शुक्रवार 17 नवंबर 2023 की दैनिक मुरली

17-11-2023 praatahmurli om shanti "baapdaada"' madhuban

“meethe bachche - baap ke gale ka haar banne ke liye gyaan-yog ki race karo, tumhaara farja hai saari duniya ko baap ka parichay dena''

prashn:- kis masti mein sada raho to beemaari bhi theek hoti jaayegi?

uttar:- gyaan aur yog ki masti mein raho, is puraane shareer ka chintan nahin karo। jitna shareer mein buddhi jaayegi, lobh rakhenge utna aur hi beemaariyaan aati jaayengi। is shareer ko shrringaarna, powder, cream aadi lagaana - yeh sab phaaltu shrringaar hai, tumhein apne ko gyaan-yog se sajaana hai। yahi tumhaara sachcha-sachcha shrringaar hai।

geet:- jo piya ke saath hai…

om shanti। jo baap ke saath hai..., ab duniya mein baap to bahut hain parantu un sabhi ka baap rachayita ek hai। vahi gyaan ka saagar hai। yeh zaroor samajhna pade ki parampita paramatma gyaan ka saagar hai, gyaan se hi sadgati hoti hai। sadgati manushya ki tab ho jab satayug ki sthaapna hoti hai। baap ko hi sadgati daata kaha jaata hai। jab sangam ka samay ho tab to gyaan ka saagar aakar durgati se sadgati mein le jaae। sabse praacheen bhaarat hai। bhaaratvaasiyon ke naam par hi 84 janma gaaye hue hain। zaroor jo manushya pahle-pahle hue honge vahi 84 janma lete honge। devtaaon ke 84 janma kahenge to braahmanon ke bhi 84 janma thahre। mukhya ko hi uthaaya jaata hai। in baaton ka kisi ko bhi pata nahin hai। zaroor brahma dvaara hi srishti rachte hain। pahle-pahle sookshm lok rachna hai phir yeh sthool lok। yeh bachche jaante hain - sookshm lok kahaan hai, mool lok kahaan hai? mool vatan, sookshm vatan, sthoolavtan - isko hi trilok kaha jaata hai। jab trilokeenaath kehte hain to uska arth bhi chaahiye na। koi trilok hoga na। vaastav mein trilokeenaath ek baap hi kahla sakte hain aur unke bachche kahla sakte hain। yahaan to kai manushyon ke naam hain trilokeenaath, shiv, brahma, vishnu, shankar aadi........ yeh sab naam bhaaratvaasiyon ne apne oopar rakha diye hain। double naam bhi rakhaate hain - raadhekrishna, lakshmi-naaraayan। ab yeh to kisko pata nahin, raadhe aur krishna alag-alag the। woh ek raajaai ka prince tha, woh doosri raajaai ki princess thi। yeh abhi tum jaante ho। jo achhe-achhe bachche hain unhon ki buddhi mein achhi-achhi points dhaaran rehti hain। jaise doctor jo achha hoshiyaar hoga unke paas to bahut davaaiyon ke naam rehte hain। yahaan bhi yeh nai-nai points bahut nikalti rehti hain। din-pratidin invention hoti rehti hai। jinhon ki achhi practice hogi woh nai-nai points dhaaran karte honge। dhaaran nahin karte hain to mahaarthiyon ki line mein nahin laaya ja sakta। saara madaar buddhi par hai aur takdeer ki bhi baat hai। yeh bhi drama mein hai na। drama ko bhi koi nahin jaante hain। yeh bhi samajhte hain karmakshetra par ham part bajaate hain। parantu drama ke aadi, madhya, ant ko nahin jaante to goya kuchh bhi nahin jaante। tumko to sab kuchh jaanna hai।

baap aaye hain bachchon ko maaloom pada to bachchon ka farja hai auron ko bhi parichay dena। saari duniya ko batlaana pharz hai। jo phir aise na kahen ki hamko maaloom nahin tha। tumhaare paas bahut aayenge। literature aadi bahut lenge। bachchon ne shuru mein saakshaatkaar bhi bahut kiya hai। yeh Christ, ibraaham bhaarat mein aate hain। barobar bhaarat sabko kheenchata rehta hai। asul to bhaarat hi behad ke baap ka birth place hai na। parantu ve log itna kuchh jaante nahin hain ki yeh bhaarat bhagwan ka birthplace hai। bhal kehte bhi hain shiv paramatma parantu phir sabko paramatma kah dene se behad ke baap ka mahatva gum kar diya hai। abhi tum bachche samjhaate ho - bhaarat khanda sabse bade te bada teertha sthaan hai। baaki aur sab jo bhi paigambar aadi aate hain, woh aate hi hain apna-apna dharma sthaapan karne। unke pichhaadi phir sab dharmon vaale aate-jaate hain। abhi hai ant। koshish karte hai vaapis jaayen। parantu tumko yahaan laaya kisne? Christ ne aakar Christian dharma sthaapan kiya, usne tumko kheench kar laaya। abhi sab tang hue hain vaapas jaane ke liye। yeh tumko samjhaana hai, sab aate hain apna-apna part bajaane। part bajaate-bajaate duhkh mein aana hi hai। phir us duhkh se chhudaakar sukh mein le jaana - baap ka hi kaam hai। baap ka yeh birthplace bhaarat hai, itna mahatva tum bachchon mein bhi sabhi nahin jaante। thode hain jo samajhte hain aur nasha chadha hua hai। kalpa-kalpa baap bhaarat mein hi aate hain। yeh sabko bataana hai। nimantran dena hai। pahle to yeh service karni pade। literature taiyaar karna pade। nimantran to sabko dena hai na। rachayita aur rachna ki knowledge koi bhi nahin jaante। serviceable bankar apna naam baala karna chaahiye। jo teekhe bachche hain, jinki buddhi mein bahut points hain, unki madad sab maangate hain। unke naam hi japte rehte। ek to shivbaaba ko japenge phir brahma baba ko phir nambarvaar bachchon ko। bhaktimaarga mein haath se maala pherte hain, abhi phir mukh se naam japte hain - phalaane bahut achhe serviceable hain, nirhankaari hain, bade meethe hain, unko deh-abhimaan nahin hai। kehte hain na mithra ghur ta ghuraay (meethe bano to sab meetha vyavhaar karenge)। baap kehte tum duhkhi bane ho, ab tum bachche mujhe yaad karenge to main bhi madad karoonga। tum naphrat karenge to main kya karoonga। yeh to goya apne oopar naphrat karte hain। pad nahin milega। dhan kitna athaah milta hai। kisko lottery milti hai to kitna khush hote hain। unmein bhi kitne inaam aate hain। first prize, phir second prize, third prize hoti hai। hoobhu yeh bhi eeshvareey race hai। gyaan aur yog bal ki race hai। jo inmen teekhe jaate hain vahi gale ka haar banenge aur takhta par nazdeek baithenge। samjhaaya to bahut sahaj jaata hai। apne ghar ko bhi sambhaalo kyonki tum karmayogi ho। class mein ek ghanta padhna hai phir ghar mein jaakar us par vichaar karna hai। school mein bhi aise karte hain na। padhkar phir ghar mein jaakar hom work karte hain। baap kehte ek ghadi, aadhi ghadi........ din mein 8 ghadiyaan hoti hain। unse bhi baap kehte ek ghadi, achha aadhi ghadi। 15-20 minute bhi class attend kar, dhaarna kar phir apne dhandhedhori mein jaakar lago। aage baba tumko bithaate bhi the ki yaad mein baitho, svadarshan chakra phiraao। yaad ka naam to tha na। baap aur varse ko yaad karte-karte svadarshan chakra phiraate-phiraate jab dekho neend aati hai to so jaao। phir ant mati so gati ho jaayegi। phir savere uthenge to vahi points yaad aati rahengi। aise abhyaas karte-karte tum neend ko jeetne vaale ban jaayenge।

jo karega vo paayega। karne vaale ka dekhne mein aata hai। uski chalan hi pratyaksha hoti hai। na karne vaale ki chalan hi aur hoti। dekha jaata hai yeh bachche vichaar saagar manthan karte hain, dhaarna karte hain। koi lobh aadi to nahin hai। yeh to puraana shareer hai। yeh shareer theek bhi tab rahega jab gyaan aur yog ki dhaarna hogi। dhaarna nahin hogi to shareer aur hi sadta jaayega। naya shareer phir bhavishya mein milna hai। aatma ko pure banaana hai। yeh to puraana shareer hai, inko kitna bhi powder, lipstick aadi lagaao, shrringaar karo to bhi worth not A penny hai। yeh shrringaar sab phaaltu hai। ab tum sabki sagaai shivbaaba se hui hai। jab shaadi hoti hai to us din puraane kapde pahante hain। ab is shareer ko shrringaarna nahin hai। gyaan aur yog se apne ko sajaayenge to phir bhavishya mein prince-prinsej banenge। yeh hai gyaan maan sarovar। ismen gyaan ki dubki maarte raho to svarga ki pari banenge। praja ko to pari nahin kahenge। kehte bhi hain krishna ne bhagaaya, phir mahaaraani, patraani banaaya। aise to nahin kahenge ki bhagaakar phir praja mein chandaal aadi banaaya। bhagaaya hi mahaaraaja-mahaaraani banaane ke liye। tumko bhi yeh purushaartha karna chaahiye। aisa nahin jo pad mile so theek......। yahaan mukhya hai padhaai। yeh paathshaala hai na। geeta paathshaala bahut kholte hain। woh baith sirf geeta sunaate hain, kantha karaate hain। koi ek shlok uthaakar phir aadha pauna ghanta us par bolte hain। isse faayda to kuchh bhi nahin। yahaan to baap baith padhaate hain। em-object clear hai। aur koi bhi ved-shaastra, jap-tap aadi karne mein koi em object nahin hai। bas, purushaartha karte raho। parantu milega kya? jab bahut bhakti karte hain tab bhagwan milte hain so bhi raat ke baad din zaroor aana hai। samay par hoga na। kalpa ki aayu koi kya batlaate, koi kya batlaate hain। samjhaao to kehte hain shaastra kaise jhoothe honge? bhagwan thode hi jhooth bol sakta। samjhaane ki sirf taakat chaahiye।

tum bachchon mein yog ka bal chaahiye। yogbal se sab kaam sahaj ho jaate hain। koi kaam nahin kar sakte hain to goya taakat nahin hai, yog nahin hai। kahaan-kahaan baba bhi madad karte hain। drama mein jo noondh hai woh repeat hota hai। yeh bhi ham samajhte hain aur koi drama ko samajhte hi nahin। second by second jo paas hota jaata, tik-tik hota jaata hai, ham shreemat par act mein aate hain। shreemat par nahin chalenge to shreshtha kaise banenge। sab ek jaise ban nahin sakte। yeh log samajhte hain ham ek ho jaaen। ek ka arth nahin samajhte। ek kya ho jaaen? kya ek father ho jaana chaahiye va ek brother ho jaana chaahiye? brother kahen to bhi theek hai। shreemat par barobar ham ek ho sakte hain। tum sab ek mat par chalte ho। tumhaara baap, teacher, guru ek hi hai। jo poora shreemat par nahin chalte to woh shreshtha bhi nahin banenge। ekdam nahin chalenge to khatma ho jaayenge। race mein unko hi nikaalte hain jo laayak hote hain। jab koi badi race hoti hai to ghode bhi achhe first class nikaalte hain kyonki lottery badi rakhte hain। yeh bhi ashva race hai। husain ka ghoda kehte ho na। unhonne husain ko ghode par ladaai mein dikhaaya hai। abhi tum bachche to double ahinsak ho। kaam ki hinsa hai number one। is hinsa ko koi jaante hi nahin। sanyaasi bhi aise nahin samajhte hain। sirf kehte hain yeh vikaar hai। baap kehte hain - kaam mahaashatru hai, yahi aadi, madhya, ant tumko duhkh deta hai। tumko yeh siddha kar bataana hai ki hamaara pravritti maarga ka raajayog hai। tumhaara hathayog hai। tum shankaraachaarya se hathayog seekhte ho, ham shivaachaarya se raajayog seekhte hain। aisi-aisi baaten samay par sunaana chaahiye।

koi tumse poochhe ki devtaaon ke 84 janma hain to bhala in Christian aadi ke kitne janma hai? bolo, yeh to tum hisaab karo na। paanch hajaar varsha mein 84 janma hue। Christ ko 2 hajaar varsha hue। hisaab karo - average kitne janma hue? 30-32 janma honge। yeh to clear hai। jo bahut sukh dekhte hain, woh duhkh bhi bahut dekhte hain। unhon ko kam sukh, kam duhkh milta hai। average ka hisaab nikaalna hai। peechhe jo aate hain woh thode-thode janma lete hain। buddha ka, ibraaham ka bhi hisaab nikaal sakte hain। karke ek-do janma ka farka padega। to yeh sab baaten vichaar saagar manthan karna chaahiye। koi poochhe to kya samjhaayen? phir bhi bolo - pahle to baap se varsa lena hai na। tum baap ko to yaad karo। janma jitne lene honge utne lenge। baap se varsa to le lo। achhi reeti samjhaana hai। mehnat ka kaam hai। mehnat se hi successful honge। ismen badi vishaal buddhi chaahiye। baba se aur baba ke dhan se bahut lav chaahiye। koi to dhan hi nahin lete। are, gyaan ratna to dhaaran karo। to kehte hain ham kya karen? ham samajhte nahin। nahin samajhte ho to tumhaari bhaavi। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kisi se bhi naphrat nahin karni hai। sabse meetha vyavhaar karna hai। gyaan-yog mein race karke baap ke gale ka haar ban jaana hai।

2) neend ko jeetne vaala ban savere-savere uth baap ko yaad karna hai। svadarshan chakra phiraana hai। jo sunte hain us par vichaar saagar manthan karne ki aadat daalni hai।

vardaan:- buddhi ko direction pramaan shreshtha sthiti mein sthit karne vaale master sarvashaktimaan bhav

kai bachche jab yog mein baithte hain to aatma-abhimaani hone ke badle seva yaad aati hai, lekin aisa nahin hona chaahiye kyonki last samay agar ashareeri banne ke bajaae seva ka bhi sankalp chala to second ke paper mein fail ho jaayenge। us samay sivaae baap ke, niraakaari, nirvikaari, niranhakaari - aur kuchh yaad na ho। seva mein phir bhi saakaar mein aa jaayenge। isliye yeh abhyaas karo ki jis samay jis sthiti mein sthit hona chaahen, sthit ho jaaen - tab kahenge master sarvashaktimaan, controlling aur ruling power vaale।

slogan:- kisi bhi paristhiti ko sahaj paar karne ka saadhan hai - ek bal, ek bharosa।