सोमवार 29 मई 2023 की दैनिक मुरली

29-05-2023 praatahmurli om shanti "baapdaada"' madhuban

“meethe bachche - 20 naakhoonon ka jor de purushaartha karo aur baap se poora varsa lo, dhaarna kar doosron ko karaao''

prashn:- tum bachchon ko kis baat ka kadar ho to bahuton ke kalyaan ke nimitta ban sakte ho?

uttar:- baap ne jo itne sundar-sundar medals (badge) banvaaye hain… inka tum bachchon ko bahut kadar hona chaahiye। yeh badge hi tumhaari sachchi geeta hai, is par tum srishti ke aadi-madhya-ant ka raaz kisi ko bhi samjha sakte ho। tumhaare paas yeh nishaani sadaiv honi chaahiye। baba ne bahut khyaalaat se yeh cheejen banvaai hain, inki bahut mahima niklegi।

geet:- maata O maata...

om shanti। abhi bachchon ne geet suna, kyonki sammukh baithe hain। yeh bhi jaante ho ham sabki maata hai jagat amba। parantu saara jagat to pahchaan nahin sakte hain। bhaarat mein hi jagat amba ka chitra hai aur uski mahima bhi yahaan hai। vilaayat aadi taraph phir shiv ki jaasti mahima hai kyonki woh sabka father hai। yahaan phir jagat amba hai। ab jagat amba ko bhi janma kisne diya? zaroor kahenge jagat amba ko bhi rachne vaala behad ka baap hai। peechhe maata aai hai। maata ki kitni mahima hai। ho to tum sab maataayen। vande maatram kehte hain। kanyaayen phir maata banti hain। to yeh mahima hai jagat amba ki, tum bachchon ko jagat amba ki biography ka poora pata hai। tum jagat amba ke mandir mein jaayenge to kahenge yeh sab chaitanya mein baithi hain। vishesh budhvaar ke din mama ki mahima ki jaati hai, shiv-baba ka din hai somvaar। use somnaath bhi kehte hain। somvaar ke din shiv par loti bhi chadhaate hain। loti to shiv par roz chadhni chaahiye। khaas somvaar ko kyon? koi-koi din mukrar hain। to uska bhi tum arth samajhte ho। roodra naam, somnaath naam, shreenaath naam kyon rakha hai? tum bachche jaante ho - babool ke kaanten hote hain, kaanton ko phool banaane vaala woh baap hi hai। abhi tum arth samajhte ho। mahima saari bhaarat mein hi hai। yahaan hi aate hain। Christ ki krishna ke saath bhent karte hain। Christ ka chhota roop bana kar nikaalte hain। taaj bhi unko dete hain। parantu unko taaj to mila nahin hai। harek apne dharma ki badaai karte hain। hindu dharma vaale hi apne dharma ki badaai nahin karte hain। dharma mein taakat hai। abhi ham baba se kitni shakti lete hain।

is geet mein mama ki mahima hai lekin baap na hota to shiv shaktiyaan kaise hoti। vande maatram ke laayak kahaan banti। bhagwan kehte hain vande maatram। sannyaasiyon ka nivritti maarga bhi drama mein noondha hua hai। baap aakar samjhaate hain barobar yeh bhi achha dharma hai। dharma sab pahle achhe hote hain। jo bhi nai aatmaayen aati hain woh achhi hoti hain। apna prabhaav nikaalti hain। jaise arvinda ghos aaya to unki kitni mahima nikli! un dvaara chhota math sthaapan hua। baba ne samjhaaya hai ki nai aatmaayen aati hain, aakar apna math-panth sthaapan karti hain। jaise aarya samaaji hain। ab dayaananda ko kitna samay hua। pichhaadi ki chhoti-chhoti taal taaliyaan hain। jaise chidaakaashi hai, bahut-bahut karke 100 varsha hua hoga। kitna chal gaya hai! mahima kitni hai kyonki hindu dharma vaale apne dharma ko na jaanne kaaran aur-aur dharmon mein ghus jaate hain। ab tum jaan gaye ho, bana banaaya drama hai jo phir repeat hota hai। kaise-kaise dharma sthaapan hote hain। aakhreen srishti ko puraana zaroor banna hai। baap kehte hain naya banaane vaala sirf main hoon। is samay sab jad jadeebhoot avastha mein hai। bhakti maarga ka ab ant hota hai। gyaan ka hai aadi। satayug mein yeh gyaan nahin chalta hai। gyaan ek hi baar baba dete hain। phir 21 janma gyaan ki darkaar nahin rehti। baap se varsa mil jaata hai। phir satayug-treta mein padhaai hoti nahin। avinaashi baap dvaara avinaashi padhaai hoti hai, 21 janma phir unka phal milta hai। manushya jo padhte hain woh ek janma ke alpakaal sukh ke liye। phir padhna nahin hota hai। harek apne sukh ki praalabdha banaate hain। laukik sambandh mein to sirf baap aur daade se hi bachchon ko varsa milta hai। yahaan baba kehte hain mel-female donon hi mere se varsa le sakte hain - apne purushaartha anusaar। nambarvaar to hain na। (baapdaada aaj sabha mein apne bageeche se bhinna-bhinna phoolon ki tokri bharkar le aaye hain)

ab dekho yeh phool hai mama, sitaar bhi sarasvati ko hi dete hain na। baba ke liye phir yeh gulaab ka phool theek hai। tum bhi harek apne ko samajh sakte ho ki ham kitni sugandha vaale hain। baagvaan hai shivbaaba। ham unke maali thahre। baagvaan ek hi baba hai। tum jaante ho hamko baba phool bana rahe hain। balihaari jagat amba ki va jagat-pita ki nahin। balihaari to shivbaaba ki hai। woh agar nahin hota to inki mahima kaise hoti। shivbaaba ki yaad se hi itna oonch martaba milta hai। woh hai oonche te oonch bhagwan। rehte bhi hain paramdham mein। achha, kehte hain lakshmi bhagavti, naaraayan bhagwan। woh bhala kahaan ke rahne vaale hain। yahaan manushya srishti ke rahne vaale hain। unhon ko aisa ooncha kisne banaaya? tum ab ban rahe ho na। srishti ka rachayita to barobar baap hi hai। bhagwan bhagavti surname ho jaata hai। jaise barrister se paida hue to woh barrister ka surname chalega। lakshmi-naaraayan to hain mahaaraaja-mahaaraani। pahle prince-princess to banna hi hai। to manushya srishti mein oonche te oonch lakshmi-naaraayan thahre। shri shri 108 jagatguru yeh mahima hai shivbaaba ki। 108 ki maala banti hai। woh maala oonch te oonch hai। woh phir vishnu ki maala gaai jaati hai। roodra maala bhi hai। phir roodra maala hi vishnu ki maala banti hai। gaaya bhi jaata hai roodra maala aur bhakta maala। unka bhi arth koi nahin jaante hain। bhakta maala ka bhi pustak hai। roodra maala ki to geeta hai। to baap harek baat achhi reeti baithkar samjhaate hain। chitra bhi baba ne banvaaye hain samjhaane liye। baba ne locket (badge) bhi banvaaye hain। ek taraph trimoorti doosre taraph shreekrishna। yeh chitra to bahut achha hai। in par tum bahut service kar sakte ho। government se inaam milta hai। baba ne tumhaare liye mehnat kar locket (badge) banaaya hai। first class cheej hai। locket dikha kar bolo - aao, ham saare srishti ka raaz isse aapko bataaven। ham tumko trikaaldarshi, trilokeenaath vishwa ka maalik bana sakte hain। buddhi mein aata hai na। ismen knowledge bahut achhi hai। inse ham tumko vishwa ke aadi-madhya-ant ka gyaan dete hain। satayug mein kaun raajya karte hain, treta mein kaun karte hain? ham tumko svadarshan chakradhaari bana deta hoon, jisse tum phir chakravarti raaja banenge। abhi baba phir aakar gyaan ka teesra divya netra dete hain। barobar ham mool vatan mein baba ke paas the। yeh baaten aur koi ki buddhi mein nahin rah sakti। tumko jo sikhaaya jaata hai, so naya। bhal woh geeta hai parantu ham usko bhi uthaate nahin। nahin to kehte hain geeta se tum apne matlab ki baaten uthaate ho।

baba jaante hain koi-koi bachche achhe serviceable hain। sena mein to bahut hain na। paandav sena mein bhi yeh hain। baap kehte hain phalaana bachcha bahut achha hai। dhaarna kar auron ko karaane vaala hai। bees naakhoonon ka jor dekar bhi baap se varsa lena hai। nahin to bahut pachhtaayenge। tum bachchon ke liye to khaas tribunal baithegi। saakshaatkaar karaayenge। dekho, tumko kitna samjhaate the। bhakti maarga mein janma-janmaantar gaate aaye ho - tum par balihaar jaaoon, tumko hi yaad karenge। unka bhi arth tum ab samajhte ho। aise bhi kehte the ki sab kuchh eeshvar hi deta hai। phir eeshvar bachcha dekar leta hai to eeshvar ko gaali dene lag jaate hain - tum aise ho, yeh ho, kah dete hain। duhkh bhi tum dene vaale ho। sukh dene vaale ko duhkh dene vaala kah dete hain। to behad ka baap samjhaate hain tum kitne besmajh ban gaye ho। baba kitna achhi reeti samjhaate hain। locket mein badi achhi knowledge hai। sabhi vedon-shaastron ka ismen saar hai। parantu bachchon ko itna mahatva locket ka nahin hai। itni dooraadesh, vishaalbuddhi nahin hain। locket mein trimoorti hai aur neeche mein likha hai - god fatherly birthright। kehte bhi hain god father parampita, father zaroor kahenge। father ka arth hai hi ham unke bachche hain। bhakta bhagwan ke bachche hain। aise nahin ki bhakta bhagwan hain। bhagwan ko hi bhakti maarga mein le aate hain। phir bhakti maarga vaalon ko bhakti ka phal kaun dega? parantu sivaae samjhaane koi samajh na sake। literature se bhi koi mushkil samajh sakte hain। tum locket se bhi samjha sakte ho। yeh hai oonch te oonch god father। ham tumko god father ke jeevan ka rahasya bata sakte hain। jo sabhi ka god father hai woh kya karttavya karte hain jis kaaran unko father kaha jaata hai। god father kaha jaata hai aur phir Adam-Eve, Adam-beebi, brahma-sarasvati ko kahenge। god father unhon dvaara rachna rachte hain। woh god father hai sabhi aatmaon ka baap। yeh hai prajaapita। ham aatmaayen hain unke avinaashi bachche। phir chakra mein aate hain to yeh hai prajaapita brahma। unko great great grand father kaha jaata hai। shiv ko great great grand father nahin kahenge। shiv ko sirf father kahenge। woh hai sab aatmaon ka baap। manushya srishti ka sijra banega to pahle-pahle brahma sarasvati, phir unse aur vriddhi hoti jaati hai। oonch te oonch parampita paramatma। unse devi-devta dharma ki sthaapna hoti hai। phir nambarvaar aur dharmon ki sthaapna hoti hai। brahma ko hamesha boodha dikhaayenge। great great grand father hai na। tum bachche jaante ho shivbaaba ne brahma dvaara humein apna banaaya hai। abhi ham unse behad ka varsa lete hain। dalaal ko apni dalaali bhi mehnat se milti hai। gaate bhi hain satguru mila dalaal ke roop mein। yeh sab baaten baap baith samjhaate hain to bachchon ki buddhi mein baith jaana chaahiye। tum samjha sakte ho ham itne brahmaakumaar kumaariyaan hain। prajaapita brahma ka naam mashhoor hai। baba ne card bhi bahut achhe chhapaaye the। usmein saari knowledge aa jaati hai। bade khyaalaat se yeh cheejen banaai jaati hain, parantu itna kadar nahin hai। military vaalon ko medals milte hain phir yahaan pahante hain na। tumhaare paas to ek hi medal hai। unhon ke paas to bhinna-bhinna medals mein nishaaniyaan hoti hain। yahaan tumhaari ek hi nishaani hai। card dikhaakar phir vahaan hi baith samjhaana chaahiye। woh bhi samay aayega tumhaare in medals ki, card ki bahut mahima niklegi। baba to bahut achhi reeti samjhaate rehte hain। koi-koi bachche poochhte hain - baba, yog kaise lagaayen? lakshya to diya hua hai। varsa daade se tumko lena hai। laukik ghar mein to sab varsa nahin lenge। yahaan to sab hakdaar ho। pahle dekho jhaad ke jhaad aaye, phir unse koi ki taang kat gai, koi ki baanh kat gai। baaki brahman banne vaale apna varsa le rahe hain। aise nahin ki jhaad svarga mein nahin aayega। aayenge sab parantu jo achhi reeti padhte hain woh vijay maala mein aayenge, baaki praja mein। haan, praja mein bhi jo saahookaar banna chaahen to uske liye yukti mil sakti hai। praja mein bhi bahut saahookaar ban sakte hain। raajaaon se bhi saahookaaron ke paas milkiyat bahut rehti hai। dvaapar se jab raajaaon ko bhi tangi hoti hai to phir saahookaaron se karja lete hain। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baba hamko varsa dene aaye hain to 20 naakhoonon ka jor dekar bhi baap se poora varsa zaroor lena hai।

2) shivbaaba ki yaad se khushboodaar phool banna aur banaana hai। vishaalbuddhi aur dooraadeshi ban locket par achhi reeti service karni hai।

vardaan:- apne feature dvaara anekon ka future shreshtha banaane vaale shreshtha sevaadhaari bhav

bolne ki seva to yathaashakti samay pramaan karte hi ho lekin sangamayug ka jo future pharishta swaroop hai, woh aapke features se dikhaai de tab sahaj seva kar sakte ho। jaise jad chitra features dvaara antim janma tak seva kar rahe hain, aise aapke features mein sada sukh ki, shanti ki, khushi ki jhalak ho to shreshtha seva kar sakenge। aapke features ko dekhkar kaisi bhi duhkhi ashaanta, pareshaan aatma apna shreshtha future bana legi।

slogan:- bhaagyavidhaata baap ko apna sarva sambandhi bana lo to sarva praaptiyon se sampanna ban jaayenge।