गुरुवार 7 सितंबर 2023 की दैनिक मुरली

07-09-2023 praatahmurli om shanti "baapdaada"' madhuban

“meethe bachche - vichaar saagar manthan kar shreekrishna aur paramatma shiv ke mahaan antar ko spashta karo''

prashn:- brahma baba apne aapse kya baaten karte hain? unhein wonder kya lagta hai?

uttar:- brahma baba apne aapse baaten karte - pata nahin kya hota jo shivbaaba ghadi-ghadi bhool jaata hai। aise to nahin, baap jab pravesh karte hain tab yaad rehti hai, baba chale jaate hain to yaad bhool jaati hai। parantu main to unka bachcha hoon, yaad bhool kyon jaati? kya meri yaad se hi baba aate hain? aise-aise baba apne aapse baaten karke wonder khaate rehte hain।

geet:- tu pyaar ka saagar hai…

om shanti। shivbaaba baith karke apne sikeeldhe bachchon ko samjhaate hain ki geeta ka bhagwan kaun hai? kyonki is samay bhaarat mein hai agyaan andhiyaara। isko kaha jaata hai ghor andhiyaara, agyaan andhiyaara। phir sojhra chaahiye gyaan ka। parampita paramatma ko hi manushya maante hain ki woh gyaan ka saagar hai, knowledgeful hai। achha, woh gyaan ka saagar hai, unse kya milta hai? nadiyon se paani milta hai to bhar-bhar kar snaan bhi karte hain। tumko gyaan saagar se kya milta hai? ek boond। baap aakar bachchon ko samjhaate hain - main gyaan ka saagar hoon, tumko boond deta hoon। kaun si boond? sirf kehta hoon - main tumhaara baap hoon। tum mujhe yaad karo। samjho ki ham apne shantidham-sukhdhaam jaate hain।

gyaan saagar ek second mein jeevanmukti vaikuntha mein bhej dete hain। ghar baithe bhi divya drishti de dete hain। manushya to ek-do ko saamne drishti dete hain। baba ghar baithe saakshaatkaar kara lete hain। ek boond milne se tum yahaan se chale jaate ho। yahaan baithe-baithe tum vaikuntha me chale jaate ho। ab baap baith samjhaate hain। geeta ka bhagwan kaun hai? woh hai gyaan ka saagar niraakaar। manushya to gaate hain shreekrishna ke liye। ab tumko samjhaana hai shreekrishna ne gyaan nahin sunaaya। pahle-pahle to kehte hain shreekrishna ne maata ke garbha se janma liya। kansapuri thi। phir aavaaj hua - he kans, tumko maarne vaala aa chuka hai। yeh to jaante ho sab asur hain। kans, jaraasandhi, akaasur, bakaasur paap aatmaayen sabka vinaash karne liye unka janma dikhaate hain। to shreekrishna ne janma liya। woh to chhota tha। phir gyaan kab diya? woh to yuddha ke maidaan mein shreekrishna ka bada roop dikhaate hain, chhota to nahin dikhaate hain। vaise hi shreekrishna jayanti ke baad phir geeta jayanti dikhaate hain। kuchh samay ke baad jab woh bada hua tab gyaan diya hoga। yeh bhi dikhaate hain - janma liya hai। time bhi dikhaate hain - raatri ke samay। yahaan tum dekhte ho shivbaaba ki padhraamni hui hai। koi ko pata nahin ki kab praveshta hui। shivbaaba to bachcha bana nahin hai। woh to budhe vaanaprastha avastha mein aaya hai। kab aaya - uski date hai nahin। shreekrishna ki to tithi-taareekh hai aur woh garbha se paida hua hai। yahaan shivbaaba to gyaan ka saagar hai। unko chhota hona nahin hai, jo phir bada hokar gyaan sunaaye। shreekrishna ka janma to svarga mein hua। woh kisko raajayog sikhla na sake, kyonki khud hi raaja hai। barobar tum jaante ho niraakaar baap hi aakar raajayog sikhlaate hain। patiton ko paavan, raajaaon ka raaja banaate hain।

us had ke raat aur din tatha is behad ke raat aur din ke arth mein bhi farka hai। yeh hai sangam jabki brahma ki raat poori ho brahma ka din shuru hota hai। yeh hai behad ki raatri, agyaan andhiyaara। satayug mein hai sojhra। us raat ki baat nahin। woh to shreekrishna ka janma raat mein manaate hain। woh hui had ki baat, yeh hai behad ki। baap kehte hain main aata hoon, meri koi tithi-taareekh nahin। krishna-raam aadi ki to tithi-taareekh hai। mukhya hain hi do।

abhi shreekrishna jayanti aati hai na। unhon ko samjhaana hai krishna to chhota bachcha hai। raat aur din to brahma ka gaaya jaata hai। brahma ka din shreekrishna hai aur brahma ki raat brahma hai। brahma hi phir so shreekrishna banta hai। woh to samajhte hain krishna bhagwan hai, woh haaziraahzoor hai। to is par bhi samjhaana hai। tumhaari hai shivjayanti va shiv raatri kaho। shiv jayanti kehna theek hai। yeh bhi samjhaana hota hai। woh garbha mein to aate nahin hain। saadhaaran tan mein aate hain। shreekrishna ki to 8 peedhi chalti hain। chhotepan mein unko mohan athva krishna kehte hain। jaise prince oph Wales hai, vaise pahle-pahle gaddi indraprastha ki - prince aaph indraprastha। phir woh prince se king hoga। krishna akshar nahin, mahaaraaja naam hi gaaya jaata hai। shri lakshmi-naaraayan ko mahaaraaja-mahaaraani kehte hain। king akshar angrejon ka hai, asul naam mahaaraaja-mahaaraani hai। aise nahin ki naaraayan ne gyaan diya tha। svayanvar baad shreekrishna phir shreenaaraayan bante hain। ab is gyaan saagar shiv ka naam to badalta nahin। ek hi naam hai। unka woh rath to bada hai। aane se hi gyaan sunaana shuru kar diya hai। yeh (brahma) to kuchh nahin jaante the। samajh mein aata hai inmen aaya hua hai, jo saakshaatkaar karaate hain। knowledge de rahe hain। yeh saakshaatkaar ka raaz athva yeh knowledge shuru mein pahle samajh mein nahin aati thi। baba apna anubhav batlaate hain - shuru mein banaaras gaye to deevaaron par gole aadi nikaalte rehte the। samajh mein kuchh bhi nahin aata tha - yeh kya hai? kyonki yeh to jaise baby ban gaye। naya janma liya na। kehte hain na - baba, ham 8-10 maas ka aapka bachcha hoon to main bhi bachcha ho gaya। to pahle kuchh samajh mein nahin aata tha। woh gyaan ki baaten hi aur thi। agdam-bagdam kya-kya baith nikaalte the। abhi to seekhte-seekhte kitne varsha ho gaye hain! abhi baap ki baaten samajh mein aati hain। bachchon ko krishna jayanti par samjhaana hai। chitra to barobar hain। jhaad mein brahma ka chitra bhi hai। makkhan to yeh hap kar lete hain। vishwa ke maalikapne ka maakhan hai। shreekrishna to satayug ki praalabdha lekarke aaya hai। shreekrishna hai satayug ka pahla prince phir unke bachche bhi prince banenge। yeh hai unki praalabdha jo kaliyug mein to thi nahin। to yeh sooryavanshi ki praalabdha kisne banaai? gaaya jaata hai - gyaan soorya pragta, agyaan andher vinaash। gyaan saagar to shivbaaba hai। woh aaye hain aur svarga ki sthaapna kar rahe hain। contrast batlaana hai। shreekrishna kaise garbha mein aaya। dikhaate hain - vahaan kans, jaraasandhi aadi the। parantu vahaan (satayug mein) asur to ho na saken। asuron aur devtaaon ki ladaai dikhaate hain। to zaroor asur kaliyug ant mein honge, devtaayen satayug aadi mein honge। donon ki ladaai to lagi nahin hai। mahaabhaarat ladaai barobar hai। devtaayen to yahaan ho na saken। asuron ki asuron mein ladaai chali hai। musalmaanon ka raajya bhi dekhte ho। barobar yaadav, kaurav, paandav bhi hain।

paandav hain nonviolence, yogbal vaale। yahaan to rakta ki nadiyaan bahti rehti hain। dushmani to hai na। partition mein rakta ki nadi achhi hi bahi thi na। bhaai-bhaai ki yuddha hui, bhaai-bhaai to hain na। ladaai unhon ki lagti hai, nahin to rakta ki nadi kaise bahe? yeh to ek-do ka khoon karte hain। talvaaren chalaate hain tab rakta ki nadi bahti hai। aur hai yeh sangam ka samay। rakta ki nadiyon baad phir ghi ki nadiyaan bahni hai। shreekrishna to chhota prince hai। phir unki bhi baith glaani ki hai। unko to gyaan saagar kah nahin sakte। devtaaon ki mahima to gaai jaati hai - sarvagun sampanna, maryaada purushottam... yeh mahima bachche ki nahin ho sakti। mahima hamesha raaja-raani ki chalti hai। woh phir lakshmi-naaraayan ko satayug mein aur krishna ko dvaapar mein le gaye hain। kitni badi bhool kar di hai! lakshmi-naaraayan ki chhotepan ki kahaani bhi koi bata nahin sakte। raam-seeta ki bhi kuchh na kuchh batlaate hain। krishna ki bhi ulti-sulti baat batlaate hain। kuchh to sulti kahaani bhi bataao। lakshmi-naaraayan ki to mahima gaai jaati hai - sarvagun sampanna, 16 kala sampanna, sampoorn nirvikaari, maryaada purushottam, ahinsa parmo dharma.....। achha, unhon ko raajya kisne diya? manushya ka naam sun moonjh jaate hain। lakshmi-naaraayan kahne se tum chale jaate ho satayug mein। yeh hai nar se naaraayan banne ki katha। shreekrishna banne ki katha nahin kehte, isko satya naaraayan ki katha kahenge। satya krishna ki katha nahin kaha jaata। sachcha baba gyaan saagar yeh katha sunaate hain। saare srishti ke aadi-madhya-ant ki katha hai। usmein shri lakshmi-naaraayan ki katha bhi aa jaati hai। unke 84 janmon ki katha dikhlaate hain। shri naaraayan ki katha se beda paar hua। barobar baap baith bachchon ko nar se naaraayan banne ki sachchi katha sunaate hain। shri naaraayan to bada hai na। svayanvar se pahle kaun the? kya lakshmi-naaraayan hi naam tha ya doosra aur koi naam tha? hain raadhe-krishna, jinka svayanvar baad lakshmi-naaraayan naam rakha hai। baba essay (nibandha) dete hain phir tumko vichaar saagar manthan karna chaahiye। pahle number ki bhool hai yeh। tum jaante ho abhi hai kaliyug। yaadav, kaurav, paandav bhi hain। kaliyug ka samay bhi hai। kaliyug ke baad zaroor satayug hoga। baap kehte hain - main guide ban aaya hoon, raavan ke chambe se chhudaae vaapis le jaane। aatmaon ko hi le jaaoonga।

gaaya jaata hai aatma-paramatma alag rahe bahukaal..... aise nahin ki krishna alag rahe bahukaal। mahima hi us niraakaar ki hai - sundar mela kar diya jab woh satguru mila dalaal। yahaan to sab guru hi hain। gaaya hua hai - satguru mila dalaal.... sat parampita paramatma dalaal ke roop mein milte hain। sauda dalaal dvaara hota hai। yeh bhi sagaai hoti hai। aatma aur paramatma alag hain। paramatma hai niraakaar woh aakar ismen pravesh kar tumhaari sagaai karte hain। khud dalaal bante hain। kehte hain mujh parampita paramatma ko yaad karo। is shareer mein baith kehte hain maamekam yaad karo। main tumko maaya raavan se liberate kar saath le jaaoogaan, tumko phir raajaai dekar main nirvaandhaam mein baith jaaoonga। krishna thode hi aise kahenge। yeh hai hi aatma aur paramatma। krishna to chhota bachcha hai। baaten to bahut hain samjhaane ki। to baba ne samjhaaya hai kaise ismen praveshta hui? phir samajhne laga - main raajaaon ka raaja banta hoon। vishnu ka saakshaatkaar hua aur dil mein bahut khushi hui। phir vinaash ka saakshaatkaar bhi hua। parantu itna samajh mein nahin aaya। abhi samajhte hain baba ne yeh saakshaatkaar karaaya - tum nar se naaraayan banenge। parantu us samay itni samajh nahin thi। jaise baba raat ko batla rahe the - pata nahin kya hota hai jo shivbaaba ko yaad karna bhool jaata hoon। aise to nahin baap jab pravesh karte hain tab samajhta hoon baba aaya hai, yaad rehti hai, baba chala jaata hai to bhool jaata hoon। point sunaate hain to feel hota hai - behad ka baap aakar sunaate hain। parantu main khud hi bhool jaata hoon। kya meri yaad se hi aata hai? aise kahen - main ghadi-ghadi yaad karta hoon। bhal aave ismen to sabka kalyaan hai। yaad hi mukhya ho jaati hai। aaye, na aaye, baap ko yaad zaroor karna hai। baba ne samjhaaya hai ki geeta jayanti ke baad hoti hai krishna jayanti। pahle hai shivjayanti phir geeta jayanti phir krishna jayanti। shiv to bada hai। phat se aaya aur geeta sunaai। chhota to nahin hai। in baaton par vichaar saagar manthan karna chaahiye - kaise ham samjhaayen?

pahle khyaal karo - shiv kisko kehte hain, jiski raatri manaai jaati hai। satayug hai shreekrishna ki raajdhaani। nar se naaraayan banne ki knowledge to zaroor father hi denge, woh knowledgeful hai। aur kisko knowledgeful nahin kaha jaata। god is knowledgeful, rachayita, beejroop hai। vahi drama ki knowledge sunaayenge। drama kab shuru hota hai aur phir kab poora hota hai, kisko pata hi nahin hai। satayug se kaliyug ant tak world ki history-geography kaise repeat hoti hai - yeh koi samjha nahin sakte। sunaave woh jo trikaaldarshi ho। trikaaldarshi to koi hai nahin, sivaae ek ke। vahi tumko trikaaldarshi banaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) master knowledgeful aur trikaaldarshi ban shreekrishna aur paramatma shiv ke mahaan antar ko spashta kar ghor andhiyaare se nikaalne ki seva karni hai।

2) baba jo essay (nibandha) dete hain us par vichaar saagar manthan karna hai। khyaal karna hai - kaise kisko samjhaayen।

vardaan:- buddhi ke chamatkaar dvaara aakaar mein saakaar ka anubhav karne vaale dilaaraam ke dilruba bhav

kai bachche aaye bhal peechhe hain lekin aakaar roop dvaara bhi anubhav saakaar roop ka karte hain। aise anubhav se bolte ki hamne saakaar mein paalna li hai aur ab bhi le rahe hain। to aakaar roop mein saakaar ka anubhav karna yeh buddhi ki lagan ka, sneh ka pratyaksha swaroop hai। yeh bhi buddhi ke chamatkaar ka saboot hai। aise bachche hi dilaaraam baap ke sameep dilaaraam ke dilruba hain jinke dil mein sada yahi geet bajta hai - vaah mera baba vaah।

slogan:- tyaagi aatma ke har karma va kadam mein saphalta samaai hui hai।