सोमवार 25 दिसंबर 2023 की दैनिक मुरली

25-12-2023 praatahmurli om shanti "baapdaada"' madhuban

“meethe bachche - baap har baat mein kalyaankaari hai isliye jo direction milte hain usmein aanaakaani na kar shreemat par sada chalte raho''

prashn:- naudha bhakti aur naudha padhaai donon se jo praaptiyaan hoti hain, usmein kya antar hai?

uttar:- naudha bhakti se sirf saakshaatkaar hota hai, jaise shreekrishna ke bhakta honge to unhein shreekrishna ka saakshaatkaar hoga, raas aadi karenge lekin ve koi vaikunthapuri va shreekrishnapuri mein nahin jaate। tum bachche naudha padhaai padhte ho jisse tumhaari sab manokaamnaaen poori ho jaati hain। is padhaai se tum vaikunthapuri mein chale jaate ho।

geet:- aaj nahin to kal…

om shanti। yeh kisne kaha ki ghar chal? kiska bachcha roothkar chala jaata hai to mitra-sambandhi aadi unke pichhaadi jaate hain, kehte hain roothe kyon ho? ab chalo ghar। yeh bhi behad ka baap aakar sab bachchon ko kehte hain। baap bhi hai, daada bhi hai। jismaani bhi hai to roohaani bhi hai। kehte hain - he bachche, ab ghar chalo, raat poori hui hai, ab din hota hai। yeh ho gai gyaan ki baaten। brahma ki raat, brahma ka din - yeh kisne samjhaaya? baap baith brahma aur brahmaakumaar kumaariyon ko samjhaate hain। aadha-kalpa hai raat arthaat patit raavan raajya athva bhrashtaachaari raajya kyonki aasuri mat par chalte hain। ab tum shreemat par ho। shreemat bhi hai incognito। ham jaante hain baap khud aate hain। unka roop alag hai। raavan ka roop alag hai। unko 5 vikaar roopi raavan kaha jaata hai। abhi raavan raajya khalaas hoga phir eeshvareey raajya hoga। raam raajya kehte hain na। seeta ke raam ko nahin japte hain। maala mein raam-raam japte hain na। woh paramatma ko yaad karte hain। jo sarva ka sadgati-daata hai, unko hi japte rehte hain। raam maana god। maala jab japte hain to kabhi koi vyakti ko yaad nahin karenge, unki buddhi mein doosra koi aayega nahin। to ab baap samjhaate hain raat poori hui। yeh hai karmakshetra, stage, jahaan ham aatmaayen shareer dhaaran kar part bajaati hain। 84 janmon ka part bajaana hai। phir usmein varna bhi dikhaate hain kyonki 84 janmon ka hisaab bhi chaahiye na। kis-kis janma mein, kis kul mein, kis varna mein aate hain, isliye hi viraat roop bhi dikhaaya hai। pahle-pahle hain brahman। sirf satayugi sooryavanshi mein 84 janma ho na saken। brahman kul mein bhi 84 janma nahin hote। 84 janma to bhinna-bhinna naam, roop, desh, kaal mein hote hain। satayug satopradhaan se phir kaliyug tamopradhaan mein zaroor aana hai। unka bhi time diya jaata hai। manushya 84 janma kaise lete hain - yeh bhi samajhne ki baat hai। manushya to samajh nahin sakte tab to baap kehte hain tum apne janmon ko nahin jaante ho, main batlaata hoon। baap samajhte hain drama anusaar sab bhoolna zaroor hai।

abhi yeh sangamayug hai। duniya to kehti hai kaliyug abhi chhota bachcha hai। isko kaha jaata hai agyaan, ghor andhiyaara। jaise drama ke actors ko maaloom hota hai ki abhi naatak poora hone mein 10 minute hain, yeh bhi chaitanya drama hai। yeh kab poora hota hai, manushya nahin jaante। manushya to ghor andhiyaare mein hain। baap kehte hain guru-gosaani ved-shaastra jap-tap aadi se main nahin milta hoon। yeh hai bhakti maarga ki saamagri। main to apne samay par aata hoon, jab raat se din banaana hai athva anek dharmon ka vinaash kar ek dharma ki sthaapna karni hai। jab srishti chakra poora ho tab to main svarga ki sthaapna karun। jhat baadshaahi shuru hoti hai। tum jaante ho ham phir koi raajaaon ke paas janma lete hain phir aahiste-aahiste nai duniya ban jaati hai। sab kuchh naya banaana padta hai। baba ne samjhaaya hai aatma mein padhaai ke sanskaar va karma karne ke sanskaar rehte hain। ab tum bachchon ko aatma-abhimaani banna chaahiye। manushya hain sab deh-abhimaani, jab aatma-abhimaani banen tab paramatma ko yaad kar saken। pahle-pahle hai aatma-abhimaani banne ki baat। kehte bhi sab hain ki ham jeev aatma hain। yeh bhi kehte hain aatma avinaashi hai, yeh shareer vinaashi hai। aatma ek shareer chhod doosra leti hai। itna bhi kehte hain parantu is par chalte nahin। abhi tum jaante ho aatma niraakaari duniya se aati hai, usmein avinaashi part hai। yeh baap baith samjhaate hain। punarjanma lete hain। drama to hoobhu repeat hota hai। phir Christ aadi sabko aana padega, apne-apne samay par aakar dharma sthaapan karte hain। tumhaara abhi yeh hai sangamayugi braahamnon ka dharma। woh hain pujaari brahman, tum ho poojya। tum kabhi pooja nahin karenge। manushya to pooja karenge। to baap samjhaate hain yeh kitni badi padhaai hai। kitni dhaarna karni padti hai। vistaar se dhaarna karne mein nambarvaar hain। nutshell mein to samajhte hain - baba rachta aur yeh unki rachna hai। achha, yeh to samajhte ho na baap hai। baap ko sab bhakta yaad karte hain। bhakta bhi hain, bachche bhi hain। bhakta baba kah pukaarte hain। agar bhakta bhagwan hain to phir baba kah kisko pukaarte hain। yeh bhi samajhte nahin। apne ko bhagwan samajh baith jaate hain। baba kehte hain drama anusaar jab aisi haalat ho jaati hai, bhaarat bilkul hi last khaate mein chala jaata hai tab baap aate hain। bhaarat jab puraana ho tab phir naya bane। naya bhaarat jab tha to aur koi dharma nahin tha। usko svarga kaha jaata hai। abhi puraana bhaarat hai, isko narka kahenge। vahaan poojya the, ab pujaari hain। poojya aur pujaari ka farka to bata diya hai। ham aatma so poojya, phir ham aatma so pujaari। ham so gyaani tu aatma, ham aatma pujaari tu aatma। aap hi poojya, aap hi pujaari bhagwan ko nahin kahenge, lakshmi-naaraayan ko kahenge। to yeh buddhi mein aana chaahiye ki woh kaise poojya phir pujaari bante hain?

baap kehte hain kalpa pahle bhi mainne aise hi gyaan diya tha, kalpa-kalpa deta hoon। main aata hi hoon kalpa ke sangamayug par। mera naam hi patit-paavan hai। jab saari duniya patit hoti hai tab main aata hoon। dekho, yeh jhaad hai, ismen brahma oopar mein khada hai। pahle aadi mein dikhaate hain। abhi sab pichhaadi mein hain। jaise brahma pichhaadi mein pratyaksha hua hai vaise woh bhi pichhaadi mein aayenge। jaise Christ hai to woh phir ant mein aayega। parantu ham pichhaadi yaani daal ke ant mein unka chitra nahin de sakte hain, samjha sakte hain। jaise yeh devi-devta dharma ki sthaapna karne vaala prajaapita brahma hai, abhi jhaad ki end (ant) mein khada hai - Christ bhi Christian dharma ka prajaapita hai na। jaise yeh prajaapita brahma vaise vo prajaapita Christ, prajaapita buddha..... yeh sab dharma ki sthaapna karne vaale hain। sannyaasiyon ka shankaraachaarya unko bhi pita kahenge। woh guru kehte hain। kahenge hamaara guru shankaraachaarya tha to yeh jo daal ke aadi mein khade hain, yeh phir janma lete-lete ant mein aate hain। abhi sab tamopradhaan stage mein hain। yeh bhi aakar samjhenge। pichhaadi mein salaam karne aayenge zaroor। unhon ko bhi kahenge behad ke baap ko yaad karo। behad ka baap sabke liye kehte hain deh sahit deh ke sab sambandhon ko chhodo। yeh gyaan har ek dharma vaale ke liye hai। sab deh ke dharma chhod apne ko ashareeri samajh, baap ko yaad karo। jitna yaad karenge, gyaan ki dhaarna karenge utna oonch pad paayenge। kalpa pahle jisne jitna gyaan liya hoga, utna zaroor aakar lenge।

tum bachchon ko kitna fakhur rehna chaahiye - ham vishwa ke rachayita baap ke bachche hain, baap hamko vishwa ka maalik banaate hain, raajayog sikhla rahe hain! kitni sahaj baat hai। parantu chalte-chalte thodi-si baat mein sanshay aa jaata hai, isko hi maaya ka toofaan va pareeksha kaha jaata hai। yeh to baap kehte hi hain ki grihastha vyavhaar mein rehna hai। sabko gharbaar chhuda doon to sab yahaan baith jaayen। vyavhaar mein bhi paas karna hai। phir samay par service mein lag jaayenge। jinhonne dhandhe aadi ko chhoda hai unhon ko phir service mein lagaate hain। to koi bigad padte hain। koi to samajhte hain shreemat mein kalyaan hai। shreemat par zaroor chalna hi hai। direction mila, usmein phir aanaakaani nahin karni chaahiye। baap har baat mein kalyaankaari hai। maaya badi chanchal hai। bahut hain jo samajhte hain aise rahne se to koi dhandha aadi karen, koi samajhte hain shaadi karen। buddhi chakra khaati rehti hai। phir padhaai ko chhod dete hain। koi to baap se guarantee karte hain ham shreemat par zaroor chalenge। woh hai aasuri mat, yeh hai eeshvareey mat। aasuri mat par chalne se bahut kadi sajaayen khaate hain। unhonne phir garood puraan mein daraane ki rochak baaten likh di hain, jisse jaasti paap na karen। parantu phir bhi sudharte thode hi hain। yeh sab baap samjhaate hain। gyaan ka saagar koi manushya nahin ho sakta। gyaan ka saagar, knowledgeful baap samjha rahe hain। jo samajhte hain woh phir samjhaate hain, kehte hain yeh theek baat hai, ham phir aayenge। bas, pradarshani se baahar nikle aur khalaas। haan, koi 2-3 bhi niklen to bhi achha hai, praja to bahut banti rehti hai। varsa paane laayak koi mushkil nikalte hain। raaja-raani ke ek-do bachche honge। unko raajkul ka kahenge। praja to kitni dher hoti hai। praja to jhat banti hai। raajaayen thode hi bante hain। 16108 treta ke ant mein jaakar bante hain। praja to karodon ki andaaj mein hogi। yeh samajhne ki badi vishaal buddhi chaahiye। ham paarlaukik baap se varsa le rahe hain। baap ka farmaan hai mujhe yaad karo aur varse ko yaad karo। manamnaabhav aur madhyaaji bhav। svarga hai vishnupuri aur yeh raavanpuri। shantidham, sukhdhaam aur duhkhadhaam - yeh baap samjhaate hain। baap ko yaad karne se ant mati so gati ho jaayegi। bhakti maarga mein samjho shreekrishna ko yaad karte hain parantu aise nahin ki shreekrishnapuri mein pahunch jaayenge। nahin, karke shreekrishnapuri mein jaakar dhyaan mein raas aadi karke lautenge। woh hai naudha bhakti ka prabhaav, jisse unko saakshaatkaar ho jaata hai, manokaamna poori hoti hai। baaki satayug to satayug hai। vahaan jaane liye phir naudha padhaai chaahiye, naudha bhakti nahin। padhte raho, murli zaroor padhni chaahiye। centre mein zaroor jaana hai। nahin to murli lekar ghar mein zaroor padho। koi ko kaha jaata hai centre jaao, harek ke liye alag-alag hai। sabke liye ek baat nahin ho sakti। aise nahin baba kehte hain drishti dekar khaao to bas, parantu baba kehte hain laachaari haalat mein aur kuchh nahin kar sakte to drishti dekar khaao। baaki sabke liye thode hi baba kahenge। jaise baba koi ko kehte hain bioscope mein bhale jaao। parantu yeh sabke liye nahin hai। koi ke saath jaana padta hai to unhein bhi knowledge deni hai। yeh had ka naatak hai, yeh behad ka naatak hai। to service karni pade। aise nahin sirf dekhne ke liye jaana hai। shamshaan mein bhi jaakar service karna hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ki har baat mein kalyaan hai yeh samajh nishchaybuddhi hokar chalna hai, kabhi bhi sanshay mein nahin aana hai। shreemat ko yathaartha reeti samajhna hai।

2) aatma-abhimaani rahne ka abhyaas karna hai। drama mein har actor ka anaadi part hai isliye saakshi ho dekhne ka abhyaas karna hai।

vardaan:- sada safety ki lakeer ke andar parmaatma chhatrachhaaya ka anubhav karne vaale maayaajeet bhav

“baap aur aap'' yahi safety ki lakeer hai, yeh lakeer hi parmaatma chhatrachhaaya hai। jo is chhatrachhaaya ki lakeer ke andar hai uske paas maaya aane ki himmat bhi nahin rakh sakti। phir mehnat kya hoti, rookaavat kya hoti, vighna kya hota - in shabdon se avidya ho jaayegi। sada safe rahenge, baap ki dil mein samaaye rahenge - yahi sabse sahaj aur teevragti mein jaane ka va maayaajeet banne ka purushaartha hai।

slogan:- divya gunon ke sarva alankaaron se saze sajaaye raho to ahankaar aa nahin sakta।