गुरुवार 16 नवंबर 2023 की दैनिक मुरली

16-11-2023 praatahmurli om shanti "baapdaada"' madhuban

“meethe bachche - bhaarat jo heere jaisa tha, patit banne se kangaal bana hai, ise phir paavan heere jaisa banaana hai, meethe daivi jhaad ka sapling lagaana hai।''

prashn:- baap ka kartavya kaun-sa hai, jismen bachchon ko madadgaar banna hai?

uttar:- saare vishwa par ek deity government sthaapan karna, anek dharmon ka vinaash aur ek sat dharma ki sthaapna karna - yahi baap ka kartavya hai। tum bachchon ko is kaarya mein madadgaar banna hai। oonch martaba lene ka purushaartha karna hai, aise nahin sochna hai ki ham svarga mein to jaayenge hi।

geet:- tumheen ho maata, pita…

om shanti। duniya mein manushya gaate hain tum maat-pita... parantu kiske liye gaate hain, yeh nahin jaante। yeh bhi wonderful baat hai। sirf kahne maatra kah dete hain। tum bachchon ki buddhi mein hai ki barobar yeh maat-pita kaun hain। yeh paramdham ka rahvaasi hai। paramdham ek hi hai, satayug ko paramdham nahin kaha jaata। satayug to yahaan hota hai na, paramdham mein rahne vaale to ham sab hain। tum jaante ho ham aatmaayen paramdham, nirvaan desh se aati hain is saakaar srishti mein। svarga koi oopar nahin hai। aate to tum bhi paramdham se ho। tum bachche ab jaante ho ham aatmaayen shareer dvaara part baja rahe hain। kitne janma lete hain, kaise part bajaate hain, yeh ab jaante hain। woh hai door desh ka rahne vaala, aaya desh paraaye। ab paraaya desh kyon kaha jaata hai? tum bhaarat mein aate ho na। parantu pahle-pahle tum baap ke sthaapan kiye hue svarga mein aate ho phir woh narka raavan raajya ho jaata hai, anek dharma, anek government ho jaati hain। phir baap aakar ek raajya banaate hain। abhi to bahut government hain। kehte rehte hain sab milkar ek hon। ab sab milkar ek hon-yeh kaise ho sakta? 5 hajaar varsha pahle bhaarat mein ek government thi, world almighty authority lakshmi-naaraayan the। vishwa mein raajya karne vaali aur koi authority hai nahin। sab dharma ek dharma mein aa nahin sakte। svarga mein ek hi government thi isliye kehte hain ki sab ek ho jaaen। ab baap kehte hain ham aur sabka vinaash karaae ek aadi sanaatan deity government sthaapan kar rahe hain। tum bhi aise kehte ho na - sarvashaktimaan world almighty authority ke direction anusaar ham bhaarat mein ek deity government ka raajya sthaapan kar rahe hain। deity government ke sivaae aur koi ek government hoti nahin। 5 hajaar varsha pahle bhaarat mein athva saare vishwa mein ek deity government thi, ab baap aaya hai vishwa ki deity government phir se sthaapan karne। ham bachche unke madadgaar hain। yeh raaz geeta mein hai। yeh hai rudra gyaan yagya। rudra niraakaar ko kaha jaata hai, krishna ko nahin kahenge। rudra naam hi hai niraakaar ka। bahut naam sun manushya samajhte hain rudra alag hai aur somnaath alag hai। to ab ek deity government sthaapan honi hai। sirf ismen khush nahin hona hai ki svarga mein to jaayenge hi। dekho narka mein martabe ke liye kitna maatha maarte hain। ek to martaba milta doosra phir kamaate bahut hain। bhakton ke liye to ek bhagwan hona chaahiye, nahin to bhatkenge। yahaan to sabko bhagwan kah dete hain, anekon ko avtaar maante hain। baap kehte hain main to ek hi baar aata hoon। gaate bhi hain patit-paavan aao। saari duniya patit hai, usmein bhi bhaarat jyaada patit hai। bhaarat hi kangaal hai, bhaarat hi heere jaisa tha। tumko nai duniya mein raajaai milni hai। to baap samjhaate hain krishna ko bhagwan kah nahin sakte। bhagwan to ek niraakaar parampita paramatma ko hi kaha jaata hai, jo janma-maran rahit hai। manushya to phir kah dete hain woh bhi bhagwan, ham bhi bhagwan, bas yahaan aaye hain mauj karne। bade masta rehte hain। bas, jidhar dekhta hoon tu hi tu hai, teri hi rangat hai। ham bhi tum, tum bhi ham, bas dance karte rehte hain। hajaaron unke followers hain। baap kehte hain bhakta, bhagwan ki bandagi karte rehte hain। bhakti mein bhaavna se pooja karte hain। baba kehte main unhein saakshaatkaar kara deta hoon। parantu vo mere se milte nahin, main to svarga ka rachayita hoon। aise nahin ki unhon ko svarga ka varsa deta hoon। bhagwan to hai hi ek। baap kehte hain sab punarjanma lete-lete abla ho gaye hain। ab main paramdham se aaya hoon। main jo svarga sthaapan karta hoon usmein phir main nahin aata। bahut manushya kehte ham nishkaam seva karte hain। parantu chaahen na chaahen phal to zaroor milta hai। daan karte hain to phal zaroor milega na। tum saahookaar bane ho, kyonki past mein daan-punya kiya hai, ab tum purushaartha karte ho, jitna purushaartha karenge utna bhavishya mein oonch pad paayenge। abhi tumhein achhe karma sikhlaaye jaate hain - bhavishya janma-janmaantar ke liye। manushya karte hain doosre janma ke liye। phir kahenge past karmon ka phal hai। satayug-treta mein aise nahin kahenge। karmon ka phal 21 janmon ke liye abhi taiyaar karaaya jaata hai। sangamayug ke purushaartha ki praalabdha 21 peedhi chalti hai। sanyaasi aise kah na saken ki ham tumhaari aisi praalabdha banaate hain jo tum 21 janma sukhi rahenge। achha va bura phal to bhagwan ko dena hai na। to ek hi bhool hui hai jo kalpa ki aayu lambi kar di hai। bahut hain jo kehte hain 5 hajaar varsha ka kalpa hai। tumhaare paas musalmaan aaye the, bole kalpa ki aayu barobar 5 hajaar varsha hai। yahaan ki baaten suni hongi। chitra to sabke paas jaate hain, so bhi sab thode hi maanenge। tum jaante ho yeh rudra gyaan yagya hai, jisse yeh vinaash jvaala nikli hai। ismen sahaj raajayog sikhlaaya jaata hai। krishna ki aatma ab antim janma mein shiv (rudra) se varsa le rahi hai, yahaan baithi hai। baba alag aur yeh alag hai। brahman khilaate hain to aatma ko bulaate hain na। phir woh aatma brahman mein aakar bolti hai। teerthon par bhi khaas jaakar bulaate hain। ab aatma ko kitna samay ho gaya phir woh aatma kaise aati hai, kya hota hai? bolti hai main bahut sukhi hoon, phalaane ghar janma liya hai। yeh kya hota hai? kya aatma nikalkar aai? baap samjhaate hain main bhaavna ka bhaada deta hoon aur ve khush ho jaate hain। yeh bhi drama mein raaz hai। bolte hain to part chalta hai। koi ne nahin bola to noondh nahin hai। baap ki yaad mein raho to vikarma vinaash honge, anya koi upaay nahin। har ek ko sato-rajo-tamo mein aana hi hai। baap kehte hain tumko nai duniya ka maalik banaata hoon। phir se main paramdham se puraani duniya, puraane tan mein aata hoon। yeh poojya tha, pujaari bana phir poojya banta hai। tat tvam। tumko bhi banaata hoon। pahla number purushaarthi yeh hai। tab to maateshvari, pitaashri kehte ho। baap bhi kehte hain tum takhtansheen hone ka purushaartha karo। yeh jagat amba sabki kaamna poorn karti hai। maata hai to pita bhi hoga aur bachche bhi honge। tum sabko raasta bataate ho, sab kaamnaayen tumhaari poori hoti hai satayug mein। baba kehte hain ghar mein rehte bhi yadi poora yog lagaayen to bhi yahaan vaalon se oonch pad pa sakte hain।

baandheliyaan to bahut hain। raat ko bhi hom minister ko samjha rahe the na ki iske liye koi upaay nikalna chaahiye jo in ablaaon par atyaachaar na hon। parantu jab do-chaar baar sunen tab khyaal mein aaye। takdeer mein hoga to maanenge। pencheela gyaan hai na। sikkha dharma vaalon ko bhi pata pade to samjhen-manushya se devta kiye..... kisne? ekoankaar satnaam, yeh unki mahima hai na। akaal moorta। brahm tatva unka takhta hai। kehte hain na sinhaasan chhodkar aao। baap baith samjhaate hain, saari srishti ke aadi-madhya-ant ko jaante hain, aise nahin sabki dil ko jaante hain। bhagwan ko yaad karte hain ki sadgati mein le jaao। baba kehte hain main world almighty deity government ki sthaapna kar raha hoon। yeh jo partition hue hain, yeh sab nikal jaayenge। hamaare devi-devta dharma ke jo hain unka hi kalam lagaana hai। jhaad to bahut bada hai। unmein meethe te meethe hain devi-devtaayen। unka phir sapling lagaana hai। anya dharma vaale jo aate hain woh koi sapling thode hi lagaate hain।

achha, aaj satguroovaar hai। baap kehte hain-bachche, shreemat par chalkar pavitra bano to saath le chaloon। phir chaahe makhmal ki raani bano, chaahe resham ki raani bano। varsa lena hai to meri mat par chalo। yaad se hi tum apvitra se pavitra ban jaayenge। achha, baap-daada aur meethi mama ke sikeeldhe bachchon ko yaad-pyaar aur salaam-maalekam।

dhaarna ke liye mukhya saar:-

1) sangamayug ke purooshaartha ki praalabdha 21 janma chalni hai-yeh baat smriti mein rakh shreshtha karma karne hain। gyaan daan se apni praalabdha banaani hai।

2) meethe daivi jhaad ka sapling lag raha hai isliye ati meetha banna hai।

vardaan:- brahman janma ki visheshta aur vichitrata ko smriti mein rakh seva karne vaale saakshi bhav

yeh brahman janma divya janma hai। saadhaaran janmadhaari aatmaayen apna birth de alag manaati, marriage de, friends de alag maanti, lekin aapka birth de bhi vahi hai, to marriage de, mother de, father de, engagement de sab ek hi hai kyonki aap sabka vaayda hai - ek baap doosra na koi। to is janma ki visheshta aur vichitrata ko smriti mein rakh seva ka part bajaao। seva mein ek do ke saathi bano, lekin saakshi hokar saathi bano। jara bhi kisi mein vishesh jhukaav na ho।

slogan:- beparvaah baadshaah woh hai jiske jeevan mein nirmaanta aur authority ka balance ho।

maateshvari ji ke madhur mahaavaakya - aatma paramatma mein antar, bhed

aatma aur paramatma alag rahe bahukaal sundar mela kar diya jab satguru mila dalaal... jab apan yeh shabd kehte hain to uska yathaartha arth hai ki aatma, paramatma se bahutkaal se bichhud gai hai। bahutkaal ka arth hai bahut samay se aatma paramatma se bichhud gai hai, to yeh shabd saabit (siddha) karte hain ki aatma aur paramatma alag-alag do cheez hain, donon mein aantarik bhed hai parantu duniyaavi manushyon ko pahchaan na hone ke kaaran vo is shabd ka arth aisa hi nikaalte hain ki main aatma hi paramatma hoon, parantu aatma ke oopar maaya ka aavran chadha hua hone ke kaaran apne asli swaroop ko bhool gaye hain, jab vo maaya ka aavran utar jaayega phir aatma vahi paramatma hai। to vo aatma ko alag is matlab se kehte hain aur doosre log phir is matlab se kehte hain ki main aatma so paramatma hoon parantu aatma apne aapko bhoolne ke kaaran duhkhi ban padi hai। jab aatma phir apne aapko pahchaan kar shuddh banti hai to phir aatma paramatma mein mil ek hi ho jaayenge। to vo aatma ko alag is arth se kehte hain parantu apan to jaante hain ki aatma paramatma donon alag cheez hai। na aatma, paramatma ho sakti aur na aatma paramatma mein mil ek ho sakti hai aur na phir paramatma ke oopar aavran chadh sakta hai।