मंगलवार 21 नवंबर 2023 की दैनिक मुरली

21-11-2023 praatahmurli om shanti "baapdaada"' madhuban

“meethe bachche - second mein mukti aur jeevanmukti praapta karne ke liye manamnaabhav, madhyaaji bhav। baap ko yathaartha pahchaan kar yaad karo aur sabko baap ka parichay do''

prashn:- kis nashe ke aadhaar par hi tum baap ka show kar sakte ho?

uttar:- nasha ho ki ham abhi bhagwan ke bachche bane hain, woh humein padha rahe hain। humein hi sab manushya maatra ko sachcha raasta bataana hai। ham abhi sangamayug par hain। humein apni royal chalan se baap ka naam baala karna hai। baap aur shreekrishna ki mahima sabko sunaani hai।

geet:- aane vaale kal ki tum takdeer ho…

om shanti। yeh geet to gaaye hue hain svatantrata senaaniyon ke, baaki duniya ki takdeer kisko kaha jaata hai, yeh bhaaratvaasi nahin jaante hain। saari duniya ka prashn hai, saari duniya ki takdeer badal hell se heaven banaane vaala koi manushya ho nahin sakta। yeh mahima kisi manushya ki nahin hai। agar shreekrishna ke liye kahen to unko gaali koi de na sake। manushya yeh bhi nahin samajhte ki shreekrishna ne chauth ka chandrama kaise dekha jo kalank laga। kalank vaastav mein na shreekrishna ko lagte hain, na geeta ke bhagwan ko lagte hain। kalank lagte hain brahma ko। shreekrishna ko kalank lagaaye bhi hain to bhagaane ke। shivbaaba ka to kisko bhi pata nahin hai। eeshvar ke pichhaadi bhaage hain zaroor, parantu eeshvar to gaali kha na sake। na eeshvar ko, na shreekrishna ko gaali de sakte। donon ki mahima jabardasta hai। shreekrishna ki bhi mahima number one hai। lakshmi-naaraayan ki itni mahima nahin hai kyonki woh shaadi-shuda hai। shreekrishna to kumaar hai isliye uski mahima jyaada hai, bhal lakshmi-naaraayan ki mahima bhi aise hi gaayenge - 16 kala sampoorn, sampoorn nirvikaari… shreekrishna ko to phir dvaapar mein dikhaaya hai। samajhte hain yeh mahima parampara se chali aai hai। in sab baaton ko bhi tum bachche jaante ho। yeh to eeshvareey knowledge hai, eeshvar ne hi raam raajya sthaapan kiya hai। raam raajya ko manushya samajhte nahin hain। baap hi aakar in sabki samajh dete hain। saara madaar hai geeta par, geeta mein hi wrong likh diya hai। kaurav aur paandavon ki ladaai to lagi hi nahin to arjun ki baat hi nahin। yeh to baap baith paathshaala mein padhaate hain। paathshaala yuddha ke maidaan mein thode hi hogi। haan, yeh maaya raavan se yuddha hai। un par jeet paani hai। maaya jeete jagatjeet banna hai। parantu in baaton ko jara bhi samajh nahin sakte। drama mein noondh hi aisi hai। unhon ko pichhaadi mein aakar samajhna hai। aur tum bachche hi samjha sakte ho। bheeshma pitaamah aadi ko hinsak baan aadi maarne ki baat hi nahin hai। shaastron mein to bahut hi baaten likh di hain। maataaon ko unke paas jaakar time lena chaahiye। bolo, ham aapse is sambandh mein baat karna chaahte hain। yeh geeta to bhagwan ne gaai hai। bhagwan ki mahima hai। shreekrishna to alag hai। hamko to is baat mein sanshay aata hai। rudra bhagvaanuvaach, unka yeh rudra gyaan yagya hai। yeh niraakaar parampita paramatma ka gyaan yagya hai। manushya phir kehte shreekrishna bhagvaanuvaach। bhagwan to vaastav mein ek ko hi kehte hain, unki phir mahima likhni chaahiye। shreekrishna ki mahima yeh hai, ab donon mein geeta ka bhagwan kaun hai? geeta mein likha hua hai sahaj raajayog। baap kehte hain ki behad ka sannyaas karo। deh sahit deh ke sarva sambandh chhod apne ko aatma samjho, manamnaabhav, madhyaaji bhav। baap samjhaate to bahut achhi raati se hain। geeta mein hai shreemad bhagvaanuvaach। shri arthaat shreshtha to parampita paramatma shiv ko hi kahenge। shreekrishna to daivi gun vaala manushya hai। geeta ka bhagwan to shiv hai jisne raajayog sikhaaya hai। barobar pichhaadi mein sab dharma vinaash ho ek dharma ki sthaapna hui hai। satayug mein ek hi aadi sanaatan devi-devta dharma tha। woh shreekrishna ne nahin parantu bhagwan ne sthaapan kiya। unki mahima yeh hai। unko tvamev maataashcha pita kaha jaata hai। shreekrishna ko to nahin kahenge। tumhein satya baap ka parichay dena hai। tum samjha sakte ho ki bhagwan hi liberator aur guide hai jo sabko le jaate hain, machchharon sadrishya sabko le jaana yeh to shiv ka kaam hai। supreme akshar bhi bada achha hai। to shiv parampita paramatma ki mahima alag, shreekrishna ki mahima alag, donon siddha kar samjhaani hai। shiv to janma-maran mein aane vaala nahin hai। woh patit-paavan hai। shreekrishna to poore 84 janma lete hain। ab paramatma kisko kaha jaae? yeh bhi likhna chaahiye। behad ke baap ko na jaanne ke kaaran hi orphan, duhkhi hue hain। satayug mein jab dhanke ban jaate hain to zaroor sukhi honge। aise spashta akshar hone chaahiye। baap kehte hain mujhe yaad karo aur varsa lo। second mein jeevanmukti, abhi bhi shivbaaba aise kehte hain। mahima poori likhni hai। shivaae namah, unse svarga ka varsa milta hai। is srishti chakra ko samajhne se tum svargavaasi ban jaayenge। ab judge karo - right kya hai? tum bachchon ko sannyaasiyon ke aashram mein jaakar personal milna chaahiye। sabha mein to unhon ko bahut ghamanda rehta hai।

tum bachchon ki buddhi mein yeh bhi rehna chaahiye ki manushyon ko sachcha raasta kaise bataayen? bhagvaanuvaach - main in saadhuon aadi ka bhi uddhaar karta hoon। liberator akshar bhi hai। behad ka baap hi kehte hain mere bano। father shows san phir san shows father। shreekrishna ko to father nahin kahenge। god father ke sab bachche ho sakte hain। manushya maatra ke to sab bachche ho na sake। to tum bachchon ko samjhaane ka bada nasha hona chaahiye। behad ke baap ke ham bachche hain, raaja ke bachche raajkumaar ki tum chalan to dekho kitni royal hoti hai। parantu us bichaare par (shreekrishna par) to bhaaratvaasiyon ne kalank laga diya hai। kahenge bhaaratvaasi to tum bhi ho। bolo haan, ham bhi hain parantu ham abhi sangam par hain। ham bhagwan ke bachche bane hain aur unse padh rahe hain। bhagvaanuvaach - tumko raajayog sikhlaata hoon। shreekrishna ki baat ho nahin sakti। aage chalkar samajhte jaayenge। raaja janak ne bhi ishaare se samjha hai na। parampita paramatma ko yaad kiya aur dhyaan mein chala gaya। dhyaan mein to bahut jaate rehte hain। dhyaan mein niraakaari duniya aur vaikuntha dekhenge। yeh to jaante ho ham niraakaari duniya ke rahne vaale hain। paramdham se yahaan aakar part bajaate hain। vinaash bhi saamne khada hai। science vaale moon ke oopar jaane liye maatha maarte rehte hain - yeh hai ati science ke ghamanda mein jaana jisse phir apna hi vinaash karte hain। baaki moon aadi mein kuchh hai nahin। baaten to badi achhi hain sirf samjhaane ki yukti chaahiye। hamko shiksha dene vaala oonch te oonch baap hai। woh tumhaara bhi baap hai। unki mahima alag, shreekrishna ki mahima alag hai। rudra avinaashi gyaan yagya hai, jismen sab aahuti padni hai। points bahut achhi hain parantu shaayad abhi deri hai।

yeh point bhi achhi hai - ek hai roohaani yaatra, doosri hai jismaani yaatra। baap kehte hain ki mujhe yaad karo to ant mati so gati ho jaayegi। spiritual father ke bina aur koi sikhla na sake। aisi-aisi point likhni chaahiye। manamnaabhav-madhyaajeebhav, yeh hai mukti-jeevanmukti ki yaatra। yaatra to baap hi karaayenge, shreekrishna to kara na sake। yaad karne ki hi aadat daalni hai। jitna yaad karenge utna khushi hogi। parantu maaya yaad karne nahin deti hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। service to sab karte hain, parantu oonch aur neech service to hai na। kisko baap ka parichay dena hai bahut sahaj। achha - roohaani baap ki roohaani bachchon ko namaste।

raatri class

jaise pahaadon par hava khaane, refresh hone jaate hain। ghar va office mein rahne se buddhi mein kaam rehta hai। baahar jaane se office ke khyaal se free ho jaate hain। yahaan bhi bachche refresh hone ke liye aate hain। aadhaakalpa bhakti karte-karte thak gaye hain, purushottam sangamayug par gyaan milta hai। gyaan aur yog se tum refresh ho jaate ho। tum jaante ho abhi puraani duniya vinaash hoti hai, nai duniya sthaapan hoti hai। pralay to hoti nahin। vo log samajhte hain duniya ekdam khatma ho jaati hai, parantu nahin। change hoti hai। yeh hai hi narka, puraani duniya। nai duniya aur puraani duniya kya hoti hai, yeh bhi tum jaante ho। tumko detail mein samjhaaya gaya hai। tumhaari buddhi mein vistaar hai so bhi nambarvaar purooshaartha anusaar। samjhaane mein bhi bahut refineness chaahiye। kisi ko aisa samjhaao jo jhat buddhi mein baith jaaye। kai bachche kachche hain jo chalte-chalte toot padte hain। bhagvaanuvaach bhi hai aashcharyavat sunanti, kathanti…। yahaan hai maaya se yuddha। maaya se markar eeshvar ka bante hain, phir eeshvar se markar maaya ke ban jaate hain। adopt ho phir phaarakti de dete hain। maaya badi prabal hai, bahuton ko toofaan mein laati hai। bachche bhi samajhte hain - haar jeet hoti hai। yeh khel hi haar jeet ka hai। 5 vikaaron se haare hain। abhi tum jeetne ka purushaartha karte ho। aakhreen jeet tumhaari hai। jab baap ke bane ho to pakka banna chaahiye। tum dekhte ho maaya kitne temptation deti hai! kai baar dhyaan deedaar mein jaane se bhi khel khalaas ho jaata hai। tum bachchon ki buddhi mein hai ab 84 janma ka chakra lagaakar poora kiya hai। devta, kshatriy, vaishya, shoodra bane, abhi shoodra se brahman bane hain। brahman ban phir devta ban jaate hain, yeh bhoolna nahin hai। agar yeh bhi bhoolte ho to paanv peechhe hat jaate hain phir duniyaavi baaton mein buddhi lag jaati hai। murli aadi bhi yaad nahin rehti। yaad ki yaatra bhi difficult bhaasti hai। yeh bhi wonder hai।

kai bachchon ko badge lagaane mein bhi lajja aati hain, yeh bhi deh-abhimaan hai na। gaali to khaani hi hai। shreekrishna ne kitni gaali khaai hai! sabse jaasti gaali khaai hai shiv ne। phir shreekrishna ne। phir sabse jaasti gaali khaai hai raam ne। nambarvaar hai। defame karne se bhaarat ki kitni glaani hui hai! tum bachchon ko ismen darna nahin hai। achha - meethe meethe sikeeldhe bachchon prati yaadapyaar aur good night।

dhaarna ke liye mukhya saar:-

1) buddhi se behad ka sannyaas kar, roohaani yaatra par tatpar rehna hai। yaad mein rahne ki aadat daalni hai।

2) father shows san, san shows father sabhi ko baap ka satya parichay dena hai। second mein jeevanmukti ka raasta bataana hai।

vardaan:- mansa aur vaacha ke mel dvaara jaadoomantra karne vaale naveenta aur visheshta sampanna bhav

mansa aur vaacha donon ka milan jaadoomantra ka kaam karta hai, isse sangathan ki chhoti-chhoti baaten aise samaapta ho jaayengi jo aap sochenge ki yeh to jaadu ho gaya। mansa shubh bhaavna va shubh duaayen dene mein busy ho to man ki halchal samaapta ho jaayegi, purushaartha se kabhi dilshikasta nahin honge। sangathan mein kabhi ghabraayenge nahin। mansa-vaacha ki sammilit seva se vihang maarga ki seva ka prabhaav dekhenge। ab seva mein isi naveenta aur visheshta se sampanna bano to 9 laakh praja sahaj taiyaar ho jaayegi।

slogan:- buddhi yathaartha nirnay tab degi jab poore-poore viceless banenge।

maateshvari ji ke madhur mahaavaakyah

“kaliyugi asaar sansaar se satayugi saar vaali duniya mein le chalna kiska kaam hai''

is kaliyugi sansaar ko asaar sansaar kyon kehte hain? kyonki is duniya mein koi saar nahin hai maana koi bhi vastu mein vo taakat nahin rahi arthaat sukh shanti pavitrata nahin hai, jo is srishti par koi samay sukh shanti pavitrata thi। ab vo taakat nahin hain kyonki is srishti mein 5 bhooton ki praveshta hai isliye hi is srishti ko bhay ka saagar athva karmabandhan ka saagar kehte hain isliye hi manushya duhkhi ho paramatma ko pukaar rahe hain, paramatma hamko bhav saagar se paar karo isse siddha hai ki zaroor koi abhay arthaat nirbhayta ka bhi sansaar hai jismen chalna chaahte hain isliye is sansaar ko paap ka saagar kehte hain, jisse paar kar punya aatma vaali duniya mein chalna chaahte hain। to duniyaayen do hain, ek satayugi saar vaali duniya, doosri hai kaliyugi asaar ki duniya। donon duniyaayen is srishti par hoti hain। achha - om shanti।