सोमवार 6 नवंबर 2023 की दैनिक मुरली

06-11-2023 praatahmurli om shanti "baapdaada"' madhuban

“meethe bachche - dehi-abhimaani banne mein hi tumhaari safety hai, tum shreemat par roohaani service mein lag jaao, to deh-abhimaan roopi dushman vaar nahin karega''

prashn:- vikarmon ka bojh sir par hai, uski nishaani kya hogi? use halka karne ki vidhi sunaao?

uttar:- jab tak vikarmon ka bojh hai tab tak gyaan ki dhaarna nahin ho sakti। karma aise kie hue hain jo baar-baar vighna daalte hain, aage badhne nahin dete hain। is bojh se halka hone ke liye neend ko jeetne vaale nidraajeet bano। raat ko jaagkar baba ko yaad karo to bojh halka ho jaayega।

geet:- maata O maata…

om shanti। yeh hui jagat amba ki mahima kyonki yeh hai nai rachna। ekdam nai rachna to hoti nahin hai। puraani se nai hoti hai। mrityulok se amarlok jaana hai। yeh jaise jeene aur marne ka savaal hai ya to mrityulok mein markar khatma hona hai ya to jeete ji markar amarlok mein chalna hai। jagat ki maa maana jagat ko rachne vaali। yeh zaroor hai baap svarga ka rachayita hai, rachna rachte hain brahma dvaara। baap kehte hain main sooryavanshi-chandravanshi raajdhaani sthaapan karta hoon। aana hai sangam par। kehte bhi hain kalpa ke sangamayuge, har sangamayuge aata hoon। clear samjhaani hai। sirf manushyon ne bhool kar naam badli kar diya hai। sarvavyaapi ka gyaan jo sunaate hain, usmein poochhna padta hai yeh kisne kaha, kab kaha, kahaan likha hua hai? achha, geeta ka bhagwan kaun hai, jo aise kehte hain? shreekrishna to dehdhaari hai, woh to sarvavyaapi ho nahin sakta। shreekrishna ka naam badal jaae to baat aa jaati hai baap par। baap ko to varsa dena hai। kehte hain main raajayog sikhaata hoon - sooryavanshi-chandravanshi ka varsa dene। nahin to 21 janma ka varsa unhein kisne diya? likha bhi hua hai brahma mukh se brahman rache। phir braahmanon ko baith knowledge sunaate hain srishti ke aadi, madhya, ant ki। to jo knowledge dene vaala hai woh zaroor chitra bhi banaayenge samjhaane liye। vaastav mein ismen koi likhne-padhne ki baat nahin hai। parantu yeh sahaj kar samjhaane liye chitra banaaye hue hain। inse bahut kaam ho sakta hai। to jagat amba ki bhi mahima hai। shiv shakti bhi kaha jaata hai। shakti kisse milti hai? world almighty baap se। ‘world almighty authority' yeh akshar bhi mahima mein dena pade। authority maana jo bhi shaastron aadi ki knowledge hai, woh sab jaante hain। authority hai samjhaane ki। brahma ke haath mein shaastra bhi dikhaate hain aur kehte hain brahma mukh kamal dvaara sabhi ved-shaastron ka raaz samjhaate hain। to authority hui na। tum bachchon ko sabhi ved-shaastron ka raaz samjhaate hain, duniya nahin jaanti ki dharma shaastra kisko kaha jaata hai। kaha bhi jaata hai 4 dharma। unmein bhi ek dharma hai mukhya। yeh hai foundation। banyan tree ka misaal bhi diya jaata hai। inka foundation sad gaya hai। baaki taal-taaliyaan khadi hain, yeh misaal hai। duniya mein jhaad to bahut hain। satayug mein bhi jhaad to honge na। karke jangal nahin, bageeche honge। kaam ki cheezon liye jangal bhi honge। lakda aadi to chaahiye na। jangal mein bhi pashu-panchhi bahut rehte hain। parantu vahaan sab cheezen achhi phaldaayak hoti hain। pashu-panchhi bhi shobha hain, parantu gand karne vaale nahin honge। yeh pashu-panchhi beauty to chaahiye na। srishti hi satopradhaan hai to sab cheejen satopradhaan hoti hain। bahishta phir to kya! pahli-pahli mukhya baat - baap se varsa lena hai। chitra bante rehte hain, unmein bhi likhna hai brahma dvaara sthaapna, vishnu dvaara paalna… yeh akshar manushya samajhte nahin isliye vishnu ke do roop lakshmi-naaraayan hain paalna karne vaale। yeh to samajhte hain। koton mein koi hi samjhenge। phir yeh likha hai aashcharyavat sunanti, kathanti… nambarvaar purooshaartha anusaar apna pad praapta karte hain। kahaan na kahaan yeh baaten likhi hui hain। bhagvaanuvaach akshar bhi theek hai। bhagwan ki biography agar bigad jaae to sab shaastra khandan ho jaayen। dekhne mein aata hai baap din-pratidin achhi-achhi points dete rehte hain। pahle-pahle to nishchay karaana hai ki bhagwan gyaan ka saagar hai, manushya srishti ka beejroop hai। chaitanya beej mein knowledge kiski hogi? zaroor jhaad ki hogi। to baap aakar knowledge samjhaate hain brahma dvaara। brahmaakumaar-kumaariyaan naam achha hai। prajaapita brahma ke kumaar-kumaariyaan to dher hain। ismen andhashradha ki koi baat nahin। yeh to rachna hai na। baba-mama athva tum maat-pita sab kehte hain। jagat amba sarasvati hai brahma ki beti। yeh to practical mein bi.ke. hai। kalpa pahle bhi brahma dvaara nai srishti rachi thi, ab phir zaroor brahma dvaara hi rachna hogi। srishti ke aadi-madhya-ant ka raaz baap hi samjhaate hain isliye inko knowledgeful kaha jaata। beej mein zaroor poore vriksha ki knowledge hogi। unki rachna chaitanya manushya srishti hai। baap raajayog bhi sikhlaate hain। parampita paramatma brahma dvaara braahmanon ko baith sikhlaate hain jo brahman phir devta bante hain। sunne samay maja to sabko bahut aata hai, parantu deh-abhimaan ke kaaran dhaarna nahin hoti। yahaan se baahar gaye aur khalaas। anek prakaar ka deh-abhimaan hai। ismen badi mehnat chaahiye।

baap kehte hain neend ko jeetne vaale bano। deh-abhimaan chhodo, dehi-abhimaani bano। raat ko jaagkar yaad karna hai kyonki tumhaare sir par janma-janmaantar ke vikarmon ka bojha bahut hai jo tumko dhaarna karne nahin dete hain। karma aise kiye hue hain, is kaaran dehi-abhimaani nahin bante। gapode bahut maarte hain, bade gapode ka chart likh bhejte hain ki ham 75 percent yaad mein rehte hain। parantu baba kehte hain - impossible hai। sabse aage chalne vaala khud kehta hai - kitni bhi koshish karta hoon yaad karne ki parantu maaya bhula deti hai। sachcha chart likhna chaahiye। baba bhi batlaate hain na, to bachchon ko bhi follow karna chaahiye। follow nahin karte to chart bhi nahin bhejte hain। purooshaartha ke liye samay mila hua hai। yeh dhaarna koi maasi ka ghar nahin। ismen thakna nahin hota hai। koi samajhne mein time lete hain, aaj nahin to kal samajh lenge। baba ne kah diya ki jo devi-devta dharma ka hoga aur dharma mein convert ho gaya hoga to woh aa jaayega। ek din Africans aadi ki bhi conference hogi। bhaarat khanda mein aate rahenge। aage kabhi aate nahin the। abhi sabhi bade-bade aate rehte hain। jarmani ka prince aadi yeh sab kabhi baahar nikalte nahin the। nepaal ka jo king tha usne kabhi rail dekhi nahin thi, apni had se baahar kahaan jaane ka hukm nahin tha, pope kabhi baahar nahin nikla tha, abhi aaya। aayenge sab kyonki yeh bhaarat sabhi dharma vaalon ka bahut bade te bada teertha hai isliye yeh advertise jor se niklegi। tumko sab dharma vaalon ko batlaana hai, nimantran dena hai। gyaan phir bhi vahi uthaayenge jo devi-devta dharma vaale convert ho gaye hain, ismen samajh chaahiye। agar samjhen to shankh dhvani zaroor karen। ham brahman hain na, hamko geeta hi sunaani hai। bahut sahaj hai, behad ka baap hai svarga ka rachayita। unse varsa paana hamaara hak hai, sabka hak hai apne piyar ghar (muktidhaam) mein jaane ka। mukti-jeevanmukti ka hak hai। jeevanmukti sabko milni hai। jeevanbandha se mukta ho shant mein jaate hain phir jab aate hain to jeevanmukta hain। parantu sabko satayug mein to jeevanmukti nahin milti। satayug mein jeevanmukti mein the devi-devta। peechhe jo aate hain kam sukh, kam duhkh paate hain। yeh hisaab-kitaab hai। sabse kangaal bhaarat hi bana hai, jo sabse oonch tha। baap bhi kehte hain - yeh devi-devta dharma bahut sukh dene vaala hai। yeh bani banaai hai, sab apne-apne samay par apna-apna part bajaate hain। heavenly god father hi heaven sthaapan karte hain aur koi kar na sake। Christ se 3 hajaar varsha pahle barobar kehte hain heaven tha, nai duniya thi। Christ koi vahaan thode hi aayega। woh apne samay par hi aata hai। phir unko apna part repeat karna hai। yeh sab buddhi mein baithe to shreemat par chalen। sabki buddhi ek jaisi nahin hai। shreemat par chalne ki himmat chaahiye। phir shivbaaba aap jo khilaao, jo pahnaao… brahma aur jagat amba dvaara। brahma dvaara hi sab kuchh karenge na। to donon combined hain। brahma dvaara hi kartavya karenge। shareer to do ikatthe nahin hain। koi-koi combined shareer bhi dekha hai baba ne। soul to donon ki alag-alag ho gayi। ismen baba pravesh karte hain, woh hai knowledgeful। to knowledge kis dvaara de? shreekrishna ka chitra to alag hai। yahaan to brahma chaahiye। practical mein brahmaakumaar-kumaariyaan kitne hain, yeh koi andhashradha to nahin hai। adopted children ko bhagwan padhaate hain। kalpa pahle jo adopt hue hain vahi ab hote hain। baahar office mein to koi nahin kahenge ham bi.ke. hain। yeh gupta ho gaya। shivbaaba ki santaan to hain hi। baaki rachna nai srishti ki rachni hoti hai। puraani se naya banaate hain। aatma mein khaad padne se puraani ho jaati hai। sone mein hi khaad padti hai to phir jhootha ho jaata hai। aatma jhoothi hoti hai to shareer bhi jhootha ho jaata hai, phir sachcha kaise ho? jhoothi cheez ko aag mein daalte hain, pavitra karne ke liye। to kitna bada vinaash hota hai। yeh tyohaar aadi bhi sab bhaarat ke hain। yeh kiske aur kab ke hain, koi jaante nahin। knowledge bahut kam utha sakte hain। pichhaadi mein karke raajaai mili, usse kya? bahut thoda sukh hua na। duhkh to aahiste-aahiste shuru ho jaata isliye achhi reeti purooshaartha karna hai। kitne naye bachche teekhe ho gaye hain। puraane attention nahin dete। deh-abhimaan bahut hai, service karne vaala hi dil par chadhega। kaha jaata hai na andar ek, baahar doosra। baba andar se pyaar achhe-achhe bachchon ko karenge। koi baahar se achhe, andar se kharaab hote hain। koi service nahin karte, andhon ki laathi nahin bante। abhi marne-jeene ka savaal hai। amarpuri mein oonch pad paana hai। maaloom padta hai, kis-kis ne kalpa pahle purooshaartha kar oonch pad paaya hai, woh sab dekhne mein aata hai। jitna-jitna dehi-abhimaani banenge utna safety mein chalte rahenge। deh-abhimaan hara deta hai। baap to kahenge - shreemat par jitna roohaani service mein chal sako utna achha hai। sabko baba samjhaate hain। chitron par samjhaana bahut sahaj hai। brahmaakumaar-kumaariyaan to sab hain, woh shivbaaba hai bada baba। phir nai srishti rachte hain। gaate bhi hain manushya se devta… sikkha dharma vaale bhi us bhagwan ki mahima karte, guru naanak ke akshar bahut achhe hain। jap saaheb ko to sukh milega। yeh hai tanta (saar), sachche saaheb ko yaad karenge to sukh paayenge arthaat varsa milega। maante to hain ekoankaar… aatma ko koi kaal nahin kha sakta। aatma maili hoti, baaki vinaash nahin hoti isliye akaal moorta kehte hain। baap samjhaate hain main akaal moorta hoon to aatmaayen bhi avinaashi hain। haan baaki punarjanma mein aati hain। ham ekras hain। saaph batlaate hain - main gyaan ka saagar hoon, roop-basanta bhi hoon। to yeh baaten samajhkar samjhaani hai। andhon ki laathi banna hai। jeeydaan dena hai। phir kabhi akaale mrityu nahin hoga। tum kaal par vijay paate ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shreemat par roohaani service karni hai। andhon ki laathi banna hai। shankhadhvani zaroor karni hai।

2) dehi-abhimaani banne ke liye yaad ka chart rakhna hai। raat ko jaagkar khaas yaad karna hai। yaad mein thakna nahin hai।

vardaan:- sada apni shreshtha shaan mein rah pareshaaniyon ko mitaane vaale master sarvashaktimaan bhav

sada yeh vardaan smriti mein rahe ki ham apni shreshtha shaan mein rahne vaale auron ki bhi pareshaani ko mitaane vaale master sarvashaktimaan hain। kamjor nahin। shreshtha shaan ke takhtansheen hain। jo akaaltakhtansheen, baap ke dil takhtansheen shreshtha shaan mein rahne vaale hain, ve svapna mein bhi kabhi pareshaan nahin ho sakte। koi kitna bhi pareshaan kare lekin apni shreshtha shaan mein hi rehte hain।

slogan:- sada apne svamaan mein raho to sarva ka maan milta rahega।