शुक्रवार 16 जून 2023 की दैनिक मुरली

16-06-2023 praatahmurli om shanti "baapdaada"' madhuban

“meethe bachche-silence ke aadhaar par tum vishwa mein ek dharma, ek raajya ki sthaapna karte ho - yeh hai silence ka ghamanda''

prashn:- saari duniya apne aapko shraapit kaise karti aur bachche kaise karte?

uttar:- saari duniya bhagwan ko sarvavyaapi kah apne aapko shraapit karti aur bachche baba-baba kah phir yadi kaam agni se svayan ko bhasma karte to shraapit ho jaate। maaya ka thappad lag jaata hai। baba kehte - he meethi laadli aatmaayen, ab satopradhaan bano, bhasmaasur nahin।

om shanti। bachche jaante hain ki ham abhi andhiyaare se roshni mein jaate hain। chandrama ki roshni aisi hai jaise sookshm vatan। soorya nikalta hai to uski tapat (garmi) ho jaati hai। chandrama sheetalta deta hai। ab yeh light to in aankhon ke liye hai। aatma ko bhi aankhe hain। aatma ko buddhi ki aankhe milti hain। aatma jaanti hai - barobar abhi behad ke baap ko bhi jaante hain aur in aankhon se brahma rath jismen shivbaaba pravesh karte hain unko bhi jaante hain। tum bachchon ko pahchaan hui hai। yeh pahchaan tab hoti hai jabki sammukh mila jaata hai। nandeegan, bhaageerath bhi kehte hain। nandeegan hamesha bail ko dikhaate hain। bhaageerath phir manushya ko dikhaate hain। ek shankar ka chitra dikhaate hain, samajhte hain unse ganga aai। ab paani ki ganga to hai nahin। yeh abhi tum jaan gaye ho। abhi tum braahmanon ko sabhi shaastron aadi ka gyaan hai। sabhi vedon, granthon, upnishdon aadi ka tum saar samjhaate ho। kai bachchiyaan hain jinhonne kabhi koi shaastra aadi padha aur suna hi nahin hai। parantu sab vedon shaastron ke saar ko samajh rahi hain। anpadh aur hi padhe hue se teekhe jaate hain। anapdhe aage padhe hue bhari dhoyenge। nahin to anapdhe, padhe ke aage bhari dhote hain। yahaan yeh wonder hai na। kuchh nahin padhe hue sab ved, shaastron, dharmon, bhakti maarga ke karma kaandon ko jaante hain। manushya vaanaprastha avastha mein hi guru karte hain phir woh baith unhon ko shaastra aadi sunaate hain। ve samajhte hain inse paramatma ke paas jaane ka raasta milta hai। jaise koi pahaadi hai, kahaan se bhi oopar chadhkar jaana hai। parantu aise to hai nahin। tum jo kuchh nahin jaante the abhi sab kuchh jaan gaye ho। kumaariyon dvaara hi parampita paramatma ne bheeshma pitaamah aadi ko gyaan baan marvaaye hain। duniya in baaton ko nahin jaanti। jagat amba sarasvati kumaari hai na। bade-bade pandit sarasvati surname rakhaate hain। vaastav mein gyaan saagar se nikli hui gyaan sarasvati hai mama। barobar abhi kanyaaon mein taakat jaasti aati hai kyonki woh ulti seedhi nahin chadhi hai। purush jab shaadi karta hai to stri mein moh chala jaata hai phir maa-baap aadi sabse moh nikal stri ke mureed ban jaate hain। phir bachche paida karte hain to unmein moh chala jaata hai। abhi tum sabse nashtomoha bante ho। apne ko aatma nishchay karte ho। aatma ka yog hai baap se, yog arthaat yaad। tumhaari baat hi niraali hoti hai na। kanyaayen to pavitra hoti hain। woh teertha aadi nahin karti kyonki hain hi pavitra। manushya teerthon par jaate hain paap kaatne। samajhte hain ganga patit-paavni hai। patit-paavan to ek hona chaahiye na। ganga patit-paavni hai to phir vahaan kyon jaate hain। vahaan dekhne jaate hain। kehte hain teer maara phir ganga nikli। kuchh na kuchh gaoomukh aadi banaakar rakhte hain। to baap baith samjhaate hain - bachche, tum aatma ho। apne ko aatma samajh mujhe yaad karo। woh baap bhi hai। satguru bhi hai। mandiron mein shreekrishna ke paanv dikhaate hain। shivbaaba ko to apne pair hain nahin kyonki unko shareer hi nahin hai jo koi charnon ki dhool banen। baba kehte hain - bachche, tumko shivbaaba ke charnon ki dhool nahin banna hai। main in sab kaliyugi rasma-rivaajon se tum bachchon ko aakar chhudaata hoon। mere charan hain nahin। shiv ko to shareer hai nahin। yeh to brahma ka tan hai isliye tum shivbaaba ki pooja nahin kar sakte। is bhaagyashaali rath mein shiv aaya hai। bhaktimaarga mein shivoham kahne vaalon par phool aadi chadhaate hain। yeh hai sab bhakti maarga ki rasma-rivaaj। arth kuchh bhi samajhte nahin। kehte hain striyon ko ling ki pooja nahin karni chaahiye। parantu woh kaun hai - yeh bhi samajhte nahin। vaastav mein shiv koi aisa ling roop to hai nahin। woh to star hai, unki pooja kyon nahin kar sakte। shiv maana hi hai parampita paramatma kalyaankaari। vaastav mein unki pooja to bahut honi chaahiye। shiv kalyaankaari ek hi hai। vahi patit se paavan banaate hain। sabka kalyaan karte hain। jo pahle number mein lakshmi-naaraayan the vahi 84 janma le patit banen hain to sab patit ho gaye। satopradhaan se rajo tamo mein sab aa gaye hain। sabka kalyaan karne vaala ek hi baap thahra। is samay manushya sab patit bane hain। pahle aane se hi patit nahin hote hain। pahle to paavan hote hain। yeh baap baith samjhaate hain - mere laadle sikeeldhe bachche va saaligraamon, sunte ho baap is mukh se kya kah rahe hain? aur koi to kah na sake। koi bhi sannyaasi aadi kah na saken ki ham ever paavan is shareer dvaara tum aatmaon se bol raha hoon। baap hi kah sakte hain। kai baba-baba kah kar bhi phir bhasmaasur ban jaate hain। maaya thappad laga deti hai to apne ko bhasma kar dete hain। kaam agni hai na। baap aakar is bhasmaasur-pane se chhudaate hain। samjhaate hain - meethe-meethe bachche tum meri santaan ho। tum brahmaanda mein rehte ho। vahaan tum ashareeri ho isliye koi sankalp vikalpa nahin chalta hai, phir part mein aate ho - yeh bhi drama bana hua hai। abhi tumhaari praalabdha khadi hai। abhi tum ho trikaaldarshi। yeh sanskaar tumhaare yahaan hi praayahlop ho jaate hain। yeh gyaan vahaan nahin rahega। jab tak yahaan ho to gyaan hai। samjho koi yahaan se sanskaar le jaate hain woh phir emerge hote hain to usi anusaar is shakti sena mein aakar daakhil ho sakte hain। (ladaai vaalon ka misaal) unmein thoda bada hone se hi military mein daakhil ho jaate hain। koi ko yahaan aana hoga to sanskaar jo le jaate hain us anusaar achhe ghar mein jaakar janma lete hain phir aise sanskaaron vaale chhote bachche bhi yahaan aate hain। phir svarga mein naya janma lenge, to yahaan ke sanskaar khatma ho jaayenge। phir raajdhaani ke sanskaar aayenge praalabdha bhogne ke liye। yeh sanskaar merge ho jaate hain। kai bachchon ka bahut lav rehta hai। to woh aatma dekhkar khush hoti hai। parantu organs chhote hone kaaran bol nahin sakte hain। bada hone se sanskaar emerge hote jaayenge। baap kitni baaten samjhaate hain।

parampita paramatma hai to pita se varsa zaroor milna chaahiye। woh hai hi svarga ka rachta। narka ka rachta nahin kahenge। tum bachche jaante ho ham baba se svarga ka varsa le rahe hain। kalpa pahle bhi liya tha। isi samay par hi behad ke baap se behad sukh ka varsa milta hai। yeh sirf tum hi kah sakte ho। yeh hain bilkul nai baaten। tum samjhaate ho geeta hai maai baap। baaki sab shaastra hain unke baal-bachche। geeta se hi raajayog ka va svarga ki raajaai ka varsa milta hai। baaki baal-bachchon se varsa kya milega। tum to ab paarasbuddhi bante ho, tumhaare mahal aadi bhi bahut quick banenge। tumhaara hai silence ka ghamanda, unhon ka hai science ka ghamanda। tum sarvashaktimaan baap se raajaai lete ho। bhaarat ke tum maalik bante ho। yeh hamesha buddhi mein rakho - vishwa ka rachta hamko vishwa ka maalik banaane liye padhaate hain। ek second mein jeevanmukti dete hain to kya ek second mein baap ismen pravesh nahin kar sakenge। ek second mein aatma yahaan se london-America aadi mein jaae janma leti hai। aatma ekdam flying squad hai। hai kitna chhota star। punarjanma to zaroor maanenge। tumne kitne punarjanma liye hain। 84 janmon mein zaroor aana hai jo bilkul hi patit shoodra buddhi hain ve aakar phir se svachchha buddhi bante hain। svachchha buddhi ka sang zaroor aisa hi banaayega। abhi tum master gyaan saagar thahre। jo baap mein gun hain woh tum dhaaran karte ho। tum bhi kehte ho manmanaabhav। to tumhaari aatma svachchha ho jaayegi। baaki divya drishti ki chaabi baba ke paas hi hai। tum manushya se devta bante ho isliye bachche ko bhi taaj dikhaate hain। nahin to chhote bachchon ko taaj nahin hota। woh prince hi dekhte hain। maataayen saakshaatkaar mein dekhti hai - ham jaakar mahaaraani banengi। gyaan se bhi samajh sakte hain abhi hamaari aatma patit hai। main carpenter hoon, main gareeb hoon - yeh aatma bolti hai। abhi tum jaante ho shivbaaba dvaara ham devta ban rahe hain। aatma hi patit aur paavan banti hai। abhi main aatma patit hoon to shareer bhi aise patit hain। khaad padi hai। aise-aise apne saath baaten karte vichaar saagar manthan karte rehna chaahiye। to phir aadat pad jaayegi। vichaar saagar manthan tum bachchon ko karna hai - right kya hai, wrong kya hai।

apne ko aatma nishchay karna hai। main brahman hoon। shareer dvaara aatma ko hi bulaate hain। shareer ko kyon nahin bulaate। khilaate bhi aatma ko hai। achha, aatma kaise khaayegi? brahman ke shareer dvaara khaayegi na। stri samajhti hai pati ki aatma ko bulaaya hai। kisko stri mein pyaar hota hai jab unki aatma ko bulaate hain to samajhte hain ab inko kya saugaat den। phir unko angoothi va phulli pahna dete hain। hai to aatma shareer to nahin aa sakta। vaastav mein aatma koi aati bhi nahin hai। yeh sab drama mein noondh hai। yeh bhi ek khel hai। woh samajhte hain phalaana aaya hua hai। main unko khilaata hoon। bade aadmi ko dhoomdhaam se khilaate hain। yeh rasma-rivaaj hai। vaastav mein braahmanon ko koi naukri nahin karni hai। parantu aajkal pet ke liye sab kuchh karte hain। nahin to brahman log apne ko bahut oonch samajhte hain। parantu woh hain kukh vanshaavli। tum ho mukh vanshaavli brahman। tumhaari bahut mahima hai। tum ab samajh gaye ho। ham saare srishti ke aadi madhya ant ki knowledge ko jaante hain। sivaae ek baap ke aur koi ko knowledgeful nahin kahenge। jinko manushya se devta banaate hain unko bhi god zaroor chaahiye kyonki yeh hai maat-pita। baap aakar tumko in dvaara rachte hain। yeh baaten aur koi ki samajh mein mushkil aati hain। kitni wonderful baaten hain! kehte hain din-pratidin tumko guhya raaz sunaata hoon। ant tak yeh knowledge dhaaran karni hai। pichhaadi mein jaakar karmaateet avastha hogi। 8 paas with honour hote hain। military mein marte hain to unko poora sammaan dete hain। yeh sab purushaartha kar rahe hain, karmaateet banne ki race hai। kaun achhi reeti yog lagaate aur roodra maala mein jaate hain। mama-baba to prasiddha hain phir hain nambarvaar। paas with honours ko full marks milte hain। woh saja aadi kuchh nahin khaate hain। unhon ka maan bahut hai। hamesha 9 ratna gaaye jaate hain, 8 nahin। 4 ki jodi ho jaati। baaki hai ek beech mein baap। woh log to arth ko nahin samajhte। jisne jo raay di woh bana dete hain। jaini log kitna hathayog karte hain, baal nikaalte hain। yeh to hinsa ho gai, woh sannyaas to duhkh dene vaala hai। tumko to kuchh bhi nahin karna padta hai। tumko to temptation dekar tumse vikaaron ka sannyaas karaate hain। yeh knowledge bhi tumhaare sivaae aur koi mein nahin hai। barobar 84 janmon ka chakra lagaaya। abhi ham vaapis jaate hain। jitna yog mein rahenge to pavitra ban sakenge। yaad mein rehte aur service karte rahen to unko jaasti phal milega। most beloved baap hai jisse 21 janmon ke liye sukh ka varsa milta hai। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) karmaateet banne ki race karni hai। achha phal praapta karne ke liye yaad mein rahkar service karni hai।

2) svachchha buddhi vaalon ka sang karke svachchha banna hai। baap ke gunon ko svayan mein dhaaran karna hai। svayan ko kabhi bhi shraapit nahin karna hai।

vardaan:- ichchha maatram avidya ki sthiti dvaara master daata banne vaale gyaani tu aatma bhav

jo gyaani tu aatma arthaat buddhivaan hain, unhein bina maange sab kuchh milta hai, maangane ki koi aavashyakta nahin rehti। jab svatah sarva praaptiyaan ho jaati hain to maangane ka sankalp bhi nahin uth sakta, aise bachche ichchha maatram avidya ban jaate hain। aise gyaani tu aatma maangane vaale se daata ke bachche master daata ban jaate। maangana poora ho jaata, itna bada svamaan mil jaata jo naam-maan-shaan ki bhi ichchha nahin rehti।

slogan:- apne man buddhi sanskaaron par sampoorn raajya karne vaale hi svaraajya adhikaari hain।