शुक्रवार 4 अगस्त 2023 की दैनिक मुरली

04-08-2023 praatahmurli om shanti "baapdaada"' madhuban

“meethe laadle bachche - baap aaye hain tumhaare liye svarga ki nai duniya sthaapan karne, isliye is narka se dil na lagaao, inko bhoolte jaao''

prashn:- merciful baap tum bachchon par kis roop se kaun-sa raham karte hain?

uttar:- baba kehte hain - main baap roop se meethi saccharin ban tum bachchon ko itna pyaar deta hoon jo duniya mein doosra koi bhi de na sake। main tumhein pavitra pyaar ki duniya ka maalik bana deta hoon। teacher ban tumhein aisi padhaai padhaata hoon jo tum bahishta ki beebi ban jaate ho। yeh padhaai hai manushya se devta banne ki। yeh gyaan ratna tumhein vishwa ka maalik bana dete hain।

geet:- kaun hai maata, kaun hai pita…

om shanti। bachchon ko om shanti ka arth samjhaaya jaata hai। om ka arth hai - aai em aatma, main aatma niraakaar paramatma ki santaan hoon। shareer ka father woh hai, jisne janma diya hai। unko kaha jaata hai shareer ko janma dene vaala father aur shivbaaba hai aatmaon ka baap। woh to hai hi hai। dher ke dher karodon aatmaayen apni niraakaari duniya mein rehti hain। vahaan sadaiv nirvikaari hi hain, vikaari to paramdham mein rah na saken। pahle to yeh baat pakki karni padegi - main aatma, mera baap paramatma। aatma ke sambandhi sab bhaai-bhaai hain। is shareer ke baap ko kaha jaata hai laukik baap। aatma ke baap ko kaha jaata hai paarlaukik baap। jo sabhi ka ek hi hai। pukaarte bhi hain na - “O god father, O patit paavan, merciful।'' yeh aatma ne pukaara baap ko। aatma is shareer ke saath duhkhi hai। phir satayug mein aatma ko shareer ke saath sukh hai, isliye uska naam hi hai sukhdhaam, svarga। yeh hai narka। gaaya bhi jaata hai na duhkh mein simran sab karen.... yaad karte hain patit-paavan ko। samajhte hain - patit-paavan baap oopar paramdham mein rehta hai। ganga ko patit-paavni nahin kahenge। ganga ko to in aankhon se dekha jaata hai। niraakaar baap ko athva aatma ko nahin dekha ja sakta। parampita paramatma praan daata, jo divya chakshu vidhaata hai, unko kaha jaata hai O god father, creator। achha, phir mother kahaan se aai? mother bigar baap srishti ki rachna kaise rachen? mother to zaroor chaahiye na। god father manushya srishti ka rachayita, woh hai sabka baap। father hai to mother bhi zaroor hogi। baap aakar samjhaate hain main hoon hi niraakaar। main jab aaoon, shaadi karoon tab bachche honge। parantu shaadi to karni nahin hai। bachche paida karne hain - shaadi bigar। bachchon ko main adopt karta hoon। samjho koi ko stri nahin hai, chaahte hain ki apni milkiyat kisko dekar jaaoon, phir dharma ke bachche banaate hain, adopt karte hain to maa-baap donon thahre na। to behad ka baap kehte hain ki main bhi father hoon। main kaise rachoon? samajh ki baat hai na। baap khud aakar samjhaate hain mujhe shareer to chaahiye na। to inka aadhaar leta hoon। tum kehte ho ham eeshvar ki santaan hain। eeshvar ki santaan to sab hain, parantu is samay baap sammukh aaya hua hai। tum bachchon ko god mein lete hain। tum samajhte ho ham baba ke bachche bane hain। baap hai svarga ka rachayita। svarga ka maalik banaane ke liye raajayog sikhlaate hain। khud baith batlaate hain - main niraakaar god father hoon। niraakaar ko manushya srishti ka rachayita kaise kah sakte? to bachchon ko adopt kar unhon ko hi baith samjhaate hain ki main shiv niraakaar hoon। tum bhi niraakaar aatmaayen ho। tum garbha jel mein aate ho, main garbha jel mein nahin aata hoon। tumhaare liye hai aadha kalpa garbha mahal, aadha kalpa hai garbha jel kyonki aadhaakalpa maaya raavan paap karaati hai। satayug mein maaya hoti nahin jo patit duhkhi banaaye। main 21 janmon ke liye tumko svarga ka varsa deta hoon। nai duniya svarga ko kaha jaata hai। makaan bhi puraana hota hai to puraane ko chhod naye mein jaate hain। yeh bhi puraani duniya hai na। woh hai nai duniya golden ej, paavan duniya। to baap kehte hain - laadle bachche, main tumhaare liye svarga sthaapan kar raha hoon, tum phir narka se dil kyon lagaate ho? ab narka ko bhool jaao। mujh baap aur svarga ko yaad karo, puraani duniya ko bhoolte jaao। yeh hai behad ka sannyaas। puraani deh sahit jo kuchh bhi dekhte ho, unka bhi mamatva chhodo। samjho, ham sab kuchh eeshvar ko dete hain। yeh shareer, dhan, daulat, bachche aadi sab khatma ho jaane vaale hain। yeh vahi mahaabhaari mahaabhaarat ladaai hai, jiske dvaara mukti-jeevanmukti ke gates khulne hain। hari ka dvaar kehte hain na। hari kaha jaata hai shreekrishna ko, unka dvaar hai baikuntha। baikuntha ke get baap aakar kholte hain। vahaan koi patit ja nahin sakta isliye patit se paavan banaate hain, duhkh se liberate karte hain। aur koi liberate kar na sake। duhkh harta, sukh karta baap hi hai। baap kehte hain - main tumko raajayog sikhaata hoon। sada ke liye sukh dene aaya hoon। main tumhaare liye baikuntha hatheli par laaya hoon। tum raajayog seekhkar manushya se devta bante ho। buddhi bhi kehti hai ki barobar samajh ki baaten hain। samjho, yeh puraani duniya hai phir yeh nai banegi। sarvashaktimaan ek hi baap hai jo apni shakti se svarga ka maalik banaate hain। chaahte bhi hain ek raajya ho, almighty authority raajya ho। so to satayug-treta mein atal, akhanda, sukh-shaantimay devi-devtaaon ki raajdhaani thi, koi vighna nahin tha। unko advait raajya kaha jaata hai। doosra dharma hi nahin, jo duhkhi banen। abhi dekho bhal Christian ek hi dharma ke hain to bhi unhon ki aapas mein bahut ladaai hoti hai kyonki maaya ka raajya hai। satayug mein maaya hoti nahin। abhi kehte hain - O god father raham karo। baap kehte hain - raham to sab par karunga। sab bachchon ko paapon se mukta karta hoon arthaat patit duniya se liberate karta hoon। tum sab aatmaon ko le jaata hoon niraakaari duniya mein। baaki shareer to bhasma ho jaayenge। natural calamities gaai hui hai। aasaar bhi dekh rahe ho। famine padna zaroor hai।

ab baap kehte hain is chhi-chhi duniya se mamatva todo। behad ka baap hai saccharin। kehte hain main jo tumko pyaar karta hoon, so koi kar na sake। abhi tumko pavitra duniya ka maalik banaata hoon। raajaai ke liye tum padh rahe ho। em object buddhi mein hai। naya to koi samajh na sake, jab tak ki koi baith unko samjhaave। ek haphta baith samjhen ki manushya se devta banna hai isliye baap ko jaadoogar kaha jaata hai। gyaan ratnon se manushya ko devta banaata hoon। unko ratnaagar, saudaagar, musaaphir bhi kehte hain। tumko aakar svarga ki mahaaraani-mahaaraaja banaate hain। musaaphir kitna haseen hai! tum jo koi kaam ke nahin the, ab tumko padhaakar bahishta ki beebi banaata hoon। tum jaante ho ham sooryavanshi-chandravanshi banne ke liye padh rahe hain। paramatma padhaate hain। tum yahaan kya padhte ho? tum kahenge manushya se devta banne ke liye padh rahe hain kyonki yeh aasuri gunon vaali manushya srishti vinaash hone vaali hai। kehte bhi hain mujh nirgun haare mein koi gun naahi। to vahi merciful baap baithkar tumko padhaate hain। sabhi dharmon vaale ek niraakaar baap ko hi paramatma maanenge। manushya bhal god father kehte hain parantu jaante nahin ki woh kaun hai, kahaan aate hain? abhi tum jaante ho woh puraani patit duniya mein aate hain kyonki paavan duniya sthaapan karte hain। puraani duniya ko nai duniya banaate hain। nai duniya mein to sukh hi sukh hai। baba kehte hain nai duniya sthaapan karne kalpa-kalpa mujhe aana hi hai। yeh to buddhi samajhti hai ki raat ke baad hai din। phir chakra mein kaliyug aata hai। kaliyug ke baad phir satayug zaroor hoga na। tum bachchon ko kaha hi jaata hai svadarshan chakradhaari। aatma jaanti hai main 84 janma kaise leti hoon। koi manushya, manushya ko sadgati de na sake। main hi aakar samjhaata hoon। ham tumko paavan banaate hain, yogbal se tum vishwa par jeet paate ho। baap hai sarvashaktimaan। baap se tumko behad ka varsa milta hai। aakaash, prithvi, saagar aadi sab tumhaara ho jaayega। yahaan to dekho aakaash par bhi had, paani par bhi had lagi hai na। kehte hain hamaare paani ke andar tum nahin aao। tum to vahaan saare vishwa par raajya karte ho na। svarga to phir kya! svarga ko bhool nahin sakte। manushya jab marte hai to kehte hain svargavaasi hua। parantu svarga hai kahaan? zaroor narka hai na। yeh hai hi hell। sab manushya duhkhi hain, sab patit hain। yeh raajya hi raavan ka hai, jisko jalaate rehte hain parantu jalta hi nahin hai। raavan ko ek sau foot lamba banaate hain aur badhaate rehte hain। din-pratidin lamba karte rehte hain parantu samajhte nahin hain। yeh samajh ki baaten hain।

yahaan dekho murli chalti hai to phir tape mein bhari jaati hai kyonki gopikaayen murli bigar rah na saken। to yeh prabandha hai। murli bigar to tadaphte hain kyonki yeh murli hai jeevan heere jaisa banaane vaali। yahaan baba padhaate hain, jo murli phir london-America tak jaati hai। bachche sunkar bahut khush hote hain। gaaya hua hai gopikaayen murli bigar rah nahin sakti thi। yeh knowledge god father hi sunaate hain। mukhya ek baat samjhaani hai ki yeh hamaara behad ka baap hai, inse svarga ka varsa milta hai। aatma kehti hai mera baap paramatma hai, woh aatmaon ko padha rahe hain। aisa aur koi kah na sake ki main paramatma tum aatmaon ko padhaata hoon। aise bhi nahin kahenge ki main param aatma knowledgeful hoon। tum bachchon ko bahut achhi reeti samjhaaya jaata hai, parantu sabki buddhi ekras to nahin hoti hai। koi ki satopradhaan buddhi hai, koi ki sato, rajo, tamo.... ismen teacher kya karenge? teacher kahenge padhaai par poora attention nahin dete the। god father hai knowledgeful। jaise teacher knowledgeful hai, student ko padhaate hain, aap samaan banaate hain, vaise is srishti chakra ki knowledge god father ke paas hi hai, aur koi nahin jaante। baap hi knowledge sikhlaae knowledgeful banaate hain। baap hai knowledgeful, sabse oonch hai। ooncha jiska naam hai, ooncha thaanv hai। brahma-vishnu-shankar hai sookshm vatan-vaasi। third great mein hain manushya। manushyon mein bhi grade hai। satayug mein manushyon ki grade badi oonchi rehti hai। tum golden ej mein jaate ho। iron ej khatma ho jaayega। golden ej hai to silver ej nahin, copper ej hai to iron ej nahin। yeh sab baaten buddhi mein rakhni hai, isliye chitra banvaaye hain। satayug mein bahut thode manushya hote hain। kaliyug mein to dher ke dher manushya hain। poochhte hain - baba, vinaash kab hoga? vinaash tab hoga jab naatak poora hoga, sab chale jaayenge। baba hai mukti jeevanmukti ka guide। woh rehte hain paramdham mein। tum bhi vahaan ke rahne vaale ho, yahaan aaye ho part bajaane। baap kehte hain - bachche, tumhein maaya par jeet paani hai। ismen hinsa ki koi baat nahin hai। satayug mein hinsa hoti nahin। vahaan hain hi sampoorn nirvikaari devi-devtaayen। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) buddhi se behad ka sannyaas karna hai। puraani deh sahit jo kuchh in aankhon se dikhaai deta hai unse mamatva nikaal baap aur svarga ko yaad karna hai।

2) padhaai ko achhi reeti dhaaran kar buddhi ko satopradhaan banaana hai। murli hi padhaai hai। murli par bahut-bahut dhyaan dena hai।

vardaan:- bhaagya ki nai-nai smritiyon dvaara purushaartha mein ramneekta ka anubhav karne vaale man durusta bhav

brahman jeevan mein last janma hone ke kaaran shareer se chaahe kitne bhi kamjor ya beemaar hain, lekin man sabka durusta hai। umang-utsaah se udne vaala hai। powerful man ki nishaani hai - second mein jahaan chaahe vahaan pahunch jaae। iske liye sada apne bhaagya ke geet gaate udte raho। amritvele se bhaagya ki nai-nai baaten smriti mein laao। kabhi kisi praapti ko saamne rakho, kabhi kisi... to purushaartha mein ramneekta aa jaayegi। bor nahin honge, naveenta ka anubhav karenge।

slogan:- aage peechhe soch samajhkar har karma karo to saphalta praapta hoti rahegi।