मंगलवार 14 नवंबर 2023 की दैनिक मुरली

14-11-2023 praatahmurli om shanti "baapdaada"' madhuban

“meethe bachche - manushya ko devta banaane ki service mein vighna zaroor padenge। tumhein takleeph sahan karke bhi is service par tatpar rehna hai, merciful banna hai''

prashn:- jise antim janma ki smriti rehti hai uski nishaani kya hogi?

uttar:- unki buddhi mein rahega ki ab is duniya mein doosra janma humein nahin lena hai aur na to doosron ko janma dena hai। yeh paap aatmaon ki duniya hai, iski vriddhi ab nahin chaahiye। ise vinaash hona hai। ham in puraane vastron ko utaar apne ghar jaayenge। ab naatak poora hua।

geet:- nai umar ki kaliyaan…

om shanti। baap baith bachchon ko samjhaate hain ki tum bachchon ko harek ki jyoti jagaani hai। yeh tumhaari buddhi mein hai। baap ko bhi behad ka khyaal rehta hai ki jo bhi manushya maatra hain, unko mukti ka raasta bataayen। baap aate hi hain - bachchon ki service karne, duhkh se liberate karne। manushya samajhte nahin hain ki yeh duhkh hai to sukh ka bhi koi sthaan hai। yeh jaante nahin। shaastron mein sukh ke sthaan ko bhi duhkh ka sthaan bana diya hai। ab baap hai merciful। manushya to yeh bhi nahin jaante ki ham duhkhi hain kyonki sukh ka aur sukh dene vaale ka pata hi nahin hai। yeh bhi drama ki bhaavi। sukh kisko kehte hain, duhkh kisko kehte - yeh jaante nahin। eeshvar ke liye kah dete ki vahi sukh-duhkh dete hain। goya us par kalank lagaate hain। eeshvar, jinko baap kehte hain, unko jaante hi nahin। baap kehte hain ki main bachchon ko sukh hi deta hoon। tum ab jaante ho baba aaya hai patiton ko paavan banaane। kehte hain main sabko le jaaoonga sweet hom। woh sweet hom bhi paavan hai। vahaan koi patit aatma rehti nahin। us thikaane ko koi jaante nahin। kehte hain ki phalaana paar nirvaan gaya। parantu samajhte nahin। buddha paar nirvaan gaya to zaroor vahaan ka rahne vaala tha। vahaan hi gaya। achha, woh to gaya baaki doosre kaise jaayen? saath to koi ko le nahin gaya। vaastav mein woh jaate nahin isliye sab patit-paavan baap ko yaad karte hain। paavan duniya do hain, ek muktidhaam, doosra jeevanmuktidhaam। shivpuri aur vishnupuri। yeh hai raavan puri। parampita paramatma ko raam bhi kehte hain। raamraajya kaha jaata hai, to buddhi paramatma ki taraph chali jaati hai। manushya ko to sab paramatma maanenge nahin। to tumko taras padta hai। takleeph to sahan karni pade।

baba kehte - meethe bachche, manushya ko devta banaane mein is gyaan yagya mein vighna bahut hi padenge। geeta ke bhagwan ne gaali khaai thi na। gaaliyaan unko bhi aur tumko bhi milti hain। kehte hain na ki isne shaayad chauth ka chandrama dekha hoga। yeh sab hain danta kathaayen। duniya mein to kitna ganda hai। manushya kya-kya khaate hain, jaanavron ko maarte hain, kya-kya karte hain! baap aakar in sab baaton se chhuda dete hain। duniya mein maaraamaari kitni hai। tumhaare liye baap kitna sahaj kar dete hain। baap kehte hain ki tum sirf mujhe yaad karo to vikarma vinaash ho jaayenge। sabko ek hi baat samjhaao। baap kehte hain apne shantidham aur sukhdhaam ko yaad karo। tum asul vahaan ke rahvaasi ho। sanyaasi log bhi vahaan ke liye hi raasta bataate hain। agar ek nirvaandhaam chala gaya to phir doosre ko kaise le jaayenge? unko kaun le jaayega? samjho, buddha nirvaandhaam mein gaya, unke bauddhi to yahaan baithe hain। unko vaapis le jaaye na। gaate bhi hain jo paigambar hain sabki rooh yahaan hai, yaani kis na kis shareer mein hai phir bhi mahima gaate rehte। achha, dharma sthaapan karke gaye phir kya hua? mukti mein jaane liye manushya kitna maatha maarte hain। usne to yeh jap tap teertha aadi nahin sikhaaya। baap kehte hain main aata hi hoon sabki gati-sadgati karne। sabko le jaata hoon। satayug mein jeevanmukti hai। ek hi dharma hai, baaki sab aatmaon ko vaapis le jaate hain। tum jaante ho woh baba hai baagvaan, ham sab maali hain। mama baba aur sab bachche maali ban beej bote rehte hain। kalam nikalti hai phir maaya ke toofaan lag padte hain। anek prakaar ke toofaan lagte hain। yeh hain maaya ke vighna। toofaan lagte hain to poochhna chaahiye - baba, iske liye kya karna chaahiye? shreemat dene vaala baap hai। toofaan to lagenge hi। number one hai deh-abhimaan। yeh nahin samajhte ki main aatma avinaashi hoon, yeh shareer vinaashi hai। hamaare 84 janma poore hue। aatma hi punarjanma leti hai। ghadi-ghadi ek shareer chhod doosra lena aatma ka hi kaam hai। ab baap kehte hain - tumhaara yeh antim janma hai। is duniya mein doosra janma nahin lena hai, na kisko dena hai। poochhte hain ki phir srishti ki vriddhi kaise hogi? are, is samay srishti ki vriddhi nahin chaahiye। yeh to bhrashtaachaar ki vriddhi hai। yeh rasma - raavan se shuru hui hai। duniya ko bhrashtaachaari banaane vaala raavan thahra। shreshthaachaari raam banaate hain। ismen bhi tumko kitni mehnat karni padti hai। ghadi-ghadi deh-abhimaan mein aa jaate hain। agar deh-abhimaan mein na aaye to apne ko aatma samjhen। satayug mein bhi apne ko aatma to samajhte hain na। jaante hain abhi yeh hamaara shareer vriddha hua hai, inko chhod kar naya lenge। yahaan to aatma ka bhi gyaan nahin hai। apne ko deh samajh baithe hain is duniya se jaane ki dil unki hoti hai jo duhkhi hote hain। vahaan to hai hi sukh। baaki aatma ka gyaan vahaan rehta hai। ek shareer chhod doosra lete hain isliye duhkh nahin hota। woh sukh ki praalabgha hai। yahaan bhi aatma to kehte hain, phir bhal koi aatma so paramatma kah dete hain। aatma hai, yeh to gyaan hai na। parantu yeh nahin jaante ki ham is part se vaapis ja nahin sakte। ek shareer chhod phir doosra lena zaroor hai। punarjanma to sab maanenge। karma to sab kootte hain na। maaya ke raajya mein karma, vikarma hi bante hain, to karma kootte rehte hain। vahaan aise karma nahin, jo kootne paden।

ab tum samajhte ho ki vaapis jaana hai। vinaash hona hi hai। bombs ki trial bhi le rahe hain। gusse mein aakar phir thok denge। yeh powerful bombs hain। gaayan bhi hai yooropvaasi yaadav। bhal ham sab dharma vaalon ko yooropvaasi hi kahenge। bhaarat hai ek taraph। baaki un sabko mila diya hai। apne khanda liye unhon ko pyaar to bahut hai। parantu bhaavi aisi hai to kya karenge? taakat saari tumko baba de rahe hain। yogbal se tum raajya le lete ho। tumko koi bhi takleeph nahin dete hain। sirf baap kehte hain mujhe yaad karo, deh-abhimaan chhodo। kehte hain ki main raam ko yaad karta hoon, shreekrishna ko yaad karta hoon, to ve apne ko aatma thode hi samajhte hain। aatma samajhte to aatma ke baap ko kyon nahin yaad karte hain? baap kehte hain mujh parampita paramatma ko yaad karo। tum jeev aatma ko kyon yaad karte ho? tumko dehi-abhimaani banna hai। main aatma hoon, baap ko yaad karta hoon। baba ne farmaan kiya hai - yaad karne se vikarma vinaash honge aur varsa bhi buddhi mein aa jaayega। baap aur jaaydaad arthaat mukti aur jeevanmukti। iske liye hi dhakke khaate rehte hain। yagya, jap, tap aadi karte rehte hain। pope se bhi aasheervaad lene jaate hain, yahaan baap sirf kehte hain ki deh-abhimaan chhodo, apne ko aatma nishchay karo। yeh naatak poora hua hai, hamaare 84 janma poore hue hain, ab jaana hai। kitna sahaj karke samjhaate hain। grihastha vyavhaar mein rehte buddhi mein yeh rakho। jaise naatak poora hone par hota hai to samajhte hain ki baaki 15 minute hain। abhi yeh scene poori hogi। actors samajhte hain ham yeh kapda utaar ghar ko jaayenge। abhi sabko vaapis jaana hai। aisi-aisi baaten apne se karni chaahiye। kitna samay hamne sukh-duhkh ka part bajaaya hai, yeh jaante hain। abhi baap kehte hain ki mujhe yaad karo, duniya mein kya-kya ho raha hai, in sabko bhool jaao - yeh sab khatma ho jaane vaale hain, ab vaapis jaana hai। woh samajhte hain ki kaliyug abhi 40 hajaar varsha chalega। isko ghor andhiyaara kaha jaata hai। baap ka parichay nahin hai। gyaan maana baap ka parichay, agyaan maana no parichay। to goya ghor andhiyaare mein hain। abhi tum ghor sojhre mein ho - nambarvaar purushaartha anusaar। ab raat poori hone vaali hai, ham vaapis jaate hain। aaj brahma ki raat, kal brahma ka din hoga, badalne mein time to lagega na। tum jaante ho ab ham mrityulok mein hain, kal amarlok mein honge। pahle to vaapis jaana hoga। aise yeh 84 janmon ka chakra phirta hai। yeh phirna banda nahin hota hai। baba kehte hain tum kitni baar mere se mile honge? bachche kehte ki anek baar mile hain। tumhaare 84 janmon ka chakra poora hota hai, to sabka ho jaayega। isko kaha jaata hai gyaan। gyaan dene vaala hai hi gyaan saagar, parampita paramatma, patit-paavan। tum poochh sakte ho patit-paavan kisko kaha jaata hai? bhagwan to niraakaar ko kaha jaata hai phir tum raghupti raaghav raaja raam kyon kehte ho? aatmaon ka baap to woh niraakaar hi hai, samjhaane ki badi hi yukti chaahiye।

din-pratidin tumhaari unnati hoti rahegi kyonki guhya gyaan milta rehta hai। samjhaane ke liye hai sirf alpha ki baat। alpha ko bhoole to orphan ho gaye, duhkhi hote rehte hain। ek dvaara, ek ko jaanne se tum 21 janma sukhi ho jaate ho। yeh hai gyaan, woh hai agyaan, jo kah dete paramatma sarvavyaapi hai। are, woh to baap hai। baap kehte hain tumhaare andar bhoot sarvavyaapi hain। 5 vikaar roopi raavan sarvavyaapi hai। yeh baaten samjhaani padti hain। ham eeshvar ki god mein hain - yeh bada bhaari nasha hona chaahiye। phir bhavishya mein devtaai god mein jaayenge। vahaan to sadaiv sukh hai। shivbaaba ne hamko adopt kiya hai। unko yaad karna hai। apna bhi aur doosron ka bhi kalyaan karna hai to raajaai milegi। yeh samajhne ki badi achhi baat hai। shivbaaba hai niraakaar, ham aatma bhi niraakaar hain। vahaan ham ashareeri nange rehte the। baba to sadaiv ashareeri hi hai, baba kabhi shareer roopi kapda pahan punarjanma nahin lete hain। baba ek baar reincarnate karte hain। pahle-pahle brahman rachte hain to unko apna banaakar aur naam rakhna pade na। brahma nahin to brahman kahaan se aaye? to yeh vahi hai jisne poore 84 janma liye hain, gora jo phir saanvara bana hai, sundar se shyaam, shyaam se sundar banta hai। bhaarat ka bhi ham shyaam-sundar naam rakh sakte hain। bhaarat ko hi shyaam, bhaarat ko hi golden ej, sundar kehte hain। bhaarat hi kaam chita par baith kaala banta hai, bhaarat hi gyaan chita par baith gora banta hai। bhaarat se hi maatha maarna padta hai। bhaaratvaasi phir aur aur dharmon mein convert ho gaye hain। european aur Indian mein farka nahin dikhaai padta hai, vahaan jaakar shaadi karte hain to phir Christian kahlaane lag padte hain। unke bachche aadi bhi usi features ke hote hain। aphreeka mein bhi shaadi kar lete hain।

ab baba vishaalbuddhi dete hain, chakra ko samajhne ki। yeh bhi likha hua hai - vinaash kaale vipreet buddhi। yaadvon aur kaurvon ne preet nahin rakhi। jinhonne preet rakhi unki vijay hui। vipreet buddhi kaha jaata hai dushman ko। baap kehte hain is samay sab ek-do ke dushman hain। baap ko hi sarvavyaapi kah gaali dete hain ya to phir kah dete janma-maran rahit hai, unko koi bhi naam-roop nahin hai। O god father bhi kehte hain, saakshaatkaar bhi hota hai aatma aur paramatma ka। usmein aur paramatma mein farka nahin rehta। baaki nambarvaar kam jaasti taakat to hoti hi hai। manushya bhal manushya hain, unmein bhi to martabe hote hain। buddhi ka farka hai। gyaan saagar ne tumko gyaan diya hai to unko yaad karte ho, woh avastha tumhaari ant mein banegi।

amritvele simar-simar sukh paao, bhal lete raho parantu neend nahin aani chaahiye। apna hath kar baithna chaahiye। mehnat hai। vaidya log bhi davaai dete hain amritvele ke liye। yeh bhi davaai hai। rachta baap brahma dvaara brahman rachkar padhaate hain - yeh baat sabko samjhaani hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) hamne eeshvar ki god li hai phir devtaai god mein jaayenge isi roohaani nashe mein rehna hai। apna aur doosron ka kalyaan karna hai।

2) amritvele uth gyaan saagar ke gyaan ka manan karna hai। ek ki avyabhichaari yaad mein rehna hai। deh-abhimaan chhod svayan ko aatma nishchay karna hai।

vardaan:- amritvele se raat tak yaad ke vidhipoorvak har karma karne vaale siddhi swaroop bhav

amritvele se lekar raat tak jo bhi karma karo, yaad ke vidhipoorvak karo to har karma ki siddhi milegi। sabse bade se badi siddhi hai - pratyakshaphal ke roop mein ateendriy sukh ki anubhooti hona। sada sukh ki lahron mein, khushi ki lahron mein lahraate rahenge। to yeh pratyakshaphal bhi milta hai aur phir bhavishya phal bhi milta hai। is samay ka pratyakshaphal anek bhavishya janmon ke phal se shreshtha hai। abhi-abhi kiya, abhi-abhi mila - isko hi kehte hain pratyakshaphal।

slogan:- svayan ko nimitta samajh har karma karo to nyaare aur pyaare rahenge, main pan aa nahin sakta।