बुधवार 28 जून 2023 की दैनिक मुरली

28-06-2023 praatahmurli om shanti "baapdaada"' madhuban

“meethe bachche - ab punya aatma banne ke liye param shikshak ki shikshaaon ko dhaaran karo, paap karmon ke khaate ko yog dvaara chuktu karo''

prashn:- most beloved baap mein bhi kai bachchon ko kabhi-kabhi sanshay uth jaata hai - kyon aur kab?

uttar:- bachche jab kisi ki baaton mein aa jaate, sangadosh mein aane se hi sanshay uthta hai। yahaan se baahar gaye to yahaan ki yahaan rahi। aisa bhool jaate jo apni khush-khairaaphat ka samaachaar bhi nahin dete। class mein bhi nahin jaate, murli bhi nahin padhte isliye baba kehte - bachche, is sangadosh se bahut saavdhaan rehna। kabhi bhi kisi ki baaton mein nahin aana।

geet:- is paap ki duniya se…

om shanti। abhi param shikshak yeh paathshaala chala rahe hain। yeh to samjhaaya gaya hai woh parampita bhi hai to param shikshak bhi hai। tum baap ke bante ho। is samay baap jo tumhaari paravrish karte hain, vahi shikshak ban tum bachchon ko shiksha de rahe hain। tum jo is paap ki duniya mein rahe hue ho phir tumko punya aatmaon ki duniya mein le jaane ki shiksha de rahe hain। yeh hai paap aatmaon ki duniya। sabse jaasti paap karaane vaali maaya raavan hai। sabse bada paap hai ek-do ko patit banaana। 21 janma ke liye aatma ko paavan banaane ka part patit-paavan baap ka hai। jab O god father kehte hain to aankh zaroor oopar karte hain। phir kah dete hain paramatma sarvavyaapi hai। baap samjhaate hain is maaya raavan ne sabko tuchchha buddhi bana diya hai। sab paramatma ko yaad karte hain kyonki jaante hain yeh duhkhadhaam hai। saadhu log bhi samajhte hain yeh duhkhadhaam hai isliye saadhna karte hain shantidham mein jaane ki। bhaaratvaasi bhi chaahte hain ham shreekrishnapuri mein jaayen। sabhi se pyaare te pyaara hai shreekrishna। parantu bhaaratvaasi samajhte nahin ki woh kab aaya, kya aakar kiya? baap kehte hain yahaan ek bhi punya aatma nahin। bhal daan-punya to karte rehte hain, isse alpa kaal sukh milta hai। aise nahin ki sada sukhi, sada shant ban jaate hain। duhkhadhaam mein sada shanti ho nahin sakti। ek ghar mein bhi shanti nahin rehti hai। koi na koi jhagda rehta hi hai isliye parampita paramatma ko pukaarte hain - baba is paap ki duniya se aur jagah le chal। koi chaahte hain nirvaandhaam mein jaayen parantu jab uska bhi maaloom ho tab to ja sake na। nivaas sthaan ka pata ho to vahaan ja bhi saken। samjho picnic karne jaate hain, kahenge aaj phalaani jagah picnic karen। jagah ka maaloom hoga tab to jaayenge। manushya samajhte hain ham baikuntha jaaven। parantu jaante nahin - kaise jaayen? koi marta hai to kehte hain left for heavenly abode, to zaroor narka mein hai na। kehte bhi hain patit-paavan aakar hamko paavan banaao। svarga mein to hain hi paavan। yahaan manushya gaate rehte hain - patit-paavan aao kyonki yeh patit srishti hai। parantu samajhte nahin। apna nasha rehta hai। kitni unhon ki mahima hoti hai। koi bada aadmi marta hai to kitna unka karte hain! kitni unhon ki mahima hoti hai!

abhi tum samajhte ho ham baap ke saath baithe hain। woh sabse oonch te oonch parampita paramatma hai। phir second number mein brahma hai। woh roohaani pita, yeh jismaani pita। baapdaada donon ikatthe hain। baba kehte hain - yeh duhkh ki duniya hai na। baap aaye hai sukhdhaam banaane। is samay teacher ke roop mein baithe hain। phir le jaayenge saath mein। to tum bachchon ko ab laayak bana rahe hain। sabhi ko le to zaroor jaaoonga। tum jaante ho ham aatmaayen nirvaandhaam mein rehti hain। aatma jab shareer se alag shant hai to raajaai nahin kar sakti। raajaai karni hai shareer ke saath। pahle to zaroor sweet hom jaana pade। to zaroor sweet baba chaahiye। baap samjhaate hain - he bhaaratvaasiyon, mera janma bhi bhaarat mein hi hota hai। main aaya hi bhaarat mein hoon। tumko yeh bhi pata nahin hai ki baap pahle kab aaye the, aakar bhaarat ko beggar se prince banaaya tha? tum meri jayanti manaate ho। shivraatri manaate ho na। phir hoti hai shreekrishna jayanti। jab tak shiv jayanti na ho tab tak shreekrishna jayanti ho kaise sakti? svarga ki jayanti aur narka ka vinaash hona hai। svarga ki jayanti shivbaaba hi karenge। shreekrishna thode hi karenge। shreekrishna ki to tum mahima karte ho ki woh vaikunthanaath hai, shiv bhagwan ki biography kahaan? koi nahin jaante। abhi tum jaan gaye ho - aajkal to shiv jayanti ka koi moolya nahin raha hai। shiv jayanti naam bhi uda diya hai। trimoorti ke oopar bhi shiv ke badle trimoorti brahma kah diya hai। baap samjhaate bhi hain aur phir saath-saath kehte hain - bachche, yeh anaadi bana-banaaya drama hai। aadha-kalpa hai bhakti maarga, aadha-kalpa hai gyaan maarga। aadha-aadha hai na। ab vo log satayug-treta ko laakhon varsha kah dete hain aur kaliyug ki aayu chhoti dikhaate hain to phir aadha-aadha kaise hoga? satayug ko bahut lamba kah dete hain, kaliyug ko 40 hajaar varsha kah dete। aadha-aadha to hua nahin। phir bhakti maarga kab shuru hua? raamraajya aur raavanraajya aadha-aadha hai। kalpa ki aayu hi 5 hajaar varsha hai। 4 hisse ka bhi mahatva hai। jagannaathpuri mein chaavlon ka haanda banaate hain phir unke 4 bhaag ho jaate hain। svaastika mein bhi 4 bhaag dikhaate hain। usmein ganesh nikaalte hain। yeh sab hai pooja ki saamagri।

baap kehte hain abhi tumhaare paapon ka khaata chuktu ho punya ka khaata jama ho raha hai। jitna tum mujhe yaad karenge utna paap bhasma honge, tab tum punya aatma banenge। ganga snaan karne jaate hain, pavitra banne ke liye phir aakar apvitra bante hain। parantu yeh bhi aur koi samjha nahin sakte। baap phir bhi baap hai baaki to sab bhaai-bhaai hain। aatma ke roop se sab bhaai-bhaai hain। bhaai ko bhaai se koi bhi prakaar ka varsa mil nahin sakta। varsa milta hi hai baap se। baap ek hai, ismen combined hai। woh ham aatmaon ka baap aur yeh phir hai manushyon ka pita। prajaapita hai na। abhi tum jaante ho ki ham is paap ki duniya se sukhdhaam mein ja rahe hain। shreemat se ham shreshtha arthaat brahman se devta bante hain। varna bhi bhaarat ke saath hi lagte hain aur dharmon ke saath varna nahin lagte hain। brahman varna, phir devta varna, phir kshatriy varna.... yeh all-round hua na। auron ko in varnon mein nahin la sakte। viraat swaroop mein bhi yeh varna dikhaate hain। brahman varna hi eeshvareey varna hai, jismen tum aakar baap ke bachche bante ho। prajaapita brahma ke bachche tum bi.ke. ho। jaise Christ Christian ka jismaani baap hua। roohaani baap sabhi ka ek hi hai। woh niraakaar baap aakar saakaar shareer ka loan lete hain। shreekrishna ki khadaau aadi rakh pooja karenge। shivbaaba kehte hain mere to na charan hain, na khadaau pahanta hoon। ham maataaon ko apne charnon par kaise jhukaaoonga! baap jaante hain bachche bahut thake hue hain। bachchon ka thak aakar mitaate hain। is thakaavat se hi door kar dete hain, satayug mein thakaavat ki baat hi nahin rehti। abhi to maatha tekte-tekte tippad ghadi-ghadi ghisaate tippad hi khaali kar di hai। vesta oph time, vesta oph mani। baap kehte hain hamne tum bachchon ko bahut dhan-vaan banaaya tha। ab phir bana raha hoon। yeh ek-ek versions laakhon roopayon ki milkiyat hain। bhaarat kitna kangaal bana hai। itna insolvent kabhi koi hota nahin। praja saahookaar hai। government loan leti rehti hai। kisma-kisma ki tarkeeb nikaalte hain loan lene ki। bhaarat ki government bichaari sab bhool gai hai। jo khud maalik the vahi poojya se pujaari ban gaye hain। ab samajhte hain barobar ham so devi-devta the। vishwa ke maalik the। ham so is samay eeshvareey santaan brahman kul bhooshan hain। phir ham so devta varna mein aayenge। phir kshatriy, vaishya, shoodra varna mein aayenge। phir brahman banenge। yeh ham so ka arth tum samajhte ho। woh phir kehte ham aatma so paramatma। beda hi garka kar diya hai। manushyon ko yeh bhi pata nahin ki svarga kahaan hain? kehte hain svargavaasi hua athva jyoti jyot samaaya। aatma ko bhi mortal bana dete hain। buddhu buddhi hain na। yeh bhi drama bana-banaaya hai। yeh ladaai shuru ho jaayegi phir bahut traahi-traahi karna padega। yeh scene bhi brahman bachche hi dekhenge। so bhi jo pakke serviceable bachche honge। saakshaatkaar bhi pahaadi se hota hai। tumne naatak dekha hoga - kaise vinaash hota hai, aag lag rahi hai। moosaldhaar barsaat pad rahi hai। anaaj nahin milta। kehte hain shankar ke aankh kholne se vinaash ho jaata hai। yeh to gaayan hai। ismen aankh kholne ki to koi baat hi nahin। yeh to drama ki bhaavi hai। baap aakar nai duniya banaate hain। ab duniya badal rahi hai। tum nai duniya ke liye purushaartha kar rahe ho। phir bhi maaya kitni dustar hai। aise baap ke bankar phir chhod dete hain। jaakar badnaami karte hain। bade achhe-achhe bachche the। aaj hain nahin। beloved baap ya beloved pati hota hai to haphte-haphte patra zaroor likhte hain। bachcha baap ko patra likhte hain khush-khairaaphat ka। yahaan se jaate hain to maaya ekdam naak se pakad leti hai। dhanvaan hai to maaya bada jor se thappad maarti hai। gareeb ko itna nahin। baba naam nahin lete hain। baapdaada paas aaye, kitni seva ki। koi ne kuchh bola, sanshay aaya, khalaas। na chitthi, na class mein jaana, khatma ho jaate hain। jaise garbha mein bachche ko saja milti hai। kehte hain phir ham jel bird nahin banenge। hamko baahar nikaalo। phir baahar aane se sangadosh mein aa jaate hain। vahaan ki vahaan rahi। vaise hi yahaan se ghar mein gaye khalaas। yahaan ki yahaan rahi। yahaan to bada maza aata hai। yahaan to koi mitra-sambandhi aadi hai nahin। shoodra kul mein gaye aur maaya ghaseet leti hai। maaya tum badi jabardasta ho jo tum mere ko yaad karna bhula deti ho। gyaan bhi bhool jaate hain। abhi vahi baap teacher bankar padha rahe hain। manushya bhagwan ko hi dharmaraaj samajhte hain। kehte hain bhagwan hi sukh-duhkh dete hain। duhkh maana saza। baap kehte hain main duhkh nahin deta hoon। ek to raavan tumko duhkh dete hain doosra phir garbha jel mein dharmaraaj tumko saza dete hain। jo paap kiye hain unka saakshaatkaar kara dete hain। satayug mein to garbha mahal hota hai athva ksheersaagar kaho। dikhaate hain ksheersaagar mein shreekrishna angootha chooste maje mein peepal ke patte par baitha hai। woh hai garbha saagar। dvaapar-kaliyug mein garbha jel rehta hai। andar paapon ki bahut saja milti hai। maaya ka raajya hai na। 63 janma garbha jel mein jaana padta hai phir vahaan garbha mahal mein 21 janma bade aaraam se rehte hain। koi paap hote nahin jo traahi-traahi karni pade। to yeh tumko baap-teacher-satguru samjha rahe hain। tum samajhte ho ham bhi buddhu the। abhi samajhdaar ban rahe hain। jab manushya patit ban padte hain tab baap ek hi baar aakar paavan banaate hain।

abhi tum bachche svadarshan chakradhaari bane ho। woh chakra ka arth thode hi jaante hain। samajhte hain paandavon-kaurvon ki ladaai chali to shreekrishna ne yeh chakra phiraaya vinaash ke liye..... aadi-aadi bahut hi danta kathaayen likh di hain। aise hai nahin। hamko bhi srishti chakra ke aadi-madhya-ant ka knowledge mila hai। svadarshan chakradhaari banne se phir chakravarti mahaaraaja-mahaaraani bante hain। saare vishwa ke maalik bante hain। praja bhi maalik thahri na। abhi praja bhi kahegi ham bhaarat ke maalik hain। yatha raaja-raani tatha praja..... parantu raaja aur praja mein farka to hai na। woh abhi hi saara padhaai se pata padta hai। achha!

patit se paavan banaane vaale maat-pita baapdaada ka, patit se paavan banne vaale bachchon ko yaadapyaar aur good morning। roohaani baap ki roohaani bachchon prati namaste।

dhaarna ke liye mukhya saar:-

1) sweet hom mein jaane ke liye bahut-bahut sweet banna hai। kabhi bhi sangadosh mein aakar baap ko bhoolna nahin hai। sanshay nahin uthaana hai।

2) antim vinaash ki scene dekhne ke liye pakka brahman, serviceable banna hai। baap ka bankar baap ki badnaami nahin karaani hai।

vardaan:- divya buddhi aur roohaani drishti ke vardaan dvaara number one lene vaale shreshtha purushaarthi bhav

har ek brahman bachche ko divya buddhi aur roohaani drishti ka vardaan janma se hi praapta hota hai। yeh vardaan hi brahman jeevan ka foundation hai। inheen donon baaton ke aadhaar par sangamayugi purushaarthiyon ka number banta hai। inhen har sankalp, bol aur karma mein jo jitna use karta hai utna hi number aage leta hai। roohaani drishti se vritti aur kriti svatah badal jaati hai। divya buddhi dvaara yathaartha nirnay karne se svayan, seva, sambandh samparka yathaartha shaktishaali ban jaata hai।

slogan:- features mein roohaaniyat ki jhalak tab aayegi jab sankalp, bol aur karma mein pavitrata ki dhaarna hogi।