गुरुवार 1 जून 2023 की दैनिक मुरली

01-06-2023 praatahmurli om shanti "baapdaada"' madhuban

“meethe bachche - pratigya karo ham paas with honour bankar dikhaayenge, kabhi bhi maa-baap mein sanshaybuddhi nahin banenge, sada sapoot ban shreemat par chalenge''

prashn:- maaya ki boxing mein tum bachchon ko kis baat ki bahut sambhaal karni hai?

uttar:- boxing karte kabhi bhi maat-pita mein sanshay na aa jaaye, iski bahut sambhaal karna। ashuddha ahankaar va ashuddha lobh va moh aaya to pad bhrashta ho jaayega। tumhein behad ke baap se svarga ka varsa lene ka shuddh lobh aur ek baap mein hi poora moh rakhna hai। jeete ji marna hai। bas, ham ek baap ke hain, baap se hi varsa lenge, kuchh bhi ho jaaye - apne aapse pratigya karo। maatele bano to behad ki praapti hogi। sanshay aaya to pad ganva denge।

geet:- tumhaare bulaane ko ji chaahta hai…

om shanti। om ka arth to bilkul hi sahaj hai - aai em aatma, aai em silence। zaroor aatma to immortal hai। yeh kaun samjhaate hain? behad ka baap। bachche to bahut hain। unmein se bhi koton mein koi, koi mein bhi koi samajhte hain। bachche jaante hain ki behad ka baap, behad sukh ka varsa dene hamko laayak bana rahe hain। ham so poojya devi-devta, laayak vishwa ke maalik the। bhaarat sone ki chidiya tha। us samay ka bhaarat righteous, law-full 100 pratishat solvent tha - yeh baap samjhaate hain। barobar ham kitne laayak the। vishwa ke maalik the। ab phir baap saare vishwa par raajya karne ka adhikaari banaate hain। maaya ne itna to kangaal bana diya hai jo kaudi ki bhi keemat nahin rahi hai, unrighteous kaam hi karte hain। righteous sikhlaane vaala ek baap hai, jisko truth bhi kehte hain। jiske liye tum gaate the - tum maat pita......... unke sammukh tum baithe ho aur behad ka varsa paane ka purushaartha kar rahe ho। tum jaante ho ham unke bane hain। baap bhi kehte hain - tum hamaare bane ho। is samay koi bhi mujh baap ko nahin jaante। kabhi to kehte hain naam-roop se nyaara hai। kabhi phir sabhi naam roopon mein le aate ki patthar-bhittar sabmen paramatma hai। anek dharma, anek maten ho gai hain isliye baba kehte hain - in sab deh ke dharmon ko chhodo। aatma kehti hai - main Christian hoon, musalmaan hoon, in deh ke dharmon ko bhool jaana hai। ab baap kehte hain - laadle bachche। jab mama-baba kaha jaata hai to mama-baba ko kabhi koi bhool nahin sakte। yahaan yeh wonder hai jo bachche aise maa-baap, jisse 21 janma ka varsa milta hai, unko bhool jaate hain। laukik maa-baap ko to janma by janma yaad kiya। abhi yeh hai tumhaara antim janma। tum nishchay karte ho - barobar vahi baap kalpa-kalpa aakar hamko devta banaate hain। phir bhi aise baap ko bhool kyon jaate ho? bachche kehte hain drama anusaar kalpa pahle bhi bhoole the। baap ke ban phir chhod dete hain। aashcharyavat eeshvar ka bananti, gyaan sunanti, sunaavanti........ phir bhi aho mam maaya bhaaganti ho jaate hain। laukik baap se maaya nahin chhudaati hai। haan, koi-koi bachche hote hain jo baap ko phaarakti de dete hain। paarlaukik baap to tumhein svarga ke liye laayak banaakar kitna bhaari varsa dete hain। woh hain had ke maat-pita, yeh hai behad ka maat-pita, jo tumko svarga ki baadshaahi dete hain। nishchay hote hue bhi aise baap ko phaarakti kyon dete ho? achhe-achhe bachche 5-10 varsha rahkar achhe-achhe part bajaate hain, phir haar kha lete hain। yeh hai yuddha sthal। baap ki yaad to kabhi bhi nahin chhodni chaahiye। yaad kam hone se bada bhaari nuksaan ho jaata hai। bahut bachchon ko maaya ne jeet liya। ekdam kachcha kha gai। ajgar ne jaise hap kar liya। tum mahaarthi bante ho phir maaya giraakar ekdam hap kar leti hai। achhe-achhe first class dhyaan mein jaane vaale, jinke direction par maa-baap bhi part bajaate the, aaj woh hain nahin। kya hua? koi baat mein sanshay aa gaya।

baba samjhaate hain nishchaybuddhi vijayanti, sanshay buddhi vinshayanti। aise phir kitni adham-gati ko paayenge। tum yahaan aate ho baap se poora-poora varsa prince-princess ka lene। agar aashcharyavat bhaaganti ho gaye to phir kya pad rahega। praja mein bhi jaakar kam pad paayenge। sajaayen bhi bahut khaani hongi। jaise us government mein bhi chief judge aadi hote hain na। yahaan to sab ek hi hain। baap kehte hain ham aate hain tumko patit se paavan banaane। agar poora na banen to phir patit se bhi patit ban padenge। sarvashaktimaan baap ka dis-regard kiya to dharmaraaj ki phir bahut kadi saja ho jaayegi। yeh samajhne ki baaten hain na। tum maat-pita........ kah phir unki mat par chalna hai। shri shri ki mat par chalte yog mein poora rehna hai। tum shreshtha the। shreshtha sooryavanshi chandravanshi 21 janmon liye mahaaraaja-mahaaraani ban jaayenge। shreshtha banne liye shri shri ki mat chaahiye। shri shri ek ko hi kaha jaata hai। devtaaon ko bhi sirf shri kehte hain। is samay to aasuri sampradaay hain arthaat asur 5 vikaaron ki mat par chalne vaale। ab tum bachchon ko milti hai shri shri ki mat, jisse tum shri lakshmi, shri naaraayan bante ho। yeh title milte hain। tumko raajya-bhaagya milta hai na। satayug-treta mein pavitrata ka taaj aur ratna jadit taaj rehta hai। sooryavanshi chandravanshi ko bhi taaj dikhaate hain। mahaaraaja-mahaaraani ko hi taaj dikhaate hain। praja ko to nahin dikhaayenge। phir dvaapar mein jab patit bante hain to light ka taaj nahin dikhaayenge। patit raaja-raani paavan raani-raaja ki pooja karte hain। abhi to donon taaj nahin rahe hain। taaj-les ban gaye hain। yeh hai praja ka praja par raajya, jisko panchaayti raajya kaha jaata hai। tum paandav ho, tumhein bhi koi taaj nahin hai। tum kitna buddhivaan ban gaye ho। mool vatan, sookshm vatan, sthool vatan tatha srishti ke aadi-madhya-ant ko tum jaan gaye ho। tum jaante ho ham phir se double sirtaaj ban rahe hain। health-wealth - donon mil jaati hain। behad ka baap hamko padha rahe hain to tum ho gaye paandav government ke student। bhagvaanuvaach - main tumko raajayog sikhlaata hoon। geeta mein sirf naam badal liya hai। sangam hone kaaran yeh bhool kar di hai।

abhi tumko behad ke baap se varsa milta hai। satayug-treta mein tum sukh paate ho phir tumhaare yaadgaar dvaapar se lekar banne shuru hote hain। yahaan jo marte hain to unka yahaan mrityulok mein hi yaadgaar banaate hain। jaise nehru gaya to unka yahaan hi yaadgaar banaate hain। tumhaara yaadgaar amarlok mein nahin rahega। tumhaara yaadgaar peechhe dvaapar mein chaahiye। to dvaapar se yeh sab banne shuru hote hain jo tum dekhte ho। jagat amba aadi devi kaun hai - koi bhi nahin jaante। maaloom to hona chaahiye na। drama ke aadi-madhya-ant ka manushyon ko pata hona chaahiye na। lakshmi-naaraayan ko bhi pata nahin rehta। baap hai knowledgeful, ham unke bachche master knowledgeful bane hain। nambarvaar purushaartha anusaar। baap pavitrata ka saagar hai, ham bhi bante hain। aatma jo apvitra ban padi hai, so pavitra banti hain। baaki ganga snaan se koi pavitra nahin ban sakte। patit-paavan ek hi baap ko kaha jaata hai। tum unke sammukh baithe ho। ek baar nishchay hua so hua। baap ko bachche thode hi bhoolte hain। mar jaate hain to bhi unki aatma ko bulaate hain। phir woh aakar bolti hai। yeh drama anusaar part hota hai to woh aakar baatcheet bhi karti hai। drama mein jo past hua woh noondh hai। drama ko right-ve mein jaanna chaahiye। aise nahin, takdeer mein hoga to purushaartha kar lenge। ham baithe hain to paani aapehi mukh mein aakar padega, nahin। har ek baat mein purushaartha first hai। aise hi to koi baith na sake। chup ho baith jaae to mar jaae। sannyaasiyon ka karma sannyaas hai parantu jab tak karmendriyaan hain tab tak karma ka sannyaas nahin kar sakte। uthenge-baithenge kaise? aatma shareer ko chalaane vaali hai। aatma mein sanskaar rehte hain। raat ko ashareeri ban jaati hai। aatma kehti hai main karma karte-karte thak jaati hoon isliye raat ko rest lete ashareeri ban jaati hoon। aatma hi khaati-peeti hai। aatma in organs se kehti hai main - barrister hoon, phalaana hoon। aatma baap ko bulaati hai। yaad karti hai - O god father raham karo। woh knowledgeful, blissful hai। unke paas full knowledge hai। yahaan to tumko adhoori knowledge hai। brahmaanda, sookshm vatan kya hai, drama kaise repeat hota hai, kahaan jaate hain, kaise punarjanma lete hain, kitne janma lete hain - yeh koi nahin jaante। tum bachche purushaartha anusaar jaante jaate ho। auron ko bhi is gyaan chita par bithaakar vaikuntha ka raasta bataana hai। aur to koi jaante nahin hain। baap samjhaate hain - bachche, baap ka haath nahin chhodna। baap ko yaad karne se hi vikarma vinaash honge। baap ko bachchon ko yaad nahin karna hai। woh to jaante hain sab mere bachche hain। sab mujhe yaad karte hain। nirvaan-dhaam mein mere saath rahne vaale hain, isliye bhoole chooke bhi baap ko bhoolna nahin hai। koi sanshay nahin laana chaahiye।

ab to baap pharmaan karte hain - maamekam yaad karo aur varse ko yaad karo। koi bhi khitpit ho to bhi baap ko nahin bhoolna hai। baap ko bhoole to beda garka ho jaayega। dushman bhi tumhaare bahut hain kyonki tum khud kehte ho ki is roodra gyaan yagya se vinaash jvaala prajvalit hui hai। tum to saaph samjhaate ho is ladaai ke baad hi mukti-jeevanmukti ke gates khule the। bahut aatmaayen muktidhaam mein jaati hain phir aati hain jeevanmukti mein। pahle-pahle devi-devta dharma vaale aate hain aur sabhi apna-apna ek dharma sthaapan karte hain। baap kehte hain main pahle chhota brahman dharma sthaapan karta hoon। phir saath-saath braahmanon ko devi-devta banaata hoon। shoodra jab tak brahman na banen to daade se varsa kaise le sakte। varnon mein aana zaroor hai। samjha jaayega yeh devi-devta kul ka dikhaai padta hai। jo is kul ke hain unse hi sapling lag rahi hai। to baap samjhaate hain - aise meethe baapdaada ko kabhi bhoolna nahin, jiske liye kehte ho tum maat-pita........ tumhaari shiksha se ham behad 21 janma ka sukh lenge। purushaartha kar oonch te oonch pad paana hai। sapoot bachche pratigya karte hain - baba ham paas with honour hokar dikhaayenge। ham sooryavanshi raajya-bhaagya zaroor lenge। baap kehte hain - achhi reeti sambhaalna। maaya bhi kam nahin hai। har ek itna purushaartha karo, jo svarga mein sooryavanshi pad paao। ab purushaartha karenge to kalpa-kalpa tumhaara aisa purushaartha chalega। to baba kehte hain - meethe-meethe bachche, jara sambhaal karo। sanshay-buddhi kabhi nahin hona। laukik sambandh mein bhi bachcha kabhi maa-baap mein sanshay la nahin sakta। impossible hai। yahaan bhi baba buddhi mein yaad rehna chaahiye। yeh hai behad ka sukh dene vaala baba। phir bhi maaya tum bachchon ko boxing mein hara deti hai। baap kehte hain kabhi ashuddha ahankaar mein va ashuddha lobh mein nahin aana hai। vaastav mein tum bahut lobhi ho। parantu shuddh lobh hai ki behad ke baap se ham svarga ka varsa lenge। moh bhi shuddh hai। ek baap mein poora moh rakho। jeete ji marna hai। bas, ham to ek baap ke hain, baap se hi varsa lenge, kuchh bhi ho jaaye - apne se pratigya ki jaati hai। behad ki praapti hai। aur jagah to kuchh bhi praapti hoti nahin। to ismen sanshay nahin aana chaahiye aur baaton mein sanshay bhale pad jaaye parantu baap ke to ho na। baap mein sanshay nahin aana chaahiye। maatela use kaha jaata hai jo poora pavitra hai। patit ko sautela kahenge। aage chalkar tum samajhte jaayenge - yeh agar is samay shareer chhode to kya pad paayenge। achha!

maat-pita baapdaada ka meethe-meethe sikeeldhe bachchon prati yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) drama ko achhi reeti samajhkar chalna hai। purushaartha karke praalabdha banaani hai। drama kahkar baith nahin jaana hai।

2) kabhi bhi baap ka disregard nahin karna hai। kadam-kadam unki shreemat par chalna hai। baap mein kabhi sanshay nahin laana hai।

vardaan:- santushta rahne aur sarva ko santushta karne vaale shubh bhaavna, shubh kaamna sampanna bhav

brahman arthaat sada santushta rahne aur sarva ko santushta karne vaale isliye kuchh bhi ho jaae, koi kitna bhi hilaane ki koshish kare lekin santushta rehna hai aur karna hai - yeh smriti rahe to kabhi gussa nahin aayega। yadi koi baar-baar galti karta hai to use parivartan karne ke liye gussa nahin karo, balki merciful bankar shubh bhaavna, shubh kaamna ki drishti rakho to woh sahaj parivartan ho jaayenge।

slogan:- parmaatma pyaar ke anubhvi bano to koi bhi rukaavat rok nahin sakti।

is maas ki sabhi murliyaan (eeshvareey mahaavaakya) niraakaar paramatma shiv ne brahma mukhakmal se apne brahmaavatson arthaat brahmaakumaar evan brahmaakumaariyon ke sammukh 18-1-1969 se pahle uchchaaran ki thi। yeh keval brahmaakumaareez ki adhikrit teacher bahnon dvaara niymit BK vidyaarthiyon ko sunaane ke liye hain।