सोमवार 14 अगस्त 2023 की दैनिक मुरली

14-08-2023 praatahmurli om shanti "baapdaada"' madhuban

“meethe bachche - karma, akarma, vikarma ki gati ko dhyaan mein rakhte hue in karmendriyon se koi bhi paap karma nahin karna, de daan to chhoote grahan''

prashn:- kis baat mein brahma baap ko follow karne vaale bachche bhavishya mein takhtansheen bante hain?

uttar:- jaise brahma baap deh sahit poora bali chadhe, apna sab kuchh eeshvar arth bachchon ki seva mein laga diya, direct insure kiya isliye vishwa ki raajaai mili, aise hi follow father। sapoot banne ka certificate lena hai। sage ban tan-man-dhan se seva karni hai। baap ka poora madadgaar banna hai। sab kuchh insure kar 21 janmon ki raajaai ka hakdaar ban sakte ho।

geet:- bachpan ke din bhula na dena…

om shanti। meethe-meethe bachchon ne geet suna। ab bachchon ne jeete ji is duniya se markar us duniya mein jaane ke liye baap ki god li hai। kaun-sa baap hai? parampita param aatma maana paramatma। hamesha jab samjhaate ho to aise mat kaho baba jyotirlingam hai, athaah jyoti swaroop hai, hajaar sooryon se tejomay hai, yeh kehna vaastav mein wrong hai। kya kehna hai? parampita paramatma yaani param aatma, woh sadaiv paramdham mein rehte hain। param arthaat oonch te oonch incorporeal father। woh sabhi aatmaon ka baap hai isliye unko supreme kaha jaata hai। woh janma-maran ke chakra mein nahin aate hain। samjhaate hain - bachche, main bhi agar janma-maran ke chakra mein aaoon to phir sabka uddhaar kaun kare? main hi aakar sabhi ko duhkhon se paar kar le jaata hoon। duhkh harta aur sukh dene vaala main hoon parantu jaante nahin hain। bhakti maarga mein gaate rehte hain - O parampita paramatma! zaroor samajhte hain woh father hai। parantu hamaara baap kaise hai, woh kya cheez hai - yeh nahin jaante hain। manushya jaisa roop to hai nahin। brahma, vishnu, shankar ko bhi yaad karte hain। woh to in aankhon se dekhne mein aate hain। baaki yeh (shiv) kaun hain, shiv ke mandir mein jaate hain parantu unko kyon yaad karte hain, yeh nahin jaante।

baap baith samjhaate hain devi-devtaayen jab vaammaarga mein aate hain to somnaath ka mandir banaate hain। sirf itna samajhte hain ki shiv-baba hai, parantu yeh nahin jaante ki woh svarga ka rachayita hai। hamko svarga ka maalik banaane vaala hai। agar jaante to auron ko shivbaaba ki biography batlaate। drama mein noondh hi na jaanne ki hai। jaanna arthaat varsa paana। na jaanna arthaat varsa ganvaana। baap kehte hain main svarga ka rachayita tumko sukh deta hoon, paavan banaata hoon। phir 5 vikaar tumko patit banaate hain। kalaayen kamti hoti jaati hain। tum kaale ho jaate ho। pahle tum 16 kala sampoorn chandrama the, paavan the, ab tumhaare ko grahan lag gaya hai। baba kehte hain de daan to chhoote grahan। paanch vikaaron ko hi grahan kaha jaata hai। jisse tum aatma duhkhi, kaali ban padti ho। baap kehte hain main tum braahmanon ka baap hoon। he braahmanon, tumhaare paas jo yeh 5 vikaar hain yeh mujhe daan mein de do to grahan chhoote। aaj se daan dekar phir kabhi unse kuchh nahin karna। maaya ke toofaan to bahut aayenge। lekin karmendriyon se krodh aadi karne se paap ho jaayega। karma-akarma-vikarma ki gati bhi tumko samjhaata hoon। tumhaara karma vikarma nahin banna chaahiye। main tum bachchon ko vikarmaajeet banaata hoon। yeh to raahu ka grahan hai। de daan to chhoote grahan। baap kehte hain - mere meethe bachche, yeh 5 bhooton ka daan do, ismen paise aadi ki to koi baat nahin। yeh to baap hai, tum sage bachche ho। baap ko to sage bachchon ko madad karni hi hai। tum bhi tan-man-dhan se seva karte ho। baap ka bhi farja hai tumhaari seva kare। baap kehte hain - yeh sab kuchh tum bachchon ka hai। bhakti maarga mein tum bhagwan ko dete aaye ho। parantu eeshvar koi bhookha thode hi hai। yeh tum insure karte ho। eeshvar ko dene se eeshvar phir doosre janma mein tumko denge। yeh insure karna hua na। doosre janma mein iska phal milta hai। eeshvar hai daata। abhi tum apne ko insure karte ho - 21 janma liye। woh insure karte hain ek janma ke liye। yahaan to sab kuchh insure ho jaata hai - 21 janmon ke liye। kaha jaata hai san shows father। dekho father (brahma baba) ke paas jo kuchh tha sab eeshvar arth bachchon ki seva mein laga diya, shivbaaba ko vaaris bana diya, tan-man-dhan sab kuchh de diya to unke badle mein phir apne purushaartha se vishwa ki baadshaahi milti hai kyonki direct hai na। tum mera banne se 21 janma svarga ke maalik bante ho parantu jitna bali chadhenge, utna varsa milega। deh sahit sab kuchh bali chadhaana hai। jo mother-father ko follow karenge vahi takhta par bhi baithenge। to baap kehte hain de daan to chhoote grahan। daan dekar aur phir agar vaapis le liya to durgati ko hi paayenge। poora purushaartha karna hai। purushaarthi student achhi reeti padhte to number bhi lete hain। tum bhi purushaartha kar oonch number lo। ismen koi takleeph ki baat nahin, sirf pavitra rehna hai। iske liye baba se bal bhi milta hai। khushi ka paara bhi chadhta hai।

hamko devta banna hai to koi avgun nahin hona chaahiye। 16 kala sampoorn, sampoorn nirvikaari yahaan hi banna hai to koi avgun nahin hona chaahiye। aadhaakalpa vikaari bane ho to maaya bhi kehti hai abhi yeh nirvikaari bante hain, ham phir vikaari banaati hoon। yeh chalti hai maaya ki yuddha। yeh hai mushkilaat। maaya par jeet paani hai। unhonne phir hinsak ladaai dikhaae khandan kar diya hai। tum maaya par jeet paane se vishwa ke maalik bante ho। bachche samajhte hain baap ko 5 vikaaron ka daan nahin denge to shri naaraayan va lakshmi ko var nahin sakenge। to tum bachchon ko dil darpan mein dekhna chaahiye - mainne karmendriyon se to nahin kuchh kiya? maaya ke toofaan to aage se bhi jabardasta aayenge। vaidya log davaai dete hain to kehte hain ki pahle vaali puraani beemaari baahar niklegi। ismen darna nahin hai। yeh to aayenge। yeh bhi surgeon hai। kehte hain ki tum mere bachche banenge to phir tumhaari khoob raavan se yuddha hogi। maaya khoob vaar karne lagegi isliye toofaan se darna nahin hai। baap ke bane ho to yeh bachpan bhool nahin jaana। yeh hai eeshvareey bachpan। eeshvar ki god mein ek baar aaye phir devtaai god mein 21 baar jaayenge। eeshvareey janma ke baad tum svarga mein jaate ho। certificate lena hai। baba, ham aapka sapoot bachcha hoon ya kapoot? to baba batla sakte hain, sapoot bhi kis number mein ho? kya khaami hai? baba batla sakte hain। khud bhi samajh sakte hain ki ham service nahin karte hain to itna oonch pad kaise paayenge? achha, baba kehte hain tum kya karo, ek hospital athva college khol do। bhal tum ismen jaana nahin, aur bahut log shapha paayenge to uska izaapha tumko milega। manushya dharmashaala banaate hain, isliye ki bahut aakar vishraam paayenge to doosre janma mein usko achha mahal milega। baba ke paas bahut aate hain, kehte hain yeh hospital kholo, ham madad denge। badi hospital kholo। agar gyaan uthaane ki khud ko phursat nahin, to achha teen pair prithvi ke lekar yeh hospital kam college khol do। hospital se ever healthy banenge। college se ever wealthy bante hain। bahut aakar banenge to tumhaara punya hoga। jaasti kharcha bhi nahin hai। aajkal paise kitne kamaate hain, karodon ke aasaami hain! kya unke putra-potre khaayenge? dhoor bhi nahin, sab vinaash ho jaayega। raajaai gareebon ko milti hai। gareeb nivaaz hai na। yeh baba number one saadhaaran tha। hajaar do hain to unko gareeb kahenge। yahaan gareeb bhi achha pad pa sakte hain। kiska laakh-karod lekar kya karenge? gareebon ki paai-paai se hi sthaapna karte hain। gaandhi ko kitna daan dete the, usmein kitne mare! kitni takleephen sahan ki! tumko to koi takleeph nahin। baap kehte hain tum pahle raajayog seekho to tumko raajaai denge। yeh raajya to mrigtrishna sadrishya hai। kahaani hai na dropdi ne duryodhan ko nimantran diya। woh aaya to taalaab samajh vastra utaarne laga to dropdi ne kaha - andhe ki aulaad andhe, yeh to runya ka paani (mrigtrishna) hai। sabhi samajhte hain hamne svaraajya pa liya hai, parantu kitna duhkh hai! praja kitni duhkhi hain, maut saamne khada hai। baap kehte hain yeh sab mare pade hain। kabristaan hai, tumko phir paristaan banaana hai। heere-motiyon ke mahal banaayenge। yahaan to yeh pattharpuri hai, vahaan hogi sone ki isliye baap samjhaate hain - de daan to chhoote grahan, phir 16 kala sampoorn ho jaayenge। abhi tum patit ho, manushya kitne duhkhi hain। ladaai lagti hai to neend fit jaati hai। aaraam nahin aata hai, neend ki goli lekar neend karte hain। yeh hai hi raavan raajya। abhi dashahre par raavan ko jalaayenge, yeh ant tak jalaate rahenge, jab tak ki vinaash ho। vinaash ke baad phir raavan jalega nahin। phir dvaapar ke baad raavan nikaalte hain jalaane ke liye। saal-saal raavan ko jalaate hain parantu marta hi nahin। saal-saal tum rakshaabandhan manaati ho, raakhi baandhati ho phir apvitra ban jaate hain।

lakshmi-naaraayan ke paas to kitna athaah dhan tha! kitni unhon ki pooja hoti hai! pooja sirf lakshmi ki thode hi karte hain, chaturbhuj ki karte hain। usmein donon aa jaate hain। lakshmi ke saath naaraayan to zaroor chaahieislie donon ki pooja karte hain। jodi bigar kaam kaise chalega? pravritti maarga hai na। tum vishwa ke maalik bante ho। bachche poochhte hain deevaali par sab kehte hain - agar lakshmi ki pooja nahin karenge to dhan tumhaare paas nahin aayega isliye baba raay dete hain- bachche, ismen bhi saakshi hokar part bajaao, nahin to khit-khit hogi। jaise baba kehte hain - bachchi ki shaadi karaani hai to saakshi hokar part bajaao, nahin to jhagda hoga। bachchiyaan nirvikaari nahin rehna chaahti to laachaari haalat mein unki shaadi kara do। pavitra rehna nahin chaahti hain to ravaana kar dena hai, tang nahin karna hai। kumaari woh jo 21 kul ka uddhaar kare। tum sab brahmaakumaariyaan ho, tumhaara dhandha hai hi sabhi ko svarga ka maalik banaana। dil se poochho - ham kitne ko aapasmaan banaate hain? mission hai na। yahaan tum manushya ko devta banaate ho to bahut mehnat karni chaahiye। tum khudaai khidmatgaar ho। main tumko duhkh se chhudaae svarga ka maalik banaata hoon। main hoon hi nishkaam। tumko raajaai dekar main vaanaprastha mein chala jaata hoon। mujhe raajaai karne ki tamanna nahin hai। tumko raajya deta hoon। tum apna raajya-bhaagya phir se le lo। tum jaante ho ham so devi-devta the, 84 janma paas kar aaj ham raavan ki sampradaay bane। raavan ko hamesha jalaate hain। raavan ki kabhi pooja nahin karte hain। jo sukh deta hai unko pooja jaata hai। raavan ka chitra banaaya aur jalaaya, woh to sadaiv duhkh dene vaala hai। duhkh dene vaale ki mahima phir kaise karenge? shivbaaba hai sukhdaata। un par roz jaakar phool chadhaate hain। occupation to kuchh bhi nahin jaante। aajkal to andhashraddha bahut hai।

baba kehte hain jisse tumko svarga ka sukh milta hai aise baap ko bhool nahin jaana। phir svarga ke sukh ghanere mil nahin sakenge। mama-baba kaha to svarga mein to aayenge parantu aakar naukar chaakar banenge। geet ka arth bhi bachchon ne samjha। eeshvar ka bankar is bachpan ko bhool nahin jaana। aasuri santaan se badal tum eeshvareey santaan bante ho phir daivi santaan banenge। yeh hai eeshvareey janma। is samay tum sevaadhaari ho। tum ho roohaani social worker। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) eeshvareey janma le koi bhi akartavya nahin karna hai। sapoot bachcha banna hai। avgun nikaal devtaai gun dhaaran karne hain।

2) khudaai khidmatgaar ban roohaani seva se sabko aap samaan banaana hai। teen pair prithvi lekar roohaani hospital va college khol dena hai। tan-man-dhan se poora madadgaar banna hai।

vardaan:- karmayogi ban har kaarya ko kushalta aur saphalta poorvak karne vaale chintaamukta bhav

kai bachchon ko kamaane ki, parivaar ko paalne ki chinta rehti hai lekin chinta vaala kabhi kamaai mein saphal nahin ho sakta। chinta ko chhodkar karmayogi ban kaam karo to jahaan yog hai vahaan koi bhi kaarya kushalta aur saphalta poorvak sampanna hoga। agar chinta se kamaaya hua paisa aayega bhi to chinta hi paida karega, aur yog-yukta ban khushi-khushi se kamaaya hua paisa khushi dilaayega kyonki jaisa beej hoga vaisa hi phal niklega।

slogan:- sada gun roopi moti grahan karne vaale holeehans bano, kankad patthar lene vaale nahin।