सोमवार 23 अक्टूबर 2023 की दैनिक मुरली

23-10-2023 praatahmurli om shanti "baapdaada"' madhuban

“meethe bachche - ab manushyon dvaara mile hue mantra-jantra kaam mein nahin aane hain, isliye tum sabse apna buddhiyog tod ek baap ko yaad karo''

prashn:- bhakti ki kaun-si baat gyaan maarga mein nahin chal sakti hai?

uttar:- bhakti mein bhagwan se kripa athva aasheervaad maangate hain, gyaan maarga mein aasheervaad va kripa ki baat nahin। yeh padhaai hai, baap teacher bankar tumko padha rahe hain। takdeer ka aadhaar padhaai par hai। agar baap kripa kare to saara class hi paas ho jaae isliye gyaan maarga mein kripa va aasheervaad ki baat nahin। harek ko apna-apna purushaartha zaroor karna hai।

geet:- main ek nanha sa bachcha hoon…

om shanti। yeh hai bhakti maarga ke liye pukaar, chhote aur bade ki kyonki samjhaaya gaya hai bhakta to yagya, jap, tap aadi karte hain, samajhte hain inse paramatma se milne ka raasta milega। phir eeshvar ko sarvavyaapi kehna, main bhi unka roop hoon, mere mein bhi bhagwan hai, yeh kehna to jhooth hai na। woh koi duhkh sahan nahin karta। bhagwan to alag cheez hai na। yahi manushyon ki bhool hai jis kaaran duhkh bhog rahe hain। tumhaare mein bhi koi virle baap ko jaante hain। maaya ghadi-ghadi bhula deti hai। baap to baar-baar kehte hain, tumko shreemat dete hain ki apne ko aatma samjho aur mujh baap ko yaad karo। yeh hai shreshtha te shreshtha mat। baap ki shreemat se manushya nar se naaraayan, patit se paavan bante hain। is samay ke jo yeh patit manushya hain unhon ki shreshtha mat nahin hai। bhagwan ne bhi kaha hai ki yeh bhrashtaachaari aasuri sampradaay hai। baap kehte hain tumhaara devi-devta dharma bahut sukh dene vaala hai। tumne bahut sukh paaya hai, yeh bana-banaaya drama hai। aise nahin ki bhagwan ne kyon banaaya hai? yeh to anaadi drama hai na। gyaan maana din, bhakti maana raat। gyaan se ab tum svargavaasi ban rahe ho, bhakti se narkavaasi bane ho। parantu manushya pattharbuddhi hone kaaran samajhte nahin। krodh kitna bhaari hai। kitne bombs banaate rehte hain, samajhte hain vinaash zaroor hoga। to yeh bhrashtaachaari buddhi hui na। kaliyug ko kaha jaata hai raavan raajya। raavan hi bhrashtaachaari banaate hain। baap aakar ordinance nikaalte hain ki ab bhrashtaachaar banda karo। number one bhrashtaachaar hai ek-do ko patit banaana। yeh hai veshyaalay। kaliyugi bhaarat ko veshyaalay kaha jaata hai। sab vish se paida hone vaale hain। satayug ko kaha jaata hai shivaalay। shivbaaba ka sthaapan kiya hua pavitra bhaarat। lakshmi-naaraayan aadi ko kaha jaata hai sarvagun sampanna, 16 kala sampoorn, sampoorn nirvikaari… phir yeh prashn nahin uth sakta ki bachche kaise paida hote hain? jabki tum bachche yogbal se vishwa ke maalik ban sakte ho to yogbal se kya nahin ho sakta hai! baba kehte hain tum yogbal se shreemat par svarga ke maalik ban sakte ho to vahaan yogbal se bachche bhi paida honge। baahubal se saari srishti par raajya nahin kar sakte। unhon ka hai baahubal, tumhaara hai yogbal। tum sarvashaktimaan baap se yog lagaate ho। sarvashaktimaan baap khud kehte hain mujhe yaad karo to tumhaare vikarma vinaash honge। parantu koi ki buddhi mein thaharta nahin। usi samay haan-haan kehte hain phir bhool jaate hain।

barobar bhagwan behad ka baap raajayog sikhlaakar gyaan se hamaara shrringaar kar rahe hain। phir bhi buddhi mein nahin baithta hai to kahenge uski takdeer mein nahin hai isliye tadbeer nahin karte। teacher to sabko padhaate hain phir koi kitna padhte hain, koi naapaas ho jaate hain। teacher ko thode hi kahenge aasheervaad karo। padhaai mein aasheervaad, kripa aadi nahin chalti hai। gyaan maarga mein to baap tumko namaste karte hain। kripa va aasheervaad nahin maangani hai। baap ke paas bachcha aaya to woh maalik hi ban jaata hai। baap kehte hain yeh to maalik hai, kripa ki baat nahin। baap ki milkiyat so bachche ki ho gai। haan, baaki bachchon ko sudhaarna, woh phir teacher ka kaam hai। teacher kahenge padho। padhna tumhaara kaam hai। kripa kya karenge? guru ka bhi farja hai raasta bataana, sadgati maarga ka। aasheervaad ki baat nahin। yeh to ek hi baap, teacher, guru hai। teenon se kripa maangane ki baat nahin। besmajh manushyon ko baap baith samajh dete hain। yeh to unki aasheervaad hai hi। baaki us par chalna bachchon ka kaam hai। gaaya hua hai - shreemat bhagvaanuvaach। woh hai oonch te oonch to unki mat bhi oonch hogi na। shreemat se tum shreshtha devi-devta ban rahe ho nambarvaar purushaartha anusaar। tum bhi samajh sakte ho ham kitni marks se paas honge। school mein student samajh to sakte hain na - hamne poora padha nahin hai isliye ham naapaas honge। baap bhi register se samajh jaate hain yeh naapaas hoga। yeh bhi behad ka baap, teacher, guru ek hi hai। yeh bhi jaante hain, bachche bhi jaante hain ham padhte nahin। padhte nahin to zaroor kam pad hoga। yeh bhi purushaartha nahin karte ki achha ham teekha padhen। bhal kitna bhi maatha maarte hai, samjhaate hain to bhi kuchh karte nahin। shreemat par na chalne se kam pad paayenge। jo bachche bante hain woh dynasty mein to aa jaayenge। unmein bhi bahut pad hain na। daas-daasi bhi bante hain। bachche jaante hain padhenge, padhaayenge nahin to daas-daasi banenge। parantu woh bhi royal rehte hain। lakshmi-naaraayan ke heere javaahron ke mahal honge, to daas-daasiyaan bhi vahaan rahengi na। phir nambarvaar aage chal pad pa sakte hain। praja mein bhi nambarvaar hain। bhakti maarga mein manushya insure karte hain na। eeshvar arth daan dete hain। samjho koi ne hospital banaai hogi to doosre janma mein achhi nirogi kaaya milegi। alpakaal ke liye phal to milta hai na। koi ne paathshaala kholi hogi to doosre janma mein achha padhenge। dharmashaala kholi hogi to doosre janma mein rahne ke liye achha makaan milega। to yeh insure karna hua na। har ek apne ko insure karte hain। abhi tumhaara hai direct eeshvar ke saath। woh hai indirect, yeh hai direct insure karna। baba yeh sab kuchh aapka hi hai, ham trustee hain। inke badle mein aap humein 21 janma ke liye svaraajya de dena। yeh hua direct baap ko insure karna, 21janma liye। baap kehte hain apna bag-baggage sab satayug mein transfer kar do। jaise ladaai lagti hai to phir chhote-chhote raajaayen bade raajaaon ke paas apni milkiyat rakhte hain। phir ladaai jab poori ho jaati hai to phir badon se vaapis le lete hain। baba to in baaton ka anubhvi hai na। baap bhi jaante hain, yeh daada bhi jaante hain। samajhna chaahiye hamko daada dvaara baba se varsa milta hai। baap padhaate hain। heavenly god father woh baap hai, yeh nahin, yeh hai daada। pahle zaroor daade ka banna pade। baba, ham aapke hain, aapse ham varsa lenge। aur sab taraph se buddhiyog todna ismen mehnat hai।

baap kehte hain abhi aur guru aadi ke mantra koi bhi kaam mein nahin aayenge। koi bhi manushya maatra ka mantra abhi kaam nahin aayega। main tumko kehta hoon mujhe yaad karo to tumhaari vijay hai। tumhaare sir par paapon ka bojha bahut hai। ab mujhe yaad karo to vikarma vinaash honge। phir tumko svarga mein bhej doonga। pahle to yeh nishchay chaahiye na। nishchay nahin hai to baba buddhi ka taala bhi nahin kholta, dhaarna nahin hoti। baap ka bane to varse ka bhi hakdaar bane। buddhi mein baithta nahin hai। koi-koi naye bhi puraanon se teekhe chale jaate hain। baap to achhi reeti samjhaate hain। jitna jo padhenge utni kamaai hai। yeh god fatherly knowledge source aaph income hai। tum vishwa ka maalik bante ho, knowledge se। manushyon mein yeh gyaan thode hi hai। ab tum mere bachche aasuri sampradaay se daivi sampradaay, bhrashtaachaari se shreshthaachaari ban rahe ho। sivaae shreemat ke koi bhi shreshthaachaari ban nahin sakta। nahin to phir ant mein sajaayen khaakar vaapis jaayenge। bhal thoda-bahut jo sunte hain vo svarga mein aayenge parantu bilkul hi saadhaaran praja mein। martabe to nambarvaar hote hain na। vahaan aise gareeb nahin honge jo kisko roti nahin mile। yahaan jaise gareeb vahaan nahin hote। sukh sabko rehta hai। parantu aise nahin samajhna hai - achha, praja to praja hi sahi। yeh to kamjori hui na। pahle to pakka nishchay chaahiye। yeh niraakaar bhagvaanuvaach hai। bhagwan kehte hain mujhe manushya chola to nahin hai। mera naam hai shiv। baaki jo bhi devtaayen ya manushya hain, sabke shareer par naam hain, mera naam shareer par nahin hai। mujhe apna shareer hi nahin hai। shareerdhaari ko bhagwan nahin kaha jaata, manushya kaha jaata hai। manushya ko bhagwan maanne se hi bhaaratvaasi besmajh ban gaye hain। nahin to bhaaratvaasi bahut sayaane the। pahle bhaarat mein kapda aadi bahut refine achha banta tha। abhi to woh cheez ban nahin sakti। to svarga mein science bhi sukh ke liye hoti hai। yahaan to science sukh-duhkh donon ke liye hai। alpakaal ka sukh milta hai। duhkh to apaar hai। saari duniya khatma ho jaayegi to duhkh hua na। sab traahi-traahi karenge। vahaan to science se sukh hi sukh hota hai, duhkh ka naam nishaan nahin। yeh bhi jinki takdeer khulti hai vahi samajh sakte hain। takdeer mein sukh nahin hai to samajh nahin sakte। barrister bhi nambarvaar hote hain na। koi to ek-ek case ka 10-20 hajaar roopaya lete hain। koi barrister ko dekho to kot bhi pahanne ke liye nahin hoga। yahaan bhi aise hai na, ya to raajaaon ka raaja bante ya to paai paise ki praja bante hain। to baap baith bachchon ko samjhaate hain bhaarat hi is samay sabse gareeb hai, bhaarat hi phir saahookaar banta hai। daan hamesha gareebon ko diya jaata hai। dhanvaan itna utha nahin sakte hain। gareeb saadhaaran hi yeh gyaan uthaayenge। saahookaaron ko daan dena yeh law nahin hai। tum gareeb ho na। tumhaari mama sabse gareeb, woh phir vishwa ki mahaaraani banti hai। drama hi aisa bana hua hai। gareeb jaasti uthaate hain kyonki duhkhi hain na। saahookaar to bahut sukhi hain। woh to kehte hain hamko to yahaan hi svarga hai, motor-gaadiyaan, paisa aadi hai। jinko paisa nahin hai, narka mein hai unko aap gyaan do - aise bhi kehte hain। tumhaari hai ab god fatherly service। tum bhaarat ke sachche servant ho। woh social workers hain jismaani। manushyon ko thoda sukh dete hain। yeh to saari srishti ko saaph kar pavitra-sukhi bana dete hain। yeh tan-man-dhan se bhaarat ki seva kar rahe hain। achha।

meethe-meethe sikeeldhe bachchon prati maat-pita bapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apna puraana bag-baggage 21 janmon ke liye transfer karna hai, insure kar trustee ho sambhaalna hai।

2) nishchaybuddhi ban padhaai karni hai। gareebon ko gyaan daan dena hai। bhaarat ko pavitra banaane ki sachchi roohaani seva karni hai।

vardaan:- apne har karma aur bol dvaara chalte phirte har aatma ko shiksha dene vaale master shikshak bhav

jaise aajkal chalti-phirti library hoti hai, aise aap bhi chalte-phirte master shikshak ho। sada apne saamne student dekho, akele nahin ho, sada student ke saamne ho। sada study kar bhi rahe ho aur kara bhi rahe ho। yogya shikshak kabhi student ke aage albele nahin honge, attention rakhenge। aap sote ho, uthte ho, chalte ho, khaate ho, har samay samjho ham bade college mein baithe hain, student dekh rahe hain।

slogan:- aatma nishchay se apne sanskaaron ko sampoorn paavan banaana hi shreshtha yog hai।