बुधवार 16 अगस्त 2023 की दैनिक मुरली

16-08-2023 praatahmurli om shanti "baapdaada"' madhuban

“meethe bachche - dooraadeshi aur vishaalbuddhi bano, shivbaaba ke kaarya mein kabhi disturb nahin karna, disturb karne vaalon ko oonch pad nahin mil sakta''

prashn:- is duniya mein manushyon ko kaun se khyaalaat rehte hain jo satayugi devtaaon ko kabhi nahin aayenge?

uttar:- yahaan manushya samajhte hain ki ham kamaayenge to hamaare putra aur potre khaayenge lekin yeh khyaalaat devtaaon mein nahin honge kyonki unke putra aur potre sab yahaan se hi varsa lekar jaate hain। woh samajhte hain hamaari avinaashi raajaai hai। yahaan hi harek apna-apna purushaartha kar rahe hain।

geet:- maata O maata…

om shanti। bachchon ne maataaon ki mahima suni। bachche jaan chuke hain kis-kis maata ki mahima hoti hai। maataaon ki itni mahima karte hain, to zaroor hokar gayi hain। abhi to woh hai nahin। jo jagat amba hokar gai hai unki bhakti maarga mein mahima hoti hai। ab woh kya karke gayi - yeh tum bhi nahin jaante the। jagat amba ke mandir mein jaate hain, jaakar unse kuchh na kuchh maangate hain। koi ko bachche ki aash hogi, koi aasheervaad maangenge। ab jad chitra to kuchh kar nahin sakte, na woh samajhte hain parantu yeh hai bhakti। tum jaante ho woh past ho gaye hain। jagat amba ki mahima hai। ek to nahin hai, tum sab brahman kul ki paalna karte ho, phir daivi kul ki paalna karenge। tum is samay jaise ki saare jagat ki paalna karte ho parantu koi jaante nahin। chandika devi ka bhi mela lagta hai। chandika naam dekho kitna chhi-chhi hai! baba kehte hain jo aashcharyavat bhaaganti ho faarakti dete hain woh jaakar chandaal ka janma paate hain। ghar mein chanchalta karte hain to unko kaha jaata hai na - tum to chandi ho, chandaal ho। barobar tum dekhte ho shivbaaba ka bankar phir bhi bahut chanchalta karte hain, chanchalta arthaat avagya karte hain, shivbaaba ki service mein disturb karte hain to ant mein chale hi jaate hain। koi bhi brahmaakumaari centre mein hogi, kuchh chanchalta karegi, kisko samjha nahin sakegi va krodh karti hogi to sab kahenge inmen to bahut krodh hai! ab chandika ek to nahin, bahut hoti hain। deviyon ki mahima bhi hai aur phir aise jo chandika aadi bante hain unka bhi gaayan hai। phir bhi eeshvar ke bane hain। bhal koi chale jaate hain phir bhi svarga mein to aayenge na। maalik to banenge na। bhal maalik to raaja-raani hi bante hain lekin praja bhi kahegi ham maalik hain। log kehte hain na hamaara bhaarat mahaan hai। aajkal to geet mein bhi gaate rehte hain - bhaarat bahut achha tha।

abhi tum behad ke baap ke bachche bane ho। gopi vallabh ki gop-gopiyaan gaai hui hain। vallabh baap ko kaha jaata hai। gaaya bhi jaata hai ek gopi vallabh ki anek gop-gopiyaan। satayug mein to gopikaaon aadi ki baat hi nahin hai। abhi tum bachche vishaal dooraandeshi buddhi bane ho। buddhi ka taala khul gaya hai। is janma ki jeevan kahaani ko tum achhi reeti jaante ho। har ek ko nasha to rehta hai na। abhi bidla hai, unko apne dhan ka nasha hoga। samjhenge - main sabse saahookaar hoon। parantu tum jaante ho - jo aaj saahookaar hain woh phir gareeb ban jaayenge। tumhaari aur anya manushyon ki buddhi mein raat-din ka farka hai। koi ko kya nasha, koi ko kya nasha rehta hai - main phalaana hoon, aise hoon…। inko (brahma ko) bhi nasha tha na - main bada jauhri hoon। abhi samajhte hain woh sabhi nashe kaudi misal hain। tum bachchon ko kitna nasha chadha hua hai! woh samajhte hain ham kama-yenge phir hamaare putra-potre khaayenge। yahaan to woh baat nahin hai। tum jaante ho ham behad ke baap ko jaankar unse varsa pa rahe hain। jiski praalabdha ham hi khud janma by janma pad paayenge। putra-potre aadi sab yahaan purushaartha kar rahe hain। ‘hamaare pautre khaayenge' - yeh khyaalaat vahaan nahin rehti। samajhte hain avinaashi raajaai hai। yahaan to raaje log samajhte hain - putra-potre khaayenge। tum abhi baap se itna varsa lete ho, aise karma karte ho jo 21 janma uska phal milta rehta hai, putra-pautron ka khyaal nahin rehta। ve bhi sab yahaan hi varsa paate hain। tumko kitna gyaan hai, manushya to kuchh bhi nahin jaante। god father, jinko itna yaad karte hain, zaroor unse itna bhaari sukh milta hoga। gaate hain na - he parampita paramatma raham karo। unko param aatma kaha jaata hai, woh supreme hai। janma-maran rahit hai isliye unko param aatma arthaat paramatma kehte hain। sabhi aatmaon ka roop ek jaisa hai। jaisa-jaisa purushaartha karte hain vaisa pad paate hain। inki aatma achha padhti hai to naaraayan banti hai। koi phir fail honge to raam banenge। aatma hi banti hai na। tumhaari aatma samajhti hai main parampita paramatma se raajayog seekh rahi hoon। aatma phir aakar naya chola pahan part bajaayegi, nar se naaraayan banegi। yeh tum bachchon ki buddhi mein hai nambarvaar purushaartha anusaar। phir yeh gyaan praayah lop ho jaayega। vahaan koi patit hoga nahin। gyaan kisko denge? patit-paavan ko yahaan yaad karte hain। achha samjho ganga patit-paavni hai to bhi woh raajayog to nahin sikhla sakti hai, baap to raajayog sikhlaate hain na। yeh saara drama ka raaz aadi se ant tak tum bachchon ki buddhi mein hai।

tum sab padhte to ek hi class mein ho, lekin nambarvaar ho। shuru-shuru mein 300 ki bhatthi thi। gaooshaala mein hajaaron ki andaaz mein gaooyen hon to koi sambhaal bhi na sake। bhatthi bhi thodon ki banni thi। unmein se bhi kai to chal rahe hain, kai toot pade। kai bachche samajhte hain ham pahle se hote to achha tha parantu aise bhi nahin hai। puraane-puraane kitne bhaaganti ho gaye! 25-30 varsha vaale bhi itna nahin yaad rakhte ki woh behad ka baap hai, jisse varsa paate hain। baba svarga ka maalik banaate hain, second ki baat hai। baap kehte hain tum mera banne se svarga ke maalik banenge। jeevanmukti to raaja-raani bhi paate hain, praja bhi paati hai। gaaya hua hai second mein jeevanmukti। bachche jo poora padhte nahin hain woh kya karte honge? chanchalta। koi-koi bachche to bade aagyaakaari hote hain। baap se bhi achha martaba pa lete hain। baap 100-200 kamaane vaala hoga, bachcha lakhapti ban jaata hai। to alaukik sambandh mein bhi aise hota hai - 7 roj vaala bachcha 25 varsha vaale se teekha chala jaata hai। nambarvaar to hote hi hain।

tum vaastav mein sab sajniyaan ho, ek saajan ko yaad karte ho। tum jaante ho baap aakar hamko sukhdhaam ka varsa dete hain। laukik pati hai phir bhi yaad unko karte hain jo patiyon ka pati hai। paarlaukik saazan amrit pilaate hain isliye unko yaad kiya jaata hai, phir tum svarga ke maalik ban jaate ho, phir vahaan koi ko yaad nahin karte। abhi ke purushaartha se tum 21 janma praalabdha paate ho। tumhaari buddhi kitni khuli hai! woh bhi nambarvaar, to baadshaahi bhi nambarvaar lete ho। tumko sab samjha diya hai। yahaan achhi reeti padhaai padhne se tum pad bhi itna oonch paayenge। nahin to anapdhe, padhe ke aage bhari dhoyenge। ismen purushaartha bahut achhi reeti karna hai। abhi time achha hai purushaartha ke liye। tum jaante ho - jahaan jeena hai vahaan gyaanaamrit peena hai athva padhte rehna hai। sapling lagaate rehte hain। koi jhat samajh jaate hain to samjha jaata hai inka pad to achha dekhne mein aata hai, achha najdeek ka phool hai, tan-man-dhan arpan kar baitha hai, service mein achha lag gaya hai। samajhta hai apna samay jitna service mein denge, utna phaayda hai। jaise baba ham gyaan netraheen andhon ki laathi bana hai aise humein bhi banna hai। tum ek-do ki laathi bante jaate ho। andha banaaya hai raavan ne। yeh tumko samjhaaya jaata hai ki is samay saari duniya lanka hai, sab shok vaatika mein hain। naam rakha hai ashoka hotel, vahaan khoob maje udaate hain।

abhi tum jaante ho baba aaya hua hai। mahaabhaarat ladaai saamne khadi hai। yeh to lagni hai jabki ghar ke gates khulne hain। dvaapar ki to baat hi nahin। abhi to ghor andhiyaara hai na। braahmanon ki raat ab poori hui hai, baba aaya hua hai। yeh baaten tum bachche hi jaante ho। school mein padhte hain, koi to bahut achhe marks lete hain, koi fail ho jaate hain। fail ki nishaani hai chandravanshi mein chale jaayenge। raam ko kshatriy ki nishaani di hai। arth nahin samajhte। lav-kush ki kya-kya baaten baith sunaate hain। kitne jhoothe dosh baith lagaate hain। gaate hain - raam raaja, raam praja, dharma ka upkaar hai। phir yeh sab baaten kahaan se aai? yeh sab baaten samajhne ki hain। tum jaante ho yeh knowledge nambarvaar hamaari buddhi mein hai। student ko bahut teekha purushaartha karna chaahiye। ham god fatherly student hain। teacher ko kaun nahin yaad karenge! ham hain patit-paavan god fatherly student, ismen baap, teacher, satguru teenon hi aa jaate hain। tum sab seetaayen ho na। raavan ki shok vaatika mein pade ho। incorporeal god father is gyaan saagar knowledgeful। shreekrishna ko athva lakshmi-naaraayan ko aise nahin kahenge। unki mahima hi nyaari hai। geet mein bhi gaate hain - unki mahima aparmaapaar hai, jo aisa banaate hain। tum kehte ho - baba, ham aapse poora varsa lenge। aap kitne meethe ho, kitne pyaare ho! lakshmi-naaraayan kitne meethe, kitne pyaare hain! lakshmi-naaraayan ke chitra dekho, hamesha muskaraahat vaale dikhaate hain। tum jaante ho devtaayen is bhaarat mein hi the। abhi kahaan hai? tum sabko batla sakte ho ki yeh unka antim janma hai। phir se shreekrishna banna hai। abhi krishnapuri sthaapan ho rahi hai। shreekrishna ki aatma bhi abhi raajayog seekh rahi hai। tum bhi krishnapuri mein jaana chaaho to raajayog seekho। lakshmi-naaraayan kahne se manushya moonjh jaate hain। shreekrishna ko jhoole mein jhulaate hain। pooja lakshmi-naaraayan ki karte hain। unhon ka baal charitra kuchh bhi hai nahin। raadhe-krishna phir kahaan gaye, kya hua - kuchh bhi pata nahin hai। raadhe-krishna koi aapas mein bhaai-behen nahin the। abhi raadhe-krishna ka raajya to hai nahin। dvaapar mein bhi unhon ki raajdhaani ka kuchh pata thode hi hai। to yeh sab baaten samajhne ke liye bahut achhi buddhi chaahiye। literature banaane mein bhi mehnat lagti hai। vishnu ke alankaar dikhaate hain parantu vaastav mein vishnu ke yeh alankaar hote nahin। vishnu va lakshmi-naaraayan ko shankh thode hi hai। to ham kya likhen? manushya to kuchh bhi samajh na saken। shankh to hai tumhaare paas। to alankaar zaroor braahmanon ko dena pade। kahenge yeh brahman phir kahaan se aaye? samajh nahin sakenge। tum samjha sakte ho - ham brahman svadarshan chakradhaari hain। yeh sab baaten samjhaane mein badi hi vishaal buddhi chaahiye। praja mein jaane vaale moti buddhi samajh na saken। samjhaane mein badi hi difficulty lagti hai। baba likhte bhi hain sikeeldhe svadarshan chakradhaari brahma mukh vanshaavli। parantu tumhaare paas alankaar kahaan hain। chitron mein deviyon ko teesra netra diya hai, lekin unko to teesra netra hai nahin। tumhaari ab teesri aankh khuli hai। tum shaktiyon ki mahima hai। jagat amba hai to bachche bhi saath mein honge। majority maataaon ki hai। maataaon ko hi oonch uthaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apna samay service mein saphal karna hai। tan-man-dhan sab arpan kar jab tak jeena hai padhaai padhte rehna hai।

2) aapas mein ek-do ki gyaan se paalna karni hai। aisa koi kaarya nahin karna hai jisse baap ki avagya ho।

vardaan:- avinaashi ateendriy sukh mein rah sabko sukh dene aur sukh lene vaale master sukhdaata bhav

ateendriy sukh arthaat aatmik sukh avinaashi hai। indriyaan khud hi vinaashi hain to unse praapta sukh bhi vinaashi hoga isliye sada ateendriy sukh mein raho to duhkh ka naam-nishaan aa nahin sakta। agar doosra koi aapko duhkh deta hai to aap nahin lo। aapka slogan hai - sukh do, sukh lo। na duhkh do, na duhkh lo। koi duhkh de to use parivartan kar aap sukh de do, usko bhi sukhi bana do tab kahenge master sukhdaata।

slogan:- adhik bolkar energy ganvaane ke bajaae antarmukhta ke ras ke anubhvi bano।