शनिवार 18 नवंबर 2023 की दैनिक मुरली

18-11-2023 praatahmurli om shanti "baapdaada"' madhuban

“meethe bachche - manushya ko devta banaane ki service ka tumhein bahut-bahut shauk hona chaahiye lekin is service ke liye svayan mein haddi dhaarna chaahiye''

prashn:- aatma maili kaise banti hai? aatma par kaun si mail chadhti hai?

uttar:- mitra-sambandhiyon ki yaad se aatma maili ban jaati hai। pahle number ka kichda hai deh-abhimaan ka, phir lobh moh ka kichda shuru hota hai, yeh vikaaron ki mail aatma par chadhti hai। phir baap ki yaad bhool jaati hai, service nahin kar sakte hain।

geet:- tumhaare bulaane ko ji chaahta hai…

om shanti। yeh geet bada achha hai। bachche guarantee bhi karte hain ki aapka sun karke phir yeh gyaan sunaane ki dil hoti hai। yaad to bachche karte hain, yeh bhi zaroor hai, koi yaad karte honge aur mile bhi honge। kaha jaata hai koton mein koi aakarke yeh varsa lete hain। abhi to buddhi bahut vishaal ho gai hai। zaroor paanch hajaar varsha pahle bhi baap raajayog sikhaane aaya hoga। pahle-pahle to yeh samjhaana hai ki knowledge kisne sunaai thi kyonki yahi badi bhool hai। baap ne samjhaaya hai sarva shaastramai shiromni geeta hai bhaaratvaasiyon ka shaastra। sirf manushya yeh bhool gae hain sarva shaastramai geeta kisne gaai aur usse kaun-sa dharma sthaapan hua? baaki gaate zaroor hain - he bhagwan aap aao। bhagwan to zaroor aate hi hain - nai paavan duniya ki rachna rachne। duniya ka hi to father hai na। bhakta gaate bhi hain - aap aao to sukh mile ya shanti mile। sukh aur shanti do cheejen hain। satayug mein zaroor sukh bhi hai baaki sab aatmaaen shanti desh mein hain। yeh parichay dena pade। nai duniya mein naya bhaarat, raam raajya tha। usmein sukh hai, tab to raam raajya ki mahima hai। usko raam raajya kehte hain to inko raavan raajya kehna pade kyonki yahaan duhkh hai। vahaan sukh hai, baap aakar sukh dete hain। baaki sabko shantidham mein shanti mil jaati hai। shanti aur sukh ka daata to baap hai na। yahaan hai ashaanti, duhkh। to buddhi mein yeh gyaan tapakna chaahiye, ismen avastha badi achhi chaahiye। aise to chhote bachchon ko bhi sikhlaaya jaata hai parantu arth to samjha na saken, ismen haddi dhaarna chaahiye। jo koi phir prashn poochhe to samjha bhi saken। avastha achhi chaahiye। nahin to kabhi deh-abhimaan mein, kabhi krodh, moh mein girte rehte hain। likhte bhi hain - baba, aaj ham krodh mein gira, aaj ham lobh mein gira। avastha majboot ho jaati hai to girne ki baat hi nahin rehti। bahut shauk rehta hai - manushya ko devta banaane ki service karen। geet bhi bada achha hai - baba, aap aayenge to ham bahut sukhi ho jaayenge। baap ko aana to zaroor hai। nahin to patit srishti ko paavan kaun banaae? shreekrishna to dehdhaari hai। unka va brahma, vishnu, shankar ka naam nahin le sakte। gaate bhi hain patit-paavan aao to unse poochhna chaahiye yeh tumne kiske liye kaha? patit-paavan kaun hai aur woh kab aayega? patit-paavan woh hai, unko bulaate ho to zaroor yeh patit duniya hai। paavan duniya satayug ko kaha jaata hai। patit duniya ko paavan kaun banaayenge? geeta mein bhi hai barobar bhagwan ne hi raajayog sikhaaya aur in vikaaron par hi jeet paai। kaam mahaashatru hai। poochhna padta hai ki yeh kisne kaha ki main raajayog sikhaata hoon, kaam mahaashatru hai? yeh kisne kaha ki main sarvavyaapi hoon? kis shaastra mein likha hua hai? kiske liye kaha jaata hai patit-paavan? kya patit-paavni ganga hai ya aur koi hai? gaandhi ji bhi kehte the patit-paavan aao, ganga to hamesha hai hi। woh koi nai nahin hai। ganga ko to avinaashi kahenge baaki sirf tamoguni tatva ban jaate hain to unmein chanchalta aa jaati hai। baadh kar dete hain, apna raasta chhod dete hain। satayug mein to bada regular sab chalta hai। kam jaasti baarish aadi nahin pad sakti। vahaan duhkh ki baat nahin। to buddhi mein yeh rehna chaahiye ki patit-paavan hamaara baba hi hai। patit-paavan ko jab yaad karte hain to kehte hain - he bhagwan, he baba। yeh kisne kaha? aatma ne। tum jaante ho patit-paavan shivbaaba aaya hua hai। niraakaar akshar zaroor daalna hai। nahin to saakaar ko maan lete hain। aatma patit bani hui hai, yeh kah nahin sakte ki sab eeshvar hain। aham brahmasmi ya shivoham kehna baat ek hi hai। lekin rachna ka maalik to ek hi rachta hai। bhal manushya aur koi lamba-chauda arth karenge, hamaari baat to hai hi second ki। second mein baap ka varsa milta hai। baap ka varsa hai svarga ki raajaai। unko jeevanmukti kaha jaata hai। yeh hai jeevanbandh। samjhaana chaahiye - barobar jab aap aayenge to zaroor hamko svarga ka, mukti-jeevanmukti ka varsa denge। tab hi likhte hain mukti-jeevanmukti daata ek hai। yeh bhi samjhaana pade। satayug mein hai hi ek aadi sanaatan devi-devta dharma। vahaan duhkh ka naam nahin। woh hai hi sukhdhaam। sooryavanshi raajya chalta hai। phir treta mein hai chandravanshi raajya। phir dvaapar mein hi islaami, bauddhi aayenge। saara part noondha hua hai। ek bindi jaisi aatma mein aur paramatma mein kitna part noondha hua hai। shiv ke chitra mein bhi yeh likhna padta hai ki main jyotirlingam jitna bada nahin hoon। main to star misal hoon। aatma bhi star hai, gaate bhi hain bhrikuti ke beech mein chamakta hai ajab sitaara........ to woh aatma hi thahri। main bhi parampita param aatma hoon। parantu main supreme, patit-paavan hoon। mere gun alag hain। to gun bhi sab likhne paden। ek taraph shiv ki mahima, doosre taraph shreekrishna ki mahima। opposite baaten hain, akshar achhi reeti likhna pade। jo manushya achhi reeti se padhkar samajh saken। svarga aur narka, sukh aur duhkh, chaahe shreekrishna ka din aur raat kaho, chaahe brahma ka kaho। sukh aur duhkh kaise chalta - yeh to tum jaante ho। sooryavanshi hain 16 kala, chandravanshi hain 14 kala। woh sampoorn satopradhaan, woh sato। sooryavanshi hi phir chandravanshi ban jaate hain। sooryavanshi phir treta mein aayenge to zaroor chandravanshi kul mein janma lenge। bhal raajaai pad lete hain। yeh baaten buddhi mein achhi reeti baithaani chaahiye। jo jitna yaad mein rahega, dehi-abhimaani hoga to dhaarna hogi। woh service bhi achhi karenge। spashta kar kisko sunaayenge ham aise baithte hain, aise dhaarna karte hain, aise samjhaate hain, aise-aise vichaar saagar manthan karte hain - auron ko samjhaane ke liye। saara samay vichaar saagar manthan chalta rahega। jinmen gyaan nahin unki baat to alag hai, dhaarna nahin hogi। dhaarna hoti hai to service karni pade। abhi to service bahut badhti jaati hai। din-pratidin mahima badhti jaayegi। phir tumhaari pradarshani mein bhi kitne aayenge। kitne chitra banaane padenge। bahut bada mandap banaana pade। yoon to ismen samjhaane ke liye ekaanta chaahiye। hamaare mukhya chitra hain hi jhaad, gola aur yeh lakshmi-naaraayan ka chitra। raadhe-krishna ke chitra se itna samajh nahin sakte ki yeh kaun hain? is samay tum jaante ho ki hamko ab baap aisa paavan bana rahe hain। sab to ek jaise sampoorn nahin banenge। aatma pavitra hogi baaki gyaan thode hi sab dhaaran karenge। dhaarna nahin hoti to samjha jaata hai yeh kam pad paayenge।

abhi tumhaari buddhi kitni teekshna ho gai hai, nambarvaar to har class mein hote hi hain। koi teekhe, koi dheele, yeh bhi nambarvaar hain। agar koi achhe aadmi ko third grade samjhaane vaale mil jaaen to woh samjhenge yahaan to kuchh hai hi nahin isliye purushaartha kiya jaata hai ki achhe aadmi ko samjhaane vaala bhi achha diya jaae। sab to ek jaise paas nahin honge। baba ke paas to limit hai। kalpa-kalpa is padhaai ki bhi result nikalti hai। mukhya 8 paas hote hain, phir 100, phir hain 16 hajaar, phir praja। unmein bhi saahookaar, gareeb, sab hote hain। samjha jaata hai - is samay yeh kis purushaartha mein hai? kis pad ko paane laayak hai? teacher ko pata to padta hai। teachers mein bhi nambarvaar hote hain। koi teacher achha hai to sab khush ho jaate hain ki yeh padhaate bhi achha hain, pyaar bhi achha karte hain। chhote centre ko bada to koi bada teacher hi banaayega na। kitna buddhi se kaam lena padta hai। gyaan maarga mein ati meetha banna hai। sweet tab banenge, jab meethe baap ke saath poora yog hoga to dhaarna bhi hogi। aise meethe baba se bahuton ka yog nahin hai। samajhte hi nahin - grihastha vyavhaar mein rehte baap se poora yog lagaana hai। maaya ke toofaan to aayenge hi। koi ko puraane mitra-sambandhi yaad aayenge, koi ko kya yaad padta rahega। to mitra-sambandhiyon aadi ki yaad aatma ko maila kar deti hai। kichda padne se phir ghabra jaate hain, ismen ghabraana nahin hai। yeh to maaya karegi, kichda padega hi hamaare oopar। holi mein kichda padta hai na। ham baba ki yaad mein rahen to kichda nahin rahega। baap ko bhoole to pahla number deh-abhimaan ka kichda padega। phir lobh, moh aadi sab aayenge। apne liye mehnat karni hai, kamaai karni hai aur phir aap samaan banaane ki mehnat karni hai। centres par service achhi hoti hai। yahaan aate hain to kehte hain ham jaakar prabandha karenge, centre kholenge, yahaan se gaye khalaas। baba khud bhi kah dete hain tum yeh sab baaten bhool jaayenge। yahaan to bhatti mein rehna pade, jab tak samjhaane laayak ho jaaen। shivbaaba ka to sabse meetha connection hai na। samajh sakte hain, kis prakaar ki service karte hain। sthool service ka izaapha milta avashya hai। bahut haddi service karte hain। parantu subject to hain na। us padhaai mein bhi subject hote hain। to is roohaani padhaai ke bhi subject hain। pahle number ki subject hai yaad, peechhe padhaai। baaki sab hai gupta। is drama ko bhi samajhna padta hai। yeh bhi koi ko pata nahin hai ki 1250 varsha har ek yug mein hain। satayug kitna samay tha, achha vahaan kaun sa dharma tha? sabse jaasti janma yahaan kiske hone chaahiye? bauddhi, islaami aadi itne janma thode hi lenge। kiski buddhi mein yeh baaten nahin hain। shaastravaadiyon se poochhna chaahiye ki tum bhagvaanuvaach kisko kehte ho? sarva shaastramai shiromni to geeta hai। bhaarat mein pahle-pahle to devi-devta dharma tha। unka shaastra kaun-sa? geeta kisne gaai? shreekrishna bhagvaanuvaach to ho na sake। sthaapna aur vinaash karaana to bhagwan ka hi kaam hai। shreekrishna bhala kab aaya? abhi kis roop mein hai? shivbaaba ke opposite shreekrishna ki mahima zaroor likhni padegi। shiv hai geeta ka bhagwan, unse shreekrishna ko pad mila। shreekrishna ke 84 janma bhi dikhaate hain। pichhaadi mein phir brahma ka adopted chitra bhi dikhaana pade। hamaari buddhi mein jaise 84 janmon ki maala padi hui hai। lakshmi-naaraayan ke bhi 84 janma zaroor dikhaane pade। raat ko vichaar saagar manthan kar aur khyaal chalaana padta hai। second mein jeevanmukti milti hai। iske liye ham kya likhen? jeevanmukti maana svarga mein jaana। so to jab baap svarga ka rachayita aaye, unke bachche banen tab svarga ke maalik banen। satayug hai punya aatmaon ki duniya। yeh kaliyug hai paap aatmaon ki duniya। woh hai nirvikaari duniya। vahaan maaya raavan ka raajya hi nahin hai। bhal vahaan yeh saara gyaan nahin rehta lekin ham aatma hain, yeh shareer boodha hua, isko ab chhodna hai - yeh to khyaalaat rehte hain na। yahaan to aatma ka bhi gyaan koi mein nahin hai। baap se jeevanmukti ka varsa milta hai। to yaad bhi unko karna chaahiye na। baap farmaan karte hain manamnaabhav। geeta mein yeh kisne kaha ki manamnaabhav? mujhe yaad karo aur vishnu-puri ko yaad karo - yeh kaun kah sakta hai? shreekrishna ko to patit-paavan kah na saken। 84 janmon ka raaz bhi koi thode hi jaante hain। to tumhein sabko samjhaana chaahiye। tum in baaton ko samajhkar apna aur sabka kalyaan karo to tumhaara maan bahut hoga। nidar ho jahaan-tahaan phirte raho। tum ho bahut gupta। bhal dress badal kar service karo। chitra sadaiv paas mein ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ka namaste।

dhaarna ke liye mukhya saar:-

1) meethe baap se poora yog lagaakar ati meetha aur dehi-abhimaani banna hai। vichaar saagar manthan kar pahle svayan dhaarna karni hai phir doosron ko samjhaana hai।

2) apni avastha majboot banaani hai। nidar banna hai। manushya ko devta banaane ki service ka shauk rakhna hai।

vardaan:- sada khushi ki khuraak khaane aur khilaane vaale khushhaal, khushanseeb bhav

aap bachchon ke paas sachcha avinaashi dhan hai isliye sabse saahookaar aap ho। chaahe sookhi roti bhi khaate ho lekin khushi ki khuraak us sookhi roti mein bhari hui hai, uske aage koi khuraak nahin। sabse achhi khuraak khaane vaale, sukh ki roti khaane vaale aap ho isliye sada khushhaal ho। to aise khushhaal raho jo aur bhi dekhkar khushhaal ho jaaen tab kahenge khushanseeb aatmaayen।

slogan:- knowledgeful woh hai jiska ek bhi sankalp va bol vyartha na jaaye।