मंगलवार 27 जून 2023 की दैनिक मुरली

27-06-2023 praatahmurli om shanti "baapdaada"' madhuban

“meethe bachche - tum sachche-sachche roohaani brahman nai duniya ki sthaapna ke nimitta ho, tumhein apna ashva (shareer) is yagya mein svaaha karna hai''

prashn:- avastha ko sthaai (ekras) achal banaane ka saadhan kya hai?

uttar:- avastha sthaai tab banegi jab nirantar yog mein rahenge। yog tootta tab hai jab kisi mein mamatva hai isliye nashtaamoha bano। buddhi ko pavitra banaao। gyaan ki dhaarna bhi pavitra buddhi mein hi hoti hai isliye buddhi roopi bartan svachchha ho, baap se yog juta rahe।

geet:- yahi bahaar hai…

om shanti। niraakaar shiv bhagvaanuvaach। aakaar aur saakaar ko bhagwan nahin kaha ja sakta। ab tum bachche jaante ho ham is sangam par baithe hain। baap ne samjhaaya hai - is samay tumko daivi sampradaay nahin kah sakte। is samay tum brahman sampradaay ho। brahman bhi is samay do prakaar ke hain। ab yeh hai sachche braahmanon ka kul। woh brahman log yeh nahin jaante ki sachche brahman mukh vanshaavli brahman bhi hain। to unhon ko bhi parichay dena pade। agar koi aaye to unse poochhna chaahiye। aise bahut hain jo apne ko brahman kahlaate hain। un braahmanon mein bahut prakaar ke hote hain। yahaan tum ek hi brahma ke mukh vanshaavli sachche brahman ho। brahma ke bachche tum brahman-braahmaniyaan ho। vikaar mein ja nahin sakte। chhote-bade sab brahman thahre। to woh hain jismaani brahman। tum ho sachche roohaani brahman, brahma ke mukh vanshaavli। tum jaante ho ham sachche brahman brahma ki aulaad hain। parampita paramatma apne potre-potriyon ko padhaate hain putra dvaara। putra hai prajaapita brahma। bhal shaastron mein daksha prajaapita ka bhi naam hai। ab daksha koi hua nahin hai। inka hi daksha prajaapita naam rakha hai। shaastron mein yeh baat hai ki ashva (ghodon) ko havan karte the। abhi ashva to tum ho। unhon ne to kahaani baith likhi hai। yathaartha arth ko samajh nahin sakte। kuchh na kuchh akshar aaye hue hain। jaise naatak banaate hain। jhaansi ki raani naam to hai parantu woh actors real to nahin hain। artificial baith banaate hain। apne aadmiyon ko lashkar ke sipaahi banaate hain। kuchh na kuchh hai jiske phir naatak bante hain। jo past ho gaya hai unke hi phir naye actors banaakar part bajvaate hain। tum to part seekhe hue hi ho। automatically aatma mein jo part noondha hua hai woh play ho raha hai। tum apne part ko samajh gaye ho। brahma mukh vanshaavli brahman-braahmaniyaan hain। aise nahin, rachna hai hi nahin, unko naya banaate hain। yeh bhi samajhna hai। manushya samajhte hain maha-pralay hui, phir peepal ke patte par saagar mein bachcha aaya। aise to ho nahin sakta। baaki haan, baba nai srishti rachte hain to pahle-pahle bachche garbha mahal mein aate hain। woh jaise ksheer-saagar mein hain। yahaan hai garbha jel, vishay saagar। bahut sajaayen khaate hain। yeh baap baith samjhaate hain। iska naam hi hai sahaj raajayog। tum ho hi devi-devta dharma vaale। tum purushaartha kar raajaaon ka raaja banenge। lakshmi-naaraayan bhi vahi honge। unke 84 janma ab poore hue। baap samjhaate hain kalpa pahle bhi tum hi the। koi bhi aate hain to baap unse poochhte hain - aage kab mile ho? kehte hain - haan baba, 5 hajaar varsha pahle bhi mile the। kalpa-kalpa, kalpa ke sangamayuge milte aaye hain। milte rahenge। end (ant) nahin hoti। yeh bana-banaaya drama hai। baap kehte hain mujhe bhi patit se paavan banaane aana padta hai। beech mein aane ka to hamaara kaam hi nahin। mera naam hi hai patit-paavan। kehte hain phir se bhaarat ko va srishti ko aakar paavan banaao। srishti ke aadi mein bhaarat mein devi-devtaaon ka raajya tha। long-long ago...... kehte hain na। parantu kab? yeh samajhte nahin। puraane te puraane manushya hue devi-devtaayen। svarga ki cheejen mahal maadiyaan aadi dikhaate hain na। puraane te puraane devi-devtaayen the, jinke sone, heere, javaahron ke mahal the। 5000 varsha ki baat hai। isse puraani koi cheez hoti hi nahin। puraane te puraane lakshmi-naaraayan bhi nahin, raadhe-krishna hain puraane te puraane। lakshmi-naaraayan se bhi pahle to raadhe-krishna hain na। shreekrishna hai svarga ka pahla bachcha। aatma bhi pure, shareer bhi pure number one। mukhya prince-princess hain na। baap kehte hain main ek musaaphir hoon। kahaan ka musaaphir? tum jaante ho paramdham athva nirvaandhaam ka musaaphir। musaaphir to aatma hi hai।

main aatma ever pure hoon। phir tum ho meri sajniyaan। tum kaali ho gai ho। ab ham tumhaari aatma ko gora banaate hain। khaad nikaalte hain। ek musaaphir tum sabko haseen banaate hain। kaisa most beloved musaaphir hai। svarga mein to natural shobha rehti hai। kitne khoobsoorat devtaayen hain। abhi tum braahmanon ka yeh puraana shareer hai। tum haseen se kaali ban jaati ho, main musaaphir tumko gora banaata hoon। main is puraani kaali sajni mein pravesh karta hoon। ismen aakar inko aur tum sabhi ko gora banaata hoon। ek musaaphir aakar kitne ko haseen banaate hain। musaaphir ka arth bhi tum samajhte ho। jab tum shreemat par chalte rahenge tab hi haseen banenge। tum aatma mein khaad padne se kaale ban gaye ho। ab khaad kaise nikle? mere saath yog lagaane se। usi yog agni se khaad bhasma ho jaayegi। yathaartha baaten tum samajhte ho। baap tumhein samjhaate bahut hain parantu tum bhool jaate ho kyonki yog theek nahin hai। nashtomoha nahin bane ho। baap to ever pure athva pavitrata ka saagar hai। tum jaante ho ham aatma hi iron aged bani hain to jevar bhi jhootha mila hai isliye pahle aatma ki khaad ko nikaalna chaahiye। baap ko yaad karo। isko yog agni kaha jaata hai। shivbaaba kehte hain main to ever pure hoon। main nahin hota to tumko pure kaun banaaye? apne ko aatma pakka nishchay karo। hamaari aatma mein 84 janmon mein khaad padi hai। abhi ham baba ke saath yog lagaane se pavitra ho jaayenge। koi vikaar nahin rahega। agar koi rah gaya to saja khaani padegi। to ham kyon na nirantar purushaartha karen, mehnat se avastha aisi ho jo kabhi bhi maaya ka toofaan hila na sake। achal ghar ban jaao। aatma jo iske andar hai, woh baap ki yaad mein paripakva avastha mein aa jaae to phir karmaateet avastha aa jaayegi। koi vikarma nahin hoga। aatma pavitra ho jaayegi। mehnat hai na। parampita paramatma ka bhi part hai। ham unko yaad karte hain। woh kaise aakar padhaate hain। so to practical mein hoga na। bhagwan ne padhaaya tha 5 hajaar varsha pahle। barobar praacheen bhaarat ka raajayog sikhaaya tha। bachche jaante hain yeh vahi praacheen raajayog hai। baap kehte hain mujhe yaad karo ismen hi mehnat hai। saari yaad ki baat hai। baap farmaan karte hain mujhe yaad karo। parantu maaya farmaan par chalne nahin deti। vighna daal deti hai। baap kehte hain mujhe yaad karne se tum mere jaise pavitra ban jaayenge aur phir knowledgeful, blissful bante ho। tum bliss kar rahe ho। tumko yahaan teen pair prithvi ke nahin milte aur baap tumko saare vishwa ki baadshaahi dete hain isliye sab baap ko yaad karte hain। vaani se pare jaane liye manushya vaanaprastha lete hain arthaat muktidhaam mein jaana chaahte hain। mukti-jeevanmukti to baap ke sivaae koi de nahin sakte। baap dvaara tum pahle shoodra se brahman bante ho। takleeph ki koi baat nahin, uthte-baithte chalte-phirte apna purushaartha karte raho। tum samajhte ho yaad karenge to gore ban jaayenge। tumhaari aatma pavitra ho jaayegi। paavan baap aakar paavan hone ki yuktiyaan batlaate hain। most beloved baap ko yaad karte rehna hai। manushya beemaar padte hain to unko kehte hain phalaane ko yaad karo। parantu aise thode hi woh yaad thahregi। ismen bada abhyaas chaahiye, tab hi ant mati so gati hogi। tumko baap ki yaad mein rehna hai। karmaateet banna hi hai। yog se vikarmon ko bhasma karenge to woh sajaayen nahin khaayenge। yog mein nahin rahenge to saja khaakar muktidhaam mein jaayenge, ismen bhi nambarvaar hua। to gora musaaphir ek baba hai। musaaphir to sabhi aatmaayen bhi hain। kitna door se aati hain part bajaane। jaise woh actors ghar se aate hain part bajaane। yeh raavan ka paraaya desh hai na। raavan ne patit banaaya hai। main phir patit ko paavan banaae saath le jaaoonga। koi guru ko athaah followers hote hain। lekin woh to saath le nahin jaate hain aur na khud hi jaate hain। raasta hi nahin jaante। jyoti jyot mein to koi samaate nahin। aatma immortal hai। tukda-tukda nahin hoti hai। shareer marta hai, jalta hai। aapghaat bhi karte hain। ek-do mein kuchh hua, aash poori na hui to donon milkar doob marte hain, unko jeev-ghaati mahaapaapi kaha jaata hai। aatmaghaati nahin, shareer ka vinaash hota hai। to jitna baap ko yaad karenge utna dhaarna hogi। bhal koi kitni bhi achhi murli chalaane vaala ho, maaya aisi hai jo ek thappad se khalaas kar deti hai। unki boxing chalti rehti hai। yeh yuddha-sthal hai na। yuddha ka maidaan hai। shaastron mein to kya-kya baith dikhaaya hai, raat-din ka farka hai। is samay ke liye kaha jaata hai gyaan praayah lop ho gaya hai। devi-devta dharma praayah lop ho gaya hai। baaki jad chitra rahe hain। tum shiv ke mandir mein jaayenge to jhat kahenge yeh shivbaaba ka mandir hain। brahma ke mandir mein jaayenge to kahenge yeh daada ka hai। yeh jagat amba mama ka mandir hai। neeche raajayog ki tapasya kar rahe hain aur oopar vaikuntha ka yaadgaar hai। nahin to bhala kahaan dikhaaven। koi marta hai to kehte hain yeh to vaikuntha gaya। to unhonne vaikuntha oopar mein bana diya hai। yaadgaar drama anusaar poora hai। baba aur mama - kaamdhenu baithi hai। unhon ne phir gau samajh liya hai। gau ko fakeer log lekar nikalte hain to yeh hai kaamdhenu aur kapil dev। kapil dev paas kaamdhenu rehti thi। kahaaniyaan to bahut hain।

shivbaaba kehte hain - ham musaaphir hain। yeh brahma (daada) aise nahin kahenge। shivbaaba kehte hain ham musaaphir ever pure hain। yeh hai apvitra vikaari duniya। woh hai nirvikaari duniya। yeh bana-banaaya drama hai। baap baith samjhaate hain। duniya mein koi nahin jaante। aatmaayen hain niraakaari duniya mein rahne vaali। yahaan aati hain part bajaane। karmakshetra hai। paramdham ko karmakshetra nahin kahenge। isko naatak kehte hain। bhaarat heere tulya aur kaudi tulya banta hai। bhaarat ke hi varna hain। brahman varna, devta varna, kshatriy varna, vaishya, shoodra varna... inmen hi 84 janma poore hote hain। sab dharmon ke 84 janma nahin hote hain। kitni baaten meethe-meethe sikeeldhe bachchon ko samjhaate hain। bachche jaante hain kalpa-kalpa padhte aaye। purushaartha anusaar hi transfer honge। jaise school mein transfer hote hain na। tum bhi nambarvaar jaakar raajaai karte ho। sirf baap ka ban baap ko yaad karo। baap ko to ghadi-ghadi yaad karo। nahin to vikarma vinaash kaise honge। ghadi-ghadi apne se baaten karni hai। ham aatma to immortal hain। baba ne pharmaan kiya hai mujhe yaad karo to vikarma vinaash honge। yaad nahin karenge to vikarma vinaash nahin honge। pad bhi oonch nahin milega। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yog agni se vikarmon ki khaad bhasma kar gora banna hai। pavitra ban sabhi par pavitrata ki bliss karni hai।

2) svayan ko aisa achalghar banaana hai jo koi bhi vikarma na ho। yaad ki mehnat se apni avastha paripakva banaani hai।

vardaan:- svayan ko avatrit hue avtaar samajh sada oonchi sthiti mein rahne vaale arsha nivaasi pharishta bhav

jaise baap avatrit hue hain aise aap shreshtha aatmaayen bhi oopar se neeche message dene ke liye avatrit hue ho, rahne vaale sookshm vatan va mool vatan ke ho। deh-bhaan roopi mitti athva prithvi par aapke buddhi roopi paanv nahin pad sakte isliye pharishton ke paanv sada pharsha se oopar dikhaate hain। to aap sab oonchi sthiti mein sthit rahne vaale arsha nivaasi avatrit hue avtaar ho, isi smriti se udti kala mein udte raho।

slogan:- sva-parivartan ke teevra purushaarthi bachchon ko hi baap ke duaaon ki mubaarak milti hai।