मंगलवार 15 अगस्त 2023 की दैनिक मुरली

15-08-2023 praatahmurli om shanti "baapdaada"' madhuban

“meethe bachche - baap ka bindi swaroop hai, use yathaartha pahchaankar yaad karo yahi samajhdaari hai''

prashn:- behad ki drishti se svapna ka arth kya hai? is sansaar ko svapnavat sansaar kyon kaha gaya hai?

uttar:- svapna arthaat jo baat beet gai। tum abhi jaante ho yeh saara sansaar abhi svapnavat hai arthaat satayug se lekar kaliyug ant tak sab kuchh beet chuka hai tumhein abhi second mein is svapnavat sansaar ki smriti aa gai। tum srishti ke aadi, madhya, ant, mool vatan, sookshm vatan, sthoolavtan ko jaankar master bhagwan ban gaye ho।

geet:- kaun aaya mere man ke dvaare…

om shanti। shivbaaba apne meethe-meethe bachchon, sikeeldhe saaligraamon ko baith samjhaate hain। saaligraam hi shivbaaba ke bachche thahre na। bachche jaante hain ki hamko woh padhaate hain, jinko rinchak bhi koi jaante nahin hain। shiv ke mandir mein jaate hain parantu vahaan to itna bada shivling dekhte hain। yeh thode hi samajhte hain ki hamaara baba bindi hai। jo bachche shivbaaba ko itna bada samajh yaad karte hain va karte honge - woh bhi bhole hain kyonki woh bhi wrong hai। baap samjhaate hain ki main bindi hoon, ab bindi ko koi kya samajh sake। bhal koi kehte hain akhanda jyoti swaroop hai, phalaana hai parantu nahin, woh hai bindi। unko yaad karna bada mushkil hai। ghadi-ghadi bhool jaate hain। bhakti maarga mein aadat padi hui hai shivling par phool chadhaane va pooja karne ki to woh yaad rehta hai। parantu yeh ghadi-ghadi bhool jaate hain ki hamaara baba bindi roop hai। saare drama mein unka jo part hai woh bajaate hain। bindi ki baith mahima karenge kya ki sukh ka saagar hai, shanti ka saagar hai…। kitna chhota bindi roop hai।

bachche poochhte hain kisko dhyaan mein rakhen? in baaton ko to samajhdaar hi samajh saken। nahin to vahi shiv ka ling yaad aa jaata hai। shreekrishna to achhi reeti buddhi mein baith sakta hai। yeh to hai bindi। geet mein bhi kehte hain ki yaad karo to yaad na aaye phir woh soorat kaisi hai? yeh bhi wonderful hai, itni chhoti bindi hai! gyaan ka dance karte hain। kaha jaata hai - yeh svapnon ka sansaar hai। beeti hui baat ko svapna kaha jaata hai। svapnavat sansaar, jo beet gaya hai woh tumhaari buddhi mein aata hai। saara brahmaanda mool vatan, sookshm vatan, satayug, treta, dvaapar - saara svapna ho gaya। jo past ho jaata hai woh svapna ho gaya। ab kaliyug ka bhi ant hai। yeh svapnavat sansaar hua na। woh had ke svapna aate hain। tumko behad ka buddhi mein aata hai। sooryavanshi-chandravanshi bhi sab svapna ho gaya। isko kaha jaata hai svapnon ka sansaar। itna raaz aur koi nahin jaante sivaae tum bachchon ke। satayug mein kitne athaah sukh the - woh sab past ho gaye। abhi tum bachchon ki buddhi mein aadi, madhya, ant ka poora gyaan hai। ek baap ki hi yaad rahni chaahiye। baap jo samjhaate hain aur koi samjha na sake। tumhaari buddhi mein svapnon ka sansaar hai। yeh yeh past ho gaya - buddhi jaanti hai na। tumko oopar se lekar saari knowledge buddhi mein hain - aadi se ant tak ki। tum ab trikaaldarshi-trilokeenaath ban gaye ho। trilokeenaath banne se tum jaise bhagwan ho jaate ho। bhagwan baith tumko shiksha dete hain। second mein svapna aata hai na। to second mein tumko saara yaad aana chaahiye - beej aur jhaad। baba bhi kehte hain - aadi, madhya, ant ka mere paas gyaan hai isliye hi mujhe gyaan ka saagar, knowledgeful, jaani-jaananhaar kehte hain। jaante hain harek ki avastha aisi hi rahegi। ek-ek ki avastha ko ham kya baith jaanenge! jo avastha kalpa pahle thi, us avastha mein hain। so to tum bhi jaante ho। purushaartha karaane ke liye kehte hain - achhi reeti purushaartha karo।

abhi tumko svadarshan chakradhaari banna hai। tum jaante ho yeh-yeh past ho gaya hai - aise devtaayen raajya karte the phir aakar raajya karenge। past, present, future yeh yaad karte rahenge। unko hi svadarshan chakra kaha jaata hai। shivling ko yaad karne mein to hire hue hain। to samajhte hain ki baba jyortilingam hai। bindi kahen to moonjh pade। woh samajhte hain aatma chhoti hai, paramatma bada hai। abhi tum bachche jaante ho - is kaliyugi duniya mein is samay dekho bhabhka kitna hai! isko maaya ka bhabhka kaha jaata hai। maaya ka pomp hai। kehte hain na - abhi duniya kitni achhi ban gai hai। bade-bade mahal ban gaye hain। America ka kitna bhabhka hai! cheejen kitni naphees (aakarshak)banti hain। ham samajhte hain ki yeh to mulamme ki cheejen hain jo abhi khatma ho jaayengi। din-pratidin badi-badi imaarten, dam aadi aise banaayenge, jaise bilkul nai duniya hai। maayaavi purush hain na। aasuri sampradaay ka bhabhka hai। yeh sab hai tilasma (jaadu), abhi gaya ki gaya। bade-bade science ghamandi jo hain unhon ki buddhi mein hai ki yeh sab khatma ho jaayenge। ek-do ko kah dete hain tum interfere na karo, nahin to sab khatma ho jaayenge। America apne ko balvaan samajhta hai to zaroor second number mein bhi koi hoga jo saamna kare। gaaya hua hai - do bille ladte hain। yaadvon ne apne kul ka vinaash kiya, to woh do bille hue na। vahi practical ho raha hai।

tum bachche jaante ho - aage bhi is samay tumne hi knowledge li thi। ab bhi le rahe ho। baap aakar saari knowledge samjhaate hain। jaise baap ki buddhi mein hai vaise tum bachchon ki buddhi mein bhi hai। shiv kaha jaata hai bindi ko। aatma mein bhi saara part hai। tumhaara hai all-round part, satayug se lekar kaliyug tak। satayug-treta mein tum jab sukh bhogte ho to us samay baap ka koi part nahin। baap kehte hain ki mere se bhi tumhaara jaasti part hai। tum sukh mein rehte ho to main nirvaandhaam mein hoon। mera koi part hi nahin। tumne all-round part bajaaya hai to thake bhi tum honge isliye likha hua hai - charan dabaaye hain। baap kehte hain - bachche, tum thak gaye honge। tumne aadhaakalpa bhakti ki, dar-dar dhakke khaaye hain। bhakti maarga mein bhatakte-bhatakte tum thak jaate ho phir baap aakar ujoora dete hain, pujaari se poojya bana dete hain। tum jaante ho ham so poojya the phir pujaari bane hain। aise nahin ki paramatma aape hi poojya, aape hi pujaari hai। nahin, ham hi bante hain।

bhaarat hi avinaashi khanda gaaya jaata hai। bhaarat hai shivbaaba ki janmabhoomi। janmabhoomi par hi manushya kurbaan hote hain। kaangresiyon ne bhi dekho, kitna maatha maara janma bhoomi ke liye। foreigners ko baahar nikaal diya। yeh janma bhoomi svarga thi। phir 5 vikaaron roopi maaya ne aakar hap kiya hai। ham raavan ko bada dushman samajhte hain। yeh koi bhi nahin samajhte ki bade te bada dushman maaya raavan hai, jo hamaari raajaai kha gaya hai। yeh jaise ki gupta choohe muaaphik phoonk deta aur kaatta rehta hai, jo kisko pata bhi nahin pad raha hai। kaatte-kaatte ekdam devaala maar diya hai। kisko pata nahin hai, hamaara raajya bhaagya chheen liya hai। koi ko pata nahin hai hamaara dushman kaun hai? ham kangaal kaise bane? maaya bada chooha hai - aadhaakalpa khaate-khaate bhaarat ko kaudi jaisa bana diya hai। bada hi balvaan hai। abhi phir tum chupke se us par jeet pa rahe ho। tum jaante ho ki ham kaise gupta reeti raajya le lete hain। jaise gupta reeti ganvaaya hai phir lete bhi gupta reeti se hain। koi bhi nahin jaante - abhi phir is par jeet paani hai। kitne maheen raaz hain! baba ki madad se ham phir se raajya-bhaagya lete hain। koi haath-paanv nahin chalaate hain। gupta reeti se ham apna behad ke baap se varsa lete hain, jo aadhaakalpa rahega। woh chooha maaya to aahiste-aahiste khaata hai aur tum abhi raajya ek hi baar le lete ho 21 janma ke liye। 84 janmon ka raaz bhi tumko samjhaaya gaya hai। itne-itne janma liye hain। tum jaante ho satayug mein hamaari aayu bahut badi thi। phir apvitra bhogi bante hain to dvaapar-kaliyug mein 63 janma lete hain। yeh baba baith samjhaate hain। kalpa-kalpa maaya aise raajya leti hai phir ham unse lete hain। geet mein gaate to hain - kaun desh se aaya, kaun desh mein hai jaana....? parantu samajhte nahin hain। tum to jaante ho aatma kis desh se aai hai? kyon aai hai? saara chakra buddhi mein hai। saare drama mein hero-heroine part hai shivbaaba ka। shivbaaba ke saath paartadhaari kaun-kaun hain? pahle-pahle janma dete hain - brahma, vishnu, shankar ko phir tum bachchon ko। tum baap ke saath madadgaar thahre। baap apna part bajaakar apne dhaam chale jaate hain aur tum madadgaaron ko bhi saath mein muktidhaam mein le jaate hain। tum muktidhaam jaakar phir jeevanmukti mein chale jaayenge। kitna achhi reeti buddhi mein rakhna chaahiye! to yeh hai sapnon ka sansaar jo beet gaya।

tum jaante ho ki satayug-treta mein devi-devtaayen rehte the, abhi nahin hain। geet ka kitna guhya raaz hai - kaise sapnon ka sansaar buddhi mein lekar baithe hain? saara chakra kaise phirta hai? jo knowledge baba mein hai woh hamaare mein bhi hai। behad ke baap mein hi yeh saari behad ki knowledge hain। bachche jaante hain - yeh bhi svapna ho jaayega। yeh badi samajhne aur samjhaane ki baaten hain। satayug-treta mein yeh baaten kiski buddhi mein hoti nahin। guhya points milti rehti hain। buddhi mein saara chakra rehna chaahiye। bhakti maarga kya hai, kab se shuru hota hai, isse kuchh bhi faayda nahin hua। bhakti karte-karte nuksaan mein hi aa gaye hain। ab phir se tum kaudi se heere jaisa bante ho। maaya kaudi misal bana deti hai। baba gyaan dance sikhlaate hain। phir vahaan jaakar tum dance karenge। yeh baaten badi wonderful jaanne laayak hain। yahaan ki rasma-rivaaj vahaan bilkul nahin hoti hai। woh hai hi viceless world। vahaan maaya ka naam-nishaan nahin hota। pahle tum baba ko yaad karo, varsa to le lo, baaki vahaan ki rasma-rivaaj jo hogi, vahi chalegi। vahaan ki rasma-rivaaj sab nai hogi। vahaan yeh utsav aadi honge nahin। yahaan gami (udaasi) rehti hai, tab shaadmaana (utsaah dilaane vaale utsav) manaate hain। vahaan to nitya hai hi shaadmaana। rone ki darkaar nahin rehti। utsav manaane ki baat nahin rehti। sadaiv hamaare bade din honge। vahaan shaadi bhi dhoomdhaam se hoti hai, dahej milta hai, daas-daasiyaan milti hain। baaki tyohaar aadi ki darkaar nahin rehti। yeh hain hi sangam ke tyohaar, jo bhakti maarga mein manaaye jaate hain। vahaan to sadaiv khushiyaan hi khushiyaan hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) svadarshan chakra phiraate maaya par gupta reeti vijay praapta karni hai। baap samaan knowledgeful hokar rehna hai।

2) baap jo hai, jaisa hai, use yathaartha bindi roop mein jaankar yaad karna hai। bindu ban, bindu baap ki yaad mein rehna hai। bhola nahin banna hai।

vardaan:- baap ke direction pramaan seva samajh har kaarya karne vaale sada athak aur bandhanmukta bhav

pravritti ko seva samajhkar sambhaalo, bandhan samajhkar nahin। baap ne direction diya hai - yog se hisaab-kitaab chuktu karo। yeh to maaloom hai ki woh bandhan hai lekin ghadi-ghadi kahne va sochne se aur bhi kada bandhan ho jaata hai aur ant ghadi mein agar bandhan hi yaad raha to garbhajel mein jaana padega isliye kabhi bhi apne se tang nahin ho। phanso bhi nahin aur majboor bhi na ho, khel-khel mein har kaarya karte chalo to athak bhi rahenge aur bandhan-mukta bhi bante jaayenge।

slogan:- bhrakuti ki kutiya mein baithkar tapasveemoorta hokar raho - yahi antarmukhta hai।