बुधवार 31 मई 2023 की दैनिक मुरली

31-05-2023 praatahmurli om shanti "baapdaada"' madhuban

“meethe bachche - tumhaare par maaya ka poora pahra hai isliye jara bhi gaphlat na karo, dehi-abhimaani rahne ki mehnat karte raho।''

prashn:- baap ke paas kaun-sa bhandaara sada bharpoor hai? us bhandaare se svayan ko bharpoor karne ka saadhan kya hai?

uttar:- baap ke paas pavitrata-sukh-shanti ka bhandaara sada hi bharpoor hai। sthaai sukh va shanti chaahiye to jangal mein bhatakne ki jaroorat nahin hai। pavitrata hi sukh aur shanti ka aadhaar hai। pavitra bano to tumhaare sab bhandaare bharpoor ho jaayenge। baap aate hi hain bachchon ko pavitra banaane। woh hai ever pavitra।

geet:- na woh hamse juda honge…

om shanti। yeh bachchon ka hi gaaya hua geet bachche sun rahe hain। yeh bachchon ki aatmaayen kehti hain। ab bachchon ko dehi-abhimaani banna hai arthaat apne ko aatma nishchay karna hai, na ki paramatma। jaise sannyaasi log kehte hain - aatma so paramatma, ise ulti ganga kaha jaata hai। ab baap samjhaate hain itna samay tum sab deh-abhimaani bante aaye ho। ab dehi-abhimaani bano। yeh shiksha milti hai vaapis ghar jaane liye। phir satayug mein to hai tumhaari praalabdha। jab yahaan tum dehi-abhimaani bante ho aur baap ki knowledge ko grahan karte ho phir jaakar gyaan ki praalabdha ka part bajaate ho। vahaan to deh-abhimaan va dehi-abhimaani ka prashn hi nahin hai। is samay to manushyon ko pata hi nahin hai ki ham aatma hain। hamaara baap paramatma hai। bilkul hi moonjh gaye hain। sannyaasiyon ne kaha ki ham-tum sab paramatma hain। jidhar dekhta hoon tu hi tu hai, isse to kuchh bhi phaayda nahin hota। vo log to isko bhaavna samajhte hain। parantu sabki bhaavna to ek jaisi nahin hoti। ek hi ghar mein baap bachche ki bhi bhaavna ek jaisi nahin rehti। kahaan-kahaan dekho bachche baap ko bhi maar daalte kyonki ghor andhiyaara hai। sab patit hain।

abhi tum bachche svadarshan chakradhaari bane ho। svadarshan chakradhaari banne se hi tum raaja-raani bante ho। to baap bachchon ko baar-baar kehte hain - dehi-abhimaani bano। aise samjho mujh aatma ko paramatma baap apna parichay dekar padha rahe hain। hamaare sanskaar badla rahe hain। aatma hi sanskaar le jaati hai। shareer to khatma ho jaata hai। baba abhi ham aapke saath hi yog lagaayenge। yeh hamaara vaayda kabhi mit nahin sakta। bhal pavitrata par anek prakaar ke vighna padenge। bahut kuchh sahan karna padega। bachchiyaan kehti hain baba yeh sitam sahan karoongi। jaise duhkh ke samay mukh se nikalta hai na haay raam, he prabhu.. tum to aise nahin kahenge। tum brahman phir baba ko yaad karte ho। baba ham duhkh se kab chhootengi, hamko bahut maarte hain। geet mein bhi kehte hain - kitni bhi maar padegi, baba, aapki yaad kabhi nahin bhoolenge। hamko to baba ka hi banna hai। buddhi ka yog unse jodna hai। yeh hai sab samajh ki baat। ek din yeh sitam bhi mit jaayenge। kuchh to zaroor sahan karna padta hai। yeh sab drama mein noondh hai। ablaaon par atyaachaar bahut hote hain। yeh geet bhi dekho pahle se hi bana hua hai, jiska arth koi bhi nahin jaante hain। tumhaare shaastra jaise ki yeh record ban gaye hain। sab kehte hain aise to kahaan bhi nahin hota jo record par arth kiya jaae। yeh to philmi records hain। parantu yeh baba ne banvaaye hain। tum bachchon ko is par samjhaana chaahiye। hamko paavan to zaroor banna hai। baap ke farmaan par chalna hai। manushya to jaante nahin। woh to shiv shankar ko bhi milaakar ek kar dete hain। shreekrishna bhi bhagwan hai, woh to haazira-hazoor hai, jidhar dekho krishna hi krishna hai। raadhe ke pujaari phir kahenge jidhar dekho raadhe hi raadhe hai। saani baba ke bhakta honge to kahenge jidhar dekho saani baba... kitna andhiyaara hai। yeh phir bhi hona hi hai, bana banaaya drama hai। tum kehte ho is gyaan yagya se vinaash jvaala prajjavlit hui hai। to kehte hain tumhaare baba ne aisa yagya racha hai jo vinaash kara dete hain। ham kehte hain shanti ho jaae, tum phir vinaash karaate ho। roodra gyaan yagya naam to hai na। yagya racha jaata hai braahmanon se। tum brahmaakumaar kumaariyaan brahman thahre। woh had ke yagya rachte hain seth log। usmein roodra yagya naameegraami hai। woh usmein gyaan ka akshar nahin lagaate hain। yeh to hai roodra gyaan yagya। unko gyaan yagya nahin kahenge। baba ne samjhaaya hai gyaan se hi tumhaari sadgati hoti hai। vahaan (satayug mein) is gyaan ki darkaar nahin। vahaan to hai hi sadgati, svarga। yeh to samajhne ki baat hai na। baap baith braahmanon ko gyaan dete hain। dikhaate hain rath par rathi baithe the। yeh shareer rath hai na। har ek rath mein rathi aatma hai, ismen bhi inki aatma hai। parantu baba kehte hain main rath ka loan leta hoon। jaise makaan lete hain to dhani bhi rehta hai aur lene vaale bhi rehte hain। yahaan yeh rathi ban baba aate hain। kehte hain main phir se tumko raajayog sikhaata hoon। aise aur koi kah na sake। yeh sab points samjhaai jaati hain dhaarna ke liye। hamaara baba hamko svarga ka maalik banaate hain, kalpa-kalpa sangamayuge। ek akshar ki bhi bhool karne se kitne avtaar, kitne naam likh diye hain! abhi barobar kalpa vriksha ke neeche tum baithe ho। raajayog seekh rahe ho bhavishya mein raaja-raani pad paane liye। yahaan to karodapti, padmapti hain, inka sab kuchh mitti mein mil jaayega। natural calamities aadi sab achaanak hi aayengi। pichhaadi mein vinaash to hona hi hai। dher ke dher bombs sabke paas hain। woh aise hi samudra mein thode hi phek denge। yeh to unhon ki laakhon-karodon ki milkiyat hai। yeh na banen to vinaash kaise ho। ekdam jalkar jaise khaak ho jaayenge। aise nahin jakhmi hokar duhkh bhogte rahenge। cheez hi aisi banti hai jo phat se khalaas ho jaayenge। to ek dharma ki sthaapna aur anek dharmon ka vinaash - yeh to clear hai। brahma dvaara svarga ki sthaapna kar rahe hain। svarga mein rahne vaalon ko laayak bana rahe hain। pavitra banne vaalon ke aage sab naman karte hain। ab baap bhi kehte hain pavitra bano। abhi tumhaari aatma ke pankh toote hue hain। tum udenge kaise? jitna gyaan-yog bal ki dhaarna karenge to pankh aa jaayenge। raajdhaani lena koi maasi ka ghar nahin hai।

mukhya baat hai aham aatma, yeh hai mera shareer। aham aatma hain hi shant swaroop। shanti ke liye dhakka khaane ki darkaar nahin। ek kahaani bataate hain na - raani ke gale mein haar pada tha lekin woh baahar mein dhoondh rahi thi। tum raaniyaan ho, shanti ke liye jangalon mein jaane ki darkaar nahin। yahaan to hai hi maaya ka raajya। yahaan shanti ho nahin sakti। koi kehte hain hamko phalaane se shanti mili। parantu woh to hai alpakaal kaag vishta samaan sukh athva shanti। hamko to avinaashi chaahiye na। tum bachchon ko chaahiye sthaai shanti। pavitrata se shanti-sukh jitna chaahiye utna lo। shivbaaba ka bhandaara hai na। jo ever pavitra hain vahi aakar sabko paavan banaate hain। sannyaasi to samajhte hain aatma nirlep hai। baaki shareer par paap lagta hai। to ab tum bachche jaante ho - baap hai svarga ki sthaapna karne vaala। yathaartha reeti samjhaane se samjhenge ki barobar inhon ko padhaane vaala to parampita paramatma hai, jisko hi patit-paavan sadgati daata kaha jaata hai। sabhi ko durgati se sadgati mein le jaate hain। sadgati to baap hi karenge na। unko kaha hi jaata hai sadgati daata। durgati daata to nahin kahenge na। patit-paavan kahenge phir patit kaun banaate hain? yeh bhi koi nahin jaante। baap kehte hain tum vaam maarga mein girte ho to raavan ki praveshta ho jaati hai। mandiron mein bade-bade kaale chitra raadhe-krishna ke rakhe hain। naam hi rakha hai shyaam sundar। satayug mein sundar tha phir kaliyug mein maaya sarpa ne das kar kaala kar diya। ab kahaan ki baat kahaan le gaye hain। manushyon ko kuchh bhi pata nahin hai। baap rachayita aur rachna ka kisko pata nahin hai। baap bachchon ko samjhaate hain - bachche, khabardaar rehna, maaya badi kadi hai। is samay to tamopradhaan hai, kisko bhi pachhaadne mein deri nahin karti, ekdam naak se pakadkar gira deti hai। yeh hai yuddha sthal isliye baba baar-baar samjhaate hain tum apna kalyaan chaaho to dehi-abhimaani bano। apne ko aatma samajh baap ko yaad karo to ant mati so gati ho jaayegi। sab sanskaar saamne khade ho jaate hain। anek janmon ke paap vinaash karne mein time lagta hai। tumhaara ant tak purushaartha chalta hai। pahli-pahli baat hai dehi-abhimaani banna। paramatma baap ham aatmaon ko padhaakar aap samaan bana rahe hain। barrister zaroor aap samaan barrister banaayega। phir hai purushaartha par madaar। koi barrister to ek hi case mein laakh roopaya bhi kamaate hain। ab tum bachchon ko baap kehte hain ki purushaartha kar oonch pad paao। yahaan ke padmapti to sab khaak mein mil jaayenge। main hoon hi gareeb nivaaz।

ab dekho, jo ladaai karte hain unka kaam hi marna aur maarna hai। woh sanskaar le jaate hain। janma bhal grihasthi ke ghar mein lenge parantu phir ladaai mein chale jaate hain। baba to bahut sahaj samjhaate hain। janma-janma ke paap hain isliye yog bahut achha chaahiye tab hi vikarma vinaash honge। sir se bojha kaise utaaren - iske liye jitna ho sake utna baap ko yaad karna chaahiye। baba, aap kitne meethe ho! baap kehte hain - laadle bachche, gaphlat nahin karna। maaya poora pahra de rahi hai isliye dehi-abhimaani bhav। yeh hai buddhiyog ki race, ismen hi sab kuchh hai। baba baar-baar kehte hain apna kalyaan chaahte ho to yog bahut achha chaahiye। phir bahut harshit rahenge। ham eeshvar ki santaan hain। hamko bhavishya ke liye baap se varsa milta hai। kaliyug mein to nahin raajya karenge। raajya karna hai satayug mein। dehi-abhimaani banna bahut badi manzil hai। aise thode hi vishwa ka maalik banenge। sitam bhi bahut sahan karne padenge। kitni baandheli bachchiyaan maar khaati hain। aakhreen vijay tum bachchon ki hai hi। tum sirf baap ki yaad mein raho। yeh hai yogbal, jo baap tumhein ek hi baar sikhlaate hain jisse tum saare vishwa ka maalik bante ho aur to koi ban na sake। saare drama mein sarvashreshtha part lakshmi-naaraayan ka hi hai। ek kahaani hai na - do bille aapas mein lade, makkhan beech mein bandar kha gaya। shreekrishna ke mukh mein maakhan dikhaate hain। ab maakhan ki to koi baat hi nahin। yeh hai svarga, ismen saari srishti ka maakhan aa jaata hai। baap svarga ka maalik banaate hain, aise baap se to kahaan se bhi bhaag kar milna chaahiye। achha।

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar h

1) main is rath par viraajmaan rathi aatma hoon, yeh abhyaas karte poora-poora dehi-abhimaani banna hai। buddhi-yog ki race karni hai।

2) poora nashtomoha banna hai। is antim janma mein sitam sahan karte bhi paavan zaroor banna hai।

vardaan:- nothing new ki smriti se sab prashnon ko samaapta kar bindi lagaane vaale achal adol bhav

koi bhi baat hoti hai to aap bachchon ko yeh gyaan hai ki nothing new, har scene anek baar repeat ki hai। nothing new ki smriti se kabhi bhi halchal mein nahin aa sakte, sada hi achal adol rahenge। koi nai baat hoti hai to aashcharya se nikalta hai yeh kya, aise hota hai kya? lekin nothing new to kya, kyon ka question nahin, fullstop aa jaata hai। aise har drishya ko dekhte bindi lagaate chalo to haay-haay mein bhi vaah-vaah ke geet gaate rahenge।

slogan:- sukhdaata baap ke sukh swaroop bachche bankar raho to duhkh ki lahar aa nahin sakti।