शनिवार 9 सितंबर 2023 की दैनिक मुरली

09-09-2023 praatahmurli om shanti "baapdaada"' madhuban

“meethe bachche - gyaan ko agni nahin kaha jaata, yog agni hai, yog mein rahne se hi tumhaare paap bhasma honge, tum svachchha gora ban jaayenge''

prashn:- kin bachchon ki buddhi roopi tarkas mein gyaan baan sada bhare rehte hain?

uttar:- jo roz padhaai achhi reeti padhte aur padhaate hain unki buddhi roopi tarkas mein gyaan vaan bhare rehte hain। vahi maat-pita ke samaan kaanton ko kali aur kaliyon ko phool banaane ki seva kar sakte hain। jo achhi tarah padhte aur padhaate hain vahi oonch pad paate hain।

geet:- kaun aaya mere man ke dvaare…

om shanti। bachchon ko om shanti ka arth to samjhaaya hua hai। om maana aham aatma। aham aatma kehti hai mera svadharma shant hai aur main shanti desh mein rahne vaali hoon। yahaan yeh organs milta hai to talkie banti hoon। inka (shareer ka) aadhaar le ham aatma karma karti hain। karma to karmendriyon se hi karenge na। aatma kehti hai yeh kaun hai, kahaan se aaya hai? unko ham yaad karte hain phir ghadi-ghadi bhool jaate hain kyonki is baap ki yaad mein kabhi baithe hi nahin hain। aur satsangon mein to saamne sannyaasi, vidvaan aadi baithe hote hain। woh ved, upnishad, raamaayan aadi hi sunaayenge। aatma ki buddhi mein shaastra hi yaad rehte hain। guru ko dekhne lag jaate hain। yahaan to tum jaante ho - parampita paramatma aate hain। hai woh bhi aatma, parantu woh supreme aatma hai jo aakar inmen pravesh karte hain। tum jaante ho parampita paramatma inmen baith hamko sahaj raajayog sikhlaate hain। tumhaari buddhi shaastron taraph va deh taraph nahin jaati। tumko apne ko ashareeri aatma nishchay karna hai। aatma hai first। aatma ke aadhaar se hi shareer chalta hai। aatma avinaashi hai। ham aatma behad ke baap se varsa lete hain। baap apna aur manushya srishti ke aadi-madhya-ant ka parichay baith dete hain। unko hi gyaan ka saagar kaha jaata hai। eeshvar aur unki rachna ka gyaan aur koi mein nahin hai। rishi-muni aadi sab beanta, beanta kehte aaye। rachta aur rachna beanta hai, ham nahin jaante। kaha jaata hai father shows san। baap apna parichay bachchon ko denge। bachche baap ka parichay auron ko denge। manushya to us baap ko na jaanne kaaran kah dete sarvavyaapi hai। ab tum bachchon ki dil mein baap ki yaad aai hai। aise nahin, tumhaare mein baap ne pravesh kiya hai। nahin, baap ki pahchaan mili hai। ab baap kehte hain mujhe yaad karo। aise nahin kehte main sarvavyaapi hoon। nahin, mujhe yaad karo to yog agni se tumhaare vikarma vinaash honge। baap to sarvashaktimaan hai na। unko yaad karne se vikarma vinaash hote hain। gyaan ko agni nahin kahenge। yog ko agni kaha jaata hai jisse paap bhasma hote hain। aur koi ki yaad se paap bhasma nahin hote hain।

yeh khel saara bhaarat par bana hua hai। bhaarat heere jaisa tha ant mein phir bhaarat kaudi jaisa banta hai। bhaarat mein heere javaahron ke mahal bante hain। somnaath ke mandir mein kitni milkiyat thi। bhaarat jaisa solvent koi dharma vaale ban nahin sakte। bhaaratvaasi mahaan sukhi the। tum bachchon ko ab yaad aai hai, 5 hajaar varsha ki baat hai athva Christ se teen hajaar varsha pahle tum bhaaratvaasi kitne saahookaar the। ab bilkul insolvent hain। government praja se karja leti rehti hai। yeh behad ka baap baith samjhaate hain।

tum shri shri shivbaaba ki mat par chalne se svarga ke shreshtha devi-devta banenge। yahaan tum aaye ho manushya se devta banne। ekoankaar, sat naam, karta purush.... yeh mahima saari us ek ki hi hai। unko kabhi kaal nahin khaata। vahi manushya se devta banaate hain। moot paleeti kapad dhote hain। tum aatmaon ko yog aur gyaan se saphed gora banaate hain। tumko lakshya milta hai ki shivbaaba ko yaad karo, isse tum bahut gore ban jaate ho। aatma aur shareer donon sundar ban jaayenge। asul mein tumhaara naam shyaam sundar hai। satayug mein shareer aur aatma donon sundar hain। kaliyug mein shyaam bante ho। sundar se shyaam phir shyaam se sundar bante ho।

tum jaante ho yeh koi guru gosaai nahin hai। yeh to paramdham mein rahne vaala parmapriy baba hai। kehte hain jab dharma glaani ho jaati hai, bhaaratvaasi dharma bhrashta, karma bhrashta ban jaate hain tab main aata hoon। yeh bhi drama ka khel hai। solvent aur insolvent bante hain। baap ko kaha jaata hai - knowledgeful gyaan ka saagar। jab bhakti poori ho tab to gyaan saagar aaye। gyaan anjan satguru diya agyaan andher vinaash। is samay sab kumbhakran vaali agyaan neend mein soye hue hain। kehte hain O god father parantu father ko jaante hi nahin। baap aakar samjhaate hain - ab apne ko aatma nishchay karo। aatma hi patit banti hai phir paavan banti hai। satayug mein paavan the phir 84 janma le patit bane hain। yeh bhi pahle nahin jaante the, ab jaante hain inke bahut janmon ke ant ka janma hai। sab baaton ka anubhvi hai। zaroor anubhvi tan chaahiye na। guru aadi kiye hue hain। shreekrishna ko thode hi guru-gosaai karne padte। yeh bhool-bhoolaiya ka khel hai। apni kalpanaayen baith banaai hain। tum brahman kul bhooshan oonch ho। tum ho eeshvareey santaan। yahaan tum yagya ki sachchi-sachchi seva karte ho। vaastav mein tum ho roohaani social worker, woh hain jismaani।

roohon ko hi baap padhaate hain। aatma padhti hai na। aatma sunti hai। aatma kehti hai main barrister bana hoon.. abhi aatma kehti hai ham so nar se naaraayan ban raha hoon। baba banaate hain। woh behad ka baba, sabka baba hai। woh hamko raajayog sikhlaate hain। woh hai niraakaar। brahma, vishnu, shankar ko bhagwan nahin kahenge। woh to devtaayen hain। brahma devtaae namah kaha jaata hai na। yeh saakaar jab sookshmavtanvaasi avyakt bante hain tab phir inhen devta kahenge। to yeh sab samajhne aur samjhaane ki baaten hain। din-pratidin guhya te guhya sunaate hain to woh bhi sunna chaahiye। agar kehte hain phursat nahin, sunenge nahin to naye-naye gyaan baan buddhi roopi tarkas mein kaise bharenge। jo achhi reeti padhkar padhaate hain, vahi oonch pad paayenge। baba-mama bhi padhkar aur padhaate hain na। to jo kaanton ko kaliyaan aur phool banaate rahenge, vahi oonch pad paayenge। yeh to bahut sahaj hai। ismen darna bhi nahin hai। bahut log kehte hain yeh to bada mushkil hai, asambhav hai। are, tab yeh lakshmi-naaraayan kaise bane! koi ko pata nahin hai। baap kehte hain mainne ismen pravesh kiya hai। isne poore 84 janma liye hain। yeh nahin jaanta hai, main bataata hoon - tum shreekrishnapuri ke maalik the। abhi woh past ho gaya to jaise svapna ho gaya। jisne jo act ki woh past ho gayi। tum brahmaanda, mool vatan, sookshm vatan ko, brahma, vishnu, shankar ki biography ko jaante ho। shivbaaba, lakshmi-naaraayan aadi sabki baayo-graaphi ko jaante ho। tumhaari buddhi mein saari knowledge hai। brahman varna hai sabse ooncha। choti braahmanon ki nishaani hai। braahmanon se oopar hai shivbaaba। brahman, devta, kshatriy, vaishya, shoodra। tum yeh chakra lagaate ho। ham so, so ham - yeh tumhaare se hi lagta hai। ham so shoodra the, phir ham so brahman bane hain, phir ham so devta banenge। kitni sahaj baat hai! baaki ham aatma so paramatma kehna, baap ko sarvavyaapi kehna, yeh to baap ki glaani hai। ab baap aaye hain, baap samjhaate hain yeh raavan tumhaara sabse jaasti puraana shatru hai। jisne tumko aisa patit kaudi jaisa banaaya hai। maaya jeete jagatjeet kaha jaata hai। maaya bade toofaan laati hai, bahut hairaan karti hai। ismen darna nahin hai। aise nahin, baba kripa karo। baap kahenge tum padhkar apne par aapehi kripa karo। aise nahin, hamaari kripa se aap chiranjeevi ban jaayenge। badi aayu vaale to devtaayen hi hote hain। tum yahaan school mein baithe ho। tum kahenge ham eeshvareey college mein jaate hain। svarga ka rachayita zaroor devi-devta hi banaayenge। bhagvaanuvaach - tumko apna aur saari srishti ke aadi-madhya-ant ka raaz samjhaata hoon। yeh duniya ka jo chakra hai, unko samajhna hai। is svadarshan chakra ko chalaane se tum chakravarti raaja-raani banenge। pavitra to zaroor banna hai। baap se pratigya karni hai। nahin to kaal ke munh mein chale jaayenge, phir itna oonch pad pa nahin sakenge। kaam chita se kaale ban padenge। gyaan chita par baithne se tum gore bante ho। bachchon ko gora banaana, yeh baap ka hi kaam hai, iske liye zaroor sangam par hi aana pade। yeh hai sabse uttam yug, jabki aatma aur paramatma ka mela lagta hai। niraakaar baap ne is shareer ka loan liya hai kyonki unko apna shareer to hai nahin। yeh gyaan chakshu sivaae us ek gyaaneshvar ke aur koi khol na sake। paavan aatmaayen jo bhi aati hain woh phir patit ban padti hain। sato, rajo, tamo mein to sabko aana hi hai। is samay sab patit hain aur sab yahaan hi hain। vaapis koi bhi gaye nahin hain। ab tum bachche vishwa ke maalik ban rahe ho। shivbaaba kehte hain main to nishkaami hoon, tumko vishwa ka maalik banaata hoon। mujhe phal ki koi ichchha nahin। to nishkaami hua na।

baba ne samjhaaya hai - yahaan apne ko aatma samajh ashareeri hokar baitho। abhi ham vaapis jaate hain phir svarga mein raajya karne aayenge। yeh shareer chhod ashareeri bankar jaana hai। shareer puraana hua hai। ab phir ham vaapis ghar jaate hain। kalpa-kalpa ham raajya lete hain phir ganvaate hain। baba to sukh-duhkh nahin dete hain। woh hai hi sadaiv sukh daata। baba ne samjhaaya hai yeh vinaash jvaala is roodra gyaan yagya se prajjavlit hui hai। bachchon ne saakshaatkaar bhi kiya hai। jis cheez ka saakshaatkaar kiya hai woh phir in aankhon se bhi dekhenge। jo divya drishti se dekha hai phir practical mein tum jaakar svarga mein viraajmaan honge। abhi tum shreekrishnapuri mein jaane ke liye purushaartha kar rahe ho। bhagwan aate hain bhakton ka kalyaan karne, gati sadgati karne। to tum bhagwan dvaara svarga ka varsa le rahe ho। gyaan aur bhakti do baaten hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) padhaai padhkar svayan par aapehi kripa karni hai। baap se kripa maangani nahin hai। shri shri ki shreemat par chalte rehna hai।

2) svadarshan chakradhaari ban maayaajeet jagatjeet banna hai। maaya se darna va ghabraana nahin hai। ashareeri hone ka abhyaas karna hai।

vardaan:- ek hi samay man-vaani aur karma dvaara saath-saath seva karne vaale saphalta sampanna bhav

jab bhi kisi sthaan ki seva shuru karte ho to ek hi samay par sarva prakaar ki seva karo। mansa mein shubh bhaavna, vaani mein baap se sambandh judvaane ki shubh kaamna ke shreshtha bol aur sambandh-samparka mein aane se sneh aur shanti ke swaroop se aakarshit karo। aise sarva prakaar ki seva saath-saath karne se saphalta sampanna banenge। seva ke har kadam mein saphalta samaai hui hai - isi nishchay ke aadhaar par seva karte chalo।

slogan:- shuddh sankalpon ko apne jeevan ka amoolya khajaana bana lo to vahi sankalp uthenge jismen apna aur doosron ka kalyaan samaaya hai।