गुरुवार 23 नवंबर 2023 की दैनिक मुरली

23-11-2023 praatahmurli om shanti "baapdaada"' madhuban

“meethe bachche - deh-abhimaan hai rulaane vaala, dehi-abhimaani bano to purushaartha theek hoga, dil mein sachchaai rahegi, baap ko poora follow kar sakenge''

prashn:- kisi bhi paristhiti va aapda mein sthiti nirbhay va ekras kab rah sakti hai?

uttar:- jab drama ke gyaan mein poora-poora nishchay ho। koi bhi aaphat saamne aai to kahenge yeh drama mein tha। kalpa pahle bhi ise paar kiya tha, ismen darne ki baat hi nahin। parantu bachchon ko mahaaveer banna hai। jo baap ke poore madadgaar sapoot bachche hain, baap ki dil par chadhe hue hain, aise bachche hi sada sthir rehte, avastha ekras rehti hai।

geet:- O door ke musaaphir…

om shanti। jab vinaash ka samay hota hai to kuchh bach to jaate hi hain, raam ki sena ya raavan ki sena donon se bachte zaroor hain। to raavan ki sena chillaati hai। ek to ham saath nahin gaye aur phir pichhaadi mein bahut takleeph hoti hai kyonki traahi-traahi bahut hoti hai। tum bachchon mein bhi ananya jo hain vahi laayak honge vinaash dekhne ke। vahi himmat vaale honge। jaise angad ke liye batlaate hain ki woh sthir raha na। vinaash sivaae tum bachchon ke aur koi dekh na sake। traahi-traahi aisi hoti hai, jaise operation hone ke samay koi khade nahin ho sakte hain। yeh tum saamne dekhte rahenge। haahaakaar hota rahega। jo achhe ananya bachche, baba ke madad-gaar sapoot bachche hain, woh dil par chadhe hue hain। hanoomaan koi ek nahin tha। sab hanoomaan, mahaaveeron ki hi maala hai। rudraaksha maala hoti hai na। rudra bhagwan ki bhi jo maala hai uska naam hi hai rudra maala। rudraaksha ek bahut keemti beej hota hai। rudraaksha mein bhi koi real, koi artificial hote hain, vahi maala 100 roopaye ki bhi milegi, vahi maala do roopaye ki bhi milegi। harek cheez aise hai। baap heere jaisa banaate hain, uski bhent mein sab artificial thahre। sach paramatma ke aage sab jhoothe worth not A penny hain। ek kahaavat hai na - soorya ke aage andhera kabhi chhip nahi sakta। ab yeh hai gyaan soorya, unke aage agyaan kabhi chhip nahin sakta। tumko sachche baap dvaara sach mil raha hai। tum jaante ho sachche eeshvar baap ke liye manushya jo bolte hain woh jhooth bolte hain।

abhi tum samjhaate ho geeta ka bhagwan shiv hai, na ki daivi gunon vaala devta shreekrishna। abhi hai sangamayug, phir satayug zaroor hoga। shreekrishna ki aatma abhi gyaan le rahi hai। manushya phir samajhte hain gyaan de rahi hai। kitna farka ho gaya hai। woh baap, woh bachcha। baap ko ekdam gum kar diya hai aur bachche ka naam daal diya hai। aage chalkar aakhir sach nikal padega। pahli mukhya baat hai hi is par। sarvavyaapi kyon samjha hai? kyonki geeta mein shreekrishna ka naam daal diya hai। in baaton ko tum jaante ho। shreekrishna athva devi-devtaaon ki jo aatmaayen hain unhonne 84 janma poore liye hain। gaaya bhi jaata hai aatma paramatma alag rahe bahukaal… ham hi sabse pahle bichhude hain। baaki sab aatmaayen to baba ke saath vahaan rehti hain। iska arth koi nahin samajhte। tumhaare mein bhi koi birle hain jo yathaartha reeti samjha sakte hain। deh-abhimaan hi bahut rulaata hai। dehi-abhimaani hi theek purushaartha karenge to dhaarna bhi achhi reeti ho sakti hai isliye kaha jaata hai follow father। act mein bhi father aate hain। father to donon ho jaate hain। yeh kaun-sa father kehte hain, so tumko thode hi pata padta hai kyonki baap-daada donon is shareer mein hain। ek jo act mein aate hain, use follow kiya jaata hai। baap samjhaate hain - bachche, dehi-abhimaani bano। bahut achhe bachche bhi deh-abhimaani hain kyonki baba ko yaad nahin karte। jo yogi nahin, woh dhaarna nahin kar sakte। yahaan to sachchaai chaahiye। poora follow karna chaahiye। jo sunte ho woh dhaaran kar samjhaate raho। nirbhay rehna hai। drama par khade rehna hai। koi bhi aaphten aadi aati hain to samajhte hain yeh drama mein hai। takleeph paas to ki hai na। tum sab mahaaveer ho na। tumhaara naam baala hai। 8 bahut achhe mahaaveer hain, 108 unse kam hain, 16 hajaar unse kam। banna to zaroor hai। yeh baadshaahi kalpa pahle bhi sthaapan hui hai so honi hai। bahut sanshay mein aakar chhod bhi dete hain। nishchay ho to aise baap ko faarakti thode hi de sakte hain। jor karke gyaan amrit pilaaya jaata hai to bhi peete nahin, jaise chhota bachcha hota hai na। baap gyaan doodh pilaate hain to bhi peete nahin hain, ekdam munh pher lete hain to bilkul nikamme ban jaate hain। kah dete hain hamko maat-pita se kuchh bhi nahin chaahiye, main shreemat par nahin chal sakta hoon to shreshtha phir kaise banenge? bhagwan ki hai shreemat। to yeh bhi ek slogan likh dena chaahiye ki niraakaar gyaan saagar patit-paavan bhagwan shivaachaarya vaach - maata svarga ka dvaar hai। samjhaane ke liye buddhi mein points aani chaahiye। student zaroor sab nambarvaar honge। drama mein vahi apna-apna part baja rahe hain। duhkh mein ham unko yaad karte hain। door desh mein baap rehte hain, unko ham aatmaayen yaad karti hain। duhkh mein simran sab karen, sukh mein ek bhi nahin karte hain। abhi to duhkh ki duniya hai na। yeh samjhaana bahut sahaj hai। pahle-pahle to samjhaana hai ki baap hai svarga ki sthaapna karne vaala, to kyon nahin hamko svarga ki baadshaahi milni chaahiye। yeh bhi jaante hain sab to varsa nahin paayenge। sab svarga mein aa jaayen to phir narka ho hi nahin। vriddhi kaise ho?

yeh to gaaya hua hai - bhaarat avinaashi khanda arthaat avinaashi baap ka birth place hai। bhaarat hi svarga tha। ham khushi se bolte hain - 5 hajaar varsha pahle svarga tha। barobar svarga ke maalikon ke chitra to hain na। kehte bhi hain Christ se 3 hajaar varsha pahle bhaarat heaven tha। zaroor bhaarat mein hi sooryavanshi-chandravanshi the। chitra bhi unke hain। kitna sahaj hai। buddhi mein yeh knowledge chalti hai। baba ki aatma mein yeh knowledge thi to ham aatmaon ko bhi dhaarna karaai hai। woh hai hi knowledgeful। phir kehte bhi hain ki is prajaapita brahma dvaara raajayog sikhlaata hoon jisse woh raajaaon ka raaja ban jaate hain। phir yeh knowledge praayah lop ho jaayegi। ab gyaan phir se tumko mil raha hai। to ab tum bachchon ko challenge deni hai। ismen badi achhi first class buddhi chaahiye। baba apne paas kabhi bhi oonchi vastu nahin rakhte। kahenge itne makaan aadi banaaye hain, woh bhi bachchon ke rahne ke liye banaaye hain। nahin to bachche kahaan aakar rahenge। ek din to sab makaan apne haath aa jaayenge। bhagwan ke dar par bhakton ki bheed to honi hi hai na। unhon ne to bahut bhagwan bana diye hain। practical mein to yeh hai na। tum samajhte ho kitni bheed hogi। duniya mein to bahut andhashradha hai। mele lagte hain to kitni bheed ho jaati hai। kabhi-kabhi to aapas mein lad padte hain। bheed mein phir kitne mar padte hain। bahut nuksaan ho jaata hai। to yeh svadarshan chakra bahut achha hai। slogan bhi zaroor likh dena chaahiye। pichhaadi mein maataaon ke aage sabhi ko jhukna hai। shaktiyon ke aise chitra banaate hain। baap bachchon ke liye gyaan baarood banvaate hain। kehte hain siddha karo। woh to sahaj hai। bhakta bhagwan ko yaad karte hain, saadhu saadhna karte hain - bhagwan se milne liye। god ko father kaha jaata hai। barobar ham unki santaan thahre। brotherhood kehte hain na। cheeni-hindu bhaai-bhaai hain। to baap ek hua na। jismaani roop mein phir behen-bhaai ho jaate hain, vikaari drishti ho na sake। yeh yukti hai pavitra rahne ki। baap bhi kehte hain - kaam mahaashatru hai। parantu jab koi samjhe। mukhya ek baat hai - bhagwan sabka baap hai। baap svarga ki sthaapna karne vaala hai to zaroor baap se varsa milna chaahiye। varsa tha, ab ganvaaya hai। yeh sukh-duhkh ka khel hai। yeh achhi reeti se samjhaana chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sachchaai ko dhaaran kar baap ki har act ko follow karna hai। gyaan amrit peena aur pilaana hai। nirbhay banna hai।

2) ham bhagwan ke bachche aapas mein bhaai-bhaai hain - is smriti se apni drishti-vritti ko pavitra banaana hai।

vardaan:- har ek ki visheshta ko dekhte unhein seva mein lagaane vaale duaaon ke paatra bhav

jaise baapdaada ka har ek bachche ki visheshta se pyaar hai aur har ek mein koi na koi visheshta hai isliye sabse pyaar hai। to aap bhi har ek ki visheshta ko dekho। jaise hans ratna chugta hai, patthar nahin aise aap holeehans ho, aapka kaam hai harek ki visheshta ko dekhna aur unki visheshta ko seva mein lagaana। unhein visheshta ke umang mein laakar, un dvaara unki visheshta seva mein lagaao to unki duaayen aapko milengi। aur woh jo seva karega uska share bhi aapko milega।

slogan:- baapdaada ke saath aise combined raho jo aap dvaara doosron ko baap ki yaad aa jaae।

maateshvari ji ke madhur mahaavaakya

“tamoguni maaya ka vistaar''

satoguni, rajoguni, tamoguni yeh teen shabd kehte hain isko yathaartha samajhna zaroori hai। manushya samajhte hain yeh teenon gun ikatthe chalte rehte hain, parantu vivek kya kehta hai - kya yeh teenon gun ikatthe chale aate hain va teenon gunon ka part alag-alag yug mein hota hai? vivek to aise hi kehta hai ki yeh teenon gun ikatthe nahin chalte jab satayug hai to satogun hai, dvaapar hai to rajogun hai aur kaliyug hai to tamogun hai। jab sato hai to tamo rajo nahin, jab rajo hai to phir satogun nahin hai। yeh manushya to aise hi samajhkar baithe hain ki yeh teenon gun ikatthe chalte aate hain। yeh baat kehna saraasar bhool hai, vo samajhte hain jab manushya sach bolte hain, paap karma nahin karte hain to vo satoguni hote hain parantu vivek kehta hai jab ham kehte hain satogun, to is satogun ka matlab hai sampoorn sukh goya saari srishti satoguni hai। baaki aise nahin kahenge ki jo sach bolta hai vo satoguni hai aur jo jhooth bolta hai vo kaliyugi tamoguni hai, aise hi duniya chalti aati hai। ab jab ham satayug kehte hain to iska matlab hai saari srishti par satogun satopradhaan chaahiye। haan, koi samay aisa satayug tha jahaan saara sansaar satoguni tha। ab vo satayug nahin hai, abhi to hai kaliyugi duniya goya saari srishti par tamopradhaanta ka raajya hai। is tamoguni samay par phir satogun kahaan se aaya! ab hai ghor andhiyaara jisko brahma ki raat kehte hain। brahma ka din hai satayug aur brahma ki raat hai kaliyug, to ham donon ko mila nahin sakte। achha। om shanti।