बुधवार 10 जनवरी 2024 की दैनिक मुरली

10-01-2024 praatahmurli om shanti "baapdaada"' madhuban

“meethe bachche - alpha aur be, baap aur varsa yaad rahe to khushi ka paara chadha rahega, yeh bahut sahaj second ki baat hai''

prashn:- beanta khushi kin bachchon ko rahegi? sada khushi ka paara chadha rahe uska saadhan kya hai?

uttar:- jo bachche ashareeri banne ka abhyaas karte, baap jo sunaate hain usko achhi reeti dhaaran kar doosron ko karaate hain, unhein hi beanta khushi rah sakti hai। khushi ka paara sada chadha rahe iske liye avinaashi gyaan ratnon ka daan karte raho। bahuton ka kalyaan karo। sada yeh smriti rahe ki ham abhi sukh aur shanti ki choti par ja rahe hain to khushi rahegi।

om shanti। baapdaada ka vichaar hai ki ek second mein bachchon se likhaakar leven ki kiski yaad mein baithe ho? is likhne mein koi time nahin lagta hai। harek ek second mein likhkar baba ko dikha jaaye। (sabne likhkar baapdaada ko dikhaaya phir baba ne bhi likha। baba ne jo likha so koi ne nahin likha) baba ne likha alpha aur be, kitna sahaj hai। alpha maana baba, be maana baadshaahi। baba padhaate hain aur tum raajaai praapta karte ho। aur jaasti likhne ki darkaar nahin। tumne to likhne mein do minute bhi lagaaya। alpha be second ki baat hai। sanyaasi sirf alpha ko yaad karenge। tumko baadshaahi bhi yaad hai। yaad ki aadat pad jaati hai। buddhi mein baithta hai to khushi ka paara chadha rehta hai। alpha ka arth kitna bada highest choti hai। usse oopar aur koi cheez hi nahin। rahne ka sthaan bhi oonche te ooncha hai। second mein mukti-jeevanmukti ka arth bhi koi nahin jaante। uska bhi zaroor arth hoga। bachcha paida hota hai to likhte hain itne ghante, itne minute, itne second hue। tik-tik chalti rehti hai। tik hui alpha be, bas second bhi nahin lagta। kahne ki bhi darkaar nahin। yaad to hai hi। tum bachchon ki itni achhi avastha honi chaahiye। parantu woh tab hogi jab yaad rahegi। yahaan baithe ho to baap aur raajaai yaad rahni chaahiye। buddhi dekhti hai, jisko divya drishti kaha jaata hai। aatma bhi dekhti hai। baap ko aatma hi yaad karti hogi। tum bhi baap ko yaad karo to raajaai iktthi yaad aa jaayegi। kitni deri lagti hai। yahaan bhi yaad mein baithenge to bahut gad-gad ho jaayenge। baba bhi is khushi mein baithe hain। baap ko yahaan ki koi baat yaad hi nahin। baba yaad karte hain vahaan ki baaten। baba aur raajaai jaise ki dar par khade hain। baap kehte hain tum bachchon ke liye raajaai le aaya hoon। tum sirf yaad nahin karte isliye khushi nahin thaharti। tum uthte baithte apne ko aatma samjho aur mujh baap aur varse ko yaad karo। kitna ooncha sthaan hai jahaan tum rehte ho। duniya thode hi jaanti hai। manushya mukti mein jaane ke liye kitna maatha maarte hain। abhi muktidhaam hai kahaan? tum samajhte ho aatma to rocket hai। vo log chaand tak jaate hain phir hai polaar। tum to polaar se bhi bahut oonch jaate ho। chandrama to is duniya ka hai। kaha jaata hai soorya chaand se pare, aavaaj se bhi pare। is shareer ko chhod dena hai। tum aate ho sweet silence hom se। aane jaane mein time nahin lagta hai। apna ghar hai। yahaan to kahaan bhi jaao to time lagta hai। aatma shareer chhodti hai to second mein kahaan ka kahaan chali jaati hai। ek shareer chhod doosre mein jaakar pravesh karti hai। to apne ko aatma samajhna hai। tum bahut oonch choti par jaate ho। manushya shanti chaahte hain। shanti ki highest choti hai niraakaari duniya aur sukh ki bhi highest choti hai svarga। oonche te oonch ko tower kaha jaata hai। tumhaara ghar bhi kitna ooncha hai। duniya vaale kabhi in baaton par khyaal nahin karte। unko yeh baaten samjhaane vaala koi hai nahin। usko kaha jaata hai shanti ka tower। manushya to kehte rehte hain vishwa mein shanti ho। parantu iska arth nahin jaante ki shanti kahaan hai। yeh lakshmi-naaraayan sukh ke tower mein hain vahaan koi lobh, laalach nahin। vahaan ka khaan paan, bolna bada royal hota hai aur phir sukh bhi highest। unhon ki mahima dekho kitni hai kyonki unhonne bahut mehnat ki hai। yeh ek nahin hai, saari maala bani hui hai। vaastav mein 9 ratna gaaye hue hain। zaroor unhonne gupta mehnat ki hogi। baap aur varse ki yaad rahe tab hi vikarma vinaash honge। parantu maaya yaad karne nahin deti। kabhi kaam, kabhi krodh …bahut toofaanon mein laati hai। apni nabja dekhni hai। naarad ko bhi kaha shakla dekho। to woh avastha abhi hai nahin, banaani hai। baba em object zaroor bataayenge। andar mein purooshaartha karte raho। aage chalkar woh avastha tumhaari hogi। ashareeri rahne ki practice karni hai। ab jaana hai vaapis। baba ne kaha hai mujhe yaad karo। yaad nahin karenge to sajaayen bhi bahut khaani padegi aur phir pad bhi kam। yeh hain bahut sookshm baaten। vo log science mein kitna deep jaate hain। kya-kya banaate rehte hain। woh bhi sanskaar to chaahiye na, jo phir vahaan bhi jaakar yeh cheezen banaayenge। sirf yeh duniya badli honi hai। yahaan ke sanskaar anusaar hi jaakar janma lenge। jaise ladaai vaalon ki buddhi mein ladaai ke sanskaar rehte hain, to woh sanskaar le jaate hain। ladne bigar rah nahin sakte। officer ke paas queue lagi rehti hai। bharti karte samay jaanch karte hain, koi beemaari to nahin hai। okh - kaan aadi sab theek hain। ladaai mein to sab theek chaahiye। yahaan bhi dekha jaata hai ki kaun-kaun vijay maala ka daana banenge। tumhein purooshaartha kar karmaateet avastha ko paana hai। aatma ashareeri aai hai, ashareeri ban jaana hai। vahaan shareer ka koi sambandh nahin। ab ashareeri banna hai। aatmaayen vahaan se aati hain, aakar shareer mein pravesh karti hain। dher ki dher aatmaayen aati rehti hain। sabko apna-apna part mila hua hai। jo nai pavitra aatmaayen aati hain, unko zaroor pahle sukh milna hai isliye unki mahima hoti hai। bada jhaad hai na। kitne naameegraami bade aadmi hain। apni-apni taakat anusaar bahut sukh mein honge। to ab bachchon ko mehnat karni hai, karmaateet avastha mein pavitra hokar jaana hai। apni chaal ko dekhna hai kisko duhkh to nahin dete hain! baap kitna meetha hai। most beloved hai na। to bachchon ko bhi banna hai। yeh to tum bachche jaante ho ki baap yahaan hai। manushyon ko thode hi yeh maaloom hai ki baap yahaan sthaapna kar rahe hain phir bhi janma-janmaantar unko yaad karte rehte hain। shiv ke mandir mein jaakar kitni pooja karte hain। kitni oonchi choti par badreenaath aadi ke mandir mein jaate hain। kitne mele lagte hain kyonki bahut meetha hai na। gaate bhi hain oonche te ooncha bhagwan। buddhi mein niraakaar hi yaad aayega। niraakaar to hai hi। phir hai brahma-vishnu-shankar। unko bhagwan nahin kahenge।

abhi tum bachche samajhte ho ki ham hi satopradhaan devta the, jab ham vishwa ke maalik the to itne dher manushya the hi nahin। sirf bhaarat mein hi inka raajya hoga। baaki sab chale jaayenge-shantidham mein। yeh sab tum dekhte rahenge, ismen badi vishaalbuddhi chaahiye। vahaan tumko pahaadi aadi par jaane ki darkaar nahin। vahaan koi bhi accident aadi nahin hote। woh hai hi wonder oph svarga। jab woh svarga ka wonder nahin hai to maaya ke wonders bante hain। yeh baaten duniya vaale nahin samajh sakte। ab tum svarga mein jaane ke liye purooshaartha kar rahe ho। woh hai sukh ka tower। yeh hai duhkh ka tower। ladaai mein kitne manushya roz marte hain phir janmate bhi honge। gaaya jaata hai eeshvar ka ant nahin paaya jaata। ab eeshvar to hai bindi, unka ant kya paayenge। baap kehte hain is rachna ke aadi madhya ant ko koi nahin jaante। saadhu santa koi rachta aur rachna ka ant nahin pa sakte hain। tumko baap padhaate hain, isko padhaai kaha jaata hai। srishti chakra ke raaz ko tum bachche hi jaante ja rahe ho। woh to kehte hain ham nahin jaante ya to laakhon varsha kah dete hain।

ab baap ne samjhaaya hai yeh jo kuchh tum yahaan dekhte ho - ye vahaan nahin rahega। svarga hai tower aaph sukh। yahaan hai duhkh hi duhkh। achaanak maut aisa aayega jo sab khatma ho jaayenge। maut dekhna maasi ka ghar nahin hai, inko kaha jaata hai duhkh ki choti। woh hai sukh ki choti। bas teesra koi akshar nahin। tumhaare mein bhi bahut hain jo sunte hain parantu dhaarna nahin hoti hai। dhaarna tab ho jab buddhi golden ej ho। dhaarna nahin hoti to khushi bhi nahin rehti। ekdam highest padhaai vaale bhi hain to lowest bhi hain। padhaai mein farka to hai na। unhon ko kitna bhi behad ka baap samjhaaye parantu kabhi bhi nahin samjhenge। yaad bigar to tum pavitra kabhi nahin ban sakenge। baap hi chumbak hai। woh ekdam highest power vaala hai। un par kabhi kat chadh nahin sakti, baaki sab par kat chadhi hui hai, unko utaar phir satopradhaan banna hai। baap kehte hain maamekam yaad karo aur koi mein mamatva na rahe। saahookaaron ko to saara din dhan daulat hi saamne aata rahega। gareebon ko to kuchh hai nahin parantu gareeb bhi kuchh samajhdaar hon jo dhaarna kar saken। yaad bigar kichda kaise niklega। ham pavitra kaise banenge। tum yahaan aaye ho oonch choti par jaane। jaante ho baap ki shiksha par chalne se ham oonch sukh ki choti par jaayenge। ismen mehnat hai। baap aate hain tower par le jaane। to shreemat par chalna pade। pahle number mein in lakshmi-naaraayan ka hi gaayan hai। woh ekdam tower mein honge। phir kuchh na kuchh kam। nai duniya ko hi tower aaph sukh kaha jaata hai। vahaan koi maili cheez nahin hoti। aisi mitti nahin, aisi havaayen vahaan lagti nahin jo makaanon ko kharaab karen। svarga ki to bahut mahima hai। uske liye purooshaartha karna hai। lakshmi-naaraayan kitne oonch hain, unko dekhne se hi dil khush ho jaati hai। aage chalkar bahuton ko saakshaatkaar hote rahenge। shuru mein kitne saakshaatkaar hote the। kitna baba ne jalva dikhaaya। taaj aadi pahan-kar aate the। woh cheezen to yahaan mil na saken। baba to jauhri hai। aage jo 50 hazaar mein mani lete the woh ab 50 laakh mein bhi na mile। tum svarga ke liye purooshaartha kar rahe ho। vahaan athaah sukh hai। baap itna padhaate hain parantu bachchon mein raat din ka farka pad jaata hai। kahaan raaja raani kahaan daas daasiyaan। jo achhi reeti padhte aur padhaate hain woh chhipe nahin rah sakte hain। jhat kahenge baba ham phalaani jagah jaakar service karte hain। service to dher padi hai। tumhein is jangal ko mangal (mandir) banaana hai। roti tukkad khaaya na khaaya, yeh bhaage service par। dhandhe vaale log aise karte hain। achha graahak aa jaata hai to phir khaaya na khaaya bhaage। dhan kamaane ka shauk rehta hai। yeh to behad ke baap se athaah dhan milta hai। bhal thoda time pada hai parantu kal shareer chhoot jaae, koi bharosa nahin hai। vinaash to hona hi hai। tumhaare liye to mirooa maut malooka shikaar। tumhaari khushi ka paaraavaar nahin। tumko beanta khushi honi chaahiye। tumko bahuton ka kalyaan karna hai। pichhaadi ko karmaateet avastha honi hai। tum yaad karte-karte ashareeri ban jaayenge tab anaayaas hi udenge। yeh badi mehnat hai। koi to bahut service karte hain। saara din museum samjhaane par khade hain। din raat service mein tatpar hain। saikdon museum khul jaayenge। laakhon log tumhaare paas aayenge, tumko phursat nahin milegi। sabse jaasti tumhaare dukaan niklenge - in avinaashi gyaan ratnon ke। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan ki dhaarna karne ke liye pahle apni buddhi golden ej ki banaao। baap ki yaad ke sivaae aur kisi bhi cheez mein mamatva na rahe।

2) karmaateet avastha ko praapta kar ghar jaane ke liye ashareeri banne ka abhyaas karo। apni chaal bhi dekho ki kisko duhkh to nahin dete hain। baap samaan meethe bane hain।

vardaan:- sahanshakti ki dhaarna dvaara satyata ko apnaane vaale sada ke vijayi bhav

duniya vaale kehte hain ki aajkal sachche logon ka chalna hi mushkil hai, jhooth bolna hi padega, kai brahman aatmaayen bhi samajhti hain ki kahaan-kahaan chaturaai se to chalna hi padta hai, lekin brahma baap ko dekha satyata va pavitrata ke liye kitni opposition hui phir bhi ghabraaye nahin। satyata ke liye sahanshakti ki aavashyakta hoti hai। sahan karna padta hai, jhukna padta hai, haar maanni padti hai lekin woh haar nahin hai, sada ki vijay hai।

slogan:- prasanna rehna aur prasanna karna - yeh hai duaayen dena aur duaayen lena।

avyakti silence dvaara double light pharishta sthiti ka anubhav karo

mera to ek baba aur mera sab kuchh is ek mere me sama jaae। jahaan chaaho, jaise chaaho, jitna samay chaaho utna samay man ekaagra ho jaae, isko kaha jaata hai man vash mein hai। is ekaagrata arthaat ekras sweet silence ki sthiti dvaara sahaj hi double light pharishta swaroop ki anubhooti hoti hai।