शुक्रवार 8 दिसंबर 2023 की दैनिक मुरली

08-12-2023 praatahmurli om shanti "baapdaada"' madhuban

“meethe bachche - yahaan dhaarna kar doosron ko bhi zaroor karaani hai, paas hone ke liye maa-baap samaan banna hai, jo sunte ho woh sunaana bhi hai''

prashn:- bachchon mein kaun-si shubh kaamna utpanna hona bhi achhe purooshaartha ki nishaani hai?

uttar:- bachchon mein yadi yeh shubh kaamna rehti hai ki ham maat-pita ko follow kar gaddi par baithenge to yeh bhi bahut achhi himmat hai। jo kehte hain - baba, ham to poora imtahaan paas karenge, yeh bhi shubh bolte hain। iske liye zaroor purooshaartha bhi itna teevra karna hai।

geet:- hamaare teertha nyaare hain…

om shanti। ab yahaan paap aatmaayen to sabhi hain, punya aatmaayen hoti hi hain svarga mein। yeh hai paap aatmaon ki duniya, yahaan hain ajaamil jaisi paap aatmaayen aur woh hai svarga ke devtaaon ki, punya aatmaon ki duniya। donon ki mahima alag-alag hai। har ek jo brahman hai woh apne is janma ki jeevan kahaani baba paas likh bhejte hain ki itne paap kiye hain। baba ke paas sabki jeevan kahaani hai। bachchon ko pata hai ki yahaan sunna aur sunaana hai। to sunaane vaale kitne dher chaahiye। jab tak sunaane vaale nahin bane hain tab tak paas ho na saken। aur satsangon mein aise sunkar phir sunaane ke liye baandhe hue nahin hain। yahaan dhaarna kar phir karaani hai, followers banaane hain। aise nahin ek hi pandit katha sunaayega, yahaan har ek ko maa-baap samaan banna hai। auron ko sunaayen tab paas ho aur baap ki dil par chadhe। knowledge par hi samjhaaya jaata hai। vahaan to sab kahenge shreekrishna bhagvaanuvaach, yahaan kaha jaata hai gyaan saagar patit-paavan geeta gyaan daata shiv bhagvaanuvaach। raadhe-krishna va lakshmi-naaraayan ko bhagwan-bhagavti nahin kaha ja sakta, law nahin। parantu bhagwan ne unhon ko pad diya hai to zaroor bhagwan bhagavti hi banaayenge isliye naam pada hai। tum ab vijay maala mein pirone ka purooshaartha kar rahe ho। maala to banti hai na। oopar mein hai roodra। roodraaksha ki maala hoti hai na। eeshvar ki maala yahaan ban rahi hai। yeh kehte hain hamaare teertha nyaare hain। woh to bahut dhakke khaate hain teerthon par। tumhaari baat hi nyaari hai। tumhaari buddhi ka yog shivbaaba ke saath hai। roodra ke gale ka haar banna hai। maala ke raaz ko bhi jaante nahin। oopar mein hai shivbaaba phool, phir hai jagat amba, jagat pita aur unki 108 vanshaavli। baba ne dekha hai bahut badi maala hoti hai। phir sabhi usko kheenchate hain। raam-raam kehte hain। lakshya kuchh nahin। roodra maala pherte hain, raam-raam ki dhuni laga dete hain। yeh sab hua bhakti maarga। yeh phir bhi aur baaton se theek hai, utna samay koi paap nahin hoga। paapon se bachaane ki yeh yuktiyaan hain। yahaan maala pherne ki baat nahin hai। svayan maala ka daana banna hai। to hamaare teertha nyaare hain। ham avyabhichaari raahi hain - apne shivbaaba ke ghar ke। yog se hamaare janma-janmaantar ke vikarma bhasma hote hain। shreekrishna ko koi din-raat yaad kare parantu vikarma kadaapi vinaash ho na saken। raam-raam kaha to us samay paap nahin hoga, phir paap karne lag padenge। aise nahin, paap katte hain ya aayu badhti hai। yahaan yogbal se tum bachchon ke paap bhasma hote hain aur aayu badhti hai। janma-janmaantar ke liye aayu avinaashi ho jaati hai।

manushya se devta banna - isko hi jeevan banaana kaha jaata hai। devtaaon ki kitni mahima hai। apne ko kahenge ham neech paapi hain… to zaroor sab aise honge। gaate bhi hain mujh nirgun haare mein koi gun naahi, aap hi taras paroi…। yeh paramatma ki mahima karte hain। woh tumko sarvagun sampanna shreekrishna samaan bana dete hain। tum ab ban rahe ho। iske aage koi gun nahin hai। ek nirgun baalak ki sanstha bhi hai। arth nahin samajhte - nirgun kisko kehte hain। tum bachche jaante ho shreekrishna va lakshmi-naaraayan ke gunon ki hi mahima gaate hain sarvagun sampanna… ab phir tum woh ban rahe ho। aur koi satsang aisa nahin hoga jahaan aise kahen। yahaan baap poochhte hain tum lakshmi-naaraayan ko varenge va raam-seeta ko? bachche bhi besmajh to nahin hain। jhat kehte hain baba ham to poora imtahaan paas karenge। shubh bolte hain। parantu aise nahin ki sabhi ek samaan ban sakenge। phir bhi himmat dikhaate hain। mama-baba hain shivbaaba ke murabbi bachche। ham unko poora follow kar gaddi par baithenge। yeh shubh kaamna achhi hai। phir itna purooshaartha karna chaahiye। is samay ka purooshaartha kalpa-kalpa ka ban jaayega, guarantee ho jaayegi। ab ke purooshaartha se pata padega ki kalpa pahle bhi aise kiya tha। kalpa-kalpa aisa purooshaartha chalega। jab imtahaan hone ka samay hota hai to pata pad jaata hai - ham kahaan tak paas honge। teacher ko to jhat pata lag jaata hai। yeh hai nar se naaraayan banne ki geeta paathshaala aur geeta paathshaalaaon mein aise kabhi nahin kahenge ki ham nar se naaraayan banne aaye hain, na teacher hi kah sakte hain ki main nar se naaraayan banaaoonga। pahle to teacher ko nasha chaahiye ki main bhi nar se naaraayan banoonga। geeta ke pravchan karne vaale to dher honge। parantu kahaan bhi aise nahin kahenge ki ham shiv-baba dvaara padhte hain। vo to manushyon dvaara padhte hain। tum to jaante ho oonch te oonch hai parampita paramatma shiv, jo hi svarga ka rachayita knowledgeful hai, vahi aakar patiton ko paavan banaate hain। guru naanak ne bhi unki mahima gaai hai - jap saaheb ko to sukh mile। ab tum jaante ho oonche se ooncha sachcha saaheb woh hai, woh khud kehte hain mujh baap ko yaad karo। main tumhein sachchi amraktha, teejri ki katha sunaata hoon। to yeh knowledge hai teesra netra milne ki va nar se naaraayan banne ki। he paarvatiyaan, main amarnaath tumko amraktha suna raha hoon। oonche se ooncha shivbaaba hai phir brahma-vishnu-shankar, phir svarga mein lakshmi-naaraayan, phir chandravanshi…nambarvaar chale aao। samay bhi sato-rajo-tamo hota hai। yeh baaten koi bhi nahin jaante। baba bahut guhya baaten suna rahe hain। aatma mein avinaashi part hai। ek-ek janma ka part bhara hua hai। woh kabhi vinaash ko nahin paata hai। baap kehte hain mera part bhara hua hai, tum sukhdhaam mein rehte ho to ham shantidham mein hain। sukh aur duhkh tumhaare naseeb mein hai। sukh aur duhkh mein kitne-kitne janma milte hain, woh bhi samjha diya hai। main tumhaara nishkaami baap hoon। tum sabko svarga ka maalik banaata hoon। agar main bhi patit banoon to tumko paavan kaun banaaye? sabhi ki pukaar kaun sune? patit-paavan kisko kahen? yeh baap samjhaate hain, koi geeta-paathi aise nahin samjha sakte, vo to triloki ka arth bhinna-bhinna prakaar se karte hain। manushya kehte hain ved-shaastron se bhagwan se milne ka raasta milta hai। baap kehte yeh sab shaastra hain bhakti maarga ke liye। gyaan maarga vaalon ke liye shaastra hain nahin। gyaan sunaane vaala gyaan saagar main hoon। baaki sab hai bhakti maarga ki saamagri। main hi aakar is gyaan se sarva ko sadgati deta hoon। woh to samajhte hain budbuda paani se nikal phir sama jaata hai। parantu milne ki to baat hi nahin। aatma immortal hai, woh kabhi jalti, katti, ghatti nahin। baap in sabhi baaton ki samjhaani dete hain। tum bachchon ko pair se choti tak khushi rahni chaahiye - ham yogbal se vishwa ke maalik ban rahe hain। yeh khushi bhi nambarvaar hai। ekras ho nahin sakti। imtahaan bhal ek hi hai, parantu paas bhi kar saken na। raajdhaani sthaapan ho rahi hai, uska plan bata dete hain। sooryavanshi mein itni gaddi, chandravanshi mein itni gaddi, jo naapaas hote hain woh hain daas-daasi। daas-daasiyon se phir nambarvaar raaja-raani bante hain। anapdhe ant mein pad paate hain। baba samjhaate to bahut hain, kuchh bhi na samjho to poochh sakte ho। vivek kehta hai nahin to woh kahaan janma lete, vahaan bhi koi kam sukh hai kya। bada maan rehta hai। bade mahlon ke andar rehte hain। bade-bade bageeche hote hain। vahaan do teen manzil banaane ki darkaar nahi rehti। jameen bahut padi rehti hai। paise ki kami nahin, bada shauk rehta hai banaane ka। jaise yahaan manushyon ko shauk rehta hai na। new dehli banaai to woh samajhte, yeh naya bhaarat hai। vaastav mein to naya bhaarat svarga ko, puraana bhaarat narka ko kaha jaata hai। vahaan jitna jisko chaahiye… hoga to sab drama anusaar। mahal aadi jo kalpa pahle banaaye honge, vahi banenge। yeh gyaan doosra koi samajh na sake parantu jiski takdeer mein hai, unki buddhi mein hi baithta hai। bachchon ko purooshaartha karna hai, poora yog mein rehna hai। bhakti maarga mein shreekrishna ke yog mein hi rehte aaye, svarga ke maalik to bane nahin। ab to svarga tumhaare saamne hai। tum parampita paramatma ki biography, brahma-vishnu-shankar ki biography bhi jaante ho। brahma kitne janma lete hain, yeh tumko maaloom hai।

baap kehte hain yeh maataayen svarga ka dvaar kholne vaali hain, baaki sab narka mein pade hue hain। maataayen hi sabka uddhaar karengi। ham paramatma ki mahima karte hain। tum samajhkar kehte ho shivbaaba aapko namaste। aap aakar humein vaaris banaate hain, svarga ka maalik banaate hain, aise shivbaaba aapko namaste। baap ko to bachche namaste karte hi hain। phir baap bhi kehte - bachche namaste। tum bhi mujhe paai paise ka vaaris banaate ho, kaudi ka vaaris banaate ho, ham tumko heere ka vaaris banaate hain। shiv baalak ko vaaris banaate ho na। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning, namaste, salaam maalekam। vande maatram।

dhaarna ke liye mukhya saar:-

1) shivbaaba ke ghar ka avyabhichaari raahi ban yogbal se vikarmon ko dagdha karna hai। gyaan ka simran kar apaar khushi mein rehna hai।

2) baap samaan gaddi nasheen banne ki shubh kaamna rakhte hue baap ko poora follow karna hai।

vardaan:- sheetla devi ban sarva karmendriyon ko sheetal shant banaane vaale svaraajya adhikaari bhav

jo svaraajya adhikaari bachche hain, unhein koi bhi karmendriy dhokha nahin de sakti। jab dhokha dene ki chanchalta samaapta ho jaati hai tab svayan sheetla devi ban jaate aur sab karmendriyaan bhi sheetal ho jaati। sheetla devi mein kabhi krodh nahin aata। kai kehte hain krodh nahin hai, thoda rob to rakhna padta hai। lekin rob bhi krodh ka ansh hai। to jahaan ansh hai vahaan vansh paida ho jaata hai। to sheetla devi aur sheetal dev ho isliye svapna mein bhi krodh va rob ka sanskaar emerge na ho।

slogan:- aagyaakaari bachche svatah aasheervaad ke paatra hote hain, unhein aasheervaad maangane ki darkaar nahin।

maateshvari ji ke madhur mahaavaakya - “nayanheen arthaat gyaan netraheen ko raah bataane vaala paramatma''

nayanheen ko raah dikhaao prabhu … ab yeh jo manushya geet gaate hain nayanheen ko raah bataao, to goya raah dikhaane vaala ek hi paramatma thahra, tabhi to paramatma ko bulaate hain aur jis samay kehte hain prabhu raah bataao to jarur manushyon ko raah dikhaane ke liye khud paramatma ko niraakaar roop se saakaar roop mein avashya aana padega, tabhi to sthool mein raah bataayega, aane bigar raah to bata nahin sakenge। ab manushya jo moonjhe hue hain, un moonjhe hue ko raah chaahiye isliye paramatma ko kehte hain nayanheen ko raah bataao prabhu… isko hi phir khivaiya bhi kaha jaata hai, jo us paar athva in 5 tatvon ki jo bani hui srishti hai isse paar kar us paar arthaat 5 tatvon se paar jo chhattha tatva akhanda jyoti mahtatva hai usmein le chalega। to paramatma bhi jab us paar se is paar aave tabhi to le chalega। to paramatma ko bhi apne dhaam se aana padta hai, tabhi to paramatma ko khivaiya kehte hain। vahi ham boat ko (aatma roopi naanv ko) paar le chalta hai। ab jo paramatma ke saath yog rakhta hai unko saath le jaayega। baaki jo bach jaayenge ve dharmaraaj ki sajaayen khaakar baad mein mukta hote hain। achha - om shanti।