बुधवार 17 जनवरी 2024 की दैनिक मुरली

17-01-2024 praatahmurli om shanti "baapdaada"' madhuban

“meethe bachche - baba ko pyaar se yaad karte raho, shreemat par sada chalo, padhaai par poora attention do to tumhein sab regard denge।''

prashn:- ateendriy sukh ka anubhav kin bachchon ko ho sakta hai?

uttar:- 1- jo dehi-abhimaani hain, iske liye jab kisi se baat karte ho ya samjhaate ho to samjho main aatma bhaai se baat karta hoon। bhaai-bhaai ki drishti pakki karne se dehi-abhimaani bante jaayenge। 2- jinhen nasha hai ki ham bhagwan ke student hain unhein hi ateendriy sukh ka anubhav hoga।

geet:- kaun aaya mere man ke dvaare…

om shanti। baap baith bachchon ko samjhaate hain। doosri koi sanstha mein aise nahin kehte ki baap bachchon ko samjhaate hain। bachche jaante hain barobar sab bachchon ka baap ek hi hai। sab brothers hain। us baap se zaroor bachchon ko varsa milta hai। chakra par bhi tum achhi reeti samjha sakte ho ki yeh hai sangam jabki mukti aur jeevanmukti milti hai। tum bachche jeevanmukti mein jaayenge to baaki sab mukti mein jaayenge। sadgati daata, liberator, guide, unko hi kaha jaata hai। raavan raajya mein kitne dher manushya hain। raamraajya mein ek hi aadi sanaatan devi-devta dharma tha। unko aarya aur anaaarya kehte hain। aarya sudhre hue, anaaarya na sudhre hue ko kaha jaata hai। iska arth bhi koi nahin jaante ki sudhre hue se ansudhre kaise bane। aarya koi dharma nahin tha। sudhre hue yeh devtaayen the phir 84 janma ke baad ansudhre bante hain। jo oonche te oonch poojya the vahi pujaari ban pade। ham so ka arth bhi baap hi samjhaate hain। seedhi par samjhaana bahut achha hai। aise nahin ki aatma so paramatma, paramatma so aatma। nahin। yeh to viraat naatak hai। tum jaante ho ham so poojya the phir pujaari banen arthaat ham so devta phir so kshatriy… bante hain। seedhi to zaroor utrenge na। yeh bhi hisaab hai, 84 janma kaun lete hain। baap kehte hain tum apne janmon ko nahin jaante ho, main tumko bataata hoon। yeh chakra hai, usmein ham hi so devta, kshatriy aadi bante hain। 21 janma to naameegraami hain। manushya to in baaton ko jaante hi nahin, tamopradhaan hain। ab tum bachchon ko hi saari knowledge milti hai, parantu samajhte koi mushkil hain, tab kehte hain koton mein koi hi gyaan ko aakar lenge aur devta dharma vaale banenge, ismen aashcharya nahin khaana chaahiye। chakra par samjhaana sahaj hai। yeh satayug, yeh kaliyug ...... kyonki satayug mein hote hi bahut thode hain। jhaad chhota hota hai phir vriddhi ko paata hai। is jhaad ka kisko pata nahin hai। aur brahma ki baat bhi mushkil samajhte hain। bolo, brahma mukh vanshaavli brahman to zaroor chaahiye na। yeh adopted bachche hain। woh brahman hain kukh vanshaavli, yeh brahman hain mukh vanshaavli। yeh hai paraaya raavan raajya। baap ko aakar raam raajya sthaapan karna hota hai, to kismen to pravesh karenge na। dekho, yeh jhaad ke ekdam pichhaadi mein khada hai, inki zadajdeebhoot avastha hai। baap kehte hain main bahut janmon ke ant ke janma mein pravesh karta hoon। yeh antim 84 vaan janma hai। tapasya kar rahe hain। ham inko bhagwan nahin kehte hain। duniya vaalon ne to bhagwan ko sarvavyaapi kah thikkar bhittar mein kah diya hai isliye khud bhi poore thikkar ban pade hain। devtaaon ki to baat hi nyaari hai। ab tum padhkar yeh pad paate ho, kitni oonchi padhaai hai। in devtaaon ko bhagwan bhagavti bhi kehte hain kyonki pavitra hain aur svayan bhagwan dvaara hi is dharma ki sthaapna hui hai। to zaroor bhagwan bhagavti hone chaahiye। parantu unko kaha jaata hai mahaaraani mahaaraaja। baaki shri lakshmi-naaraayan ko bhagavti bhagwan kehna bhi andhashraddha hai kyonki bhagwan to ek hi hai na। tum shiv aur shankar ko bhi alag kar bataate ho। is par vo log kehte hain yeh devtaaon ko bhi uda dete hain। tumhaari buddhi mein to saara chakra hai। parantu jo mahaarthi hain, vahi achhi tarah samjha sakte hain। bahut hain jo bhal sunte hain parantu buddhi mein thaharta nahin, to woh kya banenge? paai paise ke daas daasiyaan banenge। aage chalkar tumko saakshaatkaar honge parantu us samay kuchh kar nahin sakte। time poora ho gaya phir kya kar sakenge isliye baba saavdhaan karte rehte hain। parantu sab oonch chadh jaayen yeh to ho nahin sakta। bartan saaph nahin hai, buddhi mein kichad-patti bhari hui hai। ismen purushaartha bahut achha chaahiye। chitron par samjhaane ki bahut practice karni chaahiye। nahin to pichhaadi mein pachhtaana padega। yeh aatma ko food (bhojan) mil raha hai। yeh to sabko samjhaane ki baaten hain। darne ki koi baat nahin। bade-bade sthaanon par pradarshani, museum hone se naam hota hai। baba ne kaha tha sabse opinion likhaao, woh bhi chhapaani chaahiye। bachchon ko bahut service karni hai। ismen jaanch bhi bahut karni hai, samajhne vaale hain ya nahin। yeh hai nai duniya, yeh hai puraani duniya। yeh to koi bhi samajh sakte hain sirf time lamba kar diya hai, isliye manushya moonjh pade hain। pahle-pahle baap ka parichay dena hai। jo dehi-abhimaani hokar rehte hain, ateendriy sukh unko hi rah sakta hai। sirf bhaashan se kaam nahin hoga। jab bhaashan karte ho to bhi samajhna hai ki main aatma bhaai, bhaai ko samjhaata hoon। aatma-abhimaani banna - ismen badi mehnat chaahiye parantu bachche ghadi-ghadi bhool jaate hain। baap hi aakar bachchon ko samjhaate hain, gaayan bhi hai aatma paramatma alag rahe.. iska arth bhi tum hi jaan sakte ho। jo mahaarthi hain unko apne ko aatma samajh baap ko yaad karne ki bahut practice karni hai, tab to apne ko powerful samjhenge। jo apne ko aatma hi nahin samajhte woh kya dhaarna karenge। yaad se hi tumhaare mein jauhar bharega। gyaan ko bal nahin kaha jaata hai। yogbal kaha jaata hai। yogbal se hi tum vishwa ke maalik bante ho। ab tumko bahuton ko aap samaan banaana hai। jab tak bahuton ko aap samaan nahin banaaya hai tab tak vinaash ho na sake। bhal badi ladaai lag jaae parantu phir banda hoti rehti hai। abhi to bahuton ke paas bombs hain, parantu yeh rakhne ki cheez nahin hai। puraani duniya ka vinaash aur ek aadi sanaatan dharma ki sthaapna honi hai zaroor। thode samay ke baad sab kahenge barobar yeh vahi mahaabhaari ladaai hai। bhagwan bhi hai zaroor। jab tumhaare paas bahut log aayenge tab sab maanne lagenge, kahenge yeh to vriddhi ko paate rehte hain, inmen bahut might hai। tum jitna yaad mein rahenge utni tumhaare mein taakat bharegi। baap ki yaad se hi tum auron ko light dete ho। yeh daada (brahma) bhi kehte hain mere se bhi yeh bachche bahut achhi service karte hain। abhi thodi deri hai, yog mein yathaartha reeti koi rah nahin sakta। khud bhi feel karte hain ki yog mein ham kam hain isliye baraabar teer nahin lagta hai। bhagwan kumaariyon mein gyaan baan bharte hain। tum prajaapita brahmaakumaar, brahmaakumaariyaan ho na। yeh hai brahma। tum ho adopted bachche। creator to ek hi hai, baaki sab padh rahe hain। usmein yeh brahma bhi aa gaya। phir yeh rachna ho gai na। tum devta banne vaale ho। daivi gun dhaaran kar rahe ho। kahaan-kahaan donon pahiye chal nahin sakte। jaise ki reti par khade hain। baba naam nahin lete hain। nahin to samajhna chaahiye baba sach kehte hain। bachche bhi ek do ke svabhaav ko jaan sakte hain, jinka aapas mein kaam rehta hai।

bachche samajhte hain ham hi sirtaaj the। ab phir bante hain। pahle tum kisko samjhaate ho to maanne liye taiyaar nahin hote। phir dheere-dheere samajhte hain, ismen buddhi bahut chaahiye। aatma mein buddhi hai। aatma sat chit, aanand swaroop hai। ab tum bachchon ko dehi-abhimaani banaaya jaata hai। jab tak baap na aaye tab tak koi dehi-abhimaani ban na sake। ab baap kehte hain aatma-abhimaani bhav। maamekam yaad karo to mere se shakti milegi। yeh dharma bahut taakat vaala hai। saare vishwa par raajya karte hain, kam baat hai kya? tumko taakat milti hai - baap ke saath yog lagaane se। yeh hai nai baat, jo achhi reeti samjhaana padta hai। aatmaon ka behad ka baap vahi hai। vahi nai duniya ka rachayita hai। to shiv ka occupation samjhaao ki woh aakar kya karte hain। shreekrishna jayanti aur shiv jayanti donon ki manaate hain। ab donon mein bada kaun? oonch te oonch niraakaar। usne kya kiya jo shiv jayanti manaai jaati hai, krishna ne kya kiya? likha hua hai ki parampita paramatma saadhaaran boodhe tan mein aakar sthaapna karte hain। anek prakaar ke mat mataantar hain। shreemat to ek hi hai, jisse tum shreshtha bante ho। maanav mat se shreshtha kaise banenge। yeh eeshvareey mat jo tumko ek hi baar sangam par milti hai। devtaayen to mat dete nahin। manushya se devta ban gaye bas, khalaas। vahaan guru aadi bhi nahin karte। yahaan manushya mat lete hain guru ki। to yukti se samjhaana hai ham hain raajayogi। hathayogi kabhi raajayog sikhla na saken। ve hain hi nivritti maarga vaale। teerthon par pravritti maarga vaalon ko hi jaana hai।

tum bachchon ko koi bhi baat mein moonjhana nahin hai। yeh drama bana banaaya hai jo repeat hota rehta hai। tumhaari service bhi kalpa pahle misal hoti hai। drama hi tumko purushaartha karaate hain। woh bhi tum karte ho kalpa pahle misal। purushaartha vaalon ki chalan se tum samajh sakte ho, tab to pradarshani mein group dekhkar guide diya jaata hai taaki achhi reeti samjha sake। padhaane vaala baap to achhi reeti jaante hain। kitni vishaal behad ki buddhi banaate hain। tumko nasha rehna chaahiye ki ham kiske bachche hain। bhagwan hamko padhaate hain। koi nahin padh sakte to bhaag jaate hain। bhagwan bhi samajhte hain yeh hamaara bachcha nahin hai। tum dekhte ho bhagwan ke bachche padhte the phir bhaag gaye phir kuchh samajh mein aa jaata hai to phir bhi padhne lag jaate hain। phir yog mein achhi reeti rahen to oonch pad pa sakte hain। samjhenge barobar hamne time bahut vesta kiya jo aisa school chhod diya। ab to zaroor baap se varsa lenge। baap ko yaad karte-karte athva baba-baba kah romaanch khade ho jaane chaahiye। baba hamko oonch pad praapta karaate hain। ham kitne bhaagyashaali hain। ghadi-ghadi baba ki yaad rahe, direction par chalta rahe to bahut unnati ho sakti hai। phir unko sabhi bahut regard denge। baba kehte - padhe aage anapdhe bhari dhoyenge। deh-abhimaan vaale ko daivi gunon ki dhaarna ho na sake। tumhaara chehra first-class hona chaahiye। kehte hain ateendriy sukh unhon se poochho jinhon ko bhagwan padhaate hain। kitna padhaai par attention dena chaahiye aur shreemat par chalna chaahiye। tumhaare yog ki taakat se vishwa bhi pavitra ban jaata hai। tum yog se vishwa ko pavitra banaate ho। kamaal hai। govardhan pahaad ko anguli par uthaana hai। is chhi-chhi duniya ko jinhonne pavitra banaaya - yeh unki nishaani hai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) satya gyaan ko buddhi mein dhaaran karne ke liye buddhi roopi bartan ko saaph svachchha banaana hai। vyartha baaton ko buddhi se nikaal dena hai।

2) daivi gunon ki dhaarna aur padhaai par poora attention de ateendriy sukh ka anubhav karna hai। sada isi nashe mein rehna hai ki ham bhagwan ke bachche hain, vahi hamko padhaate hain।

vardaan:- nishchay ke foundation dvaara sampoornata tak pahunchne vaale nishchaybuddhi, nishchint bhav

nishchay is brahman jeevan ki sampannata ka foundation hai aur yeh foundation majboot hai to sahaj aur teevragti se sampoornata tak pahunchna nishchit hai। jo yathaartha nishchaybuddhi hain woh sada nishchint rehte hain। yathaartha nishchay hai apne aatma-swaroop ko jaanna, maanna aur usi pramaan chalna aur baap jo hai jaisa hai, jis roop mein part baja rahe hain use yathaartha jaanna। aise nishchaybuddhi vijayi hote hain।

slogan:- apne samay ko, sukhon ko, praapti ki ichchha ko sarva ke prati daan karne vaale hi mahaadaani hain।

avyakti silence dvaara double light pharishta sthiti ka anubhav karo

jaise shuru-shuru mein abhyaas karte the - chal rahe hain lekin sthiti aise jo doosre samajhte ki yeh koi light ja rahi hai, unko shareer dikhaai nahin deta tha, isi abhyaas se har prakaar ke paper mein paas hue। to abhi jabki samay bahut kharaab aa raha hai to double light rahne ka abhyaas badhaao। doosron ko sadaiv aapka light roop dikhaai de - yahi safety hai। andar aave aur light ka kila dekhe।