सोमवार 20 नवंबर 2023 की दैनिक मुरली

20-11-2023 praatahmurli om shanti "baapdaada"' madhuban

“meethe bachche - ever healthy-ever wealthy banne ke liye tum abhi direct apna tan-man-dhan insure karo, is samay hi yeh behad ka insurance hota hai''

prashn:- aapas mein ek-doosre ko kaun-si smriti dilaate unnati ko paana hai?

uttar:- ek-doosre ko smriti dilaao ki ab naatak poora hua, vaapas ghar chalna hai। anek baar yeh part bajaaya, 84 janma poore kiye, ab shareer roopi vastra utaar ghar chalenge। yahi hai tum roohaani social worker ki seva। tum roohaani social worker sabko yahi sandesh dete raho ki deh sahit deh ke sab sambandhon ko bhool baap aur ghar ko yaad karo।

geet:- chhod bhi de aakaash sinhaasan…

om shanti। jahaan geeta ki paathshaalaayen hoti hain vahaan aksar karke yeh geet gaate hain। geeta sunaane vaale pahle yeh shlok gaate hain। yeh jaante to nahin hain ki kisko bulaate hain। is samay dharma glaani hai। pahle hai praarthana phir woh response karte hain aao, phir se aakar geeta gyaan sunaao kyonki paap bahut badh gaye hain। woh phir response karte hain ki haan, jabki bhaarat ke log paap aatma duhkhi ban jaate hain, dharma glaani ho padti hai tab main aata hoon। swaroop badalna padta hai zaroor manushya tan mein hi aayenge। roop to sab aatmaayen badalti hain। tum aatmaayen asul niraakaari ho phir yahaan aakar saakaari banti ho। manushya kahlaati ho। abhi manushya paapaatma, patit hain to mujhe bhi apna roop rachna pade। jaise tum niraakaar se saakaari bane ho, mujhe bhi banna pade। is patit duniya mein to shreekrishna aa na sake। woh to hai svarga ka maalik। samajhte hain shreekrishna ne geeta sunaai parantu shreekrishna to patit duniya mein ho na sake। unka naam, roop, desh, kaal, act sab bilkul alag hai। yeh baap batlaate hain। shreekrishna ko to apne maat-pita hain, usne maa ke garbha se apna roop racha। main to garbha mein nahin jaata। mujhe rath to zaroor chaahiye। main inke bahut janmon ke ant ke janma mein pravesh karta hoon। pahla number to hai shreekrishna। inke bahut janmon ke ant ka janma hua 84vaan janma। to main ismen hi aata hoon। yeh apne janmon ko nahin jaante hain। shreekrishna to aise nahin kehte ki main apne janmon ko nahin jaanta hoon। bhagwan kehte hain jismen mainne pravesh kiya hai, woh apne janmon ko nahin jaanta। main jaanta hoon, shreekrishna to raajdhaani ka maalik hai। satayug mein hai sooryavanshi raajya, vishnupuri। vishnu kaha jaata hai lakshmi-naaraayan ko। kahaan bhi bhaashan hota hai to yeh record kaaphi hai kyonki yeh to bhaaratvaasi khud gaate hain। jab dharma praayah lop ho jaae tab to phir se geeta sunaaoon। vahi dharma phir se sthaapan karna hai। us dharma ke koi manushya hi nahin hain to phir geeta ka gyaan kahaan se nikla? baap samjhaate hain - satayug-treta mein koi shaastra aadi hote nahin। yeh sab hai bhakti maarga ki saamagri, in dvaara mere saath koi mil nahin sakte। mujhe to aana padta hai, aakar sabko sadgati deta hoon via gati। sabko vaapis jaana padta hai। gati mein jaakar phir svarga mein aana hai। mukti mein jaakar phir jeevanmukti mein aana hai। baap kehte hain ek second mein jeevanmukti mil sakti hai। gaaya hua hai grihastha vyavhaar mein rehte ek second mein jeevanmukti arthaat duhkh rahit। sannyaasi to jeevanmukta bana na saken। woh to jeevanmukti ko maante hi nahin। in sannyaasiyon ka dharma satayug mein to hota hi nahin hai। sannyaas dharma to baad mein hota hai। islaami, bauddhi aadi yeh sab satayug mein nahin aayenge। abhi aur sab dharma hain baaki devta dharma hai nahin। ve sab aur dharmon mein chale gaye hain। apne dharma ka pata nahin hai। koi bhi apne ko devta dharma ka maante hi nahin। jayhinda kehte hain, bhaarat ki jay, bhaarat ki khay (haar) kab hoti hai, yeh thode hi koi jaante hain। bhaarat ki jay tab hoti hai jab raajya-bhaagya milta hai, jab puraani duniya ka vinaash hota hai। khay karta hai raavan। jay karte hain raam। ‘jay bhaarat' kahenge। ‘jay hinda' nahin। akshar badal diya hai। geeta ke akshar achhe-achhe hain।

oonch te oonch hai bhagwan, kehte hain mera koi maat-pita nahin hai। mujhe apna roop aapehi banaana padta hai। main inmen pravesh karta hoon। shreekrishna ko maata ne janma diya। main to creator hoon। drama anusaar yeh bhaktimaarga ke liye sab shaastra aadi bane hue hain। yeh geeta, bhaagvat aadi sab devta dharma par hi banaaye hue hain। jabki baap ne devi-devta dharma ki sthaapna ki hai, woh past ho gaya phir future hoga। aadi-madhya-ant ko, past present aur future kehte hain। ismen aadi-madhya-ant ka arth alag hai। jo past ho gaya vahi phir present hota hai। jo past ki kahaani sunaate hain woh future mein repeat hogi। manushya in baaton ko nahin jaante। jo past hota hai, unki kahaani baba present mein sunaate hain phir future mein repeat hogi। badi samajhne ki baaten hain, badi refine buddhi chaahiye। kahaan bhi tumko bulaate hain to bhaashan bachchon ko karna hai। san shows father। bachche bataayenge hamaara father kaun hai। father to zaroor chaahiye, nahin to varsa kaise lenge। tum to bahut oonche se oonche ho parantu in bade aadmiyon ko bhi maan dena padta hai। tumhein sabko baap ka parichay dena hai। sab god father ko pukaarte hain, praarthana karte hain - he god father aao lekin woh hai kaun। tumhein shivbaaba ki bhi mahima karni hai, shreekrishna ki bhi mahima karni hai aur bhaarat ki bhi mahima karni hai। bhaarat shivaalay, heaven tha। 5 hajaar varsha pahle devi-devtaaon ka raajya tha, woh kisne sthaapan kiya? zaroor oonch te oonch bhagwan ne। oonch te oonch niraakaar parampita paramatma shivaae namah hua। shiv jayanti bhaaratvaasi manaate hain parantu shiv kab padhaare the, yeh kisko pata nahin hai। zaroor heaven se pahle sangam par aaya hoga। kehte hain kalpa-kalpa ke sangamayuge-yuge aata hoon, har ek yug mein nahin। agar har ek yug kaho to bhi 4 avtaar hone chaahiye। unhonne to kitne avtaar dikhaaye hain। oonche se ooncha ek baap hai jo hi heaven rachte hain। bhaarat hi heaven tha, viceless tha phir tum yeh prashn utha nahin sakte ho ki bachche kaise paida hote hain। woh to jo rasma-rivaaj hogi woh chalegi। tum kyon phikra karte ho। pahle tum baap ko to jaano। vahaan aatma ka gyaan rehta hai। ham aatma ek shareer chhod doosra leti hain। rone ki baat nahin। kabhi akaale mrityu nahin hoti hai। khushi se shareer chhod dete hain। to baap ne samjhaaya hai main kaise roop badalkar aata hoon। shreekrishna ke liye nahin kahenge। woh to garbha se janma lete hain। brahma, vishnu, shankar hai sookshmavtanvaasi। prajaapita to zaroor yahaan chaahiye, ham unki santaan hain। woh niraakaar baap avinaashi hai, ham aatmaayen bhi avinaashi hain। parantu hamko punarjanma mein zaroor aana hai। yeh drama bana hua hai। kehte hain phir se aakar geeta ka gyaan sunaao, to zaroor sab chakra mein aayenge, jo hokar gaye hain। baap bhi hokar gaye hain phir aaye hue hain। kehte hain phir se aakar geeta sunaata hoon। bulaate hain patit-paavan aao to zaroor patit duniya hai। sab patit hain tab to paap dhone ke liye ganga snaan karne jaate hain। svarga mein yeh bhaarat hi tha, bhaarat hai oonch avinaashi khanda sabka teertha sthaan। sab manushya-maatra patit hain। sabko jeevanmukti dene vaala woh baap hai। zaroor jo itni badi service karte hain, unki mahima gaani chaahiye। avinaashi baap ka birthplace hai bhaarat। vahi sabko paavan banaane vaala hai। baap apne birth place ko chhod aur kahaan ja na sake। to baap baith samjhaate hain main kaise roop rachta hoon।

saara madaar dhaarna par hai। dhaarna par hi tum bachchon ka martaba hai। sabki murli ek jaisi ho nahin sakti। bhal kaath ki murli sab bajaayen to bhi ek jaisi nahin baja sakte। har ek ki act ka part alag hai। itni chhoti-si aatma mein kitna bhaari part hai। paramatma bhi kehte hain ham paartadhaari hain। jab dharma glaani hoti hai tab main aata hoon। bhakti maarga mein bhi main deta hoon। eeshvar arth daan-punya karte hain to eeshvar hi unka phal dete hain। sab apne ko insure karte hain। jaante hain iska phal doosre janma mein milega। tum insure karte ho 21 janmon ke liye। woh hai had ka insurance, indirect aur yeh hai behad ka insurance, direct। tum tan-man-dhan se apne ko insure karte ho phir athaah dhan paayenge। ever healthy, wealthy banenge। tum direct insure kar rahe ho। manushya eeshvar arth daan karte hain, samajhte hain eeshvar dega। woh kaise dilaate hain yeh thode hi samajhte hain। manushya samajhte hain jo kuchh milta hai eeshvar deta hai। eeshvar ne bachcha diya, achha, dete hain to phir lenge bhi zaroor। tum sabko marna zaroor hai। saath kuchh bhi to nahin jaayega। yeh shareer bhi khatma hona hai isliye ab jo insure karna hai woh karo phir 21 janma insure ho jaayenge। aise nahin ki insure kar aur service kuchh bhi na karo, yahaan hi khaate raho। service to karni hai na। tumhaara kharcha bhi to chalta hai na। insure kar aur khaate hi rehte to milega kuchh nahin। mile tab jab service karo to oonch pad bhi paayenge। jitna jo jaasti service karte hain, utna jaasti milta hai। thodi service to thoda milega। government ke social worker bhi nambarvaar hote hain। unke bade-bade heads hote hain। anek prakaar ke social workers hain। woh hain jismaani, tumhaari hai roohaani service। har ek ko tum yaatri banaate ho। yeh hai baap ke paas jaane ki roohaani yaatra। baap kehte hain deh sahit deh ke sab sambandhon ko aur guru gosaai aadi ko bhi chhodo। maamekam yaad karo। parampita paramatma niraakaar hai, saakaar roop dhaaran kar samjhaate hain। kehte hain main loan leta hoon, prakriti ka aadhaar leta hoon। tum bhi nange aaye the, ab phir sabko vaapis jaana hai। sab dharma vaalon ko kehte hain, maut saamne khada hai। yaadav, kaurav khalaas ho jaayenge। baaki paandav phir aakar raajya karenge। yeh geeta episode repeat ho raha hai। puraani duniya ka vinaash hona hai, 84 janma lete-lete ab yeh old ho gaya hai। 84 janma poore hue, naatak poora hua। ab vaapis jaana hai, shareer chhod ghar jaate hain। ek-do ko yahi smriti dilaate hain - abhi vaapis jaana hai। anek baar yeh part bajaaya hai 84 janmon ka। yeh naatak anaadi bana hua hai, jo-jo jis dharma vaale hain, unko apne section mein jaana hai। jo devi-devta dharma praayahlop ho gaya hai, unke liye sapling lag rahi hai। jo phool honge woh aa jaayenge। achhe-achhe phool aate hain phir maaya ka toofaan lagne se gir padte hain phir gyaan ki sanjeevni booti milne se uth padte hain। baap bhi kehte hain tum shaastra padhte aaye ho। barobar inke guru aadi bhi the। baap kehte hain gurooon sahit sabki sadgati karne vaala ek hi hai। ek second mein mukti-jeevanmukti। raaja-raani to pravritti maarga ho gaya। viceless pravritti maarga tha। ab sampoorn vicious hain। vahaan raavan ka raajya hota nahin। raavan ka raajya aadha-kalpa se shuru hota hai, bhaaratvaasi hi raavan se haar khaate hain। baaki aur sab dharma vaale apne-apne samay par sato, rajo, tamo se paas hote hain। pahle sukh phir duhkh mein aate hain। mukti ke baad jeevanmukti hai hi। is samay sab tamopradhaan jadajdeebhoot hain, har aatma ek shareer chhod phir doosra naya shareer leti hai। baap kehte hain main janma-maran mein nahin aata hoon। mera koi baap ho nahin sakta। aur sabko to baap hain। shreekrishna ka bhi janma maa ke garbha se hota hai। yahi brahma jab raajya lenge tab garbha se janma lenge। inko hi old se new banna hai। 84 janmon ka old hai। mushkil koi ko yathaartha buddhi mein baithta hai aur nasha chadhta hai। yeh kasturi knowledge hai khushboodaar। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) roohaani social worker ban sabko roohaani yaatra sikhaani hai। apne devi-devta dharma ki sapling lagaani hai।

2) apni refine buddhi se baap ka show karna hai। pahle svayan mein dhaarna kar phir doosron ko sunaana hai।

vardaan:- vaacha ke saath mansa dvaara shaktishaali seva karne vaale sahaj saphalta moorta bhav

jaise vaacha ki seva mein sada busy rahne ke anubhvi ho gaye ho, aise har samay vaani ke saath-saath mansa seva svatah honi chaahiye। mansa seva arthaat har samay har aatma ke prati svatah shubh bhaavna aur shubh kaamna ke shuddh vibration apne ko aur doosron ko anubhav hon, man se har samay sarva aatmaon ke prati duaayen nikalti rahen। to mansa seva karne se vaani ki energy jama hogi aur yeh mansa ki shaktishaali seva sahaj saphaltaamoorta bana degi।

slogan:- apni har chalan se baap ka naam baala karne vaale hi sachche-sachche khudaai khidmatgaar hain।