शनिवार 26 अगस्त 2023 की दैनिक मुरली

26-08-2023 praatahmurli om shanti "baapdaada"' madhuban

“meethe bachche - tumhein nasha hona chaahiye ki hamaari takdeer svayan baap ne jagaai hai, abhi ham bhaarat ki soi hui takdeer jagaane ke nimitta bane hain''

prashn:- nirantar khushi mein khaggiyaan kaun maarte hain?

uttar:- 1- jo din-raat apne ko seva mein busy rakhte hain। 2-jo kabhi bhi maat-pita se roothte nahin। agar kisi bhi baat se aapas mein ya maat pita se rooth jaate, padhaai chhod dete to khushi mein khaggiyaan nahin maar sakte। maaya unko thappad maar deti hai। jo sabko hansaane vaale hain woh kabhi kisi se rooth nahin sakte।

geet:- aane vaale kal ki tum takdeer ho…

om shanti। baap baith bachchon ko samjhaate hain। patit-paavan hai hi satguru। satguru ki bhent mein jhoothe bhi zaroor hain। jaise gaaya jaata hai jhoothi maaya jhoothi kaaya…satayug mein aise nahin kahenge। uska naam hi hai sachkhanda। bhaarat sachkhanda tha। sachkhanda naam kyon pada? kyonki behad ke baap ki yeh janmabhoomi hai। yeh baat aur koi ki buddhi mein nahin hai ki parampita paramatma ko truth arthaat sat kehte hain aur bhaarat unki janma bhoomi hai। baap aakar yeh samjhaate hain। yeh bhaarat vaastav mein svarga tha, ab to narka hai। main bhaarat ko svarga banaane aata hoon।

abhi tum jaante ho ki barobar pahle foreigners ka raajya tha, tab bhi narka tha, abhi to aur hi raurav narka hai। aapas mein kitna matbhed mein aakar ladte hain। bhaashaaon par bhi kitni friction pad gai hai। gapode maarte rehte hain - ham sab ek hi hain। vaastav mein itne sab manushya brotherhood hain। koi matbhed nahin hona chaahiye। dharmon mein bhi matbhed nahin hona chaahiye। parantu kitna matbhed hai! abhi to bhaashaaon ka bhi matbhed ho gaya hai। bhaavi drama ki। bhaarat raurav narka ban gaya hai। kitni aapas mein dushmani hai! kaurvon aur paandavon ki ladaai to lagi nahin। paandav to tum yahaan baithe ho। tum sachche-sachche brahman kul bhooshan bhaarat ki takdeer ho। tumhaara naam kitna achha hai - svadarshan chakradhaari, trinetri, trikaaldarshi। trimoorti shivbaaba tumhein brahma dvaara trikaaldarshi banaate hain। teesra netra kholte hain। teejri ki katha athva satya naaraayan ki katha va amraktha baat ek hi hai। tum sab bhaaratvaasi amraktha sun rahe ho। jaise baap samjhaate hain vaise tum bachchon ko bhi samjhaana chaahiye। poochhte hain - baba, service kaise karen? baba ne samjhaaya hai jo brahman kul bhooshan manushya ko heere jaisa banaate hain, woh apne paas board laga den। shivbaaba ka chitra laga hua ho। shivbaaba ke chitra ke neeche likhna hai - “behad ke baap se janma siddha adhikaar svarga ki baadshaahi kaise praapta hoti hai - woh aakar samjho।'' to manushya aakar samjhenge। samjhaani to sahaj hai। baap aaya hai, aakar svarga bana raha hai। yeh shivbaaba ki avatran bhoomi hai। paramdham se baba bhaarat mein hi aate hain। bhaarat hi sabse bada teertha sthaan hai। sabko maanna chaahiye। gurunaanak, buddha aadi jo bhi hain sabka patit-paavan baap jo hai unki yeh janma bhoomi hai। abhi to aasuri raajya hai। yatha raaja raani kaale tatha praja bhi kaali hogi phir gore ban jaayenge। isko kaha jaata hai iron ej, woh hai golden ej। paavan duniya to hai shivaalay। angrej log bhi samajhte hain ki god-goddess ka raajya bhaarat mein tha। parantu kab tha, yeh nahin samajhte। bhaarat bahut saahookaar tha, ab to kangaal hai isliye bhaarat ko paise dete hain। gareeb ko daan diya jaata hai, to ab daan dete hain। bhaarat se hi bahut paise le gaye hain। ab phir bhaarat ko dete rehte hain। baap kehte hain mera part hai bhaarat ko heere jaisa banaana। tum brahmaakumaar-kumaariyaan ho, tumko hi devi-devta banaate hain। gaaya jaata hai parampita paramatma brahma ddhaara brahman aur devta dharma sthaapan karte hain। parantu bhaaratvaasi jaante nahin। na jaanna hi noondh hai। to yeh board laga do ki laukik baap se janma-janmaantar had ka varsa lete aaye ho, ab paarlaukik baap se aakar svarga ka varsa lo। prajaapita brahma ki santaan sangam par hi hote hain। to sabhi ko yeh samjhaao ki tum prajaapita brahma ki aulaad ho aur satayugi daivi svaraajya ke hakdaar ho। kitni sahaj baate hain। yeh brahmaakumaar-kumaariyaan shivbaaba ke potre-potriyaan thahre। kalpa pahle bhi bane the, abhi phir bane ho, so devi-devta banne ke liye। shivbaaba ka chitra bhi saath mein ho। bhaarat ko svarga banaane mein jo madad karte hain, unko izaapha zaroor milta hai। jo brahman jaisi-jaisi seva karte hain, vaisa pad lenge। baap se poora varsa lene ke liye pavitra zaroor banna hai। tum bachchon ko andar mein khushi hoti hai ki ham shreemat par chal svarga ki raajaai ka varsa pa rahe hain। nasha to zaroor chadhna chaahiye। svarga ke maalik to sab banenge parantu purushaartha kar apna oonch martaba praapta karo। baap ka naam baala karo। gaate hain - guru ka nindak thaur na paaye। parantu unse poochho - kaun si thaur? ab to yeh satguru guarantee karte hain - main aaya hoon tum sabko vaapis le jaane। tumko duhkhon se chhudaae ghar vaapis le jaaoonga। yeh baba hi kah sakte hain। gaaya hua hai ki machchharon sadrishya gaye। vinaash hoga to bhambhor ko aag lagegi। yeh bhi gaaya hua hai ki paandavon ke laakha bhavan ko aag lagaai। laakha bhavan tha na। inka naam lakheeraaj tha। to barobar ghaaslet le aaye the jalaane ke liye। practical ki baaten hain। aag lagi nahin, yeh to sirf likh diya hai। to tum bachchon ko kitna fakhur se rehna chaahiye kyonki tum bhaarat ki takdeer banaane vaale ho। unhon ne to takdeer ko lakeer laga di hai। ab paise aadi sab baahar se aa rahe hain। yeh return service ho rahi hai। vinaash saamne khada hai। unhonne tumhaare se bahut liya hai, bhaarat ko bahut loota hai। kitna gupta raaz drama mein noondha hua hai! vilaayat vaale to ab bhaarat ke prati daata hain। drama anusaar yeh noondh hai। kalpa pahle bhi aise hua tha। baap samjhaate hain kalpa-kalpa ham tum mile hain। kalpa-kalpa shreemat dvaara baap se tum apna svaraajya paate ho aur kuchh karna nahin hai। ahinsa parmodharma se shreemat par tum vishwa ke maalik bante ho। ‘shri shri' gurooon ko nahin kaha ja sakta hai। shivbaaba ko hi ‘shri shri' kaha ja sakta hai। bhagvaanuvaach - yeh vahi samay hai 5000 varsha pahle vaala, jab main sabhi ka uddhaar karne aaya hoon। tum bhi shivbaaba ke potre-potriyaan brahma ke bachche brahmaakumaar-kumaari ho। badi position vaalon ko bhi samjha sakte ho। koi social worker hote hain, unhon ko bhi achhi reeti samjha sakte ho। service se hi vriddhi hoti hai। himmat karni chaahiye। yeh to jaante ho ki maaya bhi kam nahin hai। chamaat maarkar aisa munh pher deti hai, jo raam se vipreet buddhi ho jaate hain। ek khilauna hai na - abhi raam ke, abhi raavan ke ban padte hain। baba ne kaha tha viraat roop bhi banaao। usmein varna dikhaane hain - devta varna, phir kshatriy, vaishya, shoodra varna mein aaye। shoodra se ab phir brahman varna mein aaye ho। chauraasi ka chakra bhaarat ka aisa chalta hai। tum kisko bhi yeh samjha sakte ho। isko kaha jaata hai sahaj raajayog। tum raajayogi raajarishi ho, woh hathayog rishi hain।

tum abhi shreemat par chal pavitra bante ho। satayug-treta mein hai hi sampoorn nirvikaari duniya। vahaan maaya hoti nahin। bachche jaise paida hone honge vaise honge। tum yeh prashn kyon karte ho ki bachche kaise paida honge? pahle varsa to le lo। rasma-rivaaj jo hogi so hogi। yeh kyon poochhte ho? tumko to nirvikaari banna hai, phir rasma jo hogi vahi chalegi। shreekrishna ne bhi garbha se janma liya। unko sampoorn nirvikaari kaha jaata hai। woh to garbha mahal mein bade aaraam se baitha tha। yahaan to garbha jel mein bahut sajaayen khaakar traahi-traahi karte hain। to aisi-aisi baaten samjhaani hain। service karni hai। mitra, sambandhi, padosi aadi sabko gyaan dena hai। baap ka parichay dete chalo। behad ka baap svarga ki sthaapna karne vaala hai। baap kehte hain mujhe yaad karo to tumhaare vikarma vinaash ho jaayenge। pratigya karo ki - baba, main aapka madadgaar ban pavitrata ka varsa zaroor loonga। purushaartha par saara madaar hai। follow mother-father। poochhna kya hai? em object hai hi raajayog, raajaai ke liye yog। praja ka yog nahin hai। raaja banenge to praja bhi zaroor chaahiye। bhaarat mein sadaiv raaja-raani ka raajya chala aaya hai। abhi to no raaja-raani। baap phir se raaja-raani ka raajya sthaapan kar rahe hain। isko kaha jaata hai pravritti maarga। patit-paavan baap baith samjhaate hain। patit-paavan zaroor kehna pade। patit-paavan baap hamko raajayog sikhlaate hain। to sat baap bhi ho gaya। sat shikshak aur satguru bhi ho gaya। patit-paavan hai first। guru ki mahima bahut bhaari hai।

jiske bhi ghar mein kalah hoti hai to kaha jaata hai kalah-klesh se paani ke matke bhi sookh jaate hain। phir vighna daalne vaalon par dosh pad jaata hai। drama anusaar unki buddhi ka taala banda ho jaata hai। kuchh bhi bol nahin sakenge। agar jaakar ninda karenge to gala ghut jaata hai। satguru ka nindak thaur na paaye। yeh to sat baap, sat shikshak, satguru hai। baap kehte hain agar meri ninda karaayenge to oonch pad pa nahin sakenge। vinaash ki rehearsal bhi hoti rahegi। to manushya kuchh jaagenge। tum bhal jagaate ho, lekin woh ghor neend mein bilkul soye pade hain। shaastron mein to glaani ki baaten likh di hain। satayug ka naam gum kar diya hai। khushi mein to andar mein khaggiyaan maarni chaahiye। maat-pita se mat roothna। toofaan aayenge parantu kabhi bhi baap ko faarakti nahin deni hai। maat-pita se kabhi munh nahin modna। maaya badi kadi hai। tum bachchon ko kabhi bhi roothna nahin chaahiye। tum sabko hansaate raho। baap dvaara badi lottery mili hai to sadaiv harshit rehna chaahiye। koi ko bhi duhkh nahin dena hai। duhkh denge to duhkhi hokar marenge। mukh se hamesha ratna hi nikalne chaahiye, patthar nahin। patthar niklenge to pattharbuddhi ban jaayenge। abhi to koi sampoorn bane nahin hain। sampoorn banne ka purushaartha karna chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ka madadgaar ban unse izaapha (inaam) lena hai। satguru ka naam baala karna hai। glaani nahin karaani hai।

2) aapas mein kalah nahin karni hai। mukh se sadaiv ratna nikaalne hain, patthar nahin। sabko hansaana hai, roothna nahin hai।

vardaan:- nirvighna sthiti dvaara vaayumandal ko powerful banaane vaale master sarvashaktimaan bhav

aapki seva hai pahle sva ko nirvighna banaana phir auron ko nirvighna banaana। agar svayan hi vighnon ke vash hote rahenge to ant mein nirvighna nahin rah sakenge isliye bahutkaal ki nirvighna sthiti banaao, kamjor aatmaon ko bhi baap dvaara praapta hui shakti de shaktishaali banaao, master sarvashaktimaan hoon, is sthiti ka anubhav karo - tab vaayumandal powerful banega।

slogan:- jo royal baap ke royal bachche hain, unki har chalan se royalty dikhaai deti hai।