सोमवार 13 नवंबर 2023 की दैनिक मुरली

13-11-2023 praatahmurli om shanti "baapdaada"' madhuban

“meethe bachche - tumhaari sachchi-sachchi deepaavli to nai duniya mein hogi, isliye is puraani duniya ke jhoothe utsav aadi dekhne ki dil tumhein nahin ho sakti''

prashn:- tum holeehans ho, tumhaara kartavya kya hai?

uttar:- hamaara mukhya kartavya hai ek baap ki yaad mein rehna aur sabka buddhiyog ek baap ke saath judaana। ham pavitra bante aur sabko banaate hain। humein manushya ko devta banaane ke kartavya mein sada tatpar rehna hai। sabko duhkhon se liberate kar, guide ban mukti-jeevanmukti ka raasta bataana hai।

geet:- tumhein paake hamne jahaan pa liya hai…

om shanti। bachchon ne geet suna। bachche kehte hain ham svarga ki raajaai ka varsa paate hain। use kabhi koi jala na sake, koi chheen na sake, woh varsa hamse koi jeet na sake। aatma ko baap se varsa milta hai aur aise baap ko barobar maat-pita bhi kehte hain। maat-pita ko pahchaanne vaala hi is sanstha mein aa sakta hai। baap bhi kehte hain main bachchon ke sammukh pratyaksha ho padhaata hoon, raajayog sikhaata hoon। bachche aakar behad ke baap ko apna banaate hain, jeete ji। dharma ke bachche jeete ji liye jaate hain। aap hamaare hain, ham aapke hain। tum hamaare kyon bane ho? kehte ho - baba, aapse svarga ka varsa lene ham aapke bane hain। achha bachche, aise baap ko kabhi phaarakti nahin dena। nahin to nateeja kya hoga? svarga ki raajaai ka poora varsa tum pa nahin sakenge। baba-mama mahaaraaja-mahaaraani bante hain na, to purushaartha kar itna varsa paana hai। parantu bachche purushaartha karte-karte phir phaarakti de dete hain। phir jaakar vikaaron mein phansate hain va hell mein girte hain। hell narka ko, heaven svarga ko kaha jaata hai। kehte hain ham sada svarga ke maalik banne ke liye baap ko apna banaate hain kyonki abhi ham narka mein hain। heavenly god father, jo svarga ka rachayita hai woh jab tak na aaye tab tak koi heaven ja na sake। uska naam hi hai heavenly god father। yeh bhi tum abhi jaante ho। baap kah rahe hain - bachche, tum samajhte ho, barobar baap se varsa paane ke liye ham baap ke paas aaye hain, 5 hajaar varsha pahle muaaphik। parantu phir bhi chalte-chalte maaya ke toofaan ekdam barbaad kar dete hain। phir padhaai ko chhod dete hain, goya mar gaye। eeshvar ka bankar phir agar haath chhod diya to goya nai duniya se markar puraani duniya mein chala gaya। heavenly god father hi narka ke duhkh se liberate kar phir guide ban sweet silence hom mein le jaate hain, jahaan se ham aatmaayen aai hain। phir sweet heaven ki raajaai dete hain। do cheez dene baap aate hain - gati aur sadgati। satayug hai sukhdhaam, kaliyug hai duhkhadhaam aur jahaan se ham aatmaayen aati hain woh hai shantidham। yeh baap hai hi shaantidaata, sukhdaata for future। is ashaanta desh se pahle shanti desh mein jaayenge। usko sweet silence hom kaha jaata hai, ham rehte hi vahaan hain। yeh aatma kehti hai ki hamaara sweet hom woh hai phir ham jo is samay knowledge padhte hain, usse hamko svarga ki raajdhaani milegi। baap ka naam hi hai heavenly god father, liberator, guide, knowledgeful, blissful, gyaan ka saagar। merciful bhi hai। sab par raham karte hain। tatvon par bhi raham karte hain। sabhi duhkh se chhoot jaate hain। duhkh to jaanvar aadi sabko hota hai na। koi ko maaro to duhkh hoga na। baap kehte hain manushya maatra to kya, sabhi ko duhkh se liberate karta hoon। parantu jaanavron ko to nahin le jaayenge। yeh manushyon ki baat hai। aisa behad ka baap ek hi hai baaki to sab durgati mein le jaate hain। tum bachche jaante ho behad ka baap hi svarga ki va muktidhaam ki gift dene vaala hai। varsa dete hain na। oonch te oonch ek baap hai। sabhi bhakta us bhagwan baap ko yaad karte hain। Christian bhi god ko yaad karte hain। heavenly god father hai shiv। vahi knowledgeful, blissful hai। iska arth bhi tum bachche jaante ho। tumhaare mein bhi nambarvaar hain। koi to bilkul aise hain jo kitna bhi gyaan ka shrringaar karo phir bhi vikaaron mein girenge, gandi duniya dekhenge।

kai bachche deepmaala dekhne jaate hain। vaastav mein hamaare bachche yeh jhoothi deepmaala dekh nahin sakte। parantu gyaan nahin hai to dil hogi। tumhaari deevaali to hai satayug mein, jabki tum pavitra ban jaate ho। tum bachchon ko samjhaana hai ki baap aate hi hain sweet hom va sweet heaven mein le jaane। jo achhi reeti padhenge, dhaarna karenge, vahi svarga ki raajdhaani mein aayenge। parantu takdeer bhi chaahiye na। shreemat par nahin chalenge to shreshtha nahin banenge। yeh hai shri shiv bhagvaanuvaach। jab tak manushyon ko baap ki pahchaan nahin mili hai tab tak bhakti karte rahenge। jab nishchay pakka ho jaayega to phir bhakti aapehi chhodenge। tum ho holiness। god father ke direction anusaar sabhi ko pavitra banaate ho। woh to sirf hinduon ko va musalmaanon ko Christian banaayenge। tum to aasuri manushyon ko pavitra banaate ho। jab pavitra banen tab heaven va sweet hom mein ja saken। none but one, tum sivaae ek baap ke aur koi ko yaad nahin karte ho। ek baap se hi varsa milna hai to zaroor us ek baap ko hi yaad karenge। tum pavitra ban auron ko pavitra banaane ki madad karte ho। woh nuns koi pavitra nahin banaati hain, na aap samaan nuns banaati hain। sirf hindu se Christian banaati hain। tum holi nuns pavitra bhi banaati ho aur sabhi aatmaon ka ek god father se buddhiyog jutaati ho। geeta mein bhi hai na - deh sahit deh ke sabhi sambandh chhod apne ko aatma samajh baap ko yaad karo। phir knowledge ko dhaaran karne se hi raajaai milegi। baap ki yaad se hi ever healthy banenge aur knowledge se ever wealthy banenge। baap to hai hi gyaan saagar। sabhi vedon-shaastron ka saar batlaate hain। brahma ke haath mein shaastra dikhaate hain na। to yeh brahma hai। shivbaaba inke dvaara sabhi vedon shaastron ka saar samjhaate hain। woh hai gyaan ka saagar। inke dvaara tumko knowledge milti rehti hai। tumhaare dvaara phir auron ko milti rehti hai।

kai bachche kehte hain - baba, ham yeh roohaani hospital kholte hain, jahaan rogi manushya aakar nirogi banenge aur svarga ka varsa lenge, apna jeevan saphal karenge, bahut sukh paayenge। to itne sabki aasheervaad zaroor unko milegi। baba ne us din bhi samjhaaya tha ki geeta, bhaagvat, ved, upnishad aadi sab jo bhi bhaarat ke shaastra hain, yeh shaastra adhyayan karna, yagya, tap, vrat, nem, teertha aadi karna yeh sab bhakti maarga ki saamagri roopi chhaanchh hai। ek hi shreemat bhagvat geeta ke bhagwan se bhaarat ko makkhan milta hai। shreemat bhagvat geeta ko bhi khandan kiya hua hai, jo gyaan saagar patit-paavan niraakaar parampita paramatma ke badle shri krishna ka naam daalkar chhaanchh bana diya hai। ek hi kitni badi bhaari bhool hai। abhi tum bachchon ko gyaan saagar direct gyaan de rahe hain। abhi tum jaante ho ki yeh srishti chakra kaise phirta hai, yeh srishti roopi jhaad ki vriddhi kaise hoti hai? tum brahman ho choti, shivbaaba hai braahmanon ka baap। phir brahman se devta phir kshatriy, vaishya, shoodra banenge। yeh ho gai baajoli। isko 84 janmon ka chakra kaha jaata hai। ved sammelan karne vaalon ko bhi tum samjha sakte ho। bhakti hai chhaanchh, gyaan hai makkhan। jisse mukti-jeevanmukti milti hai। ab agar tumko vistaar se gyaan samajhna hai to dhairyavat hokar suno। brahmaakumaariyaan tumko samjha sakti hain। shaastron mein bhi likha hua hai bheeshmapitaamah, ashvasthaama aadi ko pichhaadi mein in bachchon ne gyaan diya hai। ant mein yeh sab samajh jaayenge ki yeh to theek kehte hain, ant mein aayenge zaroor। tum pradarshani karte ho, kitne hajaar manushya aate hain parantu nishchaybuddhi sab thode hi ban jaate। koton mein koi hi nikalte hain jo achhi reeti samajhkar nishchay karte hain। achha!

meethe-meethe sikeeldhe lucky gyaan sitaaron prati, maat-pita baapdaada ka nambarvaar purushaartha anusaar yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) pavitra ban aap samaan pavitra banaana hai। ek baap ke sivaae kisi ko bhi yaad nahin karna hai।

2) anek aatmaon ki aasheervaad lene ke liye roohaani hospital kholni hai। sabko gati-sadgati ki raah bataani hai।

vardaan:- brahma baap ko follow kar first grade mein aane vaale samaan bhav

sabhi bachchon ka brahma baap se bahut pyaar hai, pyaar ki nishaani hai samaan banna। ismen sada yahi lakshya rakho ki pahle main, eershya vash pahle main nahin, woh nuksaan karta hai। lekin follow father karne mein pahle main kaha aur kiya to first ke saath mein aap bhi first ho jaayenge। jaise brahma baap number one banen aise follow karne vaale bhi number one ka lakshya rakho। ote so avval arjun, sabko first mein aane ka chance hai। first grade behad mein hai kam nahin।

slogan:- saphaltaamoorta banna hai to sva seva aur auron ki seva saath-saath karo।

maateshvari ji ke mahaavaakyah -

“yeh eeshvareey satsang common satsang nahin hai''

apna yeh jo eeshvareey satsang hai, common satsang nahin hai। yeh hai eeshvareey school, college। jis college mein apne ko regular study karni hai, baaki to sirf satsang karna, thoda samay vahaan suna phir to jaisa hai vaisa hi ban jaata hai kyonki vahaan koi regular padhaai nahin milti hai, jahaan se koi praalabdha banen isliye apna satsang koi common satsang nahin hai। apna to eeshvareey college hai, jahaan paramatma baith humein padhaate hain aur ham us padhaai ko poora dhaaran kar oonch pad ko praapta karte hain। jaise rozaana school mein master padhaae degree deta hai vaise yahaan bhi svayan paramatma guru, pita, teacher ke roop mein hamko padhaae sarvottam devi devta pad praapta karaate hain isliye is school mein jvaainta hona zaroori hai। yahaan aane vaale ko yeh knowledge samajhna zaroor hai, yahaan kaunsi shiksha milti hai? is shiksha ko lene se hamko kya praapti hogi! ham to jaan chuke hain ki hamko khud paramatma aakar degree paas karaate hain aur phir ek hi janma mein saara course poora karna hai। to jo shuru se lekar ant tak is gyaan ke course ko poori reeti uthaate hain vo full paas honge, baaki jo course ke beech mein aayenge vo to itni knowledge ko uthaayenge nahin, unhon ko kya pata aage ka course kya chala? isliye yahaan regular padhna hai, is knowledge ko jaanne se hi aage badhenge isliye regular study karni hai।

“paramatma ka sachcha bachcha bante koi sanshay mein nahin aana chaahiye''

jab paramatma khud is srishti par utra hua hai, to us paramatma ko humein pakka haath dena hai lekin pakka sachcha bachcha hi baba ko haath de sakta hai। is baap ka haath kabhi nahin chhodna, agar chhodenge to phir nidhan ka ban kahaan jaayenge! jab paramatma ka haath pakad liya to phir sookshm mein bhi yeh sankalp nahin chaahiye ki main chhod doon va sanshay nahin hona chaahiye। pata nahin ham paar karenge va nahin, koi aise bhi bachche hote hain jo pita ko na pahchaanne ke kaaran pita ke bhi saamne padte hain aur aise bhi kah dete hain hamko koi ki bhi parvaah nahin hai। agar aisa khyaal aaya to aise na laayak bachche ki sambhaal pita kaise karega phir to maano ki gira ki gira kyonki maaya to giraane ki bahut koshish karti hai kyonki pareeksha to avashya legi ki kitne tak yoddha roostam pahalvaan hai! ab yeh bhi zaroori hai, jitna jitna ham prabhu ke saath roostam bante jaayenge utna maaya bhi roostam ban hamko giraane ki koshish karegi। jodi poori banegi jitna prabhu balvaan hai to maaya bhi utni balvaani dikhlaayegi, parantu apne ko to pakka nishchay hai aakhreen bhi paramatma mahaan balvaan hai, aakhreen unki jeet hai। shvaanso shvaans is vishvaas mein sthit hona hai, maaya ko apni balvaani dikhlaani hai, woh prabhu ke aage apni kamjori nahin dikhaayegi, bas ek baari bhi kamjor bana to khalaas hua isliye bhal maaya apna force dikhlaaye, parantu apne ko maayaapti ka haath nahin chhodna hai, vo haath poora pakda to maano unki vijay hai, jab paramatma hamaara maalik hai to haath chhodne ka sankalp nahin aana chaahiye। paramatma kehta hai, bachche jab main khud samartha hoon, to mere saath hote tum bhi samartha avashya banenge। samjha bachche।