मंगलवार 26 दिसंबर 2023 की दैनिक मुरली

26-12-2023 praatahmurli om shanti "baapdaada"' madhuban

“meethe bachche - manushya se devta banne ki yeh padhaai hai, is padhaai mein jara bhi gaphlat nahin karni hai, soya, khaaya, padhaai nahin ki to bahut pachhtaana padega''

prashn:- kis baat mein brahma baap ko follow karo to unnati hoti rahegi?

uttar:- jaise brahma baap ne apni poori aahuti de di arthaat sab kuchh samarpan kiya, aise follow father। unnati ka saadhan hai - baap ke rache hue is rudra yagya mein apni aahuti dena arthaat baap ka madadgaar banna। parantu yeh khyaal bhi kabhi nahin aana chaahiye ki mainne itni madad ki, itna diya। baap to daata hai, usse tum lete ho, dete nahin।

geet:- toone raat ganvaai so ke…

om shanti। bachchon ne geet suna। is par bhi bachchon ko samjhaana hai, baap kehte hain bachchon se main baat karta hoon aur koi bhi aise kah nahin sakenge। saadhu santa mahaatma to dher hain। koi kehte hain ki inmen shakti hai। yeh to sabka baap hai, woh baith samjhaate hain। bahut bachche hain jo saara din bas khaate, peete aur sote hain, neend bahut karte hain। isse kya hoga? heere jaisa janma kho denge। maaya gaphlat bahut karaati hai। kumbhakran ki neend mein maaya ne sula diya hai। ab jagaane vaala aaya hai, agyaan nidra se jaago। saari srishti, usmein bhi khaas bhaarat mein agyaan hi agyaan hai। to baap kehte hain ab gaphlat karenge to bahut-bahut pachhtaana padega। phir pachhtaane se to kaam nahin hoga। yahaan manushya se devta banne ki padhaai hai। aise aur koi kah na sake। aise nahin yahaan bhi vahi gyaan hai। yeh to padhaai hi nai hai। aadi sanaatan devi-devta dharma ki sthaapna hoti hai। aise to yahaan bhi devi bahuton ko kehte hain। stri devi to purush devta ho gaya। parantu ham to satayug mein devi-devta pad paane ka purushaartha kar rahe hain, so to zaroor satayug sthaapan karne vaala hi praapta karaayega। sab satsangon se yeh baat nyaari hai। jo eeshvar ko sarvavyaapi kehte hain aur anek avtaar bataate hain, unse poochho - agar eeshvar sarvavyaapi hai, to avtaar kahne vaale bhi zaroor eeshvar ka avtaar honge। achha, phir rachna ke aadi-madhya-ant ka raaz to bataao। to kuchh bhi bata nahin sakenge। bhinna-bhinna prakaar ke hote hain। riddhi-siddhi vaale bhi hain। nai aatma aati hai to woh bhi taakat dikhaati hai। yeh dharma sthaapan karne nai aatma pravesh karti hai to unka naam baala ho jaata hai। yahaan shakti ki baat nahin। tum kahenge shivbaaba ham aapse svarga ka varsa lene ke liye aaye hain। isko hi eeshvareey janma siddha adhikaar kaha jaata hai। tum eeshvareey aulaad ho। koi bhi saadhu, santa, mahaatma aise nahin kahenge ki ham baapdaada ke bachche hain।

tum to jaante ho ham svarga ka varsa le rahe hain। baba kehte hain poora varsa lena hai to baap ki yaad mein raho। baap yahaan hi padhaate hain। raajaai sthaapan ho jaayegi to yeh padhaai aur padhaane vaala gum ho jaayega। yeh brahman kul abhi hai। kehte hain ham brahma ki aulaad hain। to brahma kab aaya? brahma to sangam par aayenge na। prajaapita brahma jin braahmanon ko rachte hain woh to devi-devta ban jaate hain phir brahman to rehte nahin hain। ham phir devta kul mein chale jaayenge। phir karmakaanda ke liye jo pujaari brahman hain woh koi rishi-muni aadi ne shuru kiye honge। dvaapar mein jab shiv aadi ke mandir banaakar pooja shuru karte hain to jo poojya devi-devta the woh pujaari ban jaate hain। us samay mandiron mein brahman chaahiye। to usi samay brahman bhi shuru hue honge jo poojya se pujaari bane, unko brahman nahin kahenge। mandiron mein moorti ke aage brahman zaroor hoga। to us samay woh brahman bhi nikle honge। yeh hua detail samaachaar। vaastav mein isse bhi gyaan ka sambandh nahin। gyaan sirf kehta hai ‘manamnaabhav'। tum bachchon ko kaha jaae, shiv-baba aur varse ko yaad karo to kya sirf yaad karne se sabhi lakshmi-naaraayan ban jaayenge? nahin। phir padhaai bhi to hai। jitna jyaada service karenge utna oonch pad paayenge, utna golden spoon in mouth hoga। nai duniya banne mein, adli-badli hone mein time to lagta hai na। vinaash ke baad sthaapna hogi। kaliyug ke baad satayug hoga। bhal earthquake aadi hoti rehti hai parantu anek dharmon ka vinaash hona hai। drama poora hota hai। abhi ham baba ke paas jaakar phir nai duniya mein aayenge। is samay ham is yagya ke brahman hain। shivbaaba ne 5 hajaar varsha pahle muaaphik rudra yagya racha hai। yeh bahut bade te bada yagya hai। is yagya ki sambhaal karte ho tum sachche brahman। woh brahman to material yagya rachte hain। koi aapda aadi aani hoti hai to yagya rachte hain। satayug mein guru aadi ki darkaar nahin thi। guru vahaan hoga jahaan sadgati ki jaroorat ho। ab yahaan to athaah guru hain। itne ved-shaastra aadi hote hue bhi bhaarat ki aisi gati kyon hui hai?

tum likh sakte ho 5 hajaar varsha pahle muaaphik sab manushya kumbhakran ki ghor nidra mein soye pade hain। neend to sab karte hain, parantu yeh agyaan nidra ki baat hai। koi bhi guru nahin jo sadgati de sake। ab sojhra karne vaala kaun hai? tum bachchon ko samjhaaya hai parampita paramatma ke bina sojhra ho nahin sakta। abhi to athaah guru hain। phir bhi andhiyaari raat, duhkh kyon? satayug mein to athaah sukh tha। ab jab bhagwan ki shreemat mile tab sukh ho। raavan ne hi bhaarat ko patit-duhkhi kiya hai। baap kehte hain is kaam mahaashatru ko jeeto। pavitrata ki pratigya karo tab nai duniya ke maalik banenge। guru log kabhi aise nahin kahenge ki pavitra bano। abhi tum ghor sojhre mein aaye ho to tum jaakar poochho - bhaarat jo itna sukhi tha, ab itna duhkhi kyon? tum bachche jaante ho ham so devta bante hain। sannyaasi to jhat gharbaar chhod nikal padte hain। unke liye kehte hain sannyaasi paavan hain। vo aise nahin kahenge ki ham paavan banne ke liye purushaartha kar rahe hain। tumhaari baat hi nyaari hai। aise mat samjho ki sab sannyaasi pavitra rehte hain। buddhiyog mitra-sambandhiyon mein jaata rehta hai, jab tak avastha majboot ho। tumko kaha jaata hai deh sahit deh ke sarva sambandhon ko bhoolo to kitni mehnat lagti hai। unse jab poochha jaata hai to sannyaas kab kiya? laukik naam kya hai? to kahenge yeh baaten mat poochho। smriti kyon dilaate ho। koi-koi batlaate bhi hain phir unse poochhte hain ki tum phauran hi sabko bhool gaye ya yaad aati hai? maaloom to pade na tum kaun the, kaise chhoda, akele the va baal bachche bhi the? phir woh tumko yaad padte hain? kehte hain - haan, bahut samay yaad padte the, mushkil se yaad tootti hai। apna jeevan yaad to rehta hai। bhal ham shivbaaba ko yaad karte hain parantu aise thode hi apna jeevan ya shaastra aadi jo padhe hain, woh bhool jaate hain। sirf kehte hain jeete ji bhool jaao, yeh dhaaran karo। yaad karenge to latak padenge। pahle yeh baaten suno phir judge karo। jeete ji marjeeva bano aur kisi ka mat suno। ham apna saara jeevan bata sakte hain। haan, yeh jaante hain ki abhi yeh duniya khatma hone vaali hai। centres vriddhi ko paate rahenge। jo baba-mama kehte hain ve brahman ban jaate hain। ab baap kehte hain - he aatmaayen, aatma hi bolti hai। tumse poochhenge tum kaun ho? to jhat kahenge main aatma padhti hoon। yeh gyaan ab tumko mila hai। tumhaari aatma in organs se padhti hai। aatma aur shareer do hain। abhi tum jaante ho ki aatma hi shareer leti aur chhodti hai। sanskaar dhaaran karti hai। ham aatmaayen satayug mein punya aatma the, ab paap aatma hain। ab antim janma hai। paramatma mein jo gyaan hai woh ab ham aatmaon ko padha rahe hain। baaki sab manushya ghor andhiyaare mein hain। shaastra aadi sab bhakti maarga ke hain। unko gyaan nahin kaha jaata। gyaan din aur bhakti raat hai। tum poochh sakte ho - geeta ka rachayita kaun hai aur kab aaya? geeta kab likhi gai? baba bhi likhte rehte hain phir us par gaur karna padta hai। aise-aise buddhi mein dhaaran karne se phir tumhaari unnati hoti jaayegi। baap kehte hain - mere ko yaad karo, bachchon ko maala ka raaz bhi samjhaaya hai। parampita paramatma behad ka phool hai phir hain do daane brahma sarasvati। prajaapita brahma dvaara rachna rachi hui hai। yeh hain aadi dev aur aadi devi। yeh brahman hain jinhonne svarga banaaya hai isliye inki pooja hoti hai। beech mein woh 8 daane hain, jo sooryavanshi bane hain। bahut madad ki hai। knowledge buddhi mein rahni chaahiye। yeh bhi jaante ho ki yagya mein barobar aahuti di jaati hai। maataaon ki unnati ke liye baba ne yukti rachi hai। bali chadha na, to follow father। gaandhi ko bhi jinhonne madad ki to alpakaal ka sukh mila। woh tha had ka baap, yeh hai behad ka baap।

yahaan baba ne sab kuchh maataaon ke charnon mein de diya to yeh one number mein gaya। tum bachchon ko purushaartha karna hai, jo madad karenge vahi svarga ke maalik banenge। aise koi mat samjhe ki ham shivbaaba ko madad karte hain। nahin। shivbaaba hi tumko madad karte hain। are, woh to daata hai, tum apne liye karte ho। tum yaad mein raho to vikarma vinaash honge। svarga ko yaad karo to svarga mein chale jaayenge। baba svayan kehte hain - manamnaabhav। nahin to baaki oonch pad kaise milega? hisaab karna tumhaara kaam hai। koi mat samjhe ki main deta hoon। yeh shivbaaba ka yagya hai, chalta hai, chalta hi rahega।

tum sachche braahmanon ke dil mein hai ki ham sirf bhaarat mein hi nahin balki sampoorn vishwa mein baap ki madad se apna raajya sthaapan kar rahe hain। ham phir se pavitra ban bhaarat ko svarga banaakar raajya karenge। shivbaaba ki mat par chalne se bhaarat svarga ban jaata hai। to yeh yaad rakho ki shivbaaba padhaate hain। baba kehte hain jab brahman banenge tab hi devta sampradaay mein aayenge। vikaar mein girne se ekdam satyaanaash ho jaati hai। aapehi apne par kripa ke badle akripa karte hain phir shraapit ho jaate hain। main vardaan dene aaya hoon। parantu shreemat par na chalne se apne ko shraapit kar dete hain, pad bhrashta karte hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) buddhi se sab kuchh bhoolne ke liye jeete ji marna hai। ek baap ki sunna hai। apni unnati ke liye poora balihaar jaana hai।

2) shreemat par chal svayan par kripa karni hai। sachche brahman ban yagya ki sambhaal karni hai। padhaai achhi reeti padhkar oonch pad lena hai।

vardaan:- seva ko baap ke aage buddhi se arpan kar svayan nishchint rahne vaale saphalta swaroop bhav

koi kaisi bhi mushkil seva ho lekin us seva ko baap ke aage buddhi se arpan kar do। mainne kiya, saphalta nahin hui, yeh main-pan nahin laao। baap ki seva hai, baap avashya karega, baap ko aage rakho to sada nishchint rahenge aur saphalta bhi milegi। kabhi kamjor sankalp ka beej nahin daalo, yeh nahin socho ki seva to kar rahe hain lekin baap ki madad to milti nahin, shaayad main yogya nahin hoon, yeh bhi vyartha sankalp hain jo saphalta ko door kar dete hain।

slogan:- brahman kul ke deepak vahi ban sakte jinke smriti ki jyoti sada jagi hui hai।