शनिवार 23 दिसंबर 2023 की दैनिक मुरली

23-12-2023 praatahmurli om shanti "baapdaada"' madhuban

“meethe bachche - apna surname sada yaad rakho, tum ho godly children, tumhaara eeshvareey kul hai, tum devtaaon se bhi oonch ho, tumhaare manners bade royal chaahiye''

prashn:- baap ne bachchon ko aap samaan pyaar ka saagar banaaya hai, uski nishaani kya hai?

uttar:- tum bachche baap samaan pyaare bane ho isliye to tumhaare yaadgaar chitron ko sabhi pyaar karte hain। pyaar se dekhte rehte hain। lakshmi-naaraayan sada harshitmukh, ramneek hain। abhi tum jaante ho ki baba humein gyaan-yog se bahut-bahut meetha bana rahe hain। tumhein mukh se sada gyaan ratna hi nikaalne hain।

geet:- tu pyaar ka saagar hai…

om shanti। yeh kiski mahima mein gaate hain ki tu pyaar ka saagar hai। yeh kisi manushya ki mahima nahin। kaha jaata hai ki tu pyaar, shanti va pavitrata ka saagar hai। abhi tum pavitra bante ho। aise bahut hain jo shaadi nahin karte, bahut hain jo bigar sannyaas liye bhi pavitra rehte hain। gaaya hua bhi hai - grihastha vyavhaar mein janak misal gyaan। uski history hai। kaha hamko koi brahm gyaan sunaao। vaastav mein kehna chaahiye brahma gyaan। parampita paramatma brahma dvaara aakar gyaan dete hain brahmaakumaar kumaariyon ko।

tum jaante ho ki is samay hamaara surname hai brahmaakumaar-kumaari, ham hain godly children। aise to sab kehte hain ham eeshvar ki santaan hain। to zaroor bhaai-bhaai thahre to phir apne ko baap kah na saken। father hood nahin phir to brotherhood kaha jaae। ek to tum brahmaakumaar-kumaari kahlaate ho, doosra jiske kumaar-kumaariyaan ho unko mama-baba kehte ho। bachche jaante hain ham shiv-baba ke potre-potriyaan brahmaakumaar-kumaariyaan hai। bhaarat mein anek shaastra, ved, puraan aadi to sab padhte hain। sarva shaastramai shiro-mani shreemad bhagvat geeta hai। geeta se satayug sthaapan hota hai। geeta ka gyaan diya gyaan saagar paramatma ne। yeh sab gyaan nadiyaan gyaan saagar se nikalti hain। paani ki ganga se thode hi gyaan milta hai jo paavan banenge। sadgati arthaat paavan banna। yeh to hai hi tamopradhaan patit duniya। agar paavan banen to kahaan rahen। vaapis to ja na saken। kaayda nahin hai। sabko punarjanma le tamopradhaan banna hi hai। baap hai gyaan ka saagar। tum practical roop se sun rahe ho। yeh koi copy kar na sake। bhal aise bahut hain jo kehte hain ham bhi vahi gyaan dete hain, parantu nahin। yahaan jisko bhi gyaan milta hai woh brahmaakumaar-kumaari kahlaate hain aur koi aisi sanstha nahin jahaan brahmaakumaar-kumaari kahlaayen। bhal dress bhi yeh pahnen parantu yeh kaise kahen ki ham brahma ke bachche hain। inko mainne naam diya hai brahma। inko baith samjhaate hain। tumko bhi kehte hain tum brahmaakumaar-kumaariyaan apne janmon ko nahin jaante, main jaanta hoon। ab sangamayug par pair aur choti hain isse puraani duniya badal nai banti hai। satayug, treta, dvaapar, kaliyug.... srishti vriddhi ko paati rehti hai। ab ant hai, duniya badal nai banni hai। baap aakar trikaaldarshi banaate hain। woh hai pyaar ka saagar, to zaroor aisa pyaara banaayega। lakshmi-naaraayan mein dekho kitni aakarshan hai। jitna lakshmi-naaraayan ka ramneek harshitmukh chitra dekhenge utna raam-seeta ka nahin। lakshmi-naaraayan ko dekhne mein hi khushi aa jaati hai। raadhe-krishna ke mandir mein jaane se itni khushi nahin hogi। lakshmi-naaraayan ko to raajya-bhaagya hai। ab duniya to in baaton ko jaanti nahin। tum jaante ho baba hamko bahut meetha banaate hain। lakshmi-naaraayan ko gyaan ka saagar nahin kahenge। woh is gyaan-yog se aise bane। ab tum bhi bante ho। manushya chaahte hain ki duniya ek ho jaae, ek raajya ho। yaad dilaate hain ki kabhi ek raajya zaroor tha। parantu aise nahin sab milkar ek ho jaayenge। nahin, vahaan to bahut thode manushya the। tum samajhte ho ham eeshvareey santaan hain। kehte hain eeshvar haaziraahzoor hai। parantu haazir-naazir aatma ko kahenge। aatma sarvavyaapi hai, sabmen aatma hai। aise nahin sabmen paramatma hai। to kasam uthaane ki kya baat hai? agar hamaare mein paramatma hai to kasam kiski uthaate hain? ham agar ulta kaarya karenge to paramatma saza denge। agar paramatma sabmen hain to kasam aadi ki baat nahin। ab tum saakaar mein ho, jaise aatma in aankhon se dekhi nahin jaati to paramatma ko kaise dekhenge? feel karte hain hamaare mein aatma hai। kahenge paramatma ka saakshaatkaar ho lekin jab aatma ko hi nahin dekh sakte to paramatma ko kaise dekh sakenge? aatma hi punya aatma, paap aatma banti hai। is samay paap aatma hai। tumne bahut punya kiya tha, baap ke aage tan-man-dhan samarpan kiya tha। ab paap aatma se punya aatma ban rahe ho। shivbaaba ko tan-man-dhan bali dete ho। isne bhi arpan kiya na। tan bhi sachchi seva mein diya। maataaon ke aage arpan kar unhein trustee bana diya। maataaon ko aage badhaana hai। maataaon ne hi aakar sharan li to unki sambhaal kaise ho? maataaon par bali chadhna pade। baap kehte hain vande maatram। haazir-naazir ka bhi raaz samjhaaya hai। aatma pukaarti hai O god father। kis father ko bulaate hain? samajhte nahin। tum lakshmi-naaraayan bante ho। manushya kitna pyaar karte hain। har holiness aur his holiness unko kaha jaata hai। ab tum kahenge ham eeshvareey kul ke hain, pahle aasuri kul ke the। braahmanon ka to surname hi hai eeshvareey santaan। baapu gaandhi bhi chaahte the ki raam-raajya ho। naye bhaarat mein naya raajya ho। world almighty authority government ho jo ki behad ka baap hi bana sakte hain। baap kehte hain main world almighty authority hoon। oonch te oonch niraakaar hoon। brahma, vishnu, shankar to hamaari rachna hai। bhaarat shivaalay, sampoorn nirvikaari tha, ab sampoorn vikaari hai। yeh bhi nahin jaante ki sampoorn nirvikaari yahaan hote hain। chaahte hain one world ho, one almighty authority raajya ho। so to paramatma one world almighty authority deity, lakshmi-naaraayan ka raajya sthaapan kar rahe hain aur sabka vinaash saamne khada hai। itna nasha rehna chaahiye! yahaan se ghar jaate hain to moorchhit ho jaate hain। sanjeevni booti ki kahaani hai na। lekin yeh to gyaan ki booti hai, manamnaabhav ki। deh-abhimaan mein aane se maaya ka thappad lagta hai। dehi-abhimaani banne se thappad nahin lagega। ham shivbaaba se varsa lete hain। brahma ka yeh antim janma hai, woh bhi varsa lete hain। deity world sovereignty is your god fatherly birth right। tum bachchon mein daivi manners hone chaahiye। tum brahman devtaaon se bhi oonch ho। tumko bahut meetha bolna chaahiye। bhaashan aadi mein to bolna padta hai, baaki vyartha baaton mein nahin jaana chaahiye। mukh se sadaiv ratna nikaalo। bhal yeh aankhe hain lekin svarga ko aur mool vatan ko dekho। gyaan ka netra aatma ko praapta hota hai। aatma organs dvaara padhti hai। tumko gyaan ka teesra netra mila hai, jaise akla ki daadh nikalti hai। baap varsa braahmanon ko dega, shoodron ko thode hi dega। teesra netra aatma ko milta hai। gyaan netra bina right-wrong ko samajh nahin sakte। raavan wrong raaste par hi chalaayega, baba right raaste par chalaate hain। hamesha ek-doosre se gun uthaana chaahiye। gun ke badle avgun nahin uthaana chaahiye।

dekho do. nirmala aati hai, unka svabhaav bahut meetha hai। shaantachit, thoda bolna unse seekhna chaahiye। badi sayaani aur meethi bachchi hai। shant mein bhi baithne ki royalty chaahiye। aise nahin kuchh samay yaad kiya phir saara din khalaas। yeh bhi abhyaas karna hai। baap ko yaad karne se taakat aati hai। to baap bhi khush hota hai। aisi avastha vaala jisko bhi dekhega to jhat unko bhi ashareeri bana dega। ashareeri ban jaate hain, shant ho jaate hain। sirf shanti mein baithna koi sukh nahin hai, woh hai alpakaal ka sukh। shant ho baith jaayega to phir karma kaise karega? yog se vikarma vinaash honge। sachchi sukh-shanti to yahaan ho na sake। yahaan har cheez alpakaal ki hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

raatri class 9-4-68

aajkal bahut karke yahi conference karte rehte hain ki vishwa mein shanti kaise ho! unhon ko bataana chaahiye dekho satayug mein ek hi dharma, ek hi raajya, advait dharma tha। doosra koi dharma hi nahin jo taali baje। tha hi raamraajya, tab hi vishwa mein shanti thi। tum chaahte ho vishwa mein shanti ho। woh to satayug mein thi। peechhe anek dharma hone se ashaanti hui hai। parantu jab tak koi samjhe tab tak maatha maarna padta hai। aage chalkar akhbaaron mein bhi padega phir in sannyaasiyon aadi ke bhi kaan khulenge। yeh to tum bachchon ki khaatiri hai ki hamaari raajdhaani sthaapan ho rahi hai। yahi nasha hai। museum ka bhabhka dekh bahut aayenge। andar aakar wonder khaayenge। naye naye chitron par nai nai samjhaani sunenge।

yeh to bachchon ko maaloom hai - yog hai mukti jeevanmukti ke liye। so to manushya maatra koi sikhla na sake। yeh bhi likhna hai sivaay parampita paramatma ke koi bhi mukti-jeevanmukti ke liye yog sikhla nahin sakte। sarva ka sadgati daata hai hi ek। yeh clear likh dena chaahiye, jo bhal manushya padhen। sannyaasi log kya sikhaate honge। yog-yog jo karte hain, vaastav mein yog koi bhi sikhla nahin sakte hain। mahima hai hi ek ki। vishwa mein shanti sthaapan karna va mukti jeevanmukti dena baap ka hi kaam hai। aise-aise vichaar saagar manthan kar points samjhaani hai। aisa likhna chaahiye jo manushyon ko baat theek janch jaaye। is duniya ko to badalna hi hai। yeh hai mrityulok। nai duniya ko kaha jaata hai amarlok। amarlok mein manushya kaise amar rehte hain yeh bhi wonder hai na। vahaan aayu bhi badi rehti hai aur samay par aape hi shareer badli kar dete hain jaise kapda change kiya jaata hai। yeh sabhi samjhaane ki baate hain। achha!

meethe-meethe roohaani bachchon ko roohaani baap va daada ka yaad pyaar goodnight aur namaste।

dhaarna ke liye mukhya saar:-

1) apna svabhaav bahut meetha, shaantachit banaana hai। bahut kam aur royalty se baat karni hai।

2) tan-man-dhan se brahma baap samaan trustee hokar rehna hai।

vardaan:- gyaan aur yog ki shakti se har paristhiti ko second mein paas karne vaale mahaaveer bhav

mahaaveer arthaat sada light aur might house। gyaan hai light aur yog hai might। jo in donon shaktiyon se sampanna hain woh har paristhiti ko second mein paas kar lete hain। agar samay par paas na hone ke sanskaar pad jaate hain to final mein bhi woh sanskaar full paas hone nahin dete। jo samay par full paas hota hai usko kehte hain paas with honour। dharmaraaj bhi usko honour deta hai।

slogan:- yog agni se vikaaron ke beej ko bhasma kar do to samay par dhokha mil nahin sakta।