बुधवार 22 नवंबर 2023 की दैनिक मुरली

22-11-2023 praatahmurli om shanti "baapdaada"' madhuban

“meethe bachche - tum braahmanon ka yeh naya jhaad hai, iski vriddhi bhi karni hai to sambhaal bhi karni hai kyonki naye jhaad ko chidiyaayen kha jaati hain''

prashn:- brahman jhaad mein nikle hue patte murjhaate kyon hain? kaaran aur nivaaran kya hai?

uttar:- baap jo gyaan ke wonderful raaz sunaate hain woh na samajhne ke kaaran sanshay utpanna hota hai isliye naye-naye patte murjha jaate hain phir padhaai chhod dete hain। ismen samjhaane vaale bachche bahut hoshiyaar chaahiye। agar koi sanshay uthta hai to badon se poochhna chaahiye। uttar nahin milta to baap se bhi poochh sakte hain।

geet:- preetam on milo…

om shanti। geet to bachchon ne bahut baar sune hain, duhkh mein bhagwan ko sabhi bulaate hain। tumhaare paas to woh baithe hain। tumko sabhi duhkhon se liberate kar rahe hain। tum jaante ho barobar duhkhadhaam se sukhdhaam le jaane vaala sukhdhaam ka maalik batla rahe hain। woh aaya hua hai, tumhaare sammukh baitha hua hai aur raajayog sikhla raha hai। yeh koi manushya ka kaam nahin। tum kahenge parampita paramatma ne hamko manushya se devta banaane ke liye raajayog sikhlaaya hai। manushya, manushya ko devta nahin bana sakte। manushya se devta kiye karat na laagi vaar… yeh kiski mahima hai? baba ki। barobar devtaayen to satayug mein hote hain। is samay devtaayen hote hi nahin। to zaroor svarga ki sthaapna karne vaala hi manushya ko devta banaayega। parampita paramatma jisko shiv bhi kehte hain, unko yahaan aana pade patiton ko paavan banaane। ab woh aaye kaise? patit duniya mein shreekrishna ka bhi tan mil na sake। manushya to moonjhe hue hain। ab tum bachche sammukh sun rahe ho। tum is duniya ki history-geography ko jaante ho। history ke saath geography zaroor hoti hai aur history-geography hoti hai manushya srishti mein। brahma-vishnu-shankar ki, sookshm vatan ki kabhi history-geography nahin kahenge। woh hai sookshm vatan। vahaan to hai movie। talkie to yahaan hai। ab baba tum bachchon ko saari duniya ki history-geography aur mool vatan ka samaachaar, jisko teen lok kehte hain sab sunaate hain। ab tum braahmanon ka naya jhaad laga hai। isko jhaad kaha jaata hai। doosre jo math-panth hain unko jhaad nahin kahenge। bhal Christian log hain woh jaante hain ki Christian tree alag hai lekin unko yeh pata nahin hai ki sabhi taal-taaliyaan is bade jhaad se nikli hui hain। samjhaana chaahiye manushya srishti kaise paida hogi। maat-pita phir baalak.... woh bhi sab ikatthe to nahin niklenge। do se chaar, paanch patte hote hain phir koi ko to chidiya bhi kha jaati hai। yahaan bhi chidiya kha jaati hain। yeh bahut chhota jhaad hai। dheere-dheere vriddhi ko paayenge, jaise pahle paaya hai। tum bachchon ko ab kitni knowledge hai। tum trikaaldarshi ho teenon kaalon ko jaanne vaale ho, trilokeenaath ho arthaat teenon lokon ko jaanne vaale ho। lakshmi-naaraayan ko trilokeenaath, trikaaldarshi nahin kahenge। manushya phir shreekrishna ko trilokeenaath kehte hain। jo service karenge unki praja banegi। apna vaaris bhi banaana hai, praja bhi banaani hai। to yeh buddhi mein hona chaahiye-ham trilokeenaath hain। yeh baaten badi wonderful hain। bachche poori reeti samjha nahin sakte to construction ke badle destruction kar lete hain। nikle hue patton ko bhi murjha dete hain। (sanshaybuddhi bana dete hain) phir padhaai ko chhod dete hain। ham kahenge kalpa pahle bhi aisa hua tha, beeti so beeti dekho। ab tum bachche saare srishti ke aadi-madhya-ant ko jaan gaye ho, history aur geography jaante ho। baaki manushya baaten to bahut banaate hain na, kya-kya likhte hain, kaise naatak banaate hain!

bhaarat mein bahuton ko avtaar maante hain। bhaarat ne hi apna beda garka kiya hai। ab tum bachche khaas bhaarat ko, aam duniya ko salvage karte ho। yeh duniya ka chakra phirta hai, ham oopar honge to narka neeche hoga। jaise soorya utarta hai to kahenge samudra ke neeche jaata hai। parantu jaata thode hi hai। samajhte hain dvaarika aadi doob gai। manushyon ki buddhi bhi wonderful hai na। ab tum kitne oonch bante ho। kitni khushi honi chaahiye। duhkh ke samay tumko lottery mil rahi hai। devtaaon ko to mili hui hai। yahaan tumko duhkh se phir athaah sukh milte hain। kitni khushi hoti hai, bhavishya 21 janmon liye ham svarga ke maalik banenge।

manushya kehte hain geeta ka gyaan to satsang hai। kitne satsang saani baba aadi ke hain। bahut dukaandaari hai। yeh to ek hi hatti hai brahmaakumaariyon ki। jagat amba hai brahma ki mukh vanshaavli। sarasvati brahma ki beti mashhoor hai। tum jaante ho maat-pita se humein sukh ghanere mile the। ab woh maat-pita mila hua hai। bahut sukh ghanere de rahe hain। achha, maat-pita ko janma dene vaala kaun? shivbaaba। hamko ratna shivbaaba se milte hain। tum ho gaye potre। ham ab sukh ghanere us behad ke baap se, brahma sarasvati, maat-pita dvaara le rahe hain। dene vaala woh hai। kitni sahaj baat hai। phir samjhaana hai ham is bhaarat ko svarga banaate hain। phir sukh ghanere jaakar paayenge। ham bhaarat ke sevak thahre। tan, man, dhan se ham seva karte hain। gaandhi ko bhi madad karte the na। tum samjha sakte ho yaadav, kaurav, paandav kya karte the? paandavon ki taraph to hai parampita paramatma। paandav hain vinaash kaale preet buddhi, kaurav aur yaadav hain vinaash kaale vipreet buddhi। jo parampita paramatma ko maante hi nahin। thikkar-bhittar mein thok dete hain। tumhaari unke sivaae aur koi ke saath preet nahin hai। to bahut harshit rehna chahie। naakhoon se lekar choti tak khushi rahni chaahiye। bachche to bahut hain na। tum maat-pita dvaara sunte ho to tumko khushi hoti hai। saari srishti mein hamaare jaisa saubhaagyashaali koi ho nahin sakta! hamaare mein bhi koi padmaapadma bhaagyashaali, koi saubhaagyashaali, koi bhaagyashaali aur koi durbhaagyashaali bhi hain। jo aashcharyavat bhaaganti ho jaate hain unko kahenge mahaan durbhaagyashaali। koi na koi kaaran se baap ko phaarakti de dete hain। baap to bahut meetha hai। samajhte hain shiksha doon to kahaan phaarakti na de deve। samjhaate hain tum vikaar mein jaakar kul ka naam badnaam karte ho। agar naam badnaam karenge to bahut sajaayen khaani padengi। use kaha jaayega satguru ka nindak..... unhonne phir apne laukik guru ke liye samajh liya hai। ablaaon ko purush bhi daraate hain। amarnaath baba abhi tumko amraktha suna rahe hain। baba kehte hain main to teacher, servant hoon na। teacher ke paanv dhokar peete hain kya? bachche jo maalik banne vaale hain, kya ham unse paanv dhulaaoon? nahin। gaaya bhi jaata hai niraakaar, nirhankaari। yeh bhi (brahma bhi) unke sang mein nirhankaari ban gaya hai।

ablaaon par atyaachaar bhi gaaya hua hai। kalpa pahle bhi atyaachaar hue the। rakta ki nadiyaan bahengi, paap ka ghada bharega। abhi tum yogbal se behad ki baadshaahi lete ho। tum jaante ho ham baap se atal-akhanda baadshaahi lete hain। ham to sooryavanshi banenge। haan, ismen himmat bhi chaahiye। apna munh dekhte raho-hamaare mein koi vikaar to nahin hain। koi bhi baat na samjho to badon se poochho, apna sanshay mitaao। agar braahmani sanshay mita nahin sakti to phir baba se poochho। abhi to tum bachchon ko bahut kuchh baaten samajhne ki hain। jahaan tak jiyenge baba samjhaate rahenge। bolo, abhi to ham padh rahe hain, baba se ham poochhenge ya to bolo yeh baaten ab tak baba ne samjhaai nahin hain। aage chalkar samjhaayenge, phir poochhna। bahut points nikalti rehti hain। koi kahenge ladaai ka kya hoga? baba trikaaldarshi hain samjha sakte hain, parantu abhi to baba ne batlaaya nahin hai। arji hamaari, marji unki। apne ko chhuda lena chaahiye।

garden mein baba ne bachchon se prashn poochha ki baba hai gyaan ka saagar to zaroor woh gyaan dance karta hoga। achha, jabki bhakti maarga mein shivbaaba sabki manokaamnaayen poori karne ka part bajaate hain to us samay unko yeh sankalp hoga ki hamko bhaarat mein sangam par jaakar bachchon ko yeh raajayog sikhlaana hai? svarga ka maalik banaana hai? yeh sankalp uthega va jab aane ka samay hoga tab sankalp uthega?

vichaar hai yeh sankalp nahin hoga। bhal usmein gyaan merge hai parantu emerge tab hota hai jab aane ka samay hota hai। aise to hamaare mein bhi 84 janmon ka part merge hai na। gaaya bhi jaata hai bhagwan ko nai srishti rachne ka sankalp utha, so to jab samay hoga tab sankalp chalega। woh bhi drama mein bandhaaymaan hai। yeh bahut guhya baaten hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

raatri-class 13.1.69

bachche jab yahaan aakar baithte hain to baap poochhte hain bachche shivbaaba ko yaad karte ho? phir vishwa ki baadshaahi ko yaad karte ho? behad ke baap ka naam shiv hai। phir bhaasha ke kaaran alag-alag naam rakh dete hain। jaise bambai mein babulnaath kehte hain kyonki woh kaanton ko phool banaate hain। satayug mein hain phool, yahaan sabhi hain kaante। to baap roohaani bachchon se poochhte hain behad ke baap ki yaad mein kitna samay rehte ho? unka naam hai shiv, kalyaankaari। tum jitna yaad karenge utna janma-janmaantar ke paap kat jaayenge। satayug mein paap hote hi nahin। woh hai punyaatmaaon ki duniya, yeh hai paapaatmaaon ki duniya। paap karaane vaale hain 5 vikaar। satayug mein raavan hota hi nahin। yeh hai saari duniya ka dushman। is samay saari duniya par raavan ka raajya hai। sabhi duhkhi, tamopradhaan hain tab kehte hain bachchon maamekam yaad karo। yeh geeta ke akshar hain। baap khud kehte hain deh sahit sabhi sambandh chhod maamekam yaad karo। pahle-pahle tum sukh ke sambandh mein the, phir raavan ke bandhan mein aaye ho। phir abhi sukh ke sambandh mein aana hai। apne ko aatma samjho aur baap ko yaad karo - yeh shiksha baap sangamayug par hi dete hain। baap khud kehte hain main paramdham ka rahvaasi hoon, is shareer mein pravesh kiya hai tumko samjhaane liye। baap kehte hain pavitra banne bigar tum mere paas nahin aa sakte ho। ab paavan kaise banenge? sirf mere ko yaad karo। bhakti maarga mein bhi sirf meri pooja karte, unko avyabhichaari pooja kaha jaata hai। abhi main patit-paavan hoon। to tum mujhe yaad karo to tumhaare janma-janmaantar ke paap kat jaayenge। 63 janmon ke paap hain। sannyaasi kab raajayog sikha na sake, baap hi sikhlaate hain। vaastav mein yeh shaastra, bhakti aadi pravritti maarga vaalon ke liye hai। sannyaasi to jangal mein jaakar baithte hain aur brahm ko yaad karte hain। abhi baap kehte hain - sarva ka sadgati daata main hoon isliye mujhe yaad karo to tum yeh (lakshmi-naaraayan) banenge। em-object saamne hain। jitna padhenge padhaayenge utna hi oonch pad daivi raajdhaani mein paayenge। alpha hai ek baap। rachna se rachna ko varsa nahin milta। yeh hai behad ka baap to behad ka varsa dete hain। tum svarga mein sadgati mein honge। baaki sabhi aatmaayen vaapas ghar chali jaayengi। mukti-jeevanmukti, gati-sadgati akshar hi hain shantidham, sukhdhaam ke। baap ki yaad bigar ghar ja nahin sakenge। aatma ko pavitra zaroor banna hai। yahaan sabhi hain naastik। baap ko nahin jaante। tum abhi aastik bante ho। gaayan bhi hai vinaash kaale vipreet buddhi vinashyanti। abhi vinaash kaal hai na। chakra zaroor phirna hai। vinaash kaale jinki preet buddhi hai woh hain vijayanti। baap kitna sahaj kar sunaate hain, parantu maaya-raavan bhula deti hai। abhi is puraani duniya ka ant hai। woh hai amarlok, vahaan kaal hota nahin। baap ko kehte hain aao saath mein ham sabhi ko le chalo। to kaal thahra na। satayug mein kitna chhota jhaad hai! abhi bahut bada jhaad hai।

brahma aur vishnu ka occupation kya hai? vishnu ko devta kehte hain। brahma ko to koi jevar aadi hai nahin। vahaan na brahma, na vishnu, na shankar hain। prajaapita brahma to yahaan hai। sookshm vatan ka sirf saakshaatkaar hota hai। sthool, sookshm, mool hai na! sookshm vatan mein hai movie। yeh samajhne ki baaten hain। yeh geeta paathshaala hai, jahaan tum raajayog seekhte ho। shivbaaba padhaate hain to zaroor shivbaaba hi yaad aayenge na। achha!

roohaani bachchon ko roohaani baapdaada ka yaad-pyaar goodnight। roohaani bachchon ko roohaani baap ki namaste।

dhaarna ke liye mukhya saar:-

1) duhkh ke samay apaar sukhon ki jo lottery mili hai, ek baap se sachchi preet hui hai, uska simran kar sada khushi mein rehna hai।

2) baap-daada samaan niraakaari aur nirhankaari banna hai। himmat rakh vikaaron par jeet paani hai। yogbal se baadshaahi leni hai।

vardaan:- karma karte shaktishaali stage par sthit ho roohaani personality ka anubhav karaane vaale karmayogi bhav

aap bachche sirf karmakarta nahin ho lekin yogayukta hokar karma karne vaale karmayogi ho। to aap dvaara har ek ko yeh anubhav ho ki yeh kaam to haath se kar rahe hain lekin kaam karte bhi apni shaktishaali stage par sthit hain। chaahe saadhaaran reeti se chal rahe hain, khade hain lekin roohaani personality ka door se hi anubhav ho। jaise duniyaavi personality aakarshit karti hai, aise aapki roohaani personality, purity ki personality, gyaani va yogi tu aatma ki personality svatah aakarshit karegi।

slogan:- sahi raah par chalne vaale tatha sabko sahi raah dikhaane vaale sachche-sachche light house hain।