शनिवार 4 नवंबर 2023 की दैनिक मुरली

04-11-2023 praatahmurli om shanti "baapdaada"' madhuban

“meethe bachche - paavan ban gati-sadgati ke laayak bano। patit aatma gati-sadgati ke laayak nahin। behad ka baap tumhein behad ka laayak banaate hain।

prashn:- pitaavrata kise kahenge? uski mukhya nishaani sunaao?

uttar:- pitaavrata woh hai jo baap ki shreemat par poora chalte hain, ashareeri banne ka abhyaas karte hain, avyabhichaari yaad mein rehte hain, aise sapoot bachche hi har baat ki dhaarna kar sakenge। unke khyaalaat service ke prati sada chalte rahenge। unka buddhi roopi bartan pavitra hota jaata hai। woh kabhi bhi faarakti nahin de sakte hain।

geet:- mujhko sahaara dene vaale…

om shanti। bachche shukriya maante hain nambarvaar purooshaartha anusaar। sab ek jaisi shukriya nahin maante, jo achhe nishchaybuddhi honge aur jo baap ki service par dil va jaan, sik va prem se upasthit hain, vo hi andar mein shukriya maante hain - baba kamaal hai aapki, ham to kuchh nahin jaante the। ham to laayak nahin the - aapse milne ke। so to barobar hai, maaya ne sabko na laayak bana diya hai। unko pata hi nahin hai ki svarga ka laayak kaun banaata hai aur phir narka ka laayak kaun banaate hain? woh to samajhte hain ki gati aur sadgati donon ka laayak banaate hain baap। nahin to vahaan ke laayak koi hain nahin। khud bhi kehte hain ham patit hain। yeh duniya hi patit hai। saadhu-santa aadi koi bhi baap ko nahin jaante। abhi baap ne tum bachchon ko apna parichay diya hai। kaayda bhi hai baap ko hi aakar parichay dena hai। yahaan hi aakar laayak banaana hai, paavan banaana hai। vahaan baithe agar paavan bana sakte to phir itne na laayak bante hi kyon?

tum bachchon mein bhi nambarvaar purooshaartha anusaar hi nishchaybuddhi hain। baap ka parichay kaise dena chaahiye - yeh bhi akla hona chaahiye। shivaae namah bhi zaroor hai। vahi maat-pita oonch te oonch hai। brahma, vishnu, shankar to rachna hain। unko create karne vaala zaroor baap hoga, maa bhi honi chaahiye। sabka god father to ek hai zaroor। niraakaar ko hi god kaha jaata hai। creator hamesha ek hi hota hai। pahle-pahle to parichay dena pade alpha ka। yeh yuktiyukta parichay kaise diya jaae - woh bhi samajhna hai। bhagwan hi gyaan ka saagar hai, usne hi aakar raajayog sikhaaya। woh bhagwan kaun hai? pahle alpha ki pahchaan deni hai। baap bhi niraakaar hai, aatma bhi niraakaar hai। woh niraakaar baap aakar bachchon ko varsa dete hain। kisi ke dvaara to samjhaayenge na। nahin to raajaaon ka raaja kaise banaaya? satayugi raajya kisne sthaapan kiya? heaven ka rachayita kaun hai? zaroor heavenly god father hi hoga। woh niraakaar hona chaahiye। pahle-pahle father ki pahchaan deni padti hai। shreekrishna ko aur brahma, vishnu, shankar ko father nahin kahenge। unko to racha jaata hai। jab sookshm vatan vaalon ko bhi racha jaata hai, woh bhi creation hai phir sthool vatan vaalon ko bhagwan kaise kahenge। gaaya jaata hai devtaae namah, woh hai shivaae namah, mukhya hai hi yeh baat। ab pradarshani mein to ghadi-ghadi ek baat nahin samjhaayenge। yeh to ek-ek ko achhi reeti samjhaana pade। nishchay karaana pade। jo bhi aaye, unko pahle yeh bataana hai ki aao to tumko father ka saakshaatkaar karaayen। father se hi tumko varsa milna hai। father ne hi geeta mein raajayog sikhaaya hai। shreekrishna ne nahin sikhaaya। baap hi geeta ke bhagwan hain। number one baat hai yeh। shreekrishna bhagvaanuvaach nahin hai। roodra bhagvaanuvaach va somnaath, shiv bhagvaanuvaach kaha jaata hai। har ek manushya ki jeevan kahaani apni-apni hai। ek na mile doosre se। to jo bhi aaye to pahle-pahle is baat par samjhaana hai। mool baat samjhaane ki yeh hai। parampita paramatma ka occupation yeh hai। woh baap hai, yeh bachcha hai। woh heavenly god father hai, yeh heavenly prince hai। yeh bilkul clear kar samjhaana hai। mukhya hai geeta, unke aadhaar par hi aur shaastra hain। sarvashaastramai shiromni bhagvat geeta hai। manushya kehte hain tum shaastra, ved aadi ko maante ho? are, har ek apne dharma shaastra ko maanenge। sabhi shaastron ko thode hi maanenge। haan, sab shaastra hain zaroor। parantu shaastron ko jaanne se bhi pahle mukhya baat hai baap ko jaanna, jisse varsa milna hai। varsa shaastron se nahin milega, varsa milta hai baap se। baap jo knowledge dete hain, varsa dete hain, uska pustak bana hua hai। pahle-pahle to geeta ko uthaana pade। geeta ka bhagwan kaun hai? usmein hi raajayog ki baat aati hai। raajayog zaroor nai duniya ke liye hi hoga। bhagwan aakar patit to nahin banaayenge। unko to paavan mahaaraaja banaana hai। pahle-pahle baap ka parichay de aur yeh likhaao - barobar main nishchay karta hoon yeh hamaara baap hai। pahle-pahle samjhaana hai shivaae namah, tum maat-pita… mahima bhi us baap ki hi hai। bhagwan ko bhakti ka phal bhi yahaan aakar dena hai। bhakti ka phal kya hai, yeh tum samajh gaye ho। jisne bahut bhakti ki hai, unko hi phal milega। yeh baaten koi shaastron mein nahin hain। tumhaare mein bhi nambarvaar purooshaartha anusaar jaante hain। samjhaaya jaata hai tumhaare behad ke maa-baap woh hain। jagat amba, jagat pita bhi gaaye jaate hain। Adam aur Eve to manushya ko samajhte hain। Eve ko mother kah dete। right-ve mein Eve kaun hai, yeh to koi nahin jaante। baap baith samjhaate hain। haan, koi phat se to nahin samajh jaayega। padhaai mein time lagta hai। padhte-padhte aakar barrister ban jaate hain। em object zaroor hai, devta banna hai to pahle-pahle baap ka parichay dena hai। gaate bhi hain tum maat-pita..... aur doosra phir kehte hain patit-paavan aao। to patit duniya aur paavan duniya kisko kaha jaata hai, kya kaliyug abhi 40 hajaar varsha aur rahega? achha, bhala paavan banaane vaala to woh ek baap hai na। heaven sthaapan karne vaala hai god father। shreekrishna to ho na sake, woh to varsa liya hua hai। woh shreekrishna heaven ka prince hai aur shivbaaba heaven ka creator hai। woh hai creation, first prince। yeh bhi clear kar bade-bade aksharon mein likhna chaahiye to tumko samjhaane mein sahaj hoga। rachayita aur rachna ka maaloom pad jaayega। creator hi knowledgeful hai। vahi raajayog sikhlaate hain। woh koi raaja nahin hai, woh raajayog sikhlaae raajaaon ka raaja banaate hain। bhagwan ne raajayog sikhaaya hai, shreekrishna ne raajya pad paaya hai, usne hi ganvaaya hai, usko hi phir paana hai। chitron dvaara bahut achha samjhaaya ja sakta hai। baap ka occupation zaroor chaahiye। shreekrishna ka naam daalne se bhaarat kaudi jaisa ban gaya hai। shivbaaba ko jaanne se bhaarat heere jaisa banta hai। parantu jab buddhi mein baithe ki yeh hamaara baap hai। baap ne hi pahle-pahle nai svarga ki duniya rachi। abhi to puraani duniya hai। geeta mein hai raajayog। vilaayat vaale bhi chaahte hain raajayog seekhen। geeta se hi seekhe hain। abhi tum jaan gaye ho, koshish karte ho auron ko bhi samjhaayen ki father kaun hai? woh sarvavyaapi nahin hai। agar sarvavyaapi hai to phir raajayog kaise sikhlaayenge? is mistake par khoob khyaal chalna chaahiye। jo service par tatpar honge unke hi khyaalaat chalenge। dhaarna bhi tab hogi jab baap ki shreemat par chalenge, ashareeri bhav, manamnaabhav ho rahen, pativrata va pitaavrata banen athva sapoot bachcha banen।

baap farmaan karte hain jitna ho sake yaad ko badhaate raho। deh-abhimaan mein aane se tum yaad nahin karte, na buddhi pavitra hoti hai। sherni ke doodh ke liye kehte hain sone ka bartan chaahiye। ismen bhi pitaavrata bartan chaahiye। avyabhichaari pitaavrata bahut thode hain। koi to bilkul jaante nahin। jaise chhote bachche hain। baithe bhal yahaan hain parantu kuchh bhi samajhte nahin। jaise bachche ko chhotepan mein hi shaadi kara dete hain na। god mein bachcha le shaadi karaai jaati hai। ek-do mein dosta hote hain। bahut prem hota hai to jhat shaadi kara dete hain to yeh bhi aise hai। sagaai kar li hai parantu samajhte kuchh bhi nahin। ham mama-baba ke bane hain, unse varsa lena hai। kuchh bhi nahin jaante। wonder hai na। 5-6 varsha rahkar bhi phir baap ko athva pati ko faarakti de dete hain। maaya itna tang karti hai।

to pahle-pahle sunaana chaahiye - shivaae namah। brahma, vishnu, shankar ka bhi rachayita yeh hai। gyaan ka saagar yeh shiv hai। to ab kya karna chaahiye? trimoorti ke baaju mein jagah padi hai, us par likhna chaahiye ki shivbaaba aur shreekrishna donon ke occupation hi alag hain। pahli baat yeh jab samjhaao tab kapaat khulen। aur padhaai hai bhavishya ke liye। aisi padhaai koi hoti nahin। shaastron se yeh anubhav nahin ho sakta। tumhaari buddhi mein hai ki ham padhte hain satayug aadi ke liye। school poora hoga aur hamaara final paper hoga। jaakar raajya karenge। geeta sunaane vaale aisi baaten samjha nahin sakte। pahle to baap ko jaanna hai। baap se varsa lena hai। baap hi trikaaldarshi hain, aur koi manushya duniya mein trikaaldarshi nahin। vaastav mein jo poojya hain vahi phir pujaari bante hain। bhakti bhi tumne ki hai, aur koi nahin jaante। jinhonne bhakti ki hai vahi pahle number mein brahma phir brahma mukh vanshaavli hain। aapehi poojya bhi yeh bante hain। pahle number mein poojya hi phir pahle number mein pujaari banen hain, phir poojya banenge। bhakti ka phal bhi pahle unhein milega। brahman hi padhkar phir devta bante hain - yeh kahaan likha hua nahin hai। bheeshma pitaamah aadi ko maaloom to pada hai na ki inhon se gyaan baan marvaane vaala koi aur hai। yeh samjhenge zaroor ki koi taakat hai। abhi bhi kehte hain koi taakat hai jo inhon ko sikhaati hai।

baba dekhte hain yeh sab mere bachche hain। in aankhon se hi dekhenge। jaise pitra (shraaddha) khilaate hain to aatma aati hai aur dekhti hai - yeh phalaane hain। khaayega to aankhe aadi unke jaisi ban jaayengi। tempory loan lete hain। yeh bhaarat mein hi hota hai। praacheen bhaarat mein pahle-pahle raadhe-krishna hue। unhon ko janma dene vaale oonch nahin gine jaayenge। woh to kam paas hue hain na। mahima shuru hoti hai shreekrishna se। raadhe-krishna donon apni-apni raajdhaani mein aate hain। unhon ke maa-baap se bachche ka naam jaasti hai। kitni wonderful baaten hain। gupta khushi rehti hai। baap kehte hain main saadhaaran tan mein hi aata hoon। itna maataaon ka jhunda sambhaalna hai isliye saadhaaran tan liya hai, jisse kharcha chalta raha। shivbaaba ka bhandaara hai। bhola bhandaari, avinaashi gyaan ratnon ka bhi hai aur phir adopted bachche hain, unhon ki bhi sambhaal hoti aati hai। yeh to bachche hi jaane।

pahle-pahle jab shuru karo to bolo shiv bhagvaanuvaach - woh sabka rachayita hai phir shreekrishna ko gyaan saagar, god father kaise kah sakte? likhat aisi clear ho jo padhne se achhi reeti buddhi mein baithe। koi-koi ko to do teen varsha lagte hain samajhne mein। bhagwan ko aakar bhakti ka phal dena hai। brahma dvaara baap ne yagya racha। braahmanon ko padhaaya, brahman se devta banaaya। phir neeche aana hi hai। badi achhi samjhaani hai। pahle yeh siddhakar bataana hai - shreekrishna heavenly prince hai, heavenly god father nahin। sarvavyaapi ke gyaan se bilkul hi tamopradhaan ban gaye hain। jisne baadshaahi di, unko bhool gaye hain। kalpa-kalpa baba raajya dete hain aur ham phir baba ko bhool jaate hain। bada wonder lagta hai। saara din khushi mein naachna chaahiye। baba hamko vishwa ka maalik banaate hain। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) avyabhichaari pitaavrata ho rehna hai। yaad ko badhaate buddhi ko pavitra banaana hai।

2) baap ka yuktiyukta parichay dene ki vidhi nikaalni hai। vichaar saagar manthan kar alpha ko siddha karna hai। nishchay-buddhi ban seva karni hai।

vardaan:- sva-parivartan dvaara vishwa parivartan ke nimitta banne vaale shreshtha sevaadhaari bhav

aap bachchon ne sva parivartan se vishwa parivartan karne ka contract liya hai। sva-parivartan hi vishwa parivartan ka aadhaar hai। bina sva-parivartan ke koi bhi aatma prati kitni bhi mehnat karo, parivartan nahin ho sakta kyonki aajkal ke samay mein sirf sunne se nahin badalte lekin dekhne se badalte hain। kai bandhan daalne vaale bhi jeevan ka parivartan dekhkar badal jaate hain। to karke dikhaana, badalkar dikhaana hi shreshtha sevaadhaari banna hai।

slogan:- samay, sankalp aur bol ki energy ko vesta se best mein change kar do to shaktishaali ban jaayenge।