar unko svarga ka maalik bana rahe hain। bada bhola saudaagar hai। jaise koi marta hai to puraani cheejen karneeghor ko dete hain। baap kehte hain main tumhaari puraani kichad-patti lekar tumko svarga ka maalik banaata hoon। tum shivaalay mein rahne vaale the। shiv ne satayug sthaapan kiya tha, ab veshyaalay ban gaya hai। isko phir shivaalay main banaata hoon। varnon ka raaz bhi bachchon ko main samjhaata hoon। punarjanma lete aaye hain। varna badalte jaate hain। manushya kah dete hain - 84 laakh janma। baap ulhana dete hain - tumne apne liye 84 janmon ke badle 84 laakh janma laga diya hai aur mere liye kah dete sarvavyaapi, tu hi tu hai। main sarvavyaapi to hoon nahin। is samay to sarvavyaapi 5 vikaar hain। satayug mein yeh nahin the। vahaan to devi-devtaayen the। ab asur bane hain। phir asur se devta banaaya jaata hai so baap samjhaate hain oonche te oonch bhagwan phir unki rachna brahma-vishnu-shankar। yeh hai sthoolavtan jismen pahle hai devi-devtaaon ka raajya, phir hai kshatriyon ka raajya phir vaishya, shoodron ka raajya। abhi to no raajya। yeh hai praja ka praja par raajya। satayug mein righteous religion tha। kabhi ek do ko duhkh nahin dete the। bhaarat ki badi mahima hai parantu shaastron mein ulta-sulta likh mahima uda di hai। praacheen bhaarat ka yog aur gyaan bada naameegraami hai। kisne sikhaaya? shreemat bhagvaanuvaach। to baap baith samjhaate hain mera bhi yahaan aane ka part hai। main janma-maran mein nahin aata hoon। main gyaan ka saagar, sukh ka saagar hoon। yeh mahima aur koi ki nahin hai। devtaaon ki mahima alag hai। harek actor ka apna-apna part hai। us part anusaar mahima hoti hai। tum jaante ho oonch te oonch incorporeal god father hai। laukik father ko god father nahin kahenge। woh hai had ka baap, yeh hai behad ka baap। pukaarte to sab hain parampita paramatma। samajhte hain baap aayenge to hamko sukhdhaam le jaayenge।

baap kehte hain main ajaamil jaise paapiyon, saadhuon aadi sabka uddhaar karta hoon in maataaon dvaara। yeh hain shiv shakti bhaarat maataayen। yogbal se kaam le rahi hain। woh kanyaayen-maataayen violence drill seekhti hain। yahaan yeh yogbal ki drill hai। tum ho shreemat par, aur sang puraani duniya se preet tod ek baap se jodte ho। kaurav hain vinaash kaale vipreet buddhi aur tum paandav ho vinaash kaale preet buddhi। tum bhaarat ko svarga banaate ho। baap se pratigya karte ho - baba, ham pavitra rah bhaarat ko paavan banaane mein madad karenge kyonki ab mrityulok murdaabaad ho amarlok zindaabaad hona hai। baap amraktha suna rahe hain। tum paarvatiyaan ho, sajniyaan ho। baap se varsa le rahe ho। sajni ke roop mein kehte hain gul-gul ban jaao। tum mahaaraaja-mahaaraani bante ho। yeh sab raaz baap baith samjhaate hain। baap hi knowledgeful, creator, director hain। brahma-vishnu-shankar hain rachna, isliye trimoorti shiv kaha jaata hai। vo log phir trimoorti brahma kehte hain। trimoorti shiv, jo teenon ko rachne vaala hai, unko bhool jaate hain। shivbaaba ko bhool naastik ban pade hain। O god father kehte hain parantu unke occupation ko nahin jaante hain। maaya sabko naastik banaati hai, main phir aastik banaata hoon। baap ko bhool jaane ke kaaran aapas mein ladte-jhagadte rehte hain।

baap samjhaate hain - yeh bhaarat vishwa ka maalik tha, koi partition nahin tha। aakaash, dharti, vaayu aadi sabke maalik the। ab to kitne partition ho gaye hain। phalaani had mein yeh na jaaye, kitna jhagda hai। bhaarat behad ka maalik heere jaisa tha। ab had ka maalik kaudi jaisa ban gaya hai। yeh drama hai, harek aatma ko apna part mila hua hai। koi ko 84 janmon ka part hai, koi ko do teen janmon ka part hai। yeh immortal drama hai jo repeat hota rehta hai। bhaarat jaisa pavitra khanda koi hota nahin। ghar puraana hota hai to repairing karaaya jaata hai। bhaarat hi vaam maarga mein jaata hai to unhon ko kuchh thamaane ke liye sannyaas maarga hai। abhi to woh bhi tamopradhaan ban gaya hai। sab puraane ban pade hain phir naye banenge। puraane ghar mein maja nahin hota hai। baap kehte hain mujhe satopradhaan banaane aana padta hai। main hi aakar bhaarat ko jeevanmukta banaata hoon। baaki aatmaon ko mukti deta hoon। baap samjhaate hain - bachche, yeh tumhaara antim janma hai। abhi tum svarga ke maalik bante ho। kitni bhaari praapti hai। tum 21 janma pavitra duniya ke maalik bante ho। tum oonch aatma the, svarga ke maalik the। paap aatma maaya ne banaaya hai। phir baba aakar punya aatma banaate hain। hisaab-kitaab chuktu kar vaapis le jaayenge। bholaanaath baba liberator bhi thahra na। kehte hain main tumko jeevanmuktidhaam le jaata hoon। parampita paramatma hai hi sabse meetha, isliye sab unko yaad karte hain।

bholaanaath baap tum maataaon ke dvaara bhaarat ko svarga banaate hain jiska yaadgaar delvaada mandir hai। tum harek ke occupation ko jaante ho। drama mein harek ka part chalta hai। kitne punarjanma lete hain। paandav the gupta, yaadav kaurav the pratyaksha। tum incognito, nonviolence shakti sena 21 janma vishwa ka maalik bante ho। to zaroor mehnat bhi karni pade। kadam-kadam shreemat par chalna hai। baba ki yaad bhooli to laga maaya ka gola isliye apne baap ko yaad karna hai, apne ko aatma nishchay karna hai। maut saamne khada hai। paapon ka bojha bahut bhaari hai। jahaan tak jeena hai, purushaartha mein rehna hai aur kuchh bhi yaad na rahe। is mrityulok mein aana nahin hai। duniya badal rahi hai। yaadvon aur kaurvon ne apne kul ka vinaash kiya। baaki paandavon ne apna raajya paaya। parantu ab ham paandav baap ke bane hain, rakta ki nadiyaan yahaan bahegi। nahin to puraani duniya ka vinaash kaise ho। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yogbal ki drill karte nonviolence (ahinsak) ban sabhi ka uddhaar karne ke nimitta banna hai।

2) bholaanaath baap se sachcha sauda karna hai। puraani kichadpatti de svarga ka raajya-bhaagya lena hai। puraani duniya se preet tod ek baap se jodni hai।

vardaan:- svayan ko badalne ki bhaavna dvaara sabhi baaton mein vijay praapta karne vaale saphalta swaroop bhav

seva ke kshetra mein har ek ke saath milkar chalne ka lakshya ho, svayan ko badalne ki bhaavna ho to sabhi baaton mein sahaj vijayi ban sakte ho। doosra badle - yeh dekhne va sochne vaale dhokha kha lete hain isliye mujhe badalna hai, mujhe karna hai, pahle har baat mein svayan ko aage karo। abhimaan mein nahin, karne mein aage karo to saphalta hi saphalta hai। jo mould hona jaante hain woh real gold ban jaate hain।

slogan:- jaise naynon mein noor samaaya hua hai vaise buddhi mein shiv pita ki yaad samaai hui ho।